#O‘quvchilar_ijodidan

✍ODINA EGAMBERDIYEVA,
Ijod maktabining 11-sinf o‘quvchisi

ANDIJON

Maysalaring kuylardek mayin,
Tarixingdir tuganmas kitob.
Samolarda sayr etsa quyosh,
Tunlaringda to‘lin mohitob.

Dalalarda ko‘klaming isi,
Yosh-u qari birdek xursand, shod.
Bolalarning beg‘uborligi
Ko‘ngillarni qiladi obod.

Andijonim, yuksalgin mangu,
Go‘zal bo‘lgin har dam va har choq.
Chiroyingga ko‘zlar tegmasin,
O‘zim bo‘lay senga ko‘zmunchoq.

👉@ptma_myim

#O‘quvchilar_ijodidan

✍ODINA EGAMBERDIYEVA,
Ijod maktabining 11-sinf o‘quvchisi

ANDIJON

Maysalaring kuylardek mayin,
Tarixingdir tuganmas kitob.
Samolarda sayr etsa quyosh,
Tunlaringda to‘lin mohitob.

Dalalarda ko‘klaming isi,
Yosh-u qari birdek xursand, shod.
Bolalarning beg‘uborligi
Ko‘ngillarni qiladi obod.

Andijonim, yuksalgin mangu,
Go‘zal bo‘lgin har dam va har choq.
Chiroyingga ko‘zlar tegmasin,
O‘zim bo‘lay senga ko‘zmunchoq.

👉@ptma_myim

#O‘quvchilar_ijodidan

Vatan

Vatanim, iforing gullar atriday,
Har go'shang so'limdir zamon qasriday,
El azizdir hatto inson qadriday
Kaftimda saqlabon sevaman Vatan.

Ko'z ochib  ko'rganim jannatim o'zing,
Tenggi yo'q bebaho ne'matim o'zing,
Dunyoda yagona davlatim o'zing,
Seni gulday asrab sevaman Vatan.

Kundan -kun ko'rkamdir xiyobonlaring
Shahar-u, qishlog'ing biyobonlaring,
Bundan-da ko'paysin sharaf-shonlaring,
Madhingni kuylabon sevaman Vatan.

Sen mening shavkatim shuhratimdirsan,
Butun jahon uzra qudtatimdirsan,
Olloh in'om etgan mukotimsan,
Qanday bo'lsang shunday sevaman Vatan.

Biz yoshlar qurgaymiy hali zo'r davlat,
Tangrim qo'llab turgay bo'lib kuch, madad,
Yurtboshim ishonchin oqlaymiz albat,
Seni to o'lguncha sevaman VATAN!

✍️Gulbadanbegim Aliqulova
Muhammad Yusuf nomidagi ijod maktabining 10-sinf o'quvchisi

@ptma_myim

#O‘quvchilar_ijodidan

*

Ayni qish avjida, lek qor yo’q,
Izg’irin shamoldan titrar yer.
Issiq uy oynasi parlangan
Go’yo yor labida reza ter.

Oqshomlar suzadi ko’kda moh
Va zulmat uyqumni chopadi.
Erta tong qizil tog’ soyasi,
Oyni oq etagda yopadi.

Buruhsib tutaydi mo’rilar,
Tutundan chizilar qish rasmi.
Suratda hech narsa ko’rinmas
Va zulmat, go’yoki “jin bazmi”

Tutlarning qavargan shoxlari
Eslatar yosuman sochini.
Quzg’unlar, erksizlik zohlari
Cho’qiydi erkimning tojini.

Yulqindi Behbudiy pok yuzi
Lekin haq olinur, berilmas.
Fevralda to’lishdi yangi oy,
U mangu, endi hech bo’linmas

✍️Akmal Abdurahmonov
Muhammad Yusuf nomidagi ijod maktabining 11-sinf o‘quvchisi, "Mard o‘g‘lon" davlat mukofoti sohibi.

👉@ptma_myim

#Muhammad_Yusuf_nomidagi_ijod_maktabi
#5_yoshda
#o‘quvchilar_ijodidan

Ey ijod maktabi, nazm gulshani,
Adabiyot, sanʼat-u ijod oshyoni.
Taʼlim olib senda eng yangi avlod,
Lol qoldirar bugun butun dunyoni.

Goʻyo duo olib turar maktabim,
Nazm-u nasr bogʻi dargʻalaridan.
Niholmiz qonib suv ichaylik bugun,
Buyuk adabiyot jilgʻalaridan.

Adabiyot, sanʼatni sevgan millatlar
Maʼnaviyat quyoshi bilan porlagay.
Ijod maktabimiz barcha-barchani
Ezgulik bayrogʻi bilan chorlagay.

Zarur bilimlarni egallab bugun,
Ertaga shu xalqqa nafimiz tegsin .
Ijod maktabining muallimlari,
Yana qancha minglab nihollar eksin.

✍Rohila Roʻzimannopova
Muhammad Yusuf nomidagi ijod maktabi 7-sinf oʻquvchisi

👉@ptma_myim

#O‘quvchilar_ijodidan

Ogahiy - hamisha barhayot

Xorazm bag'ringda ulg'aygan ne ne daholar,
Necha ming zotlarga bo'lding sen bayot.
She'riyat gulshanin gullatgan shoir
Ogahiy dillarda mangu barhayot.

G'azal bo'stonida charx urgan xumo,
"Navro'zi" baxsh etgan dillarga hayot
"Iqbol bog'lari"ga yetaklar ohang,
Ogahiy tillarda mangu barhayot.

"Oshiqlar tumori" yodimda har dam,
O'qisam yuraklar qo'msaydi hayhot.
"Saodat bog'i"ga chorlagan daho
Ogahiy kuylarda mangu barhayot.

"Qasidayi nasihatin" olib qo'limga
Ibratlardan mudom topaman najot
Hikmatlari muhrlab qo'yilgan dilga,
Ogahiy qalblarda mangu barhayot.

Bugun uning nomi o'chmas dillardan,
Shoh baytlari berar ko'ngilga qanot.
Foniy hayotida boqiy nom olgan,
Ogahiy o'lmaydi, mangu barhayot!!!

✍Gulbadanbegim Aliqulova
Muhammad Yusuf nomidagi ijod maktabi 10-sinf o'quvchisi

#O‘quvchilar_ijodidan

VATAN

Bag‘ringda bo‘lsam ham talpinib senga,
Har otgan tongingni qo‘msayman, Vatan.
Har hovuch tuprog‘ing ko‘zga to‘tiyo,
Dunyolarga seni alishmam, Vatan.

Bu yurtning sururli soylari aziz,
Bu yurtning g‘ururli tog‘lari aziz.
Momaqaldiroqli chog‘lari aziz,
Ajdodlardan meros xazinam Vatan.

Mehringni yurakdan tuyaman mudom,
Fitrat, Cho‘lponlaring kabi sodiqman.
Farzandingman, meni xizmatga buyur,
Tinchliging tilayman subhi sodiqdan.

✍Husniya ABDULHAMIDOVA
Muhammad Yusuf nomidagi ijod maktabining 9-sinf o‘quvchisi

@itma_myim