* Челленж давом этади

Когон туманидаги 5-ИДУМ  5-синф ўқувчиси Сабрина Ўлмасова.

Уланиш учун: https://t.iss.one/ijod_bustoni

Hazrat Navoiy haqida

Adabiyotshunos olim Ibrohim Haqqul

Уланиш учун: https://t.iss.one/ijod_bustoni

* Челленж давом этади

Когон туманидаги 22-умумтаълим мактаби 2-синф ўқувчиси Пўлатбек Шаропов.

Уланиш учун: https://t.iss.one/ijod_bustoni

* * *
Менга хуш хабар айт, ёлғон бўлса ҳам…
Дарду машаққатлар ўтгайдир бари,
Ўксима, оёққа тургайсан, деб айт.
Умрингнинг фараҳбахш, тотли онлари
Ҳали олдиндадир, кўргайсан, деб айт.

Менга хуш хабар айт, ёлғон бўлса ҳам…
Дўстларинг бордир-ку ҳали дунёда.
Сени кулфатларда қолдирмас, деб айт.
Ёвузлик бўлса ҳам ҳаддан зиёда,
Сени чангалига олдирмас, деб айт.

Менга хуш хабар айт, ёлғон бўлса ҳам…
Олис муҳаббатинг сўнмаган ҳамон,
То ҳануз унутмай юрибди дегил.
Сарғайган дафтарин варақлаб пинҳон,
У сени тушида кўрибди дегил.

Менга хуш хабар айт, ёлғон бўлса ҳам…

Абдулла ОРИПОВ

Уланиш учун: https://t.iss.one/ijod_bustoni

* Челленж давом этади

ИККИ ПИР – ИККИ ПОДШОҲ

Менинг кўнглим бугун икки улуғ пирни тилар бир-бир:
Бири ҳазрат Навоий, ул бири саргашта Бобурдир.

Тилим сўйлар, дилим ёдлар ғазалларни қилиб такрор,
Бу сўзлар шодасидирми ва ёки марварид, дурдир.

Қизил, сориғ, яшилдир деб чизар ҳазрат умид рангин,
Магар рангинкамон янглиғ юракда тебранар бир сир.

Яна майхонани бу дил тилар эрса, билинг, эй дўст,
Кўнгил жомида бу оқшом шу икки чеҳрадир зоҳир.

Ана, олис Ҳирот ичра қилур фарёд Навоий зор,
Ана, Ҳинд сорида йиғлар менинг маҳзун оғам Бобур.

Неки қисмат тушар бошга, неки тунлар кечар бедор,
Юрак қилган нидолардан туғилмишдир ғазал нодир.

Сабо, еткур менинг эъзозларимни сен улуғларга,
Дегилки, сўзга ошуфта юрак мўъжизага қодир.

Еру кўкни бино қилган Эгам, сенга шудир нолам:
Бўлай фарзанд уларга мен, тилим бийрон, сўзим соҳир.

Назм мулкининг икки подишоҳи то рўзи маҳшар:
Бири ҳазрат Навоий, ул бири дилхаста Бобурдир.

Дилобар ЖЎРАЕВА

Уланиш учун: https://t.iss.one/ijod_bustoni

* Челленж давом этади

Гулдаста

Навоий ғазаллари асосида

Ўзбекистон давлат филармонияси вилоят бўлинмаси ҳузуридаги “Мавриги” ансамбли ижросида

Уланиш учун: https://t.iss.one/ijod_bustoni

НАВОИЙ ВА БОБУР – МАНГУ МУЗАФФАР

Буюк шоир ва давлат арбоби Алишер Навоий ҳамда шоҳ ва шоир Заҳириддин Муҳаммад Бобурнинг бой ва серқирра ижодий меросини ўрганиш ва кенг тарғиб қилиш бугун ҳар қачонгидан ҳам кўпроқ долзарблик касб этмоқда. Зеро, олам ва одам, жамият ва инсон муносабатларидаги энг муҳим жиҳатлари таҳлил этилган, покиза ахлоқ, адлу диёнат, айниқса, ёш авлод камолоти масаласи етакчи маслак сифатида намоён бўлган мазкур асарлар глобаллашув давридаги маънавий эврилишлар жараёнини бошдан кечираётган жамиятимиз учун баайни дармондоридир.
Бухоро шаҳридаги Осиё халқаро университетида икки маънавият дарғаси таваллуд кунлари муносабати билан ўтказилган ижодий кеча давомида бунга такрор-такрор урғу берилди. Улар илгари сурган ғояларнинг умрбоқий моҳияти ва аҳамияти таъкидланди.
Университет талаба-ёшлари ижросидаги ғазал ва рубоийлар навқирон авлод вакилларининг икки мутафаккир даҳоси ва меросига эҳтироми рамзи сифатида барчага манзур бўлди.

Суҳроб ҲАМРОЕВ

Уланиш учун: https://t.iss.one/ijod_bustoni

* Челленж давом этади

Бухоро шаҳридаги 29-ИДУМ педагогик жамоаси.

Уланиш учун: https://t.iss.one/ijod_bustoni

НАВОИЙГА ҚАЙТАМИЗ

Бугун ҳазрат руҳи олдида
Узримизни айтамиз, болам.
Умр ўтиб кетмай беҳуда,
Навоийга қайтамиз, болам.

Бир мисра завқига арзимас,
Нималарни қилмадик ҳавас,
Бўлди етар, болам, энди бас,
Навоийга қайтамиз, болам.

Майдалашдик, ўзни хор этдик,
Узоқлашдик, улоқиб кетдик,
Билмадим, қай манзилга етдик,
Навоийга қайтамиз, болам.

Биз бир ғофил, ғирт бемаънимиз,
Шу бўлдими, обрў, шаънимиз,
Етар шунча мудраганимиз,
Навоийга қайтамиз, болам.

Бир сас келар дил қатларидан,
Энг беғубор хилқатларидан,
Ибрат олиб ҳикматларидан,
Навоийга қайтамиз, болам.

Чин, ҳақ сўзни айтмасак бўлмас,
Айтилгандан кўнглимиз тўлмас,
Болам, энди қайтмасак бўлмас,
Навоийга қайтамиз, болам.

Мақсуд БОЗОРОВ

Жондор тумани

Уланиш учун: https://t.iss.one/ijod_bustoni

* Челленж давом этади

Жондор туманидаги 48-умумтаълим мактаби ўқувчиси Чарос Исмоилова

Уланиш учун: https://t.iss.one/ijod_bustoni

* Ифтихор

Бугун – миллат қуёши, буюк сўз заргари, ғазал мулкининг султони, давлат ва жамоат арбоби Низомиддин Мир Алишер Навоий таваллуд топган кун!

Уланиш учун: https://t.iss.one/ijod_bustoni

* Челленж давом этади

НАВОИЙДАН НАВО ИСТАР ДИЛ

Кунлар нурдай шоша бошласа,
Дардлар ҳаддан оша бошласа,
Сабринг косасига қуйилган
Ғамлар қайнаб, тоша бошласа,
Навоийга талпинар кўнгил,
Навоийдан наво истар дил.

Ёлғизликдан руҳ чекса азоб,
Таскин беролмаса минг китоб,
Чирмовуқдай ўраса жонни
Шаклу шамойилсиз изтироб,
Туюлса гар бир лаҳза – бир йил,
Навоийдан наво истар дил.

Жунун водийсида сен – Лайли,
Мен – Мажнунман, шу ишқ туфайли.
Фироқ тоғин қазгайдир Фарҳод,
Гар шу бўлса Шириннинг майли.
Эй кўзлари яғмо, бели қил,
Навоийдан наво истар дил.

Ҳар сайроқ қуш булбулгўёми,
Ҳар оқар сув Амударёми.
Куйсиз дунё – қақраган саҳро,
Навоийсиз дунё – дунёми?
Сўзга топин, куйга таъзим қил,
Навоийдан наво истар дил.

Зулмат каби кўринса кунинг,
Асрлардай чўзилса тунинг.
Парчаланса озурда жон, руҳ,
Бўлак-бўлак бўлса бутунинг.
Кенг дунёга сиғмай қолсанг, бил –
Навоийдан наво истар дил.

Абдунаби ҲАМРО

Уланиш учун: https://t.iss.one/ijod_bustoni

* Челленж давом этади

Абдунаби Ҳамро. Навоийдан наво истар дил...

Шеърни Вобкент туманидаги 28-умумий ўрта таълим мактаби ўқувчиси Миржон Тоҳиров ўқиди.

Уланиш учун: https://t.iss.one/ijod_bustoni

НАВОИЙ

Навоий бу — кўламга кўра
Адоқсиз ва бениҳоядир.
Навоий бу — миллий мафкура,
Навоий бу — миллий ғоядир.

Аҳли аёл тутмабдир Ҳазрат,
Эл лол: “Қандай ҳаёт бўлади?”
Навоийни англаган миллат
Навоийга авлод бўлади.

Иқбол МИРЗО

Уланиш учун: https://t.iss.one/ijod_bustoni

* Челленж давом этади

Навоий бобомлар – қутлуғ одамлар!

Вилоят ички ишлар бошқармаси тасарруфидаги “Юлдузча” мактабгача таълим ташкилоти тарбияланувчиси Бахтиёржон Ҳамидов.

Уланиш учун: https://t.iss.one/ijod_bustoni