#Қонунчиликдаги_янгиликлар

“Масофавий электрон декларациялаш” божхона постлари ташкил этилади

“Божхона тартиб-таомилларини соддалаштириш ва давлат божхона хизмати органлари ташкилий тузилмасини янада такомиллаштириш тўғрисида”ги Президент фармони (ПФ–6310-сон, 10.09.2021 й.) қабул қилинди.

🔘 Фармон билан қуйидаги ҳудудларда тоифадан ташқари мақомга эга бўлган “Масофавий электрон декларациялаш” божхона постлари босқичма-босқич ташкил этилади:

● 2021 йил 1 октябрдан Тошкент, Сирдарё, Қашқадарё ва Хоразм вилоятлари божхона бошқармаларида;
● 2022 йил 1 апрелдан бошқа ҳудудий бошқармаларда.

☑️ 2021 йил 1 октябрдан “Масофавий электрон декларациялаш” постлари ташқи иқтисодий фаолият (ТИФ) иштирокчиларининг электрон божхона юк декларацияларини масофавий расмийлаштиради.

🔰 2021 йил 1 декабрдан “Масофавий электрон декларациялаш” Давлат чегараси орқали автомобиль ўтказиш пунктларида:

➖ ветеринария ва фитосанитария органларининг ҳужжатларини “Ягона дарча” божхона ахборот тизими орқали текширади;
➖ ветеринария ва фитосанитария органларининг товар-транспорт ҳужжатларига муҳр босиш ва рўйхатга олиш амалиёти бекор қилинади.

✅ 2022 йил 1 январдан: ⬇️

👉 ортиқча тўланган ёки ундирилган божхона тўловлари ТИФ иштирокчисига 3 иш куни давомида қайтарилади;
👉 божхона тўловларини кечиктириб ёки бўлиб-бўлиб тўлашнинг энг кам муддати 14 кун этиб белгиланади ва ушбу муддатда фоизлар ундирилмайди;
👉 Давлат божхона қўмитаси тизимида Марказий божхона лабораторияси ташкил этилади.

📌 Лаборатория Жаҳон божхона ташкилотининг “Минтақавий божхона лабораторияси” мақомини олиш чоралари кўрилади.

🔬 Лаборатория никотин сақловчи маҳсулотлар ва спиртли ичимликлар таркибини аниқлаш, товарларни экспертизадан ўтказиш ва сертификациялаш билан боғлиқ бошқа хизматларни кўрсатади.

https://t.iss.one/iiv_huquqiy_targibot

#Биласизми

📗 Маъмурий жавобгарлик тўғрисидаги кодекснинг 291-моддасига асосан

📆 Йўл ҳаракати қоидаларини бузганлик учун жарима солиш ҳақида қарор чиқарилган кундан эътиборан олтмиш кун ичида жарима тўланмаган тақдирда,

‼️ транспорт воситаси жарима солиш тўғрисида қарор чиқарган ваколатли орган раҳбарининг ёзма кўрсатмасига биноан жарима солиш тўғрисидаги қарорнинг ижроси юзасидан иш юритиш тугагунига қадар ушлаб турилади.

https://t.iss.one/iiv_huquqiy_targibot

Шавкат Мирзиёев ШҲТнинг юбилей саммитида иштирок этади

✈️ 16-17 сентябрь кунлари Президент Ш. Мирзиёев Душанбе шаҳрида ШҲТга аъзо давлатлар раҳбарлари кенгашининг навбатдаги йиғилишида иштирок этади.

🤝 Саммитнинг биринчи кунида давлатимиз раҳбари Ташкилотга раислик қилаётган
🇹🇯Тожикистон Президенти Эмомали Раҳмон,
🇷🇺 Россия Президенти Владимир Путин,
🇵🇰Покистон Бош вазири Имрон Хон билан
17 сентябрь куни эса
🇮🇷Эрон Президенти Иброҳим Раисий билан икки томонлама учрашувлар ўтказади.

✔️ 17 сентябрь куни давлат раҳбарларининг йиғилиши ўтказилади.

🌐 Саммит якунида ШҲТга раислик Тожикистондан Ўзбекистонга ўтади.

https://t.iss.one/iiv_huquqiy_targibot

⁉️ "Фуқаролиги бўлмаган шахс" ва "чет эл фуқароси" деганда кимлар тушунилади?

🔻 Ўзбекистон Республикасининг "Ўзбекистон Республикасида чет эл фуқаролигининг ва фуқаролиги бўлмаган шахсларнинг ҳуқуқий ҳолати тўғрисида"ги (ЎРҚ-692, 04.06.2021 й.) қонунига кўра

🔹 фуқаролиги бўлмаган шахс — Ўзбекистон Республикасининг фуқароси бўлмаган ва ўзининг чет давлат фуқаролигига мансублигига доир далилга эга бўлмаган шахс;

🔹 чет эл фуқароси — Ўзбекистон Республикасининг фуқаролигига эга бўлмаган, бошқа давлат фуқаролигига ва ўзининг бошқа давлат фуқаролигига мансублигига доир далилга эга бўлган шахс ҳисобланади.

https://t.iss.one/iiv_huquqiy_targibot

#ИИВ_генераллари

Генерал-майор - Ниёзов Шуҳрат Ниёзович

1949 йил 14 июлда Тошкент вилояти Тошкент туманида туғилган.

1970 йилда Дзержинский номидаги Саратов олий ҳарбий билим юртини тугатди.

1971 йилда ўз иш фаолиятини ИИВ Конвой дивизиясининг взвод командири лавозимида бошлаган Ниёзов 1992-1993 йилларда ИИВ ички қўшинлар штаб бошлиғи лавозимигача бўлган йўлни босиб ўтди.

🏛 1993 йилдан 2009 йилгача Тошкент олий ҳарбий-техника билим юрти бошлиғи сифатида самарали хизмат қилди.

🌟 Биринчи Президентимиз
И. Каримовнинг 1999 йилдаги Фармони билан Ш. Ниёзов "генерал-майор" унвонига сазовор бўлди.

🎖 Генерал-майор Ш. Ниёзовнинг бенуқсон хизматлари инобатга олиниб, у "Меҳнат шуҳрати", II даражали "Шон-шараф" орденлари, "Жасорат" медали билан тақдирланган.

https://t.iss.one/iiv_huquqiy_targibot

1️⃣4️⃣ СЕНТЯБР САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

👑 786 йил — Аббосий Ҳорун Ар -Рашид халифа бўлган;

❌ 1811 йил— Пруссияда феодал тузум бекор қилинган;

⚔️ 1812 йил —Бородино жангидан бир ҳафта ўтгач, Наполеон қўшинлари Москвага кирган;

📜 1829 йил —Россия ва Туркия ўртасида Адрианопол тинчлик шартномаси имзоланган;

1927 йил — Америкалик раққоса Айседора Дункан Ницца шаҳрида рўмоли машина ғилдирагига ўралиб қолиб, вафот этган;

❌ 1957 йил —БМТ Совет қўшинларининг Венгрияга киришини қоралаган;

🚀1959 йил —«Луна -2» космик кемаси дунёда биринчи марта Ой юзасига чиққан;.

📌 1960 йил —Нефть экспорт қилувчи давлатлар ташкилоти (OPEC) ташкил этилди. Унга Ироқ, Эрон, Кувайт, Саудия Арабистони ва Венесуэла кирган;

📌 1984 йил —нафақадаги америкалик ҳарбий учувчи Жозеф Киттингер Атлантика океани бўйлаб дунёдаги биринчи ҳаво шарида парвозни амалга оширган;

🇺🇿 1991 йил —Ўзбекистон Коммунистик партияси тарқатиб юборилган ва Халқ демократик партияси сифатида қайта ташкил этилган.

🔎 https://t.iss.one/iiv_huquqiy_targibot

✅ Ўзбекистон Республикаси Президентлигига барча номзодлар рўйхатга олинди

Марказий сайлов комиссияси қарорига мувофиқ, шу йилнинг 24 октябрь куни бўлиб ўтадиган Президентлик сайловларида иштирок этадиган номзодлар рўйхатга олинди.

👉 Ўзбекистон Республикаси Президентлигига номзодлар билан танишинг:

🔹 Ўзбекистон «Миллий тикланиш» демократик партиясидан Алишер Қодиров;

🔹 Ўзбекистон Экологик партиясидан Нарзулла Обломуродов.

🔹 Ўзбекистон Халқ демократик партиясидан Мақсуда Ворисова;

🔹Ўзбекистон «Адолат» социал-демократик партиясидан Баҳром Абдуҳалимов;

🔹 Тадбиркорлар ва ишбилармонлар ҳаракати - Ўзбекистон Либерал демократик партиясидан Шавкат Мирзиёев;

@iiv_huquqiy_targibot

#Биласизми

⁉️ Қандай ҳолатларда ЙТҲ ҳақида хаборманомани ҳайдовчиларнинг ўзи тузиши мумкин бўлади?

♻️ Ўзбекистон Республикасининг ЎРҚ-711-сон (25.08.2021 й.) Қонунига асосан

👮🏼‍♀️ ЙТҲ тўғрисидаги хабарнома унда иштирок этган ҳайдовчилар томонидан ИИО ходимларининг иштирокисиз тузилади.

✅ Хабарномани тузиш учун бир вақтнинг ўзида қуйидагилар асос бўлади:

🔹 йўл-транспорт ҳодисаси жабрланувчига енгил тан жароҳати етказилишига ёхуд йўл ҳаракатини тартибга солувчи воситалар ёки бошқа мол-мулк шикастланишига олиб келмаган бўлса;

🔹 ЙТҲда иштирокчи бўлган ҳайдовчилардан бири ўз айбига тўлиқ иқрор бўлса;

🔹 ЙТҲ пиёда иштирокисиз содир этилган бўлса;

🔹 ЙТҲ иккита транспорт воситаси тўқнашуви натижасида рўй берган ҳамда фақат ушбу транспорт воситаларига шикаст етказилган бўлса;

🔹 транспорт воситалари эгаларининг фуқаролик жавобгарлиги ЙТҲ содир этилгунига қадар суғурта қилинган бўлса;

🔹 ЙТҲда иштирок этган ҳайдовчиларда ҳайдовчилик гувоҳномаси, транспорт воситаси рўйхатдан ўтказилганлиги тўғрисидаги гувоҳнома, ишончнома, йўл варақаси мавжуд бўлиб, мазкур ҳужжатларнинг амал қилиш муддати ўтмаган бўлса;

🔹 ЙТҲ иштирокчилари бўлган ҳайдовчиларда мастлик ҳолати бўлмаса;

🔹 ЙТҲ натижасида транспорт воситаларининг шикастланиши ҳолатлари ЙТҲ иштирокчилари ўртасида келишмовчиликларни келтириб чиқармаса.

❌ Кўрсатилган асослардан биттаси мавжуд бўлмаган тақдирда, тузилган ЙТҲ ҳақидаги хабарнома ҳақиқий эмас деб ҳисобланади.

https://t.iss.one/iiv_huquqiy_targibot

⁉️ Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқлари нималардан иборат?

✒️ Ўзбекистон Республикасининг "Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида"ги (ЎРҚ-692-сон, 04.06.2021 й.) Қонунига асосан

Эркинлик ва шахсий дахлсизлик ҳуқуқи

✅ Ўзбекистон Республикаси ҳудудида турган чет эл фуқаролари ва фуқаролиги бўлмаган шахслар ўз шаъни ва обрўсига қилинган тажовузлардан, шахсий ҳаётига аралашишдан ҳимояланиш,

🏠 турар жойи дахлсизлиги ҳуқуқига эга.

⚖️ Ўзбекистон Республикаси ҳудудида турган чет эл фуқароларига ва фуқаролиги бўлмаган шахсларга нисбатан фақат Ўзбекистон Республикасининг қонунлари асосида процессуал мажбурлов ва маъмурий жазо чоралари қўлланилиши мумкин.

📲 Қонунчиликда белгиланган тартибда ушлаб турилган ёки қамоққа олинган чет эл фуқароларига ва фуқаролиги бўлмаган шахсларга уларнинг ҳуқуқлари ҳамда ушлаб турилишига ёхуд қамоққа олинишига сабаб бўлган ҳолатлар тўғрисида хабар қилиниши керак.

https://t.iss.one/iiv_huquqiy_targibot

#Кун_тарихи

1️⃣5️⃣ СЕНТЯБР САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

⚔️1514 йил —турк қўшинлари Табризни (Форс) эгаллаб, шаҳар аҳолисининг кўп қисмини қирғин қилган;

⚔️ 1812 йил — Наполеон бошчилигидаги француз армияси Москва Кремлига кирган;

❌ 1821 йил — Гватемала, Гондурас, Коста -Рика ва Салвадор ўз мустақилликларини эълон қилишган;

⚔️ 1847 йил — Америка қўшинлари Мексика пойтахти Мехико шаҳрини эгаллаб олишган;

⚔️ 1916 йил —жаҳон урушлари тарихида танклардан биринчи марта жангда фойдаланилган. Инглизлар немисларга қарши Сомме дарёсида MK-1 русумли 49 та танкни ишга солишган;

🧪 1928 йил —инглиз микробиологи Александр Флеминг дунёда биринчи бўлиб пенициллинни ажратиб олган;

❌ 1930 йил —Гитлер Австрия фуқароси бўлганлиги сабабли Рейхстагга аъзо бўлиш ҳуқуқидан маҳрум қилинган;

🇩🇪 1935 йил— Нюрнберг қонунларига кўра, немис яҳудийлари фуқароликдан маҳрум қилинган; свастика Германиянинг давлат рамзига айланган;

🇧🇬1946 йил — Болгария халқ республикаси деб эълон қилинган;

🇩🇪 1949 йил—Конрад Аденауэр Германия Федератив Республикасининг биринчи канцлери бўлган;

⚔️ 1950 йил —Корея уруши: АҚШ кучлари Инчхонга қўниш операциясини бошлаган;

🇬🇪 1990 йил—Тбилисидаги намойишчилар Грузия КГБ биносига ҳужум қилишган;

🌐1997 йил — Google.com домени рўйхатдан ўтган;

🤾‍♂️ 2000 йил — Сиднейда XVII ёзги Олимпия ўйинларининг очилиши бўлиб ўтган;

💰 2008 йил — Lehman Brothers банкротлик эълон қилган ва 2008 йилги жаҳон иқтисодий инқирози бошланган.

🔎 https://t.iss.one/iiv_huquqiy_targibot

#Қонунчиликдаги_янгиликлар

❗️Айрим ходимларга уй-жой ижараси учун ҳар ойлик пул компенсациясидан даромад солиғи ундирилмайди

🔰 Қонун билан Солиқ кодексига киритилган ўзгартишга кўра, қуйидагиларга тўланадиган бошланғич ёрдам пулидан ҳамда уй-жой ижараси учун ҳар ойлик пул компенсациясидан даромад солиғи ундирилмайди (2021 йил 1 июндан юзага келадиган муносабатларга нисбатан ҳам қўлланилади):

➖ олис, бориш қийин ҳудудлардаги бюджет бакалавриат ёки магистратурани тамомлагандан 3 йилда ишга қабул қилинган ходимларга;

➖ олис ва бориш қийин ҳудудлардаги шифокорлик пунктлари ва поликлиникаларга, таълим муассасаларига ишга кирган, бошқа ҳудудларда яшайдиган олий маълумотли шифокорларга ва мутахассисларга.

🚫 Президент ёки Ҳукумат қарорлари билан белгиланган дастурларда қатнашиб олинган бонуслар, пул мукофотлари тарзидаги пул тўловларидан ҳам солиқ ундирилмайди.

☑️ Фуқаролар меҳнат стажи ҳисобланиши мақсадида ишламайдиган эри (хотини) учун йилига БҲМнинг камида 1 баравари миқдорида ихтиёрий тартибда солиқ тўлаши мумкин (2021 йил 1 январдан юзага келадиган муносабатларга нисбатан ҳам қўлланилади).

➡️ Лалми-яйлов зонада жойлашган ерлар учун солиқ туман Кенгашлари белгилаган солиқ ставкаларига нисбатан 0,3 коэффициентда қўлланилади.

🚙 Электромобилларни сотиб олувчилар ёки уларни Ўзбекистонга вақтинча олиб кирадиганлар йиғимдан озод қилинади (2021 йил 1 мартдан юзага келадиган муносабатларга нисбатан ҳам қўлланилади)

https://t.iss.one/iiv_huquqiy_targibot

#Қонунчиликдаги_янгиликлар

Президент Ш. Мирзиёев “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) фаолиятини такомиллаштириш чора-тадбирлари тўғрисида”ги Фармонини имзолади

Фармонга кўра, эндиликда Инсон ҳуқуқлари бўйича вакил (Омбудсман)га қонунчилик ташаббуси ҳуқуқи берилди.

https://t.iss.one/iiv_huquqiy_targibot

#Кун_тарихи

1️⃣6️⃣ СЕНТЯБР САНАСИДА СОДИР БЎЛГАН МУҲИМ ТАРИХИЙ ВОҚЕАЛАР

🛳1492 йил - Колумбнинг биринчи экспедицияси пайтида Саргассо денгизи кашф этилган;

⚔ 1810 йил - Мексика Испаниядан мустақиллигини эълон қилди ва озодлик урушини бошлаган;

🗳 1959 йил - Франция Президенти Шарл де Голл Жазоир аҳолисини Франциядан мустақиллик тўғрисида референдум ўтказилишини эълон қилган;

📌 1975 йил - Папуа -Янги Гвинея Австралиядан мустақиллигини эълон қилган;

📃 1987 йил - Ернинг озон қатламини ҳимоя қилиш бўйича Монреал протоколи имзоланган;

⚔ 1993 йил - Абхазиядаги уруш пайтида Сухуми учун жанглар бошланган;

🖥 1996 йил - хакер Кевин Митник АҚШда Пентагон компьютер тармоғини бузиб кирганлиги учун ҳибсга олинган;

🇯🇵 2009 йил - 62 ёшли Юкио Хатояма Япониянинг янги бош вазири бўлган;

✈️ 2011 йил - Невада штатидаги намойиш пайтида самолёт тўғридан -тўғри томошабинлар устига қулаб тушган.

🔎 @iiv_huquqiy_targibot