#oqıwshılar_dóretiwshiliginen

QÍS ZAWQÍ

Qıs kúnlerin kútemen,
Borap jawar aqsha qar,
Kòrinbeydi ay tùnde,
Ízǵırıp suwıq jel soǵar.

Ózgeshe tús alıptı,
Qalamızdıń kelbeti,
Aq mamıqtay appaq qar,
Qaplap alǵan jer betin.

Bolsa da shımırı ayazı,
Qarda oynaw bir házlik,
Kòzdiń jawın aladı,
Átiraptaǵı gózzallıq.

Ayaz ata soǵamız,
Qollar muzlap qaladı,
Tońsaqtaǵı qaytpaymız,
Qıs nedegen zawıqlı.

✍️ Dáwletbaeva Aziza 7-A klass oqıwshısı

📱 Website |📱 Telegram | 📱 Instagram |📱 YouTube |📱 Facebook

#oqıwshılar_dóretiwshiliginen

ER AZAMATLAR
(14-yanvar Watan qorǵawshıları kúnine arnaladı)

Watan qorǵawshısı atın aldıńız,
Dushpanlarǵa sizler qarsı bardıńız.
Aspanǵa kóterip Watan bayraǵın,
Jurttıń tınıshlıǵın saqlap atırsız.

Watanǵa jarasar naǵız azamat,
Elge qollaw berip, bolar qolqanat.
Jawǵa qarsı turar, xalıqqa bolıp aybat,
Qorǵanımız, márt jigitler bolıń salamat.

Sizler barda biyǵam atar tańımız,
Pútin bolar dasturqanda nanımız.
Ayaq astı bolmas namıs penen arımız,
Bayram qutlı bolsın, márt azamatlar.

Watandı qorǵaw ushın jaralǵan mártler,
Bul meniń muxaddes Watanım derler.
Xalıq tınıshlıǵın saqlaysız sizler,
Bayram qutlı bolsın, áziyz jigitler.

I.Yusupov atındaǵı dóretiwshilik mektebiniń 10-klass oqıwshısı Nursulıw Abdikamalova

📱 Website |📱 Telegram | 📱 Instagram |📱 YouTube |📱 Facebook

#oqıwshılar_dóretiwshiliginen

SHIYRIN SÓZDIŃ KÚSHI
(gúrrıń)

Bir awılda Murat ismli jas jigit jasaytuǵın edi. Ol bárqulla adamlarǵa járdem beriwge háreket etedi. Biraq onıń mashqalası bar: ol aytıp atırǵan sózlerine ózi juwap bere almaydı, “qızıp ketip”, ózin basqara almaydı, kóbinese insanlardıń kewline tiyip aladı. Ol usı mashqalanı sheshiw ushın nuranıy bir aqıllı jasıúlkenniń aldına barıp, másláhát soraydı.
– ...Ata, men adamlardıń kewlin awırtıwdı qálemeymen-aw. Biraq awzımnan shıqqan sózlerimdi basqara almayman, – dedi.
Ǵarrı kúlimsirep qoydı, úndemey onı óziniń baǵına alıp bardı hám:
– Men saǵan bir tapsırma beremen. Hár bir jaman sózdi aytqanda, birewdiń kewlin qabartqanda mine usı terekke shege qaǵasań. Hár saparı jaǵımlı sóyleseń, sol shegelerdi suwırıp al. Qáne, kóreyik, sen tilińdi qalay ózgerte alasań? – dep tapsırma berdi.
Murat endigiden bılay sol ǵarrınıń aytqanın qılıp, hàr adamnıń kewilin awırtqan waqıtta terekke bir shege qaqtı. Tez arada terek shegelerge tolıp ketti. Murat bunnan júda qapa boldı.
Aradan biraz waqıt ótken soń, ol jaǵımlı sóylewdi, basqalardı tıńlawdı hám jaqsı pikirlewdi ùyrene basladı.
Hátte ol bir kúnde úsh shegeni suwırıp aldı. Bir neshe háptede terekte birde-bir shege qalmadı. Ol quwanıp, danıshpan ǵarrınıń qasına bardı da:
– Terekte birde bir shege qalmadı, – dedi. Ǵarrı terekti kózden ótkerip:
– Júdá jaqsı, biraq terekke jaqsılap qara. Shegeler suwırılǵan jerde tesilgen iz qaldı, durıs pa?
– Awa, – dep juwap berdi.
Ǵarrı :
– Adamlardıń kewli de terekke uqsaydı. Awır sózler shege sıyaqlı iz qaldıradı. Onı qalay piteyseń...Jaǵımlı sózler menen dúzetiwge háreket etseń de, geyde jaralar umıtılmaydı. Sonıń ushın hámiyshe jaqsı sóylewge hàreket qıl, – dedi.
Murat ushın bul danalıq sózler – bir ómirlik sabaq boldı.

✍️ I.Yusupov atındaǵı dóretiwshilik mektebiniń 9-klass oqıwshısı A.Sharapatdinova

📱 Website |📱 Telegram | 📱 Instagram |📱 YouTube |📱 Facebook

#oqıwshılar_dóretiwshiliginen

🎭 TEATRǴA JÚR!

Keypiyatıń joq pa, meniń menen júr!
Sıyqırlı álemge seni erteyin,
Asıqpa, azǵana meni kúte tur,
Sıyqırlı namanı ózim sherteyin.

Tárbiya oshaǵı, bilimler káni,
Zerikpeyseń hasla, paydalı bári.
Kózińdi quwantar, sánli saxnası,
Awa, bul teatr, kewlińe dári.

Aktyor, aktrisa, baslı qaharman,
Ertekler álemin gezip kelgendey.
Kórip, men ádewir máni shaǵarman,
Olar bárshesin bir, sezip kelgendey.

Teatr, ádebiyat, túbi tuwısqan,
Kimlerdur túsiner, kimge qurı sóz.
Olar bir-biriniń izin quwısqan,
Onı tek kóredi, kewildegi kóz.

Janlı hawazlarda atqarılar rol,
Tek sizden ótinish, berilip tıńlań.
Bazda kórsetiler, teńiz hám de shól,
Der onda: Teńizim, qaytadan janlan!

Teatr, arzıwlar tolı bir mákán,
Bir márte barıp kór, óziń sezerseń.
Bunı túsinedi, pútkil jer jáhán,
Barsań, erteklerdiń elin gezerseń.

Berilip tamasha et, úzbe kózińdi,
Túsip qalarsań sen, ózge álemge.
Isene ber, jalǵan deme sózimdi,
Men sol kúnnen, ashıq boldım qálemge.

✍️I.Yusupov atındaǵı dóretiwshilik mektebiniń 8-klass oqıwshısı Madina Dolımbekova

📱 Website |📱 Telegram | 📱 Instagram |📱 YouTube |📱 Facebook

#oqıwshılar_dóretiwshiliginen

Eger de maqsetiń bolmasa, alǵa ilgerilew bolmaydı.

WATANÍM
Ana Watan, aytshı, bunsha ázizseń,
Seni ana deymen, meniń anamsań,
Miyirmansań, bárshege qádirliseń,
Ul-qızıńdı qásterlegen sen panamsań.

Ana Watan, sen qızıl gúl jaynaǵan,
Álemge nur shashqan quyashlı kúnim,
Seni saǵınaman, bir kún bolmasam.
Bastı iyip, saǵan etemiz tájim.

Watan ushın beremiz, tándegi jandı,
Jas waqıtta kórset, elge barıńdı,
Ata-babam qásterlegen Ana Watan,
Súyemiz, ardaqlap, hár bir giyańdı.

Anam aytqan háyyiwdiń namasısań,
Átam qurǵan baǵlardıń búlbiliseń,
Ájem kiygen KÓK kóylek naǵısısań,
Hárbir shóbi qádirli –Watanımsań!

✍️ I.Yusupov atındaǵı dóretiwshilik mektebiniń 10-klass oqıwshısı Qutlmuratova Orıngúl

📱 Website |📱 Telegram | 📱 Instagram |📱 YouTube |📱 Facebook