#oqıwshımız_dóretpelerinen
#oʻquvchimiz_ijodidan

Ilham perisine
Qosıq jaza almay, mine, men búgin,
Búldiremen aq qaǵazdı, jırtaman,
Átteń, kelmey tur-aw, ilhamım meniń,
Yarim túnde qálem shaynap otırman.

Qaylarda júripseń ilhamım-yoshım,
Gezip kettiń qay dalanı, baǵlardı,
Júrmey tur-aw, sensiz mına qálemim,
Erinbey izleyin tawdı, taslardı.

Meyli aqsham yaki meyli tal túste,
Kel de, maǵan qálem uslat, ayama.
Men shayıra emespen-aw ataqlı,
Arasında sırlasayıq sonda da .

Ilham kelse ǵana shayır kewline,
Sóz marjanın dizip qaǵaz búldirer,
Tuwıla qoyadı-aw shireli qosıqlar,
Insanlardı jılatıp ya kúldirer.

Áne, keldi meniń yosh berer perim,
Ilhamlanıp qosıq jaza baslayın.
Qálemim-aw, ısıla ber tap solay!
Kewilde barımdı tógıp taslayın!

Ibrayım Yusupov dóretiwshilik mektebi oqıwshısı Mırzabaeva Aynur

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Ibrayım atamızday

Men qosıqlar jazaman,
Jaslıǵımnan etip árman,
El-xalqıma tanılsam,
Ibrayım atamızday.

Kitapxanalarǵa barıp,
Kóp oqıp, bilim alıp,
Qálem menen dos bolıp,
Ibrayım atamızday.

Dúr tawıp poeziyadan,
Marjan dizip poemadan,
Mańızınan nur shashılǵan,
Ibrayım atamızday.

Húrmet tawıp, el kórip,
Kóp kitaplar dóretip,
Júrsem ardaqlı bolıp,
Ibrayım atamızday.

Niyet etip jasayman,
Atam jolın quwaman,
“Qaraqalpaqtıń zor shayırı”
Degen ataq alaman.

Ibrayım Yusupov dóretiwshilik mektebi oqıwshısı Ablakimova Diana

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Mehmondo‘st el-Marg‘ilon

Mana, yo‘lga chiqtim, Nukus tomon,
Negadir yuragim notinch, shu on,
Hali vokzalga ham yetib bormasdan,
Sog‘inyapman seni, ey Marg‘ilon!

Bilmadim hozirdan shunaqa bo‘lsa
Ertangi kunlarda nima qilaman?
Sehrgar oltin baliq yonimga kelsa,
To‘rt kun ortga qaytarishin so‘rayman

Marg‘ilon, men seni tushimda ko‘rsam,
Bosilarmi yurakdagi sog‘inchim,
Qaniydi, bir sehrgarni uchratsam,
So‘rardim, Marg‘ilonda bo‘lib qolishni.

Vaqt uchqur ekan, nima qilardim,
Mana, etib keldik ona Vatanga,
Ey, mehmondo‘st diyor- Marg‘ilon,
Sog‘insam borarman yoninga yana!

I.Yusupov atındaǵı dóretiwshilik mektebi 10-klass oqıwshısı Mawlenova Biybiraba

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Ana tilim

Ana tilim-júregimniń aynası,
Misli atqan gózzal tańniń shuǵlası,
Bizge jetken babalardıń miyrası,
Ana tilim-saǵan tájim etemiz .

Taza sóylep, qádirińe jetemiz,
Sen arqalı dushpandı da jeńemiz,
Jamanlardı dúzetiwshi quralsań,
Ana tilim- saǵan tájim etemiz.

Sen bar bolsań- millet jasar baxıtlı,
Óz tilimde, men patshaman taxtlı,
Eger ana tilge atılsa bir “oq”,
Onda meniń júregimdi tırnaydı.

I.Yusupov atındaǵı dóretiwshilik mektebi 8-klass oqıwshısı Joldasbaeva Dilbar

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Ádeplilik

Qollarımız partada,
Dıqqatımız taxtada,
Muǵallimdi tıńlaymız,
Ádepsizlik qılmaymız.

Jası úlkendi sıylaymız,
Kitaptı taza uslaymız,
Ádeplilik jaqsı ǵoy,
Bunı este saqlaymız.

Shamshetdinova Húrliman 8-klass oqıwshı

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Balalıǵım-altın dáwirim!

Júrer edim shadı-qorram,
Arzıwlarım bolıp aspan,
Gezer edim baǵı-bostan,
Qálbimde joq edi árman.

Doslar menen oynap kúlip,
Kún batqanın bilmes edim,
Hár kún asıǵıp doslar tárep,
Sirá úyge kirmes edim.

Kún awǵanda úyge kirsek,
Ash bolǵannan qazan tintsek,
Ashıwlanar edi anam,
Bul balalıq eken bilsek.

I.Yusupov atındaǵı dóretiwshilik mektebi 9-klass oqıwshısı Jaqsımuratova Aygúl

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Ana

Ana dese - tolqınlanar júrekler,
Sebebi, ol biybahadur, jánnetdur.
Qálbimdegi eń ájayip tilekler,
Sizge xızmet etiw - bizge minnetdur.

Ana desem - kóz aldıma nur keler,
Ol - qálbimdi tońdırmaytın quyashım.
Bizge bárha tuwrı joldı kórseter,
Ómirdegi jarqıraǵan juldızım!

I.Yusupov atındaǵı dóretiwshilik mektebiniń 10-klass oqıwshısı Asamatdinova Gulnisa

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Kitap

Kúlim qaǵıp aspanda,
Quyash nurların shashar,
Jáne bir quyash bar jerde,
Ol-kitapdur balalar!

Onda bilim nurı bar,
Oqıǵanlar-ozadı,
Kitap penen dos bolıń!
Oqımaǵan tozadı.

Kitap oqıp balalar,
Sawatların ashadı.
Iyelep ilimniń kánin,
Biyik tawdan asadı.

I.Yusupov atındaǵı dóretiwshilik mektebi 7-klass oqıwshısı Orazbaeva Ulbosın

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Kitaptan jaqsı dos bolmas

Kitaptan jaqsı dos bolmas,
Kitaptı oqıǵan bos bolmas,
Kitap oqıǵan-hesh qashan,
Aqshaǵa da ósh bolmas.

Kitap bizge bilim berer,
Kitap bizdi tárbiyalar,
Kitap penen dos bolǵanlar,
Heshqashan da qor bolmas.

Keleshekke salıp jol,
Tuwrılıqqa jeteler ol,
Kitap oqı-alım bol,
Oqıǵanlar hesh kem bolmas.

Jaqsılıqqa shaqıradı,
Jaman joldan qaytaradı,
Oqıwshıǵa kitabınan,
Eń jaqsı dos tabılmas!

I.Yusupov atımdaǵı dóretiwshilik mektebi 7- klass oqıwshısı Ajimuratov Nurlıbek

Website | Telegram | Instagram | YouTube | Facebook

#oqıwshımız_dóretpelerinen
#oʻquvchimiz_ijodidan

Kel, jańa jıl!

Kel, jańa jıl-jańa jıl,
Kúlip qarsı alayıq,
Shırshalardı bezeteyik,
Quwanıshqa tolayıq.

Kelgen usı taza jılda,
Baxıt, áwmet kóp bolǵay,
Balalar da quwanıssın,
Appaq qarlar kóp jawǵay.

Átirapında shırshanıń,
Aylanayıq, oynayıq,
Qarbabadan sawǵa alıp,
Shadlanısıp qaytayıq.

I.Yusupov atındaǵı dóretiwshilik mektebi 7-klass oqıwshısı Joldasbaeva Feruza

Website | Telegram | Instagram | YouTube | Facebook