#shayır_dóretiwshiliginen

⭐ BIR ADAMDÍ BIR ADAM

📙 Oqıǵan: I.Yusupov atındaǵı dóretiwshilik mektep direktorı Ruslan Tashimov

👉Bizdi gúzetip barıwdı dawam etiń

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

TASQÍN BOLÍP AǴÍP ÓT

Zamanıń bar shalqıp dáwran súrmege, 
Suwman deseń, tasqın bolıp aǵıp ót. 
Jelmen deseń, dúbeley bol dúrlegen, 
Shoqpan deseń, júreklerdi jaǵıp ót.

Gúlmen deseń, ahıw-zar et kózlerdi, 
Tilmen deseń, dúr qılıp shash sózlerdi, 
Áwladlarıń atıńdı aytqan gezlerde 
Tanıǵanday táwir belgi taǵıp ót.

Shabar bolsań, arǵımaqtay arqıra, 
Ushar bolsań, suńqarday ush sharq ura, 
Jigerińdi jumsap jaslay xalqıńa, 
Eldiń mápin kóz nurıńday baǵıp ót.

Waqıt qımbat, isırap etpe teginge, 
Qıyınlıqtan qıypalaqlap sheginbe. 
Gúrkiregen erkin jaslıq kóginde 
Tawlar asa shaqmaq bolıp shaǵıp ót.

Jaslıq ómiriń jazılmaǵan bir dástan, 
Jaz jaqsılap bir sózin de burmastan, 
Mına sózdi yaddan shıǵarma haslan: 
Jaslıq saǵan beriledi bir ret.

1958-jıl.

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

BUL QALANÍŃ KÓSHESINEN JÚRGENDE

Bul qalanıń kóshesinen júrgende,
Bilinbeydi toqlıǵım ya ashlıǵım,
Eske túser gúwlep ótken jaslıǵım,
Bul qalanıń kóshesinen júrgende.

Qaysı jaydı qanday usta qurǵanın,
Qay kóshege qashan asfalt urǵanın,
Yad bilemen qaysı terek, qaymanda,
Qay báhárde qansha japıraq salǵanın.

Nókis dese qozıp keter delebem,
Kóp jırladım, jırlaymanda ele men.
Jer jáhánde bul sháhárge usaǵan,
Qala tappay bárha qaytıp kelemen.

Noyabr. 1992-jıl.

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

...Jaqsı adamlar - bul dúnyanıń tiregi,
Hasla sen olardan burma júzińdi.
Haq niyet, hadallıq tolı júregi,
Sen olarǵa qarap dúze ózińdi...

✍️ Ibrayım Yusupov,
"Jaqsı adamlar". 1984-jıl.

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

Izzet-húrmet saqlap kisi kisige,
Hadal miynet jumsap xalıqtıń isine.
Hiyle qılmay hújdan tárezisine,
Jasawdıń biyminnet dáwranı bolar...

✍️ Ibrayım Yusupov,
1987-jıl.

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

KORABLLER QOYÍMSHÍLÍǴÍNDAǴÍ ELES

Keshe gúrlep turǵan Úshsay portında
Búgin — korabller qoyımshılıǵı.
Kóship ketken balıqshılar jurtında,
Jatar jayrap kemelerdiń sınıǵı.

Espe qumǵa ermek bolıp kómilgen
Essiz paroxodlar, kater, barjalar.
Palubalar qumnan zorǵa kóringen,
Kayutaǵa kirgen samal zar jılar.

Ya insap! Ne degen ǵáletiy oyın:
Bul múliklerdi soqqan adamnıń qolı,
Taxtayın qoparıp, temirin qıyıp,
Metall sınıǵına almaqta onı.

Quddı dinozavr qabırǵasınday
Keme súlderine súyendim uzaq.
Qorqınıshlı edi qábir basınday,
Júregimdi tırnar biyráhim azap.

Sentyabr, 1989-jıl. Moynaq.

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

Hárkimniń óz zamanı bar

Gúlshanlarda gúl ashılmas,
Gúl máwsimi kelmegenshe,
Awıl-eller abat bolmas,
Diyqan jılın bermegenshe.

Hár máwsimniń bar óz gúli,
Hár gúldiń óz jamalı bar,
Hár pasıldıń óz mezgili,
Hárkimniń óz zamanı bar.

Birew dańqlı isbilermen,
Birew sport chempionı.
Birewge xosh hawaz bergen,
Jaslar jaqsı kórer onı.

Kompyuter zamanınıń,
Isinde ne shek boladı?
Ilim talant, texnikanıń,
Káramatı kóp boladı.

Shettenbiseń oraydan ba?
Ol ayırmas siyasatlap.
Chikago ma, Shımbaydan ba,
Kim bolsań da ketpes atlap.

✍Ibrayım Yusupov

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

Biz —Dúnyadan, Dúnya —Bizden

Bazda tayıp qara muzǵa,
Bazda dárya aǵar dizden.
Ǵarezlik bar aramızda,
Biz —dúnyadan, dúnya —bizden

Birew qurıp-dúzip atar,
Birew onı buzıp atar,
Bir imarat pitpey jatar,
Adamzat jaralǵan gezden.

Sırqiyanıń sulıw kórki,
Peri iyelep jatqan múlki,
Innen qashqan qızıl túlki,
Iytler quwıp barar izden...

Dúnya aytar: Qúdiretim bar,
Maǵan bás baylasar kim bar?
Adam emes, men húkimdar,
Tártibim bar ózim dúzgen.

Adam aytar: Mensiz —neseń?
Óli dúnyasań mázi sen.
Men saǵan máni bermesem,
Altın qımbat bolmas jezden.

✍️ Ibrayım Yusupov

📱 Website |📱 Telegram | 📱 Instagram |📱 YouTube |📱 Facebook

#shayır_dóretiwshiliginen

TUWÍSQANLÍQ

Tariyxlarǵa guwalı sóz, 
Hár bir dártke dawalı sóz, 
Kiyeli sóz, duwalı sóz: 
«Tuwısqanlıq, tuwısqanlıq!»

Ar-namıs, hújdanı sherik, 
Malı menen janı sherik, 
Tamırında qanı sherik, 
Xanalaslı tuwısqanlıq.

Bir oshaqqa ot jaqtırǵan, 
Bir jaylawda mal baqtırǵan, 
Toy, lazımǵa at shaptırǵan 
Ǵarǵa tamır tuwısqanlıq.

Bir tandırǵa nan japtırǵan, 
Mútáj zatıńdı taptırǵan, 
Biymezgil esik qaqtırǵan 
Tuwısqanlıq, tuwısqanlıq.

📱 Website |📱 Telegram | 📱 Instagram |📱 YouTube |📱 Facebook