#túsindirme_sózlik

Márgiyası bar ma, bilmeymen alıslap ketkim kelmeydi
( Ó.Xojaniyazov )
Ábdiraman deser qızlardıń kóbi,
Sirá bar ma deymen márgiya shóbi
( I.Yusupov )

Qaraqalpaq tilinde "márgiya" (atlıq) sózi adamdı ózine erksiz tartatuǵın qásiyet mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Házir hár túrli aǵashlardıń jas nálsheleri qıltıyıp kórinedi.
( J.Aymurzaev )

Qaraqalpaq tilinde "qıltıyıp" (feyl) sózi sál ǵana kóriniw, azmaz shıǵıw, ushı kóriniw mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Men búyerde júrgen ishi zárdeli,
El-jurttı kórmegen aǵır dárdeli
( Ájiniyaz )

Qaraqalpaq tilinde "dárdeli" (kelbetlik) sózi qayǵılı mánisinde qollanıladı.

Website | Telegram | Instagram | YouTube | Facebook

#túsindirme_sózlik

Birewler baqqal, dúkánshı bázzazlarıń usaq-túsek xızmetlerin etedi.
( Á.Shamuratov )
--------------------
Qassap, bázzaz, bazar qurıp,
Xızmet qıldılar taq turıp,
( Berdaq )

Qaraqalpaq tilinde "bázzaz" sózi gezleme satıwshı, satarman mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Qarap kórseń, turǵan jeriń bostanday,
Uslap kórseń, ushıǵanıń jumsaǵı.
( I.Yusupov )

Qaraqalpaq tilinde "ushıǵa" sózi júnnen islengen hasıl zat, gezleme, mawıtı, mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Kúshigennen búrkit bolmas,
Teńiz suwın sırqıp bolmas, ...
( I.Yusupov )

Qaraqalpaq tilinde "kúshigen" (atlıq) sózi ańshı qus (ańǵa salatuǵın qıran túri) mánisin bildiredi.

Website | Telegram | Instagram | YouTube | Facebook

#túsindirme_sózlik

Biraq, usılardıń bári menen birge, evropalıq poezıyadan da azıqlanbasań biraz joldan qalasań, Pushkin, Lermotov, Bayron, Geyote, Geyne, Shiller, Shekspir — bulardı oqımay, shayırlıq dúnyasınıń máńgi bulaqlarınan suwsınladım degeniń ushqarı gáp boladı.
( I.Yusupov )

Qaraqalpaq tilinde "ushqarı" sózi ushına taman, shetine jaqın, ústirtin, qopal, jeńil-jelpi mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Uzın emes, ırǵay boldım,
Barlıq sózdi shırǵay boldım,
Dán joq jerde torǵay boldım,
Onı heshkim bilgen emes.
( Berdaq )

Qaraqalpaq tilinde "ırǵay" sózi shaqası jińishke sıydam bolıp ósetuǵın qızıl qabıqlı ósimlik.

Website | Telegram | Instagram | YouTube | Facebook

#túsindirme_sózlik

Ojawlar, qasıqlar zerenge zorǵa sıyıp tur.
( Ó, Xojaniyazov )
Sattar shetirek otırıp alıp úlken ojaw menen sorpa sapırdı.
( J.Aymurzaev )
Aqırı bolmadı, ojaw qasıqtı alıp qazanǵa saldı.
( K.Kárimov )

Qaraqalpaq tilinde "ojaw" sózi shómish, úlken qasıq mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Jeseń til úyirgen áseliw pálek
Qırında qızarıp pisken gewirek
( Ájiniyaz )

Qaraqalpaq tilinde "gewirek" sózi jazda túynek salatuǵın hám shólde ósetuǵın tikenekli ósimlik.

Website | Telegram | Instagram | YouTube | Facebook

#túsindirme_sózlik

Kim erkli haqıyqatlap barlastı,
Miynetkesh mawasa kóterdi bastı.

Mawasa bolıp tóbelestiń keyninen, barlıǵı da úylerine tarastı.
(J.Aymurzaev)


Qaraqalpaq tilinde "mawasa" sózi birlik, kelisim, awızbirlik mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Turdı sonda kómkerilip,
Nart aǵashlar mawjırasqan
(I.Yusupov)

Mawjırap otırǵanday kól qusları da jım-jırt, samal da siltidey tındı.
(K.Sultanov)

Qaraqalpaq tilinde "Mawjıraw" tońazıw, uyısıw, mánilerinde qollanıladı.

Website | Telegram | Instagram | YouTube | Facebook

#túsindirme_sózlik

Aytıwdan-aq gápke tústi,
Ońǵaratuǵın boldı isti.
( Berdaq )

Qaraqalpaq tilinde "ońǵarıw" sózi jónlew, durıslaw mánilerinde qollanıladı.

Website | Telegram | Instagram | YouTube | Facebook