#oqıwshılar_dóretiwshiliginen

KITAP

Kitap – ol dos adamlarǵa mıńlaǵan
Oqıp insan bul ómirdi ańlaǵan,
Tariyxta talaylar bilimlı bolıp,
Jáhánde danıshpan bolıp jańlaǵan.

Kitap – haslı gáwharlarǵa teń bolǵan
Kitapqa dos júzler nurlı zer bolǵan,
Bilimsizler kitap penen dos bolsa,
Kúnler kelip, bilimlige teń bolǵan.

Alımlar ilimde túspekte gúres,
Geyde kompyuteriń de beredi keńes,
Kitap hám texnologiya birlesse,
Almaytuǵın tawıń joq, beles-beles.

I.Yusupov atındaǵı dóretiwshilik mektebiniń 10-klass oqıwshısı Qutıbaeva Shaxsánem

Website | Telegram | Instagram | YouTube | Facebook

#oqıwshılar_dóretiwshiliginen

QARAQALPAǴÍM

Bayraǵıń bálentte tursın, hárdayım,
Kúnnen-kúnge jaynay bergey shırayıń,
Seni jırlap ótken Berdaq, Ibrayım,
Shayırlarǵa ilham – Qaraqalpaǵım.

Bayterekseń, tamır urǵan tereńge,
Bunday jánnet mákan joqdur jáhánde,
Dańqı shıqqan, búgin pútkil álemge,
Tariyxlarda dástan – Qaraqalpaǵım.

Qıyın dáwirlerdi ótkerip bastan,
Jábir shegip, táǵdir atqan taslardan,
Orın tapqan, táriyx jılnamasınan,
Bir sózlı, namıslı – Qaraqalpaǵım.

I.Yusupov atındaǵı dóretiwshilik mektebiniń 7-klass oqıwshısı Nuratdinov Nızamatdin

Website | Telegram | Instagram | YouTube | Facebook

#oqıwshılar_dóretiwshiliginen

KITAPTÍŃ SÓZÍ

Men kitappan, kitappan,
Bárshe meni jaqsı kórer,
Nurǵa tolı quyashpan,
Qosıq, taqmaq yadlap júrer.

Men kánimen, bilimniń,
Kelıp qazıp alıńlar,
Biliń, jolın ilimniń,
Zor ilimpaz bolıńlar!

Men sadıq dos, sizlerge,
Oqıp, imkán tabıńlar,
Oqıǵanlar ozadı,
Oqıp, mashina utıńlar!

I.Yusupov atındaǵı dóretiwshilik mektebiniń 7-klass oqıwshısı Kaypova Munira

Website | Telegram | Instagram | YouTube | Facebook

#oqıwshılar_dóretiwshiliginen
#bayram_qutlıqlawı

USTAZLARǴA

Siz – ekinshi ata - anam, ómirde ,
Ustazıma alǵısım kóp kewilde,
Bizge tálim - tarbiyanı úyretip,
Jalıqpastan bilim sırın beriwge.

Imkaniyatlar esigimiz ashılıp,
Aldımızǵa baxıt nurı shashılıp,
Úlken-úlken asıwlardan asarmız,
Ustazlardan bilim alıp, shadlanıp.

Bilim menen baxıt jolın ashar ol,
Sanamızǵa jáne sana qosar ol,
Biyik-biyik shıńlardan biz asarmız,
Ustazdan bárin úyren, zeyinli bol !

I.Yusupov atındaǵı dóretiwshilik mektebiniń 10-klass oqıwshısı Jetkerbaeva Gúlnur

Website | Telegram | Instagram | YouTube | Facebook

#oqıwshılar_dóretiwshiliginen

ALTÍN GÚZ

Tábiyat sarı kóylek kiydi mine,
Íssı kúnler menen aldıq xoshlasıp...
Ózine tán hawası bar gúzdiń de,
Átirap ózgeshe tús, bir ájayıp

Diyqannıń miyneti mıń bolar gúzde,
Biyday pisip ırǵalar, “jıynap al” der,
“Aq altın” dı terip alıp atızlardan,
Fermer aǵa shet elge “eksport” eter .

Japıraqlar sarǵayar, átirap gózzal,
Gúller shıqqa malınar tańda,
Atızlarda qarbız-qawın “teńkeyer”,
Qayda bar usınday gózzal kartina.

Website | Telegram | Instagram | YouTube | Facebook

#oqıwshılar_dóretiwshiliginen

Gúz
Nege saǵınaman men tek te gúzdi,
Kewlim qulpıradı, ol kelgen sátte.
Japıraqlar úzilip, salmada júzdi,
Ájayıp máwsim ol, men ushın tek te.

Gúz kelse, hár kúnim baxıtqa tolar,
Maǵan ayt, bunshelli qúdiret qaydan?
Sen ketseń, qay jerden izlesem bolar?
Bálkim saylar, bálkim ay hám juldızdan.

Bilemen, sen qaytıp kelesen bir kún,
Biraq bir jıl kútip, talıǵaman men.
Juldızlar sanayman, uyıqlamay hár tún,
Ózińsiz, bir ózim jalıǵaman men.

"tolıq oqıw"

I.Yusupov atındaǵı dóretiwshilik mektebiniń 8-b klass oqıwshısı Madina Dolımbekova

Website | Telegram | Instagram | YouTube | Facebook

#oqıwshılar_dóretiwshiliginen

IBRAYÍM ATA

Áwladlarǵa úlgi bolǵan hár sózi,
Qaraqalpaq sahrasınıń búlbúli,
Sónbeytuǵın poeziya juldızı,
Sizdey bolǵım keler, Ibrayım ata.

Tuwılıp Shımbayday ázim qalada,
Aylandıńız oyshıl, dana shayırǵa
Qosıǵıńa qushtar ǵarrı, jası da,
Sizdey bolǵım keler, Ibrayım ata.

Jańlaǵanda gimn zaldı dúrletip,
Basshısı, qosshısı bárin túrgeltip,
Qaraqalpaqsha sóylep Bayron, Lermontov,
Máńgi bulaq boldıń, Ibrayım ata.

Atıńda mektep bar, húrmetlep qoyǵan,
Talantlarǵa tolı bir márdi-maydan,
Besinshi may dese bir qutlı bayram,
Poeziya pirisiz, Ibrayım ata.

Ibrayım Yusupov atındaǵı dóretiwshilik mektebi Bekbaulieva Rayxan 9-klass oqıwshısı

Website | Telegram | Instagram | YouTube | Facebook

#oqıwshılar_dóretiwshiliginen

ARDAQLAYMAN ANA TILIMDI

Babalar qaldırǵan altın miyrası,
Janıma jaǵımlı sózler jılwası,
Qanshama tariyxtıń boldıń gúwası,
Maqtanıshım, arım - ana tilimseń!

Qálem terbep, ádebiyat hám ilimde,
Iyeledim bilimimdi usı tilde de.
Háyyiwdi tıńladım ana tilimde,
Aq sút penen qarıstıń jan-tánime.

Berdaq babam boldı sahra búlbili,
Ájiniyaz-shayırlardıń ol piri,
Al Ayazıy poezıyanıń juldızı,
Ullı tulǵalardı jetistergen tilimseń.

Qaraqalpaq xalqı barın bildirtken,
Xalıq miyrasın dúnya boylap gezdirgen.
Dástanlardı shın júrekten súydirgen,
Maqtanıshım óziń-ana tilimseń!

Sarras 35 jıl ótken aradan,
Til biyligin alǵan elim abadan.
Jeddi ayı bası hár jılı bayram,
Ana tilim- mángi jasa, párawan!

✍️ Ibrayım Yusupov atındaģı dóretiwshilik mektebiniń 10-b klass oqıwshısı Abdikamalova Nursulıw.

Website | Telegram | Instagram | YouTube | Facebook

#oqıwshılar_dóretiwshiliginen

"ANA TILIM"

Dúnyaǵa kelgen hárbir náresteniń,
"Ana" degen eń dáslepki sózi bolǵan,
Mektepke adım atqan oqıwshınıń,
Yadlaǵan qosıǵı ana tilde bolǵan.

Biziń eń tıykarǵı wazıypamızdur,
Saqlaw sap halında ana tilimizdi,
Sanamızdan óshpeytin uranımızdur,
Ózgertpey keleshekke beriwimizdi.

Jırlaǵan tilim dep seni jırawlar,
Sıylaǵan anam dep seni shayırlar,
Dizilip jarasar hasıl marjanlar,
Hàmmege maqtanısh òz ana tili.

Sen bar bolsań pútkil elim bar bolar,
Dúnyanıń esinen shıqpastay olar,
Seniń menen hawazımız kóklerde jańlar,
Sen sebepli qaraqalpaq atanar.

Babalar miyrası ana tilimseń,
Tariyxtan saza bergen búlbúlimseń,
Salıstırıp bolmas altın gáwharǵa,
Eń qımbat baylıǵım til ǵáziynemseń.

✍ I.Yusupov atındaǵı dóretiwshilik mektebiniń 9-b klass oqıwshısı Ońǵarbaeva Aysanem

Website | Telegram | Instagram | YouTube | Facebook

#oqıwshılar_dóretiwshiliginen

QÁDIRIN BILGEYSIZ

Kúlimlegen quyash, ashıq aspannıń,
Tınıshlıq, amanlıqta atqan hár tańnıń,
Kindik qanıń tamǵan bul áziz bostan,
Qádirin bilgeysiz - Ana Watannıń!

Tún uyqısın bólip, seni jubatqan,
Ózi jemey, kiymey, seni quwantqan,
Júriwge úyretken tek tuwrı joldan,
Qádirin bilgeysiz, ata-ananıń!

Mudamı qasıńda dostım dep júrgen,
Quwanısh-qayǵıńdı birge bólisken,
Awır kúnde seni taslap ketpegen,
Qádirin bilgeysiz, jaqın doslardıń.

✍️ Abdikamalova Nursulıw 10-klass oqıwshısı

Website | Telegram | Instagram | YouTube | Facebook