#shayır_dóretiwshiliginen

Bir gezde waqıttan arzan nárse joq,
Vokzalda otırsań hesh waqıt ótpes.
Bir gezde waqıttan qımbat nárse joq,
Poezdǵa minerde bir minut jetpes.

✍️ I.Yusupov

Website  |  Telegram  |  Instagram  |  YouTube  |  Facebook

#shayır_dóretiwshiliginen

Iyilgen daraqta mol bolar miywa,
Piyli keń jigitke keń bolar dúnya,
Kewliń seniń shalqıp aqqan bir dárya,
Tar áyleseń sol dáryada suw qalmas!!!

          ✍️ Ibrayım Yusupov

Website  |  Telegram  |  Instagram  |  YouTube  |  Facebook

#shayır_dóretiwshiliginen

PARA

Bir illet bar "para" degen,
Beredi eken, aladı eken,
Haram qollar qaltıramay,
Qaltasına saladı eken.

Bermegenler qala berer,
"Bilmegenler bara berer,
Bilgen adam para berer", -
Dep jurt naqıl qıladı eken.

Házir júdá kóp aytadı,
"Gújip ketti" dep aytadı,
Esitkenler "toba" aytadı,
Alǵan omma uradı eken.

Xalıq aytsa qalpı aytpas,
Bolmaǵandı jalpı aytpas,
Gór ógiz baltadan qaytpas,
Gúysemesten jutadı eken.

👉 dawamı👈

✍️ I.Yusupov. Avgust 1994-jıl.

#shayır_dóretiwshiliginen

Bultlar kóshse bálent tawdan,
Kóz jasınan seller jawģan,
Izi kelispegen dáwran,
Jatıp tús kórgenshe bolmas...

✍ Ayaziy

Website  |  Telegram  |  Instagram  |  YouTube  |  Facebook

#shayır_dóretiwshiliginen

BIR ADAMDÍ BIR ADAM

Qanday jaqsı, biradar,
Adamzattıń júregi!
Bir adamdı bir adam
Janday jaqsı kóredi.

Bir adamdı bir adam
Súyip qalar tanıssa.
Bir adamdı bir adam
Saǵınadı alısta.

Ketse birew aradan,
Birew joqlap jılaydı.
Bir adamnan bir adam
Barıp keńes soraydı.

✍ I.Yusupov

Website  |  Telegram  |  Instagram  |  YouTube  |  Facebook

#shayır_dóretiwshiliginen

QARAQALPAQ HAQQÍNDA SÓZ

Men kisilik talastırıp,
Kisi menen jarıspayman.
Tariyxshıǵa pal ashtırıp,
Áyyemgime tarıspayman.

Márt Tumaris— massagettiń,
"Qırq qızınıń“ urpaǵıman,
Perzentimen pechenegtiń,
Shóldiń qaraqalpaǵıman.

Qara taban, qara puqara,
Babam ǵaybar kisi bolgan,
Kewli aq qalpaǵı qara,
Jaw menen kóp isi bolǵan.

Attan qulap atırǵanda,
Qan maydanda súyep onı,
"Bir wásiyat aytıp ket onda"
Dep soraptı onnan ulı.

Wásiyat eken al sondaǵı
Aytıp ketken urpaǵına,
"Tır jalanash qalsańdaǵı,
Bek bol, bala, qalpaǵıńa!..."

Qaraqalpaqlar sonnan baslap,
Qalpaǵı menen tuwılıptı.
Kóp zamandı izge taslap,
Qalpaq sheshpey juwırıptı.

Kóp zamannıń ándiyshesin,
Kórsede kózi aǵarmaǵan,
Joǵaltsada kóp nársesin,
Qalpaǵı hesh joǵalmagan.

Qatal sorap qısım etip,
Xan da onı sheshtire almaǵan,
Jan shıqpasa gelle ketip,
Jawda onı sheshtire almagan.

✍ I.Yusupov

#shayır_dóretiwshiliginen

Jaman sózdiń aqırı opat keltirer,
Insandı ázazul shaytan óltirer,
Ǵawǵalı is bir kún basına jeter,
Námártlerden awlaq qashqıl demishler.

Pazıyletiń bolsın insanlıq sende,
Ádep-ikramlıqqa bolsańız bende,
Tákabbırlıq tutma bul áziz tánde,
Jaqsılıqqa kewil bólgil demishler.

✍️ Ájiniyaz Qosıbay ulı

Website | Telegram | Instagram | YouTube | Facebook

#shayır_dóretiwshiliginen

MEN QALADA OQÍǴANDA

Sabaqtan kesh shıǵar edik,
Men qalada oqıǵanda.
Kún bata awildan kelip,
Kúter edi anam sonda.

Paxta zavod diywalına,
Súyenip ol turar edi.
Pútkil dúnya qıyalına,
Men dep jolǵa qarar edi.

Tóbemdi hár kórgen sayın,
Bir jıllı sóz aytadı ol.
"Sharshadıń-aw, aynalayın",
Dep basımnan sıypadı ol.

✍️ I.Yusupov

Website | Telegram | Instagram | YouTube | Facebook

#shayır_dóretiwshiliginen

Jol samalı
Bir mánzilge jetiwge jurt talaban,
Aǵıp barar jer qayısqan alaman.
Shań suwırıp, kóz ashtırıp qaratpay,
Pátli samal attıń jalın taraǵan.

«Qaysı jerden izge qaytar eken?» dep,
Birazlar tur kóz astınan qaraǵan.
Qańıltaq er ǵayzap tirkis taqımdı,
Kóp ishinde men de ketip baraman...

✍️ Ibrayım Yusupov,
1985-jıl.

Website | Telegram | Instagram | YouTube | Facebook

#shayır_dóretiwshiliginen

MENIŃ ÚYIM

Shól hám bostan máńgi óshlesken jerde,
Gúl hám juwsan qońsı ósken óńirde
Adam jatırqamas úyim bar meniń.
Hámme jerdi kóriw kisige már me!

«Jerdiń túbi ǵoy» dep qıynalıp júrme,
Shaqırıp mazańdı almayın seniń.
Biraq adam menen adam duslasar,
At baspayman degen jerin úsh basar,

Naǵaybıl duz tartıp kelseń bulmanǵa.
Esigimdi qaǵıp, tartınıp turma,
Dúziw niyet penen erkin kele ber,
Kel, qonaǵım, esik qaqpay kire ber!

Website | Telegram | Instagram | YouTube | Facebook