#shayır_dóretiwshiliginen

Hárkimniń óz zamanı bar

Gúlshanlarda gúl ashılmas,
Gúl máwsimi kelmegenshe,
Awıl-eller abat bolmas,
Diyqan jılın bermegenshe.

Hár máwsimniń bar óz gúli,
Hár gúldiń óz jamalı bar,
Hár pasıldıń óz mezgili,
Hárkimniń óz zamanı bar.

Birew dańqlı isbilermen,
Birew sport chempionı.
Birewge xosh hawaz bergen,
Jaslar jaqsı kórer onı.

Kompyuter zamanınıń,
Isinde ne shek boladı?
Ilim talant, texnikanıń,
Káramatı kóp boladı.

Shettenbiseń oraydan ba?
Ol ayırmas siyasatlap.
Chikago ma, Shımbaydan ba,
Kim bolsań da ketpes atlap.

Ibrayım Yusupov

Website  |  Telegram  |  Instagram  |  YouTube  |  Facebook

#shayır_dóretiwshiliginen

...Tawdıń jolları da ómir jolınday,
Mashaqat hám qızıq, shadlı hám azap.
Árman asıwına órmele tınbay,
Sharshasań da jalıqpassań sen biraq....

Tas tóbeńde qáwipli jartas salbırar,
Qorıqpa, jolawshı joq bul tas kórmegen.
Ol tas qashan, kimniń ústine qular?
Bul tuwralı ele hesh kim bilmegen...

Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Ómir óter, biz qalarmız jasqada,
Juldızlar sáwbetin buzbas hasla da,
Bul ómirdiń kún kóristen basqa da,
Ruwxıy lázzeti mazalı bolar.

✍️Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Shóldiń iyisin alsa turmas

Qırq ay qolda ósken kiyik,
Shóldin' iyisin alsa turmas,
Dúzde ósken shopan xalqı,
Sháharde baylasa turmas,

Múriwbetli bolsa kewil,
Qayǵı dártiń bolar jeńil,
Baǵ ishinde ashılǵan gúl,
Qazan urıp solsa turmas,

Bultlar kóshse bálent tawdan,
Kóz jasınan seller jawǵan,
Izi kelispegen dáwran,
Jatıp tús kórgenshe bolmas....

✍ Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Astan-kesten oynap bolsa balalar,
Hár zattı ornına qoyar analar.
Sol sıyaqlı, kimler dana, kim shala,
Waqıt bárin ornı-ornına qoyar...

✍️Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Dáwran atın minip kelse náwbeti,
El súygen jigittiń tasar dáwleti.
Insannıń insanģa artsa húrmeti,
Gúlshanlarda ashılmayın gúl qalmas.

                       ✍️ Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Dáwran atın minip kelse náwbeti,
El súygen jigittiń tasar dáwleti.
Insannıń insanģa artsa húrmeti,
Gúlshanlarda ashılmayın gúl qalmas.

                       ✍️ Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Shóldiń iyisin alsa turmas

Qırq ay qolda ósken kiyik,
Shóldiń iyisin alsa turmas,
Dúzde ósken shopan xalqı,
Sháharde baylasa turmas,

Múriwbetli bolsa kewil,
Qayǵı dártiń bolar jeńil,
Baǵ ishinde ashılǵan gúl,
Qazan urıp solsa turmas,

Bultlar kóshse bálent tawdan,
Kóz jasınan seller jawǵan,
Izi kelispegen dáwran,
Jatıp tús kórgenshe bolmas....

✍️ Ibrayım Yusupov

Website | Telegram | Instagram | YouTube | Facebook

#shayır_dóretiwshiliginen

Qatnasar qarındassız el-jayıńda ne sán bar,
Barıs-kelis qılmasań, aǵayinde ne sán bar.
Dosları ilham bermese, Ibrayımda ne sán bar,
Eli-xalqıń, dos-yaranıń - qádirdanıń bolmasa...

✍️ Ibrayım Yusupov

Website | Telegram | Instagram | YouTube | Facebook