#Qabıllaw_2024

❗DÍQQAT QABÍLLAW

🔵I.Yusupov atındaǵı dóretiwshilik mektebine qabıllaw dawam etpekte

Xabarıńız bar, 1-20-iyun kúnleri aralıǵında I.Yusupov atındaǵı dóretiwshilik mektebine 2024-2025-oqıw jılı ushın tómendegi klaslar kesiminde qabıllaw bolıp ótpekte:

⭐7-klass ushın 40 oqıwshı;

⭐8-klass ushın 8 oqıwshı;

⭐9-klass ushın 1 oqıwshı;

⭐10-klass ushın 1 oqıwshı.

✅Eger hújjet tapsırıwda qıyınshılıqlarǵa ushırap atırǵan bolsańız I.Yusupov atındaǵı dóretiwshilik mektebine kelseńiz boladı.

Esletpe: Hújjetler onlayn tárizde ariza.piima.uz sayıtı arqalı tapsırıladı.

🔵 Telegram | 🌐 Instagram | 🌐Facebook

#qabıllaw_2024
#1_iyun_20_iyun

❗Qánigelestirilgen bilimlendiriw orınları agentligi sistemasındaǵı dóretiwshilik mekteplerine neshe oqıwshı qabıllanadı?

🎚️2024/2025-oqıw jılında Agentlik sistemasındaǵı barlıq dóretiwshilik mektepleriniń 7-klasına oqıwshılar qabıl etiledi.

Usı mekteplerge qabıllaw kvotası sheńberinde:
➖Ibrayım Yusupov atındaǵı dóretiwshilik mektebine 40 oqıwshı,
➖Muhammad Yusuf atındaǵı dóretiwshilik mektebine 60 oqıwshı,
➖Hamid Olimjon hám Zulfiya atındaǵı dóretiwshilik mektebine 60 oqıwshı,
➖Abdulla Oripov atındaǵı dóretiwshilik mektebine 60 oqıwshı,
➖Is'hoqxon Ibrat atındaǵı dóretiwshilik mektebine 40 oqıwshı,
➖Halima Xudoyberdiyeva atındaǵı dóretiwshilik mektebine 40 oqıwshı,
➖Erkin Vohidov atındaǵı dóretiwshilik mektebine 60 oqıwshı,
➖Muhammad Rizo Ogahiy atındaǵı dóretiwshilik mektebine 40 oqıwshı,
➖Abdulla Qodiriy atındaǵı dóretiwshilik mektebine 60 oqıwshı qabıl etiledi.

Mekteplerge onlayn arza tapsırıw boyınsha video -qollanba.
Call-oray : 1206

🔵 Telegram | 🌐 Instagram | 🌐Facebook

#Qabıllaw_2024

📣 I.Yusupov atındaǵı dóretiwshilik mektebi Respublikamızdaǵı hár tárepleme talantlı, qábiletli, bilimli oqıwshı-jaslardı 7-klastan baslap oqıwǵa mirát etedi!

🎚️ Egerde sizdiń perzentińiz dóretiwshilik mektebimizde bilim alsa tómendegi bir-birinen qolaylı shárayatlarǵa iye boladı:

Keń hám jaqtılı zamanagóy oqıw xanaları, kompyuter xanaları, sońǵı úlgidegi jataqxana, asxana, ishki sport zal, gazonlı sırtqı sport maydanshası.

Sonday-aq, perzentińiz sabaqtan bos waqıtlarında sport dógerekleri, pán dógerekleri, dóretiwshilik, awdarmashılıq, aktyorlıq sheberligi, milliy sazlar, ayaq oyını, sheber qollar, dizaynerlik kursları, kompyuter grafikası, vebdizayn sıyaqlı dógerekler menen shuǵıllansa boladı.

Dóretiwshilik mektebimizde mine usınday qolaylı shárayatlarda oqıw álbette BIYPUL!

💠 Solay eken, bunday imkaniyattan únemli paydalanıń hám mektebimizde oqıw ushın hújjetlerdi usı jıldıń 1-20-iyun kúnleri aralıǵında ariza.piima.uz saytı arqalı tapsırıń.

Call Oray - 1206

🔵 Telegram | 🌐 Instagram | 🌐Facebook

#I_Yusupov_dóretiwshilik_mektebi
#Qabıllaw_2024

📣📣📣DÍQQAT DAǴAZA❗❗❗

2024-2025-oqıw jılında I.Yusupov atındaǵı dóretiwshilik mektebi respublikamızdaǵı talantlı, qábiletli, bilimge qızıǵıwshı oqıwshılardı 7-8-9-10-klaslarǵa dóretiwshilik imtixanları hám test sınaqları tiykarında qabıllaw ushın hújjetler qabıl etiwdi basladı!

⏳Mektepte oqıw ushın hújjetlerdi 2024-jıldıń 1-20-iyun kúnleri aralıǵında ariza.piima.uz saytı arqalı onlayn tapsıradı yamasa (61) 223-20-03 telefon nomeri arqalı baylanıssa boladı.

🎚️Oqıwǵa tapsırıw ushın kerekli hújjetler:
1.Oqıwshınıń tiyisli oqıw jılı nátiyjesi kórsetilgen bahalar tabeliniń mektep direktorı tárepinen tastıyqlanǵan nusqası;
2. Oqıwshınıń sońǵı 2 ay ishinde túsken fotosúwreti;
3. Oqıwshınıń tuwılǵanlıǵı haqqındaǵı guwalıǵı hám onıń ata-anasınıń ( yaki olardıń ornın basıwshı shaxslardıń) puqaralıq pasportınıń maǵlıwmatları, baylanıs nomerleri tolıq jazılıwı tiyis.

💠Kiriw imtixanları úsh basqıshta tómendegi pánlerden ótkeriledi:
-birinshi basqısh: dóretiwshilik tekst jaratıw;
-ekinshi basqısh: dóretiwshilik sáwbet;
-úshinshi basqısh: jámi 50 test: ana tili hám ádebiyatı páninen 20 test; inglis tili páninen 15 test;
intellektuallıq qábilet dárejesin (IQ) anıqlaw boyınsha 15 test túrinde bolıp ótedi.

✔️ Mektepke qabıl etilgen oqıwshılar tolıq biypul bilim aladı.

🔺Olar ushın mektepte tómendegi qolaylı shárayatlar jaratılǵan:
- zamanagóy jataqxana menen támiyinlenedi;
- mektep jataqxanasında jatıp oqıytuǵın oqıwshılar ushın 1 kúnde 5 mezgil biypul awqat beriledi;
- sabaqtan soń túrli sport hám pán dógerekleri, bunnan basqa da dóretiwshilik, awdarmashılıq, aktyorlıq sheberligi, milliy sazlar, dizayn hám IT tarawına baǵdarlawshı dógerekler jumıs alıp baradı;
- oqıwshılarda jasalma intellekt, robototexnika, IELTS, TOEFL hám milliy sartifikatlardı qolǵa kiritiw boyınsha qosımsha biypul dógerekler de shólkemlestirilgen;
-sonday-aq oqıwshılardıń sabaqtan bos waqtında tez-tezden tariyxıy orınlarǵa hám tábiyat qoynına sayaxatqa alıp barıladı.
- Imtixan ótkeriliw waqtı, sánesi hám ornı haqqındaǵı maǵlıwmatlar siziń qol telefonıńızǵa sms bolıp baradı.
- Oqıwshılar imtixanǵa óz shaxsın tastıyıqlawshı hújjeti, imtixanǵa ruxsatnama menen óz waqtında jetip keliw soraladı.

Húrmetli ata-analar, mektebimizde bilim alıwdı qálewshi oqıwshılar! Siz bul dóretiwshilik mektepke Ózbekstan Respublikasınıń barlıq aymaqlarınan hújjet tapsırıwıńız múmkin.

📱 Telegram | 📱 Instagram | 📱Facebook