#Tanlovga
#Muhammad_Yusuf_tavalludining_70_yilligi

FARYOD

*Ko'rmay yashab ketganlar bor baxtiyor,
Bilmay yashab ketganlar bor baxtiyor*
Tillariga chok tushgan-u, qalbini
Tilmay yashab ketganlar bor baxtiyor.

Hayqirarlar: "Cho'lponning avlodiman,
Qonidagi isyonning avlodiman"
Tomiridan chirt uzilib, yana der:
"Boshim — osmon, osmonning avlodiman"

Barmoqlarni kishanlagan baxtmidi?
Bu dunyoda o'lik faqat ahdmidi?
Ro'yolarda buzib butun olamni,
Uyg'onganda uyqudagi shaxdmidi?

Tanglayimda tomir otganida so'z,
Dorlariga boshni sotganida so'z.
Bog'bonliging sira unutma, Turon,
Gulzoringda gullab yotganida so'z.

*Muhammad Yusuf satrlari

✍Zulhayo Mingboyeva
Halima Xudoyberdiyeva nomidagi ijod maktabi 9-sinf o'quvchisi

🌟Bizni ijtimoiy tarmoqlarda👇🏻

Telegram | Instagram | Facebook
Websayt | You Tube

#Tanlovga
#Muhammad_Yusuf_tavalludining_70_yilligi

QUSHLAR HAM YIG‘LAR

Ayvon uchun ustun bo‘lay deb,
Terakzorni tark etdi terak.
Endi bizning bu ishimiz deb,
*Tunda qushlar yig‘lasa kerak*

Zir aylanib ona chumchuq ham
Bolalarin qidirar halak.
Ko‘kda parvoz qilib u har dam,
*Tunda u ham yig‘lasa kerak*

Yangi inni qurmoqlik uchun
Xas tashiydi tinimsiz beshak.
Yuragim ham bugun bir tugun,
*Tunda u ham yig‘lasa kerak*

*Muhammad Yusuf satrlari

✍Ruxshona Abdullajonova
Halima Xudoyberdiyeva nomidagi ijod maktabi 9-sinf o‘quvchisi

🌟Bizni ijtimoiy tarmoqlarda👇

Telegram | Instagram | Facebook Websayt | You Tube

#Muhammad_Yusuf_70_yoshda
#videoroliklar_tanlovi

🏢  Halima Xudoyberdiyeva nomidagi ijod maktabi

☑️  "Ulug'imsan Vatanim"  onlayn tanlovi

"Vatan"
✍ Muhammad Yusuf

👩‍🎓 Qarshiboyeva Sevinch
8-"B" sinf oʻquvchisi

♻️Tanlov davom etmoqda...

📌 Bizni ijtimoiy tarmoqlarda👇

Telegram | Instagram | Facebook Websayt | You Tube

OTA...

Ota, yuzlaringdan nur olmish oftob,
Peshona teringdan gullaydi jahon.
Ota — matonatdan bitilgan kitob,
Ko'nglidan kenglikni o'rganar osmon.

Ota, sochlaringda kumush jilosi,
Unda sho'xliklarim aksini ko'rdim.
Men sening mehringdan olib andoza,
Qalbimda tuyg'ular qasrini qurdim.

Kozyoshim sathidan uzilgan durlar,
Yuraging zirhiga otilgan toshmi.
Boshimni silagan, ey qadoq qo'llar,
Siz shoirqalbimning ilk tamaltoshi.

Umr daftaringning sarlavhasi biz,
Har bitta satrida bo'lgan namoyon.
Pokiza yuragim, toshqin yuragim,
Kozlaring nurida muhabbat ayon.

Tillo taxtim bordir qara, otajon
Sening issiq tafting taxtim emasmi?
Shoir bo'lmoqlikmas, aslida dildan
Senga she'r yozmoqlik baxtim emasmi?

✍️Dilnoza Jabborova

14.04.2024
23:58

🌟Bizni ijtimoiy tarmoqlarda👇

Telegram | Instagram | Facebook Websayt | You Tube

#Tanlovga
#Muhammad_Yusuf_tavalludining_70_yilligi

YURAGIMGA...

*Bir kecha behosdan uyg'onib ketsam,
Yig'lab o'tiribdi yuragim yum-yum.
,,So'zla, tasalliga ko'milay" degan
Dardkashim boshida dardlar bir uyum.

Ne bo'ldi, qay xanjar nimta bag'ringni,
Tilka-tilka qilib otdi olovga.
Ayt, qaysi vijdondan judo bo'lgan zot
Seni hamroh qildi hijrondek yovga.

,,Charchadim tasalli bermoqqa hatto"
So'zlayman, so'zlarim chiqmas tilimga.
Men dardni ichimga ko'marman, ammo
Bu mushkul kul bo'lgan, xasta dilimga.

Bo'ldi, yig'lamagin, mavhum bir dardga
Chalinib, tunlarga dardisar yurak.
Seni g'arq aylagan ko'zyoshlar bir kun,
Meni ham butunlay cho'ktirsa kerak.

Tabassum degani yuzlarga oro,
Bizga-chi, istehzo bo'lar bu balkim.
Kel, tunlar yig'iga ko'milsin, kunlar
Istehzolar bilan o'tsin, yuragim!


*Muhammad Yusuf satrlari

✍️DILNOZA JABBOROVA
Halima Xudoyberdiyeva nomidagi ijod maktabining 10-sinf o‘quvchisi

✅Biz ijtimoiy tarmoqlarda👇🏻

Telegram | Instagram | Facebook
Websayt | You Tube

#Tanlovga
#Shoir_Muhammad_Yusuf_tavalludining_70_yilligi

VATAN YAGONASAN


"Bobolar kalomi tilimda doim,
Sen uchun yuragim qoʻlimda doim"*
Otash sevging kuylar dilimda doim,
Rayhoning yastanar yoʻlimda doim.

Egmasin boshingni oʻzga yurt toshi,
Unutma, onamdek sensan durdonam.
Soʻnmasin hech qachon baxting quyoshi,
Oʻzingsan tanhom, oʻzing yagonam.

Temurning yurtisan, baland dovrugʻing,
Har bir togʻ-u toshing asli olmosdir,
Mudom hilpirasin bayrogʻing–tugʻing,
Muqaddas tuprogʻing otamerosdir.


*Muhammad Yusuf satrlari

✍Marjona Ilhomjonova
Halima Xudoyberdiyeva nomidagi ijod maktabi 7-sinf oʻquvchisi

Bizni ijtimoiy tarmoqlarda kuzatib boring👇

Telegram | Instagram | Facebook | You tube | Veb-sayt |

#Muhammad_Yusuf_70_yoshda
#videoroliklar_tanlovi

🏢  Halima Xudoyberdiyeva nomidagi ijod maktabi

☑️  "Ulug'imsan Vatanim"  onlayn tanlovi

"ONAJON"
✍ Muhammad Yusuf

👨‍🎓Ulug‘bek ABDUQODIROV
9-"A" sinf oʻquvchisi

♻️Tanlov davom etmoqda...

📌Biz ijtimoiy tarmoqlarda:
Telegram I ✅Facebook I 🌐Veb-sayt| 🌐Instagram I 📹YouTube