#Bilasizmi

✅ Qonunchilikka ko‘ra, ofitsiantlar xizmat ko‘rsatadigan umumiy ovqatlanish obyektlariga mijozlarni kiritishni ularning yopilishidan 30 daqiqa oldin, o‘z-o‘ziga xizmat ko‘rsatish usuli bo‘yicha ishlaydigan umumiy ovqatlanish obyektlariga esa – ularning yopilishidan 15 daqiqa oldin to‘xtatishga yo‘l qo‘yiladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Tuz, shakar, un, yorma va boshqa sochiluvchan tovarlarni qadoqlash va sotishda alohida kurakchalardan foydalaniladi.

🚫 Oziq-ovqat tovarlarini vitrinada quyosh nurlari va yog‘ingarchiliklarning to‘g‘ridan-to‘g‘ri ta’siriga uchraydigan holatda, shuningdek tovarlarni yonma-yon saqlash tartibi buzilgan holda saqlash va joylashtirish mumkin emas.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Nomusga tegish yoki jinsiy ehtiyojni zo'rlik ishlatib g'ayritabiiy usulda qondirish bilan bog'liq holda qasddan odam o'ldirish 15 yildan 25 yilgacha ozodlikdan mahrum qilish yoki umrbod ozodlikdan mahrum qilish bilan jazolanishi mumkin.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Qonunchilikka ko'ra, o'zlariga biriktirilgan turar joyga ega bo'lmagan va turar joyga muhtojlar sifatida hisobda turgan yetim bolalar va ota-ona qaramog'idan mahrum bo'lgan bolalarga ular 18 yoshga to'lgan yilda ko'p kvartirali uy-joylardan umumiy maydoni 25 kvadrat metrdan kam bo'lmagan 1 xonali, voyaga yetgan yetim bolalar o'rtasida nikoh tuzilgan hollarda, 50 kvadrat metrdan kam bo'lmagan 2 xonali kvartiralar ajratilishi belgilangan.

❗️ Bunda, mazkur toifaga kiruvchi nogironligi bo'lgan bolalarga kvartiralar ko'p qavatli uylarning 3-qavatigacha ajratiladi.

⚠️ Uy-joylar mulkka egalik qilish huquqi asosida, biroq 30 yoshga to'lgungacha uni sotish huquqisiz beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

OTMga oʻqishga topshirishda qanday hujjatlar kerak boʻladi?

✅ Qonunchilikka koʻra, abituriyentlar oliy ta’lim muassasalariga oʻqishga kirish uchun hujjatlarni qabul qilish boʻyicha davlat xizmatlaridan foydalanish uchun Davlat xizmatlari markazlariga murojaat etadi yoki davlat xizmatlaridan elektron tarzda foydalanish uchun YIDXP (my.gov.uz) orqali roʻyxatdan oʻtadi.

⚠️ Imtiyozga ega abituriyentlar, shuningdek, fuqaroligi boʻlmagan shaxslar va pasport yoshiga yetmaganlar davlat xizmatlaridan foydalanish uchun Markazlarga murojaat etadi.

📝 Abituriyent oʻzi kelib murojaat etgan taqdirda, Markaz xodimi abituriyent nomidan, YIDXP orqali murojaat etgan taqdirda esa, mustaqil ravishda soʻrovnoma boʻyicha ma’lumotlarni Davlat test markazining tizimiga maxsus dastur orqali elektron ravishda kiritadi.

🔰Markaz xodimi tomonidan soʻrovnomaga tegishli ma’lumotlar kiritilishi uchun abituriyent Markaz xodimiga quyidagi hujjatlarning asl nusxasini taqdim etadi:

🔸fuqarolik pasporti (ichki ishlar boʻlimlari tomonidan berilgan 09-shakl boʻyicha jismoniy shaxsning shaxsiy identifikatsiya raqami, pasport seriyasi va raqami koʻrsatilgan ma’lumotnoma);

🔸pasport yoshiga yetmaganlar uchun tugʻilganlik toʻgʻrisidagi guvohnoma;

🔸umumiy oʻrta ta’lim (11-sinf negizida) yoki oʻrta maxsus, kasb-hunar ta’limi muassasasini tugatganligi haqidagi hujjat (ilovasi bilan);

🔸Prezidentning hamda Vazirlar Mahkamasining normativ-huquqiy hujjatlarida belgilangan tartibda imtiyozga ega boʻlgan abituriyentlar imtiyoz huquqini tasdiqlovchi hujjat.

🚫 Hujjatlarni qabul qilishning belgilangan muddatlari tugagandan soʻng soʻrovnomaga qoʻshimcha va oʻzgartirishlar kiritish qat’iyan man etiladi.

❗️Abituriyentdan qoʻshimcha hujjatlarni talab qilish taqiqlanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Mevalar bilan savdo qilishda ularning buzilishini oldini olish uchun fumigasiya qilingan olma, nok va sitrus mevalarni savdo joylarida saqlash 24 soatdan oshmasligi kerak.

➡️ Yangi rezavor mevalar solingan ochiq savatlar va g'alvirlar usti yengil gazlama (masalan, doka va hokazolar) bilan yopiladi.

☑️ Rezavor mevalar, gilos, olcha va uzum dastlabki qayta ishlovlarsiz savdoga qo'yilishi mumkin.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️Majburlab tuzilgan nikoh jabrlanuvchi (uning qonuniy vakillari) yoki prokurorning arizasi bo'yicha haqiqiy emas deb topilishi mumkin.

⏩ Haqiqiy emas deb topilgan nikoh er-xotin uchun Oila kodeksida belgilangan shaxsiy va mulkiy huquq hamda majburiyatlarni vujudga keltirmaydi.

☑️ Nikohning haqiqiy emas deb topilishi shunday nikohdan tug'ilgan yoki nikoh haqiqiy emas deb topilgan kundan keyin 300 kun ichida tug'ilgan bolalarning huquqlariga ta'sir etmaydi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔘 Qonunchilikka ko'ra, 2025-yil 1-yanvargacha:

▫️kasanachilarga daromad solig'i kasanachilikdan olinadigan jami daromadni 50 foizga, 1 oyda ko'pi bilan 1 million so'mgacha kamaytirgan holda hisoblanadi;

▫️kasanachilar ijtimoiy soliq to'lovini o'zini o'zi band qilgan shaxslar uchun belgilangan tartibda amalga oshiradi;

▫️olis va chekka hududlardagi mahallalarda kasanachilikni tashkil etgan tadbirkorlarga dastlabki 3 oydagi faoliyati uchun 1 oylik o'rtacha daromadi miqdorida bir martalik subsidiya ajratiladi.

Kanalga ulanish👇👇👇
https://t.iss.one/huquqiyaxborot_lotin

#2023_yil_1_iyundan

💰Qishloq xoʻjaligi sohasidagi barcha subsidiyalar “Qishloq xoʻjaligi mahsulotlarini yetishtiruvchilarga subsidiya berish” axborot tizimi orqali amalga oshiriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Bog'chalarda xodimlarning maoshiga bir martalik qo'shimcha haq ularning erishgan natijalardan kelib chiqib yoki quyidagi zarur shartlar bajarilganda beriladi:

🔹 ko'rik tanlovlardagi ishtiroki uchun lavozim maoshiga nisbatan:

▫️ tuman va viloyat miqyosdagi natijalar uchun 15 foizgacha;
▫️ respublika miqyosdagi natijalar uchun 20 foizgacha;

🔹 o'yin tamoyiliga asoslangan zamonaviy mashg'ulotlarni tashkil qilganligi uchun 15 foizgacha;

🔹 tarbiyalanuvchilarni ilm-fanga qiziqishini oshirishga qo'shgan hissasi uchun 20 foizgacha.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

Ko'p kvartirali uylar yerto'lasidan foydalanish tartibi qanday?

🔰 Ko'p kvartirali uylar yerto'lasidan foydalanish u joydagi mulkdorlar roziligiga asosan amalga oshiriladi.

📌 Yerto'ladan joylar faqat yerto'lada shug'ullanilishi mumkin bo'lgan quyidagi faoliyat turlarini amalga oshirish uchun beriladi:

● oziq-ovqat va nooziq-ovqat tovarlari bilan savdo qilish (do'konlar, kioskalar, do'konchalar va boshqalar);
● maishiy xizmat ko'rsatish (sartaroshxona, poyabzal tikish va ta'mirlash, optika, soat sozlash ustaxonalari, tikuvchilik va kashtachilik, atelye);
● umumiy ovqatlanish (restoranlar, kafe, kafeteriylar, muzqaymoq va chanqovbosdi ichimliklar barlari, gazakxonalar);
● bank xizmatlari ko'rsatish (banklarning bo'limlari va valyuta almashtirish punktlari);
● aloqa xizmatlari ko'rsatish (pochta bo'limi) va kurerlik faoliyati;
● gazetalar, jurnallar va kitob mahsulotlari bilan savdo qilish;
● bijuteriya va jevaklarni tayyorlash va ta'mirlash;
● gulchambarlar, sun'iy gullar va gul marjonlarini tayyorlash;
● rassomlik va haykaltaroshlik;
● xizmat ko'rsatish va tadbirkorlarning ofislari hamda idoralari;
● video va fotosuratga olish, kompyuter xizmatlari;
● tarjima va tahrir xizmatlari;
● dizayn, chizmachilik-grafika xizmatlari;
● kiyim-kechak va idishlarni ijaraga berish xizmati;
● rieltorlik faoliyati;
● gazlamalarga naqshlar solish, trafaretli bosma va qo'lda rasm chizish xizmatlari;
● jismoniy tarbiya va sport muassasalari faoliyati;
● davlat tashkilotlarini joylashtirish;
● sug'urta tashkilotlarini joylashtirish.

✅ Yerto'ladan foydalanganlik uchun to'lanadigan ijara to'lovlarining eng kam miqdorlari hokimliklar tomonidan tasdiqlanadi.

🚫 Yerto'ladan foydalanuvchi tomonidan uni boshqa shaxslarga sotish, hadya etish, garovga qo'yish va ijaraga berishga yo'l qo'yilmaydi.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Oʻzbekistonda insonning huquq va erkinliklari xalqaro huquqning umume’tirof etilgan normalariga binoan hamda Konstitutsiyaga muvofiq e’tirof etiladi va kafolatlanadi.

Inson huquq va erkinliklari har kimga tugʻilganidan boshlab tegishli boʻladi.

Barcha fuqarolar bir xil huquq va erkinliklarga ega boʻlib, jinsi, irqi, millati, tili, dini, e’tiqodi, ijtimoiy kelib chiqishi, ijtimoiy mavqyeidan qat’i nazar, qonun oldida tengdirlar.

Imtiyozlar faqat qonunga muvofiq belgilanadi va ijtimoiy adolat prinsiplariga mos boʻlishi shart.

Yangi tahrirdagi Konstitutsiya, 19-modda

Kanalga ulanish👇👇👇
https://t.iss.one/huquqiyaxborot_lotin

#Diqqat_aksiya

✅ Adliya vazirligi tomonidan “Mehnat huquqlarimizni oʻrganamiz“ huquqiy aksiyasi oʻtkaziladi.

⏳ Aksiya 2023-yil 1-iyundan 1-avgustgacha davom etadi.

🔰 Mazkur huquqiy aksiya doirasida quyidagilar rejalashtirilgan:

📖 Mehnat kodeksi boʻyicha avvalgi va yangi tartiblarni qiyosiy tushuntirish;

🧑‍🏫 mehnat jamoalari, mahallalar va keng aholi oʻrtasida manzilli huquqiy targʻibot tadbirlari;

👥 mehnat huquqlarini himoya qilish boʻyicha sayyor qabullar;

🎧 huquqiy audiopodkast;

🖥 mehnat qonunchiligi boʻyicha Umummilliy imtihon;

🎯buzilgan mehnat huquqlarini tiklash boʻyicha amaliy choralar;

📎 bepul onlayn oʻquv kurslari va boshqa tadbirlar.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Fuqarolar Oʻzbekiston xalqining tarixiy, ma’naviy, madaniy, ilmiy va tabiiy merosini asrab-avaylashi shart.

⚖️ Davlat muhofazasiga olingan moddiy madaniy meros ob’yektlarini nobud qilish, buzish yoki ularga shikast yetkazish juda koʻp miqdorda zarar yetkazgan holda sodir etilgan boʻlsa, 5 yildan 7 yilgacha ozodlikdan mahrum qilish jazo chorasi qoʻllanilishi mumkin.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Oʻzbekiston fuqarosi va davlat bir-biriga nisbatan oʻzaro huquq va majburiyatlar bilan bogʻliqdir.

Insonning Konstitutsiya va qonunlarda mustahkamlab qoʻyilgan huquq va erkinliklari daxlsizdir hamda ulardan sud qarorisiz mahrum etishga yoki ularni cheklab qoʻyishga hech kim haqli emas.

Insonning huquq va erkinliklari bevosita amal qiladi. Insonning huquq va erkinliklari qonunlarning, davlat organlari, fuqarolarning oʻzini oʻzi boshqarish organlari, ularning mansabdor shaxslari faoliyatining mohiyati va mazmunini belgilaydi.

Davlat organlari tomonidan insonga nisbatan qoʻllaniladigan huquqiy ta’sir choralari mutanosiblik prinsipiga asoslanishi va qonunlarda nazarda tutilgan maqsadlarga erishish uchun yetarli boʻlishi kerak.

Inson bilan davlat organlarining oʻzaro munosabatlarida yuzaga keladigan qonunchilikdagi barcha ziddiyatlar va noaniqliklar inson foydasiga talqin etiladi.

Yangi tahrirdagi Konstitutsiya, 20-modda

Kanalga ulanish👇👇👇
https://t.iss.one/huquqiyaxborot_lotin

#2023_yil_1_iyundan

🔰Mulkiy huquqlarning ishonchli himoyasini ta’minlash, ushbu huquqlarni cheklayotgan omillarni bartaraf etish, mulkiy munosabatlarga asossiz aralashuvga yoʻl qoʻymaslik maqsadida quyidagilar bekor qilinadi:

🔹toʻlov xizmatlarini koʻrsatuvchi tashkilotlar jismoniy shaxslar oʻrtasida pul oʻtkazmalari amalga oshirilganda, ularga koʻrsatilgan xizmatlar uchun elektron hisobvaraq-fakturalar taqdim etish va rasmiylashtirish tartibi;

🔹chakana savdo va xizmat koʻrsatish obyektlarining faoliyat koʻrsatish vaqtiga nisbatan cheklovlar.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Prezident qarori bilan 2022 – 2026-yillarda umumiy oʻrta ta’lim muassasalarini qurish, rekonstruksiya qilish, mukammal ta’mirlash va jihozlashning asosiy prognoz koʻrsatkichlari tasdiqlangan.

🔰Unga koʻra, maktablarni qurish, rekonstruksiya qilish, mukammal ta’mirlash va jihozlash quyidagi mablagʻlar hisobidan amalga oshiriladi:

🔸ijtimoiy va ishlab chiqarish infratuzilmasini rivojlantirish dasturlari doirasida ajratiladigan mablagʻlar;

🔸Davlat budjeti mablagʻlari;

🔸xalqaro moliya institutlarining kreditlari va grantlari;

🔸homiylik xayriyalari, xususiy sheriklar hamda nodavlat ta’lim tashkilotlari mablagʻlari.

Kanalga ulanish👇👇👇
https://t.iss.one/huquqiyaxborot_lotin

#10_savolga_10_javob

❗️Farzandini “lager”ga yuborayotgan ota-onalar uchun huquqiy eslatmalar

➡️ Batafsil: https://shorturl.at/bfgnI

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Bogʻchalardagi oliy ma’lumotli tarbiyachilar oyligi oʻqituvchilar oyligiga tenglashtiriladi

“Maktabgacha va maktab ta’limi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida”gi Prezident farmoni (PF–79-son, 26.05.2023-y.) qabul qilindi

🔰Farmonga koʻra, 2023/2024-oʻquv yilidan bosqichma-bosqich:

🔹maktablarning 1–4-sinflarida oʻquvchilarga boshlangʻich, 5–9-sinflarida tayanch hamda 10–11-sinf oʻquvchilarining qiziqish va qobiliyatiga mos oʻquv dasturlari va oʻquv-metodik majmualar joriy etiladi;

🔹baholashning yangi tartibi joriy etiladi. Bunda oʻquvchining oʻtilgan mavzuni amaliyotda qoʻllay olishi, tanqidiy fikrlash va tahlil koʻnikmalari baholanadi;

🔹boshlangʻich sinflarda informatika, oʻrta sinflarda esa moliyaviy savodxonlik darslari oʻtiladi;

🔹barcha fanlar boʻyicha amaliy mashgʻulotlar ulushi 60 foizga yetkaziladi.

📝 2024-yil 1-yanvardan maktabga birinchi marta ishga qabul qilinayotgan oʻqituvchilarni kasbiy sertifikatlash joriy etiladi.

❕Bunda 2023/2024-oʻquv yilidan oʻqituvchilar stajyor-oʻqituvchi sifatida ishlaydi va 1 yilda sertifikat olishi talab etiladi.

🔘 2024-yil 1-yanvardan davlat bogʻcha, maktab va maktabdan tashqari ta’lim tashkilotlari pedagoglariga malaka toifasini berishning yangi tartibi joriy qilinadi.

❕Bunda malaka toifasi uchun sinovlar 1 yilda kamida bir marotaba ikki bosqichda oʻtkaziladi hamda birinchi bosqichda talabgorning mutaxassislik fani va kasb standarti boʻyicha bilim darajasi, ikkinchi bosqichda – pedagogik mahorati baholanadi.

💰2024-yil 1-iyundan bogʻchalardagi oliy ma’lumotli tarbiyachilarning oyligi maktab oʻqituvchilari oyligiga tenglashtiriladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Bola tugʻilganidan boshlab maktabga onlayn hisobga qoʻyiladi

🔰 Farmonga koʻra, 2023-yil 1-sentabrdan:

▫️maktab direktoriga oʻz oʻrinbosarlarini ishga qabul qilish va ishdan boʻshatish, ajratilgan umumiy soatlar doirasida oʻquv rejalariga 15 foizgacha oʻzgartirish kiritish masalalarini mustaqil hal qilish huquqi beriladi;

▫️tuman (shahar) maktabgacha va maktab ta’limi boʻlimlarining maktab faoliyatini tekshirish va ta’lim sifatini baholash boʻyicha vakolatlari bekor qilinadi;

▫️hududlarda eng tajribali maktab direktorlaridan iborat Direktorlar kengashlari tuziladi;

▫️maktab direktorlari Direktorlar kengashi tavsiyasiga asosan hududiy boshqarmalar tomonidan ochiq tanlov asosida lavozimga tayinlanadi.

📋 2024-yil 1-yanvardan maktab direktorlarini har 5 yilda bir marotaba kasbiy sertifikatsiyalash tizimi joriy etiladi.

❕Bunda, sertifikatsiyadan oʻta olmagan direktorlar belgilangan tartibda lavozimidan ozod etiladi.

🔘 Farmonga muvofiq, quyidagilar bekor qilinadi:

🔸ma’naviy-ma’rifiy ishlar boʻyicha direktor oʻrinbosarlarini lavozimga tayinlashda tuman (shahar) ma’naviyat va ma’rifat markazi tomonidan tavsiya berish amaliyoti;

🔸jismoniy tarbiya fani oʻqituvchilarini ishga qabul qilishda sport sohasidagi vakolatli davlat organining hududiy boʻlimlari hamda sport maktablari metodistlari tomonidan yoʻllanma berish tartibi.

✅ 2024-yil 1-yanvardan:

▫️bola tugʻilganidan soʻng, doimiy yashash manzilidagi mikrohududga biriktirilgan maktabda onlayn hisobga qoʻyiladi;

▫️maktablarning har oʻquv yili uchun qabul rejasi my.maktab.uz elektron platformasida shakllantiriladi.

➡️ Shuningdek, 2023/2024-oʻquv yilidan “Sirdaryo tajribasi” asosida har bitta hududda bittadan zamonaviy “Barkamol avlod” bolalar maktablari tashkil qilinadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Shahvoniy shilqimlik qilish, ya’ni shaxsga nisbatan uning uchun nomaqbul bo‘lgan hamda uning sha’ni va qadr-qimmatini tahqirlaydigan, shaxsning tashqi qiyofasini yoki qaddi-qomatini tavsiflashda, imo-ishora qilishda, teginishda, chaqirishda ifodalangan, shahvoniy xususiyatga ega bo‘lgan harakatlarni bir marta qo‘pol ravishda yoki bir necha marta sodir etish:

➖ BHMning 2 baravaridan 5 baravarigacha (660 ming so‘mdan 1 mln 650 ming so‘mgacha) miqdorda jarima solishga yoki 5 sutkagacha muddatga ma’muriy qamoqqa olishga sabab bo‘ladi.

❗️Xuddi shunday huquqbuzarliklar ma’muriy jazo chorasi qo‘llanilganidan keyin 1 yil davomida takror sodir etilsa:

➖ BHMning 5 baravaridan 7 baravarigacha (1 mln 650 ming so‘mdan 2 mln 310 ming so‘mgacha) miqdorda jarima solishga yoki 15 sutkagacha muddatga ma’muriy qamoqqa olishga sabab bo‘ladi.

Kanalga ulanish👇👇👇
https://t.iss.one/huquqiyaxborot_lotin