#Bilasizmi

☑️ Shaxsni og'ir jinoyat sodir etishda ayblab tuhmat qilgan shaxs jinoiy javobgarlikka tortiladi.

❗️Ushbu harakatlarni sodir etgan shaxs 150 mln so'mgacha miqdorda jarima yoki 400 soatgacha majburiy jamoat ishlari yoxud 3 yilgacha ozodlikni cheklash bilan jazolanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Qonunchilikka ko'ra, o'zlariga biriktirilgan turar joyga ega bo'lmagan va turar joyga muhtojlar sifatida hisobda turgan yetim bolalar va ota-ona qaramog'idan mahrum bo'lgan bolalarga ular 18 yoshga to'lgan yilda ko'p kvartirali uy-joylardan umumiy maydoni 25 kvadrat metrdan kam bo'lmagan 1 xonali, voyaga yetgan yetim bolalar o'rtasida nikoh tuzilgan hollarda, 50 kvadrat metrdan kam bo'lmagan 2 xonali kvartiralar ajratilishi belgilangan.

❗️ Bunda, mazkur toifaga kiruvchi nogironligi bo'lgan bolalarga kvartiralar ko'p qavatli uylarning 3-qavatigacha ajratiladi.

⚠️ Uy-joylar mulkka egalik qilish huquqi asosida, biroq 30 yoshga to'lgungacha uni sotish huquqisiz beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰Tadbirkorlikni yo'lga qo'yishda xotin-qizlarga 33 mln so'mgacha 14 foizlik kreditlar beriladi:

▫️oilaviy tadbirkorlik uchun – 3-6 oygacha imtiyozli davr bilan 3 yilgacha;
▫️chorvachilik, baliqchilik, parrandachilik uchun – 1 yilgacha imtiyozli davr bilan 3 yilgacha;
▫️bog'dorchilik, uzumchilik va limonchilikni tashkil etish, issiqxona, qishloq xo'jaligi texnikasini olish uchun – 3 yilgacha imtiyozli davr bilan 7 yilgacha ajratiladi.

💰Ayollarga 5 mln so'mgacha kreditlar naqd berilishi mumkin.

📝 “Ayollar daftari”ga 30 yoshdan oshgan quyidagi xotin-qizlar kiritiladi:

🔹ijtimoiy himoyaga muhtoj ishsiz xotin-qizlar;
🔹tadbirkorlik qilish istagida bo'lgan ehtiyojmand xotin-qizlar;
🔹boquvchisi bo'lmagan ehtiyojmand xotin-qizlar;
🔹ijtimoiy yordamga muhtoj I va II guruh nogironligi bo'lgan, tezkor tibbiy muolajaga muhtoj xotin-qizlar;
🔹uy-joyga muhtoj xotin-qizlar;
🔹qaramog'ida nogironligi bo'lgan farzandlari bor xotin-qizlar.

Kanalga ulanish👇👇👇
https://t.iss.one/huquqiyaxborot_lotin

#Adliya_tabrigi

Qadrli vatan himoyachilari!

Sizlarni O'zbekiston Respublikasi Qurolli Kuchlari tashkil etilganligining 31 yilligi hamda Vatan himoyachilari kuni bilan samimiy muborakbod etamiz.

Yurtimiz tinchligi va farovonligi, osoyishta hayotini ko'z qorachig'idek asrab-avaylashdek sharafli va mas'uliyatli faoliyatingizda ulkan muvaffaqiyatlar doimiy hamroh bo'lsin.

Ushbu qutlug' damda barchangizga sihat-salomatlik, oilaviy xotirjamlik yor bo'lishini, xonadoningizdan fayzu baraka arimasligini tilaymiz.

Hurmat bilan, Adliya vazirligi jamoasi

Kanalga ulanish👇👇👇
https://t.iss.one/huquqiyaxborot_lotin

#Diqqat_loyiha

❗️Voyaga yetmaganlarga jinsiy tajovuz qilganlar amnistiyaga tushmaydi

Batafsil: https://youtu.be/iYilutWhpFs

➡️ Ushbu havola orqali loyiha muhokamasida faol ishtirok eting: https://regulation.gov.uz/oz/d/75074

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Iqtidorli va malakali tibbiyot mutaxassislarini qo'llab-quvvatlash hamda tibbiyot muassasalariga jalb qilish jamg'armasi mablag'lari hisobidan har yili Markaz va uning hududiy filiallaridan shaffof tanlov asosida tanlab olingan 10 nafargacha shifokor mutaxassislarni nufuzli xorijiy narkologiya markazlarida malaka oshirishga yuborilishi belgilangan.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️Kichik yoshdagi bolalar uchun sharbat mahsulotlariga xushbo'y hid beruvchilar, rang beruvchi moddalar, konservantlar va rang beruvchi ekstraktlarni qo'shishga yo'l qo'yilmaydi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Qonunchilikka ko'ra, fuqarolar jamg'arib boriladigan pensiya to'lovlarini davlat pensiyasiga bo'lgan huquq (umumiy asosda ayollar 55 yoshga, erkaklar 60 yoshga to'lganda) yuzaga kelgan taqdirda olishlari mumkin.

⚠️ Fuqaro vafot etgan taqdirda, shaxsiy jamg'arib boriladigan pensiya hisobvarag'ida jamg'arilgan mablag'lar merosga o'tadi va merosxo'rga bir yo'la to'la hajmda to'lanadi.

📌 Fuqaro O'zbekiston hududidan tashqariga doimiy yashashga chiqib ketayotgan bo'lsa, shaxsiy jamg'arib boriladigan pensiya hisobvarag'ida jamg'arilgan mablag'lar bir yo'la to'la hajmda to'lanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️To'qimachilik tovarlari (gazlamalar va nogazlama materiallar va ulardan tayyorlangan buyumlar), trikotaj buyumlar, tikuv tovarlari (kiyim-kechak, ichki kiyimlar, bosh kiyimlar), mo'ynadan tayyorlangan buyumlar va poyabzal savdo zaliga qo'yilgungacha savdo oldi tayyorgarligidan o'tishi kerak.

✅ Savdo oldi tayyorgarligi quyidagilarni o'z ichiga oladi:

🔹 tovarni o'rovdan olish, sortlarga ajratish va ko'zdan kechirish;

🔹 tovarning sifatini (tashqi belgilariga ko'ra) hamda tovar va uni tayyorlovchi to'g'risida zarur ma'lumotlar borligini tekshirish;

🔹 zarurat bo'lganda buyumlarni tozalash va dazmollash hamda mayda tuzatish.

Kanalga ulanish👇👇👇
https://t.iss.one/huquqiyaxborot_lotin

#Adliya_xabari

Muammolarga huquqiy yechim topa olmayapsizmi?

📽 Adliya vazirligi tomonidan aholini qiynab kelayotgan muammolar hamda eng ko'p berilayotgan savollarning huquqiy yechimlari bo'yicha maxsus videoroliklar ishlab chiqilib, YouTube tarmog'iga joylashtirib borilmoqda.

❗️Bunda Siz “metrika” olishdan pensiyaga chiqishgacha bo'lgan jarayonlarda duch kelayotgan muammolaringizga mavzulashtirilgan tarzda huquqiy yechim topishingiz mumkin.

📌 O'z vaqtingizdan unumli foydalangan holda huquqiy bilimlaringizni mustahkamlang!

👉 Batafsil: youtube.com/adliya

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

To'qimachilik korxonalariga elektr iste'moli uchun 1 oylik oldindan to'lov talabi bekor qilinadi

“Paxta-to'qimachilik klasterlari faoliyatini qo'llab-quvvatlash, to'qimachilik va tikuv-trikotaj sanoatini tubdan isloh qilish hamda sohaning eksport salohiyatini yanada oshirish chora-tadbirlari to'g'risida”gi Prezident farmoni (PF–2-son, 10.01.2023-y.) qabul qilindi

✅ Farmonga ko'ra, gazlama, trikotaj mato va tayyor tikuv-trikotaj mahsulotlari eksport qiluvchi korxonalarni mablag' bilan ta'minlash uchun 200 million AQSH dollari miqdoridagi mablag'lar 3 yil muddatga yillik 4 foiz stavkada ajratiladi.

❗️ To'qimachilik va tikuv-trikotaj korxonalariga elektr energiyasi iste'moli uchun bir oylik oldindan to'lov talabi bekor qilinadi.

✅ Soha korxonalarini aylanma mablag' bilan ta'minlash uchun 2023-yil 1-aprelgacha 2 yil muddatga 500 million AQSH dollari miqdorida xorijiy moliyaviy tashkilotlar mablag'larini jalb qilish choralari ko'riladi.

▶️ To'qimachilik va tikuv-trikotaj korxonalari tomonidan xorijda savdo uyi va do'konini tashkil etish uchun alohida qarorlarsiz yiliga 100 ming AQSH dollarigacha mablag'ni chet elga o'tkazishga ruxsat beriladi.

📁 Yil yakuniga qadar Andijon, Namangan va Qashqadaryo viloyatlarida to'qimachilikka ixtisoslashgan kichik sanoat zonalari hamda Toshkent viloyatida to'qimachilik va charm sanoati mahsulotlarini chuqur qayta ishlashga ixtisoslashgan industrial texnopark tashkil etiladi.

🗓 2023-yil 1-aprelgacha talab yuqori bo'lgan professional kasblar (tikuvchi, bichuvchi, yigiruvchi, mexanik) yo'nalishida dual ta'lim tizimida mutaxassislar tayyorlash va xorijiy (Germaniya, Turkiya) ta'lim dasturlarini joriy qilish bo'yicha pilot loyihalar Qoraqalpog'iston Respublikasi, Xorazm va Namangan viloyatlarida amalga oshiradi.

🏢 2023/2024-o'quv yilidan Toshkent to'qimachilik va yengil sanoat institutida to'qimachilik sanoatida talab yuqori bo'lgan mutaxassislarni (muhandis, texnolog, dizayner, marketolog) tayyorlash bo'yicha qo'shma ta'lim dasturlari ishlab chiqiladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Yangi Mehnat kodeksiga ko'ra, ish haqi milliy valyutada (so'mda) to'lanadi.

🚫 Ish haqini qarz majburiyatlari, tilxatlar, kuponlar tarzida to'lash taqiqlanadi.

❗️Mehnatga natura shaklida haq to'lash taqiqlanadi, bundan Vazirlar Mahkamasi tomonidan belgilangan hollar mustasno.

🏢 Xodimga ish haqini to'lash, qoida tariqasida, bevosita u ishni bajargan joyda amalga oshiriladi.

📝 Xodimning yozma roziligi bilan ish haqini yoki uning bir qismini bank muassasalari yoki pochta bo'limlari orqali to'lashga yo'l qo'yilib, ularning xizmatlari uchun ish beruvchining hisobidan haq to'lanadi.

⚠️ Agar xodim ish haqi to'lanadigan kuni ish beruvchining topshirig'ini ish joyidan tashqarida (xizmat safarida, malaka oshirish kurslarida bo'lsa va boshqalar) bajarayotgan bo'lsa, xodimning iltimosiga ko'ra ish beruvchi xodimga tegishli ish haqini o'z hisobidan yuborishi yoki xodimning ishonchli shaxsiga to'lashi shart.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ “Hunarmand” uyushmasiga a'zo hunarmandlar professional ta'lim muassasalarining maxsus ustaxonalarida hunarmandchilik bo'yicha ta'lim berishda yakka tartibdagi tadbirkorlar kabi shartnoma tuzish va ko'rsatilgan xizmat uchun soliq to'lamaslik huquqiga ega.

➡️ “Usta-shogird” maktabi o'quvchisi sifatidagi ish davri 25 yoshga yetgunga qadar bazaviy hisoblash miqdorining kamida 2,5 barobari miqdorida sug'urta to'lovi to'langan taqdirda mehnat stajiga qo'shiladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Qonunchilikka ko'ra, qayta tiklanadigan manbalardan energiya ishlab chiqaruvchilar qayta tiklanadigan energiya manbalari (nominal quvvati 0,1 MVt va ko'proq) uskunalari egallagan yer uchastkalari bo'yicha ular ishga tushirilgan paytdan e'tiboran 10 yil muddatga soliqdan ozod etilishi belgilangan.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Barcha toifadagi yo'lovchi tashish poezdlarining yotoq joyli vagonlari, shuningdek o'tirish joylariga ega tezkor yo'lovchi tashish poezdlarining vagonlari kuzatuvchilari, yo'lovchilarni ularning iltimosiga ko'ra tashuvchi belgilagan narxlarda kuniga kamida 3 marta choy bilan ta'minlashi kerak.

❗️ Yo'lovchi tashish poezdining barcha yo'lovchilari butun yo'nalish davomida sovutilgan qaynatilgan ichimlik suv bilan bepul ta'minlanishi kerak.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Yangi ish boshlagan salohiyatli yosh shifokorlarga 1 million so'mgacha ustamalar beriladi

Tibbiyot muassasalarini moddiy rag'batlantirish va rivojlantirish jamg'armasi to'g'risidagi nizom Adliya vazirligida davlat ro'yxatidan o'tkazildi (ro'yxat raqami 3416, 16.01.2023-y.)

🔰 Nizomga ko'ra, Jamg'arma mablag'lari quyidagi 2 yo'nalish bo'yicha sarflanadi:

🔹 75 foizi barcha davlat tibbiyot muassasalari tibbiyot, farmasevtika va boshqa xodimlarini moddiy rag'batlantirishga;

🔹25 foizi tibbiyot muassasasining moddiy-texnika bazasini mustahkamlash, modernizatsiya qilish hamda ta'mirlashga.

🔢 Tibbiyot muassasasi xodimlariga moddiy rag'batlantirishning quyidagi turlari qo'llaniladi:

▫️tibbiyot muassasasining yuqori malakali, alohida natijaga erishgan, halol va vijdonan ishlayotgan tibbiyot hamda farmasevtika xodimlariga oylik lavozim maoshining 100 foizigacha hamda boshqa xodimlarga 75 foizigacha oylik ustamalar;

▫️yangi ish boshlagan salohiyatli yosh shifokorlarga 1 million so'mgacha maxsus oylik ustamalar;

▫️oilaviy shifokor punktlari, oilaviy poliklinikalar va ko'p tarmoqli markaziy poliklinikalarda kunduzgi statsionar ish vaqtini soat 20:00 gacha uzaytirish hisobiga ikkinchi smenada ishlovchi shifokor hamda hamshiralarga lavozim maoshining 30 foizigacha oylik qo'shimcha ustamalar;

▫️tibbiyot muassasalari barcha xodimlariga kasbiy va boshqa bayramlar munosabati bilan beriladigan mukofot pullari, shuningdek moddiy yordam pullari.

❗️ Oylik foizli ustamalar tibbiyot muassasasi xodimlarini reyting baholash tizimi asosida amalga oshiriladi.

Kanalga ulanish👇👇👇
https://t.iss.one/huquqiyaxborot_lotin