Республика махсус комиссиясининг мамлакатимиз аҳолисига мурожаати

👉 https://bit.ly/2QymWXI

Каналга уланиш👇👇👇
https://t.iss.one/huquqiyaxborot

​​#Қонунчиликдаги_янгиликлар

Ҳудудларда павловния плантациялари ташкил қилинади

“Республикада тез ўсувчи ва саноатбоп павловния дарахти плантацияларини барпо қилиш чора-тадбирлари тўғрисида”ги Ҳукумат қарори (520-сон, 27.08.2020 й.) қабул қилинди.

🌳 Қарорга мувофиқ, сув танқис, ер ости сувлари 30 метрдан пастда жойлашган фойдаланилмаётган захира майдонларда ҳамда ўрмон фондининг сув танқис ёки тупроғи шўр бўлган ерларида синов тариқасида 2020-2024 йилларда павловния плантациялари ташкил қилинади.

➡️ Қарорга кўра, белгиланган йилларда республика бўйича павловния палантацияларини ташкил этиш орқали 4000 гектар захира ерларда 2 млн 990 минг дона ҳамда 1000 гектар ўрмон фонди ерларида 747 минг 500 дона павловния дарахти кўчатларини етиштириш назарда тутилган.

☑️ Қорақалпоғистон Республикаси Вазирлар Кенгаши, вилоятлар ҳокимликлари томонидан талабгорларга павловния етиштириш учун ер участкалари ижара ҳуқуқи асосида ажратилади.

♻️ Павловния плантациялари барпо этиш учун ҳар бир лойиҳага 100 гектардан кам бўлмаган ер майдони ажратилади.

❕Шунингдек, 2021 йилдан бошлаб ҳар йили ўтказиладиган инновацион ғоялар ҳафталиги доирасида павловния дарахти ва ундан олинган маҳсулотлар намуналари билан ишлаб чиқарувчи тадбиркорлар ва фермерлар кенг миқёсда таништириб борилади.

Каналга уланиш👇👇👇
https://t.iss.one/huquqiyaxborot

#Халқаро_кун

🗓 29 август – Халқаро ядро синовларига қарши ҳаракатлар куни

2009 йил 2 декабрда БМТ Бош Ассамблеясининг 64/35-сонли резолюцияси қабул қилиниб, унда 29 август Халқаро ядро синовларига қарши ҳаракатлар куни деб эълон қилинган.

Мазкур резолюция Қозоғистон Республикаси томонидан Семипалатинск ядро полигонининг 1991 йил 29 августда ёпилишини нишонлаш учун илгари сурилган.

Бу кун ядро қуролининг синалиши ва бошқа ҳар қандай портлаши оқибатларидан инсонларни огоҳ этиб туради.

Каналга уланиш👇👇👇
https://t.iss.one/huquqiyaxborot

#Адлия_хабари

Ҳурматли фуқаролар!

“Нотариус” автоматлаштирилган ахборот тизимида кузатилаётган муаммоларни ҳал қилиш, тизимнинг узлуксиз ишлашини таъминлаш мақсадида Адлия вазирлиги томонидан маълумотларни янги сервер қурилмаларига кўчириш режалаштирилмоқда.

Шу сабабли, жорий йилнинг 29 август куни соат 19:00 дан 1 сентябрь куни соат 19:00 га қадар “Нотариус” автоматлаштирилган ахборот тизимининг иш фаолияти тўхтатиб турилади ва ушбу кунларда нотариуслар фаолият кўрсатмайди. Сизлардан мазкур ноқулайлик учун узр сўраган ҳолда, шу кунлари нотариус қабулига боришни режалаштирмаслигингизни сўраймиз.

Адлия вазирлиги

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Маъмурий-ҳудудий тузилиш масалалари бўйича таклифлар давлат экспертизасидан ўтказилади

“Ўзбекистон Республикасининг маъмурий-ҳудудий тузилиши тўғрисида”ги Қонун Президент томонидан имзоланди (ЎРҚ-635, 28.08.2020 й.).

📋 Қонун билан маъмурий-ҳудудий тузилиш масалалари бўйича таклифларни давлат экспертизасидан ўтказиш механизмлари ва мазкур масалаларда махсус коммиссиялар тузиш ва уларнинг фаолиятини ташкил этиш белгиланди.

📌 Қонунга мувофиқ, махсус комиссиялар маъмурий-ҳудудий тузилиш масалалари юзасидан Вазирлар Маҳкамаси, Қорақалпоғистон Республикаси Вазирлар Кенгаши таклифларини ҳамда ҳокимларнинг илтимосларини кўриб чиқади ҳамда давлат экспертизасидан ўтказади.

♻️ Шунга кўра, Комиссия таклиф ёки илтимосномани бир ой ичида кўриб чиқиб, давлат экспертизаси якунларига кўра хулоса тайёрлайди.

🏢 Комиссияларнинг ишлаш ва уларнинг фаолиятини тугатиш тартиби Вазирлар Маҳкамаси томонидан тасдиқланади.

☑️ Қонунга мувофиқ, давлат ҳокимияти ва бошқарув органларининг мазкур соҳадаги ваколатлари ва вазифалари белгилаб берилди.

➡️ Жумладан, Олий Мажлис палаталари Қорақалпоғистон Республикаси Жўқорғи Кенгесининг Қорақалпоғистон Республикасининг маъмурий-ҳудудий тузилиши масалаларига доир таклифларини келишади.

◽️ Ушбу Қонун расмий эълон қилинган кундан эътиборан кучга киради.

Каналга уланиш👇👇👇
https://t.iss.one/huquqiyaxborot

#Биласизми

❗️1 январдан хорижий ишчи кучларини жалб қилиш учун рухсатнома талаб этилмайди

🔰 Президент Фармонига мувофиқ, 2021 йил 1 январдан бошлаб рухсат бериш хусусиятига эга ҳужжатларнинг бекор қилинадиган айрим турлари рўйхати:

🔸 Хорижий ишчи кучларини жалб қилишга рухсатнома;

🔸 Суғурталовчининг молиявий аҳволини соғломлаштириш чора-тадбирлари комплексини келишиш;

🔸 Банкларда аудиторлик текширишларини ўтказиш ҳуқуқига сертификат;

🔸 Объектлар, маҳсулотлар ва технологияларнинг лойиҳаларини ҳамда уларни фойдаланишга қабул қилиб олиш ишларини уларнинг темир йўл транспорти соҳасида белгиланган талабларга мувофиқлиги юзасидан экспертиза хулосаси;

🔸 Локомотивлар, юк ва изотермик вагонларнинг хизмат қилиш муддатларини узайтиришга техник ечимлардан ишлаб чиқаришда фойдаланишни келишиш;

🔸 Сув ресурсларидан фойдаланиш ва дренаж-оқова сувларни ташлаш билан боғлиқ янги корхоналарни қуриш ва ишлаб турганларини реконструкция қилиш лойиҳасини келишиш;

🔸 Бино ва иншоотларни, сув таъминоти, канализация ва оқова сувларни тозалаш тизимларини, гидротехника иншоотларини, бошқа объектларни санитария нормалари, қоидалари ва гигиена меъёрларига риоя этган ҳолда лойиҳалаш, қуриш, реконструкция қилишни келишиш;

🔸 Кабель телевидениеси тармоқларини лойиҳалаштириш қуриш ёки сотиб олиш, ўрнатиш, олиб кириш ва фойдаланиш туридаги рухсатнома;

🔸 Тренерлик фаолияти билан шуғулланишга рухсатнома;

🔸 Жисмоний тарбия-соғломлаштириш ёки спорт иншооти паспорти.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Тўрақўрғон туманида янги иш ўринлари яратилади

“Наманган вилоятининг Тўрақўрғон туманини 2020-2022 йилларда ижтимоий-иқтисодий ривожлантириш ва камбағалликни қисқартириш юзасидан қўшимча чора-тадбирларни тасдиқлаш тўғрисида”ги Ҳукумат қарори (524-сон, 28.08.2020 й.) қабул қилинди.

📋 Қарор билан Тўрақўрғон туманини 2020-2022 йилларда ижтимоий-иқтисодий ривожлантириш ва камбағалликни қисқартириш бўйича чора-тадбирлар дастури тасдиқланди.

📌 Дастурга мувофиқ, белгиланган йилларда Тўрақўрғон туманида саноат, хизмат кўрсатиш ва қишлоқ хўжалиги соҳаларини ривожлантириш бўйича жами 2 трлн 637 млрд 177 млн сўм қийматга эга лойиҳалар амалга оширилиши натижасида 3 854 иш ўринлари яратилиши назарда тутилган.

💼 Шунингдек, туманда 2 174 нафар ишсизларни касб-ҳунарга ўқитиш ва қайта тайёрлаш белгиланган.

🏢 Қарорга мувофиқ, туманда халқ бадиий ва амалий санъатини ривожлантириш, банд бўлмаган аҳолини, айниқса ёшлар, аёллар ва кам таъминланган оилаларни ҳунармандчиликка кенг жалб қилиш мақсадида “Ҳунармандчилик маркази” ташкил этилади.

♻️ Тумандаги узумчиликка ихтисослашган 120 гектар ер майдонида беш йиллик дастур асосида, эскирган токзорларни сермаҳсул ва экспортбоп узум навларига янгилаш юзасидан чора-тадбирлар амалга оширилади.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Андижон вилояти Бўстон туманида инвестиция лойиҳалари амалга оширилади

“Андижон вилоятининг Бўстон туманини 2020-2022 йилларда ижтимоий-иқтисодий ривожлантириш ва камбағалликни қисқартириш бўйича қўшимча чора-тадбирларни тасдиқлаш тўғрисида”ги Ҳукумат қарори (525-сон, 28.08.2020 й.) қабул қилинди.

📋 Қарор билан 2020-2022 йилларда Андижон вилоятининг Бўстон туманида саноат, хизмат кўрсатиш ва қишлоқ хўжалиги соҳаларини ривожлантириш бўйича инвестиция лойиҳаларининг манзилли рўйхати тасдиқланди.

📌 Унга мувофиқ, белгиланган йилларда туманда жами 432 млрд 89 млн сўмлик 20 та лойиҳаларни амалга ошириш орқали 1008 та янги иш ўринлари яратилиши кўзда тутилган.

➡️ Шунингдек, тумандаги 408 нафар ишсизлар тикувчилик ва ҳунармандчилик йўналишларида касб-ҳунарга ўқитилади.

☑️ Қарорга кўра Бўстон тумани Кўҳинур МФЙда 2 гектар ер майдонида кичик саноат зонаси ташкил этилади.

Каналга уланиш👇👇👇
https://t.iss.one/huquqiyaxborot

#Биласизми

МАКТАБЛАРДА КИМЛАР БЕПУЛ ДАРСЛИКЛАР БИЛАН ТАЪМИНЛАНАДИ?

📘 Биринчи синф, “Меҳрибонлик” уйи, махсус мактаб, мактаб-интернатлари ва ижтимоий ёрдамга муҳтож оилалар ўқувчилари мактабнинг кутубхона жамғармаси томонидан дарсликлар тўплами билан бепул таъминланади.

✅ Бунда ижтимоий ёрдамга муҳтож оилалар ўқувчилари рўйхати 1 сентябргача фуқаролар йиғини илтимосномаси ва ота-оналар қўмитаси хулосаси асосида мактабнинг педагогик кенгаши томонидан тасдиқланади.

Каналга уланиш👇👇👇
https://t.iss.one/huquqiyaxborot

​​​​​​#Ақл_чархи

Хабарингиз бор каналимизда “Ақл чархи” рукни ташкил этилган бўлиб, унда турли жумбоқлар бериб борилмоқда.

Навбатдаги жумбоқ билан танишинг ҳамда ўз билимингиз ва иқтидорингизни синовдан ўтказинг.

САККИЗ КУЛЧА ВА САККИЗ ТИЛЛА

Икки ҳамроҳ – бир новча ва бир семиз отлиқ олис йўлдан келишарди. Қош қорайиб қолганди. Яқин атрофда на қишлоқ, на қалъа кўринади. Тамадди қилиш учун йўл четида тўхташди. Улардан бирининг хуржунида бешта, иккинчисида учта кулча қолганди.
Худди шу пайт узоқдан бошқа бир отлиқ келиб қолди. У ҳам узоқ йўл босиб очқаган эди. Ҳамроҳлар уни ҳам дастурхонга таклиф этишди. Саккизта нонни дастурхон устига тенг бурдалаб чиқишди. Нон ва сувдан иборат тамадди узоққа чўзилмади.

– Биродарлар, – учинчи йўловчи икки ҳамроҳга узрли жилмайди. – Сизлар ҳаётимни сақлаб қолдинглар. Қаттиқ очқагандим. Бу аҳволда шаҳарга етиб олишим қийин эди... – у шундай дея ҳамёнидан саккизта тилла тангани дастурхон устига ташлади. – Мана шу ҳадямни ўзларинг тақсимлаб олсангизлар.
Учинчи йўловчи шундай дедию, отига сакраб минди ва қоронғилик ичига сингиб кетди.

– Бир нечта кулча нон учун саккиз тилла, – семиз йўловчининг кўзлари чақнаб кетди. – Тўрт тилладан бўлиб оламиз-да.

– Йўқ, менимча сал бошқачароқ, – деди новча. – Менда бешта нон бор эди, сенда эса учта. Демак, беш тилла меники, уч тилла сеники!

– Бекор айтибсан, мусофирни иккимиз тенг меҳмон қилдик.
Орада низо чиқди. Охири, икковлашиб шаҳарга етгач, қозига учрайдиган бўлишди. Қози ҳар иккисининг даъвосини диққат билан эшитди.

– Агар адолат билан тақсимласак, етти тилла сеники, – деди қози новчага қараб, кейин семизга ўгирилди. – Сенга эса бир тилла тегади.

Қози шундан сўнг бу тақсимотни ўта оқилона тарзда исботлаб берди. Семиз йўловчи ҳам бу тақсимотга қарши чиқолмади.

❓Савол: Айтинг-чи, қози нимага асосланиб, тиллаларни бундай тақсимлади экан?

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Интенсив усулда балиқ етиштираётган аҳолини ўқитиш йўлга қўйилади

“Балиқчилик тармоғини қўллаб-қувватлаш ва унинг самарадорлигини ошириш чора-тадбирлари тўғрисида” Президент қарори қабул қилинди.

📋 Қарорга кўра, 2020 йилдан бошлаб сунъий сув ҳавзаларида балиқ етиштирадиган хўжаликларга сувдан фойдаланганлик учун солиқ қишлоқ хўжалиги ерларини суғориш учун белгиланган ставкаларда ҳисобланади.

🚫 Коллектор-дренаж сувларидан олиб фойдаланилган сув ресурслари солиқ солиш объекти ҳисобланмайди.

☑️ Балиқчилик хўжаликлари ва қишлоқ хўжалиги корхоналари томонидан ҳақиқатда истеъмол қилинган сув ҳажмини аниқлаш имкони бўлмаганда, сувдан фойдаланганлик учун солиқ базаси сувни истеъмол қилиш нормативларининг 50 фоизи миқдорида белгиланади.

📌 2022 йил 1 январга қадар Ўзбекистон Республикаси табиий сув захиралари ихтиофаунаси ва сув биоресурсларининг ягона маълумотлар банки ташкил этилади.

♻️ Қарорга кўра, балиқчилик хўжаликлари раҳбарлари ва мутахассисларини ўқитиш мақсадида пуллик асосда ўқув курслари ташкил этилади.

🐟 Балиқчиликка ўқитиш бўйича таянч аудиториялар, кўргазмали балиқхоналар ташкил этилади, шартнома асосида ушбу йўналишдаги кластерлар, фермер хўжаликлари ходимлари, шунингдек, интенсив усулда балиқ етиштираётган аҳолини ўқитиш йўлга қўйилади.

✅ Аҳоли хонадонларида интенсив усулда балиқ етиштириш лойиҳаларини амалга ошириш учун дастурлар доирасида ажратиладиган кредитлар устувор равишда балиқчиликка ўқитиш бўйича курсларнинг тегишли сертификатига эга бўлган фуқароларга ажратилади.

Каналга уланиш👇👇👇
https://t.iss.one/huquqiyaxborot

#Бу_қизиқ

АНТИҚА ҚОНУНЛАР📚

🇩🇪 Германияда ёстиқ расман “пассив” қурол тоифасига киритилган.

Каналга уланиш👇👇👇
https://t.iss.one/huquqiyaxborot

#Ақл_чархи

Бугун каналимизда эълон қилинган жумбоқнинг жавоби қуйидагича: ⬇️

Нонларнинг бештаси новчага, учтаси семизга тегишли. Ҳар бир нон учга бўлинган: жами 24 бурда. Йўловчиларнинг ҳар бири 8 бурдадан еган. Новчанинг 5 та нони 15 бурдага бўлинган, шундан саккиз бурдани ўзи еган, етти бурдаси учинчи отлиққа теккан. Семизнинг учта нони тўққиз бурдага бўлинган. Шундан саккиз бурдасини ўзи, бир бурдасини меҳмон еган. Қози учинчи отлиқ берган саккиз тиллани ҳам икки шерикдан ортган нон бурдалари сонига қараб тақсимлаган.

Жумбоқни топишда фаол иштирок этганларга миннатдорлик билдирамиз ва тўғри жавоб топган барчани қутлаб қоламиз!

Эслатиб ўтамиз, “Ақл чархи” рукнида ҳафтада бир марта янги жумбоқлар эътиборингизга ҳавола қилиб борилади. Биз билан ўз билимингиз ва иқтидорингизни синовдан ўтказиб боринг.

Каналга уланиш👇👇👇
https://t.iss.one/huquqiyaxborot

#Кун_тарихи

🗓 31 август (1991 йил)

Ўзбекистон Республикасининг давлат мустақиллиги асослари тўғрисидаги Қонун қабул қилинган.

Қонунга мувофиқ, давлат мулки объектлари, шунингдек давлат корхоналари, муассасалари ва ташкилотларининг, шу жумладан Иттифоқ қарамоғида бўлиб келган корхоналар, муассасалар ва ташкилотларнинг мол-мулки, уларнинг асосий ишлаб чиқариш, ноишлаб чиқариш ва оборот ёки бошқа фондлари ҳамда ўзга мол-мулки, ички коммуникация, транспорт, алоқа ва энергетика тизимлари, республика картографияси ва геодезияси Ўзбекистон Республикасининг мулки эканлиги белгиланган.

Каналга уланиш👇👇👇
https://t.iss.one/huquqiyaxborot

#Адлия_табриги

Азиз юртдошлар!

Сизларни халқимизнинг энг улуғ, энг азиз байрами – Ўзбекистон давлат мустақиллигининг 29 йиллиги билан самимий муборакбод этамиз.

Ушбу қутлуғ дамда барчангизга сиҳат-саломатлик, оилавий хотиржамлик ёр бўлишини, хонадонингиздан файз-барака аримаслигини тилаб қоламиз!

Ҳурмат билан Адлия вазирлиги жамоаси

Каналга уланиш👇👇👇
https://t.iss.one/huquqiyaxborot

#Биласизми

Ошаётган нафақалар, “прописка”сиз яшашда янги тартиблар: 1 сентябрдан нималар ўзгаради?

Батафсил ушбу ролик орқали танишинг

Каналга уланиш👇👇👇
https://t.iss.one/huquqiyaxborot

Адлия вазирлиги сизларни Ўзбекистон Республикаси мустақиллигининг 29 йиллиги билан самимий табриклайди!

Каналга уланиш👇👇👇
https://t.iss.one/huquqiyaxborot

Президент Шавкат Мирзиёевнинг Ўзбекистон Республикаси мустақиллигининг йигирма тўққиз йиллигига бағишланган тантанали маросимдаги нутқи
—
Выступление Президента Республики Узбекистан Шавката Мирзиёева на торжественном собрании, посвященном 29-й годовщине независимости Республики Узбекистан


Prezident.uz|Facebook|Instagram|YouTube|Twitter

#Биласизми

❗️Байрам (ишланмайдиган) кунлари ходимларни ишлатиш ман этилади

✅ Ходимларни шу кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, – иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

➡️ Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

💰 Дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

Каналга уланиш👇👇👇
https://t.iss.one/huquqiyaxborot

#Биласизми

🔰Қонунчиликка кўра, вояга етмаганлар соғлиқни сақлаш борасида қуйидаги ҳуқуқларга эга:

👉 белгиланадиган тартибда диспансер назоратида бўлиш ҳамда болалар ва ўсмирларнинг даволаш-профилактика муассасаларида даволаниш;
👉 санитария-гигиена таълими олиш, ўқиш ҳамда ўзларининг физиологик хусусиятлари ва соғлиғига мос шароитларда меҳнат қилиш;
👉 касбга яроқлилигини аниқлаш чоғида бюджет маблағлари ҳисобидан бепул тиббий маслаҳатлар олиш;
👉 соғлиқлари тўғрисида ўзлари учун қулай тарзда зарур ахборот олиш.

❗️14 ёшдан ошган вояга етмаганлар маълумотларни билган ҳолда тиббий аралашувга ихтиёрий равишда розилик бериш ёки уни рад этиш ҳуқуқига эга.

Каналга уланиш👇👇👇
https://t.iss.one/huquqiyaxborot

Мустақиллик байрами муборак бўлсин, азиз юртдошлар!
—
С Днем независимости, дорогие соотечественники!

Prezident.uz|Facebook|Instagram|YouTube|Twitter