#Биласизми

🔰 Вояга етмаган шахсларни, кекса ёшдаги шахсларни, руҳий ҳолати бузилган, ногиронлиги бўлган шахсларни ва бошқа шахсларни тиланчилик қилишга жалб этиш:

➖ БҲМнинг 5 бараваридан 10 бараваригача миқдорда (1,5 млн сўмдан 3 млн сўмгача) жарима солишга;

➖15 суткагача муддатга маъмурий қамоққа олишга сабаб бўлади.

Каналга уланиш👇👇👇
https://t.iss.one/huquqiyaxborot

#Ижтимоий_акция

🚫 Нотариус, васиятномани тасдиқловчи бошқа мансабдор шахслар мерос очилгунгача васиятномага оид маълумотларни ошкор қилиши мумкин эмас.

❕ Васият қилувчи васиятноманинг ижро этилишини васиятномада кўрсатган, меросхўр ҳисобланмайдиган шахсга топшириши мумкин. Бу шахснинг васиятноманинг ижро этувчиси бўлишга розилиги унинг ўз қўли билан васиятномага ёзган устхатида ёки васиятномага илова қилинган аризасида акс эттирилиши лозим.

▶️ Меросхўрлар ўзаро келишиб, васиятноманинг ижросини меросхўрлардан бирига ёхуд бошқа шахсга топширишга ҳақлидирлар. Бундай келишувга эришилмаганда, васиятномани ижро этувчи бир ёки бир неча меросхўрнинг талаби билан суд томонидан тайинланиши мумкин.

Каналга уланиш👇👇👇
https://t.iss.one/huquqiyaxborot

#Биласизми

❗️1 майдан фойдаланишга топшириладиган кўп қаватли уйлар томларида қуёш панеллари ўрнатилади

Батафсил инфографикада👆

Каналга уланиш👇👇👇
https://t.iss.one/huquqiyaxborot

#Биласизми

❗️Эски ҳайдовчилик гувоҳномасини алмаштириш учун онлайн буюртма бериш мумкин

✅ 2023 йил 30 январдан эски намунадаги ҳайдовчилик гувоҳномасини уйдан туриб ЯИДХП орқали олиш мумкин.

📝 Бунинг учун my.gov.uz орқали буюртма берилиб, унда:

🔸бўш қаторлар ўзингизга тегишли шахсий маълумотлар билан тўлдирилади;
🔸тегишли бандлар танланади;
🔸янги ҳайдовчилик гувоҳномаси етказиб бериладиган манзил кўрсатилади;
🔸мобил телефон ёки компьютер орқали шахсий имзо қўйилади;

❕Сўнгги қадамда инвойс шакллантирилиб, БҲМнинг 70 фоизи (210 минг сўм) миқдорида, почта хизмати учун эса 25 минг сўм тўланади.

📁Марказ ходими буюртмани кўриб чиқиб, чоп этган янги намунадаги ҳайдовчилик гувоҳномасини почта хизматига тақдим этади.

🗓 Гувоҳнома почта хизмати томонидан 2 иш кунида манзил бўйича етказилади. Эски намунадаги ҳайдовчилик гувоҳномаси ва талон олиниб, янгиси берилади.

📌 Почта хизмати эски намунадаги ҳайдовчилик гувоҳномаси ва талонни ДХМга топширади.

Каналга уланиш👇👇👇
https://t.iss.one/huquqiyaxborot

#Диққат_лойиҳа

🔰 Президент фармони лойиҳасида “Экспорт уч қадамда” – экспорт божхона юк декларацияларини шакллантиришдан бошлаб, расмийлаштиришгача бўлган жараёнларни ўз ичига қамраб олган тизимни жорий этиш белгиланмоқда.

☑️ Бунда, экспорт операцияларини қуйидаги 3 босқичда амалга ошириш назарда тутилади:

1️⃣ экспорт шартномасини шакллантириш;

2️⃣ товар ва транспорт ҳужжатлари асосида экспорт декларациясини автоматик шакллантириш;

3️⃣ божхона расмийлаштируви ва чегара назорати.

📝 Муҳокамада қатнашиш: https://regulation.gov.uz/oz/d/76071

🗓 Эслатиб ўтамиз, лойиҳа муҳокамасининг якунланиш санаси – 22 февраль.

Барчани лойиҳа муҳокамасида фаол иштирок этишга чорлаймиз.

Каналга уланиш👇👇👇
https://t.iss.one/huquqiyaxborot

#Ижтимоий_акция

📁 Қуйидаги васиятномалар нотариал тасдиқланган васиятномаларга тенглаштирилади:

🔹 касалхоналар, госпиталлар, бошқа стационар даволаш муассасаларида даволанаётган ёки кексалар ва ногиронлар учун интернат уйларида яшаб турган фуқароларнинг ана шу касалхоналар, госпиталлар ва муассасаларнинг бош врачлари, уларнинг ўринбосарлари ёки навбатчи врачлари, госпиталларнинг бошлиқлари, интернат уйларнинг директорлари ёки бош врачлари томонидан тасдиқланган васиятномалар;

🔹фуқаролар Ўзбекистон байроғи остидаги кемаларда сузиб юрганда кема капитанлари томонидан тасдиқланган васиятномалар;

🔹қидирув экспедицияларидаги фуқароларнинг ана шу экспедициялар бошлиқлари томонидан тасдиқланган васиятномалари;

🔹ҳарбий хизматчиларнинг командирлар томонидан тасдиқланган васиятномалари;

🔹озодликдан маҳрум этиш жойларида ёки қамоқда сақланаётган шахсларнинг муассасалар бошлиқлари томонидан тасдиқланган васиятномалари;

🔹нотариус бўлмаган ҳудудда нотариал ҳаракатларни амалга ошириш ҳуқуқига эга шахслар томонидан тасдиқланган васиятномалар.

Каналга уланиш👇👇👇
https://t.iss.one/huquqiyaxborot

#2023_йил_1_мартдан

✅ Ҳудудларни бир-бири билан ўзаро боғлаш мақсадида қуйидаги янги йўналишларда мунтазам авиақатновлар бошланади:

🔹Самарқанд — Нукус;
🔹Самарқанд — Мўйноқ;
🔹Самарқанд — Термиз;
🔹Бухоро — Термиз;
🔹Наманган — Термиз;
🔹Наманган — Нукус.

Каналга уланиш👇👇👇
https://t.iss.one/huquqiyaxborot

#Биласизми

✅ Хусусий тиббиёт муассасалари туғруқни қабул қилиш тиббий фаолият тури билан шуғулланиши мумкин.

➡️ Бунда, мазкур тиббий фаолият тури билан шуғулланиш фақат Жаҳон соғлиқни сақлаш ташкилотининг “Хавфсиз оналик” стратегияси талабларига риоя этилишини таъминлай оладиган туғруқ, жонлантириш, чақалоқларни жонлантириш, муддатига етмай туғилган чақалоқларни парвариш қилиш, эндовизуал гинекология бўлимлари, поликлиника, бактериологик ва клиник-биокимё лабораториялари ҳамда юқори малакали тиббиёт ходимлари мавжуд бўлган муассасаларга рухсат этилади.

Каналга уланиш👇👇👇
https://t.iss.one/huquqiyaxborot

#Адлия_хабари

✅ Хабарингиз бор, Президент фармони ҳамда Ҳукумат қарори билан давлат ОТМ магистратура босқичида ўқиётган барча хотин-қизларнинг контракт-тўловлари қайтариш шартисиз қоплаб берилиши белгиланган.

⏩ Мазкур тартиб магистратура қишки қабулида тўлов шартнома асосида ўқишга қабул қилинган хотин-қизларга ҳам бирдек амал қилади.

📝 Олий таълим, фан ва инновациялар вазирлиги хабарига кўра, магистратурага тавсия этилганлар ушбу имтиёздан фойдаланиш мақсадида ОТМ раҳбариятига ариза билан мурожаат қилиши мумкин.

Каналга уланиш👇👇👇
https://t.iss.one/huquqiyaxborot

#Биласизми

❗️Олиб қўйилган ердаги дов-дарахтларнинг бозор қиймати қоплаб берилади

🔰 Қонунчиликка кўра, ер участкаси олиб қўйилиши муносабати билан қуйидагилар компенсация қилинади:

🔸олиб қўйилган ер участкасида жойлашган кўчмас мулкнинг бозор қиймати;

🔸олиб қўйилган ер участкасига бўлган ҳуқуқнинг бозор қиймати (бундан қишлоқ хўжалигига мўлжалланган ер участкаларига бўлган ижара ҳуқуқи мустасно);

🔸олиб қўйилган ер участкасидаги кўп йиллик дов-дарахтларнинг бозор қиймати;

🔸кўчиш, шу жумладан бошқа кўчмас мулк объектини вақтинчалик ижарага олиш билан боғлиқ харажатлар;

🔸ер участкасидан ва унда жойлашган кўчмас мулк объектларидан фойдаланишдан олиниши мумкин бўлган бой берилган фойда;

❕Бунда ер участкаси ва унда жойлашган кўчмас мулк объектлари бўшатиб қўйилган пайтдан эътиборан аввалги фаолиятни тиклашга қадар бўлган, бироқ бир йилдан ортиқ бўлмаган муддатдаги фойда ёки мавсумий ҳосилдан олиниши мумкин бўлган фойда ҳисобга олинади;

🔸ҳуқуқ эгасининг қонунчиликда ёки келишувда назарда тутилган бошқа харажатлари ва зарарлари.

Каналга уланиш👇👇👇
https://t.iss.one/huquqiyaxborot

#2023_йил_1_мартдан

🔰 Олимпия, ноолимпия ва миллий спорт турлари бўйича уч босқичли умумреспублика спорт мусобақаларини ўтказиш тизими жорий қилинади:

1️⃣-босқичда — туман (шаҳар) мусобақалари;

2️⃣-босқичда — вилоят мусобақалари;

3️⃣-босқичда — республика (финал) мусобақалари.

Каналга уланиш👇👇👇
https://t.iss.one/huquqiyaxborot

#Ҳуқуқий_ахборот_минбари

✅ Хабарингиз бор, ворислик ҳуқуқи бўйича аудиоподкаст ўтказилиши белгиланган.

⏰ Овозли чат 2023 йил 24 февраль куни соат 17:00 да Huquqiy axborot телеграм каналида бошланади.

🎙Суҳбат спикерлари:

▫️Рустам Хайитбоев – Адлия вазирлиги Нотариат, адвокатура ва ҳуқуқий хизматлар бошқармаси бош маслаҳатчиси;

▫️Адиба Ҳамидова – Олмазор туманида хусусий амалиёт билан шуғулланувчи нотариус;

▫️Латофат Худайбердиева – Учтепа туманида хусусий амалиёт билан шуғулланувчи нотариус.

📥 Саволларингизни ушбу ҳавола орқали олдиндан ёки тўғридан-тўғри онлайн мулоқот вақтида беришингиз мумкин.

Каналга уланиш👇👇👇
https://t.iss.one/huquqiyaxborot

#Биласизми

✅ Маҳаллаларда кичик бизнес ва тадбиркорлик муҳитини янада яхшилаш, ёшлар ва хотин-қизларни даромадли меҳнат билан банд қилишни давом эттириш мақсадида:

🔹2023 йилда оилавий тадбиркорликни ривожлантириш дастурлари доирасидаги лойиҳаларни молиялаштириш учун 13 триллион сўм йўналтирилади;

🔹кредитлар устувор равишда дастурлар бўйича аввал кредитлардан фойдаланмаган аҳоли ва тадбиркорларга ажратилади;

🔹деҳқон хўжаликлари ва кичик тадбиркорликга 50 млн сўмгача гаровсиз кредит берилади;

🔹ҳоким ёрдамчисининг тавсиясига кўра кредит суммасининг 10 млн сўмгача бўлган қисми (ҳунармандлар учун 20 млн сўмгача) банк карталарига (нақдлаштириш имкониятини чеклаган ҳолда) ўтказиб берилади;

🔹дастурлар доирасида кредитларни йиллик 14 фоиз ставкада ажратиш тартиби сақлаб қолинади.

Каналга уланиш👇👇👇
https://t.iss.one/huquqiyaxborot

#2023_йил_1_мартдан

🔰 Қонунчиликка кўра, унитар корхона ёки қўшимча масъулиятли жамият ташкилий-ҳуқуқий шаклида юридик шахс ташкил этишга йўл қўйилмайди.

Каналга уланиш👇👇👇
https://t.iss.one/huquqiyaxborot

#Биласизми

🚫 Қонунчиликка кўра, қуйидаги жойларда тамаки маҳсулотини истеъмол қилиш БҲМ нинг учдан бир қисми (100 минг сўм) миқдорида жарима солинишига сабаб бўлади:

▫️иш жойларида;
▫️соғлиқни сақлаш, таълим, спорт-соғломлаштириш муассасаларида;
▫️ёнғин чиқиш хавфи бўлган жойларда;
▫️автомобилларга ёқилғи қуйиш шохобчаларида ва бошқа жамоат жойларида.

⚠️ Тамаки маҳсулотини махсус ажратилган жойлар ва (ёки) хоналарда истеъмол қилиш лозим.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Ҳукумат қарори (73-сон 21.02.2023 й.) билан Суд экспертизаси тадқиқотларини ўтказиш тартиби тўғрисидаги намунавий низом тасдиқланди

🔰 Мазкур низом давлат суд-экспертиза муассасаси, нодавлат суд-экспертиза ташкилоти, илмий фаолият билан шуғулланувчи муассаса (ташкилот)лар томонидан суд экспертизаси тадқиқотлари ўтказилиши тартиби ва шартларини белгилайди.

🚫 Низомга кўра, қуйидаги ҳолатларда суд экспертига иш материаллари юзасидан тадқиқотлар ўтказиш тақиқланади:

▫️иш материаллари бўйича манфаатдор томонлар билан қариндош бўлганда;

▫️иш материаллари бўйича манфаатдор томонлар билан давлат суд-экспертиза муассасаси ҳамда нодавлат суд-экспертиза ташкилотининг раҳбарлари, таркибий бўлинма бошлиқлари ва уларнинг яқин қариндошлари бўлганда, бундан тадқиқотлар ўтказувчи ягона ташкилот бўлган ҳолатлар мустасно;

▫️иш материаллари бўйича манфаатдор томонлардан бири нодавлат суд-экспертиза ташкилотининг мулкдори, муассиси, кузатув кенгаши, ижро органи аъзоси, кредитори, суғурталовчиси ҳамда уларнинг яқин қариндошлари бўлганда;

▫️устав фонди (устав капитали)да нодавлат суд-экспертиза ташкилотининг ёки суд экспертининг улуши бўлган юридик шахснинг хулосадан манфаатдорлиги бўлганда;

▫️тирик шахсга нисбатан суд экспертизасини ўтказишда мазкур шахсга унинг тайинланишидан олдин тиббий ёрдам кўрсатилганда. Мазкур чеклов суд-тиббий ёки суд психиатрик экспертизалар шахсни бевосита кўрикдан ўтказмасдан амалга оширилган ҳолларда ҳам амал қилади;

▫️суд экспертининг холислигига ва беғаразлигига шубҳа туғдирадиган бошқа ҳолатлар мавжуд бўлганда.

🗓 Экспертизани тайинлашга ваколатли орган (шахс)нинг қарори (ажрими) асосида тадқиқотларни ўтказиш муддатлари суд экспертизаларининг ҳажми ва мураккаблигига, шунингдек, суд экспертининг иш ҳажмига кўра 30 кун доирасида белгиланади.

Каналга уланиш👇👇👇
https://t.iss.one/huquqiyaxborot