Ширкатлар томонидан 7,4 млрд сўм маблағ мақсадсиз сарфланганлиги аниқланди.

✍️ Уй-жой коммунал хизмат кўрсатиш вазирлиги ахборот хизмати хабарига кўра, вазирлик ҳузуридаги Кўп хонадонли уй-жой фондидан фойдаланишни назорат қилиш инспекциясининг Уй-жой мулкдорлари ширкатларининг мажбурий бадал ва кредит маблағларидан мақсадли фойдаланишга оид 2020 йилдаги фаолияти ўрганишлари якунига кўра, 465 та ҳолатда 7,4 млрд сўмлик маблағ мақсадсиз сарфланганлиги аниқланиб, шулардан 9 та ҳолатда ноқонуний равишда сарфланган 837,7 млн сўмлик маблағлар айбдор шахслардан ширкатлар фойдасига қайтарилган. 16 та ҳолатда 282,4 млн сўм иш ҳажмига қўшиб ёзилганлигига оид муаммолар жойида бартараф этилган. 136 та ҳолатда 5,6 млрд сўмлик маблағларни талон-торож қилганлигига оид тўпланган ҳужжатлар чора кўриш учун ҳуқуқни муҳофаза қилувчи идораларга юборилган.

Каналга уланиш: 👇
@hudud_inform

Сенат ахбороти

Хабарингиз бор, шу кунларда Давлат солиқ қўмитаси томонидан қўшилган қиймат солиғи (ҚҚС) тўловларини ноқонуний равишда камайтириш мақсадида шубҳали операцияларни амалга оширган 396 та тадбиркорлик субъектларининг рўйхати эълон қилингани ва улар билан муносабатларга киришган тадбиркорларга ҚҚС суммасига ўзгартириш киритиш ва қайта аниқлаштирилган ҳисоботларни тақдим этиш юзасидан хабарномалар юборилгани жамоатчилик томонидан кенг муҳокама қилинмоқда.

Олий Мажлис Сенати Бюджет ва иқтисодий ислоҳотлар масалалари қўмитаси томонидан мазкур ҳолат юзасидан тегишли ташкилотлар мутасаддиларига сўров юборилди ва назоратга олинди.

✍️ Олий Мажлис Сенати ахборот хизмати.

Каналга уланиш: 👇
@hudud_inform

✍️ Халқ таълими вазирлиги ахборот хизмати республикамизнинг барча мактаблари махсус «Eduсation» тарифига ўтказилаётганини маълум қилади

Маҳаллий бюджет маблағлари ҳисобидан марказлашган ҳолда шартномалар тузилиши натижасида ҳозирда 5 мингга яқин умумтаълим мактаблари «O‘zbektelekom» томонидан махсус ишлаб чиқилган «Education» тариф режасига уланди. Кенг поласали Интернет тармоғига уланиши имконияти бўлган қолган мактабларни ҳам ушбу тарифга ўтказиш ишлари олиб борилмоқда.

Тариф бўйича қуввати 500 ўқувчи ўрнидан кам бўлган мактаблар учун интернет тармоғига уланиш тезлиги 10 Мбит/с, 501 дан 1 000 гача – 40 Мбит/с, 1 000 ва ундан юқори ўқувчи ўринли мактаблар, информатика ва ахборот технологияларига ихтисослаштирилган мактаблар – 100 Мбит/с тезликда уланиши кўзда тутилган. «Tas-IX» тармоқларига уланиш тезлиги барча «Eduсation» тарифларида 100 Мбит/с ташкил этади.

Янги тариф ёрдамида электрон таълим ресусрлари (kitob.uz, edumarket.uz, edukids, Kundalik.com тизими ва бошқалар)да ишлаш, Очиқ онлайн курсларидан фойдаланиш, қўшимча таълим олиш учун YouTube ва бошқа ташқи платформалардан фойдаланиш мумкин.

Бугунги кунда Халқ таълими вазирлиги томонидан барча мактабларда компьютер хоналари доимий равишда очиқ туриши ва ўқувчилар бундан самарали фойдаланган ҳолда ўзларининг АКТ савдхонлигини ошириши учун шароитлар яратилиши устида иш олиб борилмоқда.

Бундан ташқари ўқитувчилар ўз устида ишлашлари учун халқаро таълим платформалари ва ресурсларидан эркин фойдаланишларига имконият яратилди.

Эслатиб ўтамиз, бугунги кунгача барча мактаблар Ziyonet тарифидан фойдаланган бўлиб, ундаги тезлик ҳамда интернет ресурслари чегараланган эди.

Каналга уланиш: 👇
@hudud_inform

✍️ Туризмни ривожлантириш давлат қўмитаси ахборот хизмати хабарига кўра, 18 февраль куни "Hyatt Regency Tashkent" меҳмонхонасининг анжуманлар залида "Терроризм, экстремизм ва радикализмга қарши курашишда ёшларнинг ўрни" мавзусида халқаро конференция бўлиб ўтди

Тадбирни Ўзбекистон Республикаси Бош вазир ўринбосари Азиз Абдухакимов очиб берди:

“Бугунга келиб бутун дунёда 7,9 миллиард аҳоли яшаётган бўлса, уларнинг 2,3 миллиард нафарини ёшлар ташкил қилади. Ўзбекистонда 30 ёшгача бўлган ёшлар мамлакат аҳолисининг 55 фоизини (яъни 18 миллион нафарни) ташкил қилади. Бошқа мамлакатларда бўлгани каби экстремизм, терроризм ва радикализм каби ғоявий таҳдидларнинг ёшларимизга таъсири бошқа омиллар ва хавфларга нисбатан юқори”.

Азиз Абдуҳакимов Ўзбекистон Президенти ташаббуси билан 2021 йил “Ёшларни қўллаб-қувватлаш ва аҳоли саломатлигини мустаҳкамлаш йили” деб эълон қилингани ҳамда жорий йилда Давлат дастурини амалга ошириш доирасида 29,5 триллион сўм ва 2,6 миллиард АҚШ доллари ҳамда 57,3 миллион евро маблағ ажратилганини қайд этди. Шу ўринда “Меҳр-1”, “Меҳр-2”, “Меҳр-3” операциялари доирасида Сурия, Ироқ ва Афғонистондаги ҳарбий лагерлар зоналаридан 200 дан ортиқ аёллар ва болаларнинг Ўзбекистонга олиб келингани қўшимча қилинди.

Бундан ташқари, сўнгги уч йилда мамлакатдаги олий таълим муассасалари сони 60 фоизга ошгани ва айни дамда уларнинг сони 116 тани ташкил қилиши қайд этилди.

Каналга уланиш: 👇
@hudud_inform