#Ҳуқуқий_маслаҳат

Адлия вазирлиги: фуқаролардан асоссиз равишда турли маълумотномалар сўраш қонунга зид

Вазирлик ахборот хизмати маълумотига кўра, Фуқаролар турли давлат ташкилотлари билан муносабатга киришганида, маҳалладан маълумотнома, қарздорлик йўқлиги тўғрисида маълумотнома, манзил-маълумот ахбороти ва бошқа шунга ўхшаш ҳужжатлар талаб қилиш ортиқча оворагарчиликларни юзага келтиради.

Адлия вазирлиги қошидаги Давлат хизматлари агентлиги мутахассислари томонидан “қайси маълумотномалар кўп сўраляпти ва қайси давлат идоралари уларни талаб этаяпти” деган саволларга жавоб топиш учун ўтган 1 ой давомида фуқароларнинг ДХМларга маълумотнома сўраб қилган мурожаатлари ўрганилди.

Аниқланишича:

– руҳий касалликлар бўйича диспансер ҳисобида туриш ёки турмаслик тўғрисида – 39 950 та;

– наркология бўйича диспансер ҳисобида туриш ёки турмаслик тўғрисида – 35 066 та;

– фуқаролик ҳолати далолатнома ёзувлари ҳақида – 30 609 та;

– судланганлик (ёки судланмаганлик) ҳақида – 20 714 та;

– фуқаронинг номида шахсий уй-жойи борлиги ёки йўқлиги тўғрисида – 5 421 та;

– манзил-маълумот ахбороти – 981 та;

– турар жойнинг майдони тўғрисида – 12 та маълумотнома берилган.

Президентнинг тегишли қарори билан 2020 йил 1 январдан бошлаб давлат органлари ва ташкилотлари томонидан фуқаролардан талаб қилиниши, шунингдек, фуқароларнинг ўзини ўзи бошқариш органлари томонидан берилиши мумкин бўлмаган 28 та ҳужжатлар рўйхати тасдиқланди. Бу билан миллионлаб фуқароларнинг вақти, асаби, моддий маблағлари тежалиши, шунингдек, ушбу ҳужжатларни тайёрлаб берувчи давлат органлари ва ташкилотларига юкламаларнинг камайишига олиб келиши назарда тутилган эди.

Бироқ амалда мониторинг натижалари шуни кўрсатдики, ҳамон турли ташкилотлар ва идоралар томонидан фуқаролардан ортиқча маълумотномалар талаб қилиш ҳолатлари кузатилмоқда.

Шунингдек, таҳлилларга кўра, фуқаронинг номида шахсий уй-жой бор ёки йўқлиги тўғрисида маълумотномани энг кўп талаб қилган ташкилот ва идоралар, бу – маҳаллий ҳокимликлар 1 782 та, маҳалла ва оилани қўллаб қувватлаш органлари 1 069 та, мудофаа органлари 899 та, ички ишлар органлари 292 та, кадастр органлари 242 та, тижорат банклари 229 та ва бандлик органлари томонидан 119 та ҳолатда.

Каналга уланиш: 👇
@hudud_inform

#Долзарб

Интернет тармоғида Ўзбекистон МТТларида рус тилининг “иккинчи она тили” сифатида ўрганилишига оид хабарлар тарқалмоқда. Ушбу хабарлар нотўғри талқинда эканлиги ва ҳақиқатдан йироқлиги ҳақида Мактабгача таълим вазирлиги ахборот хизмати қуйидагиларни маълум қилади:

- МТТлардаги таълим-тарбия жараёнида иккинчи тил ўрганилиши кўзда тутилган (тил билувчи ўқитувчининг борлиги инобатга олинган ҳолда). Ушбу иккинчи тил исталган тил, хусусан, рус тили ҳам бўлиши мумкин;

- ота-оналар истаги билан болалар таълим рус тилида олиб борилувчи ва рус тилида сўзлашувчи гуруҳларга ўтказилиши мумкин;

- таълим ўзбек тилида олиб борилувчи гуруҳларда, шунингдек, енгил, базавий кўринишда рус тилини ўрганиш, рус тилида сўзлашувчи гуруҳларда эса давлат тилини ўрганиш кўзда тутилган.Тил билувчи ўқитувчилар бўлса – инглиз, немис, корейс ва бошқа тиллар ҳам ўргатилиши мумкин.

Айни дамда МТТларда иккинчи тилни ўргатишни йўлга қўйишда ҳал қилиниши муҳим бўлиб турган масалалардан бири - болаларни иккинчи тилга ўргатувчи мутахассисларни тайёрлашдир. Айнан шу боис, Мактабгача таълим вазирлиги томонидан кадрлар тайёрлаш йўналишида тинимсиз иш олиб борилмоқда. Шу жумладан, таълимни рус ва инглиз тилларида олиб бора оладиган мутахассислар Тошкентдаги Пучон Университетининг филиали ҳамда очилиши 2021 йилда кутилаётган А.И. Герцен номидаги Россия педагогика университетининг филиалида тайёрланиши кўзда тутилган;

- Ўзбекистон мактабгача таълим соҳасига “иккинчи она тили” деган иборанинг қиритилиши ва унинг қўлланилиши режалаштирилмаган.

Каналга уланиш: 👇
@hudud_inform

⚡️13 октябрь куни БМТ Бош Ассамблеясида Ўзбекистон БМТ Инсон ҳуқуқлари бўйича кенгашига кўпчилик овоз билан тарихда биринчи марта 3 йиллик муддатга сайланди.

"Ўзбекистонда 4 йилда амалга оширилаётган кенг кўламли ислоҳотларнинг дунё миқёсидаги эътирофи деб баҳолашимиз керак" - Олий Мажлис Қонунчилик палатаси Спикерининг биринчи ўринбосари Акмал Саидов.

Каналга уланиш: 👇
@hudud_inform

#Сирдарё_вилояти

Сирдарёдаги сув тошқинидан жабр кўрган 14 та мактаб ва уларнинг 2 та филиали тўлиқ таъмирланди. Улардан 2 тасини Ахборот технологияларига ихтисослаштирилган мактабга айлантириш режалаштирилган

Каналга уланиш: 👇
@hudud_inform

#Дунёга_назар

Германиянинг Ўзбекистондаги элчиси Гюнтер Оверфельд мамлакатимизнинг БМТ Инсон ҳуқуқлари бўйича кенгашига сайлангани муносабати билан қуйидагиларни таъкидлаб ўтди.

- Ўзбекистон Республикаси БМТ Инсон ҳуқуқлари бўйича кенгашига янги аъзо бўлиб сайланганидан ҳурсандман, - деди элчи.

– Мамлакатнинг мазкур нуфузли халқаро тузилма таркибига сайланиш истаги Президент Шавкат Мирзиёев амалга ошираётган ислоҳотлар сиёсатида инсон ҳуқуқлари муҳим ўрин эгаллаганини билдиради.

Ушбу интилиш Ўзбекистоннинг 2017 йилдан буён халқаро миқёсда тутган фаол роли ҳамда унинг БМТ ва ЕХҲТ билан яқин ҳамкорлигида ўз ифодасини топмоқда.

Мен мультилатерал тартиб-қоидаларга асосланган ушбу фаол ролни қўллаб-қувватлайман, у бугунги кунда барча давлатлар дуч келаётган глобал муаммолардан қатъий назар ривожланиш ва ўзаро тинч ҳамкорлик учун пойдевор яратади.

Манба: "Дунё" АА

Каналга уланиш: 👇
@hudud_inform