Аввал маълум қилинганидек, АОКА штабида Санитария-эпидемиологик осойишталик агентлиги директорининг биринчи ўринбосари Ботир Қурбонов иштирокида брифинг бўлиб ўтди.

Унда муҳим савол ва мурожаатлар юзасидан жавоб қайтарилди:

〰️〰️〰️〰️〰️

❓Даволаниш учун шифохонага борганда коронавирус инфекциясига текширилганлик тўғрисида маълумотнома сўралиши тўғрими?

❗️Йўқ, даволаш-профилактика муассасаларига даволанишга ва туғруқ мажмуаларига қабул қилишда коронавирус касаллигига текшириш ТАЛАБ ҚИЛИНМАЙДИ.

🧪 Фақат коронавирус юқиш эҳтимоли юқори бўлган қуйидаги шахслардан биологик намуна олиниб, ўрнатилган тартибда текширилиши белгиланган:

➖ бемор билан бирламчи (яқин) мулоқотда бўлган шахслар;

➖ иккиламчи мулоқотда бўлган шахслар;

➖ хорижий давлатлардан келган шахслар;

➖ тиббиёт ходимлари.

〰️〰️〰️〰️〰️

❓Нега Тошкент шаҳри беморлар сони кўплигига қарамай, «сариқ» ҳудуд бўлиб қолмоқда? Март-апрель ойларида кунлик касаллар сони ҳозиргидан кам бўлса-да, қатъий карантин чоралари қўлланилганди?

❗️Тошкент шаҳрида касаллик қайд этилган маҳалла, мавзе, даҳа ва йирик объектлар бўйича карантин чекловлари ўрнатилмоқда. Унга кўра:

🔴 жами 513 та маҳалла фуқаролар йиғинидан 42 таси — «қизил» ҳудуд;

🟡 132 таси — «сариқ» ҳудуд;

🟢 339 таси — «яшил» ҳудудга ажратилган.

☑️ Тошкент шаҳри пойтахт эканлиги ҳисобга олиниб, аҳолининг ижтимоий-иқтисодий ислоҳотлари ва ҳаракатларига таъсир қилмай, тадбирларни манзилли белгилаш тизимли тарзда амалга оширилмоқда.

〰️〰️〰️〰️〰️

❓«Яшил» ҳудудда тиббий ниқоб тақмаса бўладими?

❗️Республика махсус комиссияси хулосасига кўра, ҳудудларда тоифаланишидан қатъий назар қуйидаги тартибга риоя қилиниши шарт:

🚧 жамоат жойлари ва тадбиркорлик фаолияти объектларида ижтимоий масофани (2 метр) сақлаш;

😷 фуқароларнинг тиббий ниқобдан фойдаланишлари;

👨‍👩‍👦 уч кишидан ортиқ йиғилмаслик;

🧴антисептик воситалардан фойдаланиш.

〰️〰️〰️〰️〰️

❓8 июндан автобуслар қатнови йўлга қўйилди. Одамларни касаллик юқтириб олиш хавфи катта эмасми?

❗️Жамоат транспортларига қуйидаги талаблар белгиланган:

🚿 транспорт воситасини якуний йўналиш нуқтасида дезинфекция қилиш;

😷 автобус салонига фақатгина тиббий ниқоблардаги йўловчиларни киритиш;

👨‍✈️ ҳайдовчиларни тиббий қўлқоп ва тиббий ниқоблар билан таъминлаш ҳамда уларнинг мунтазам равишда ўз вақтида алмаштириб борилиши чораларини кўриш.

Касалликни олдини олиш ва карантин тадбирларига амал қилиш ўз қўлимизда. Илмий асосланган ва барча учун оддий бўлган гигиена қоидаларига амал қилиш орқали касалликдан ҳимояланиш мумкин.

@aoka_uz
#vahimasizkarantin
#карантинбезпаники

📹 АОКА ҳузуридаги штабда Олий ва ўрта махсус таълим вазирлиги бўлим бошлиғи Абдусамад Маманазаров иштирокида янги ўқув йили учун қабул жараёнлари юзасидан ўтказилган брифинг видеоси

@aoka_uz
#vahimasizkarantin
#карантинбезпаники

📹 АОКА ҳузуридаги штабда коронавирус билан боғлиқ саволлар юзасидан Санитария-эпидемиологик осойишталик агентлиги директори биринчи ўринбосари Ботиржон Қурбонов иштирокида ўтказилган брифинг видеоси

@aoka_uz
#vahimasizkarantin
#карантинбезпаники

Бугун АОКА ҳузуридаги штабда Ахборот технологиялари ва коммуникацияларини ривожлантириш вазирлиги матбуот котиби Шерзод Аҳматов иштирокида брифинг ўтказилди.

Унда муҳим савол ва мурожаатлар юзасидан маълумот тақдим этилди:

〰️〰️〰️〰️〰️

❓Халқаро почта жўнатмаларини ҳаво транспортида юбориш ва қабул қилиш йўлга қўйилдими?

✈️ “Ўзбекистон почтаси” ҳаво транспорти орқали юк ташувчи авиакомпаниялар билан халқаро почта жўнатмаларини дунёнинг 35 та мамлакаига етказиб бермоқда.

⚡️Халқаро почта жўнатмалари юк ташувчи ҳаво транспортида юборилиши муносабати билан, янги “Extra” тарифи асосида қабул қилинмоқда.

〰️〰️〰️〰️〰️

❓Нега интернет тезлиги ҳамма жойда бир хил эмас, нархлар ҳам қиммат?

📉 2020 йилнинг 1 январидан оператор ва провайдерларга интернет хизматлари учун тариф ўтган йилнинг шу даврига нисбатан 34 фоизга арзонлаштирилди. Интернет провайдерларига республиканинг турли ҳудудларидан тармоққа уланиш ягона тартибда ва бир хил нарҳларда ташкил этилди.

📈 Ўзбекистонда интернет тезлиги 6%га, мобил интернет тезлиги эса 18% га ошган.

〰️〰️〰️〰️〰️

❓“Ўзбекистон почтаси” томонидан жазо муддатини ўтаётган маҳкумларга посилка ва бандеролларни етказиб бериш хизмати қайта йўлга қўйилдими?

⚡️Республика махсус комиссиясининг қарорига кўра, 15 майдан эътиборан маҳкумларга посилка ва бандеролларни етказиб беришга рухсат берилган.

📭 “Ўзбекистон почтаси” АЖ жазо муддатини ўтаётган маҳкумларга посилка ва бандеролларни етказиб бериш қайта йўлга қўйган.

〰️〰️〰️〰️〰️

❓Сўхда Бош вазир бошчилигида бўлиб ўтган фаоллар йиғилишида ахборот технологиялари ва коммуникациялари соҳасини яхшилаш бўйича қатор топшириқлар берилди. Шу бўйича нима ишлар амалга оширилди?

❗️Сўх туманида телекоммуникация инфратузилмасини кенгайтириш ва хизматлар сифатини яхшилаш мақсадида, 62 км оптик толали алоқа кабеллари, умумий сиғими 536 портли замонавий қурилмалар, 40 дона 7 метрли темир-бетон устунлар, 5 та мобил алоқа база станциялари “Ўзбектелеком” АК “Ўзмобайл”филиали - 2 та антенна мачта қурилмалари билан, “Coscom” МЧЖ – 1 та, “UMS”МЧЖ – 2 та зарур транспорт ва махсус материаллар туманга етказилди.

〰️〰️〰️〰️〰️

❓Ҳозир кунда IT-марказлар ва IТ-Park филиалларида курсларда ўқиш мумкинми? IT-Parkнинг қайси лойиҳаларида онлайн қатнашиш мумкин?

👨🏻‍💻Бугунги кунда, IТ-Park барча бўлимлари онлайн режимда ишлашга ўтган. Стартаплар бўйича ўқишлар давом этмоқда. Резидентлар ҳужжатларни онлайн равишда топширмоқда, барча учрашув ва музокаралар булутли видео платформаларда ўтказилмоқда. Офлайн ўқишлар карантин тугаганидан кейин бошланади. Буни кутмасдан ўқишни истаганлар дастурлашни ўрганиш учун Uzbekcoders.uz платформасида ёки ўз стартапларини ишлаб чиқишни хоҳлаганлар, https://online.it-park.uz/ pre-akselerator онлайн платформасида рўйхатдан ўтиб ўқишлари мумкин.

🌐 Ҳозирда 14 та лойиҳа онлайн тарзда амалга оширилмоқда.

@aoka_uz
#vahimasizkarantin
#карантинбезпаники

📹 АОКА ҳузуридаги штабда АКТ вазирлиги ахборот хизмати раҳбари Шерзод Аҳматов иштирокида ўтказилган брифинг видеоси

@aoka_uz
#vahimasizkarantin
#карантинбезпаники

❓«Сардоба» офати оқибатида қишлоқ хўжалигига қандай зарар етди ва қандай тезкор чоралар кўрилди?

АОКА ҳузуридаги штабда ўтказилган брифингда Қишлоқ хўжалиги вазирлиги матбуот котиби Нигора Ходжаева бу тўғрисида батафсил маълумот берди:

〰️〰️〰️〰️〰️

🔎 Талофатни бартараф этиш бўйича 3 та ишчи гуруҳ тузилди. Зарар кўрган майдонларни тиклаш учун 421 та техника, 200 та кўчма насос, 940 нафар ишчи кучи жалб этилди;

💦 «Марказий тармоқ»да 3,8 километр — 3 та туманда 9,5 км хўжаликлараро каналлар тўлиқ тикланди;

🌱 3 260 гектар чигит, 9 027 гектар дуккакли, 1 570 гектар сабзавот-полиз экинлари қайта экилди;

💧1 656 га майдоннинг мелиоратив ҳолати яхшиланди;

🌱 барча туманларда қўшимча 4 253 гектар майдонга чигит экилди;

🌾 талофат кўрган ғўза майдонларининг 2 054 гектар (21%), ғалла майдонларининг 2 026 гектарида бузилмасдан агротехник тадбирлар амалга оширилмоқда;

📦 вилоятга 864 тонна ўғит ва 3,2 минг тонна фосфорли ўғит етказиб берилди.

@aoka_uz
#vahimasizkarantin
#карантинбезпаники

📹 «Сардоба» сув тошқини оқибатларини бартараф этиш бўйича амалга оширилаётган ишлар

🗣 Спикер: Қишлоқ хўжалиги вазирлиги ахборот хизмати раҳбари Нигора Ходжаева

@aoka_uz
#vahimasizkarantin
#карантинбезпаники

​​Ўзбекистоннинг миллий бренди концепциясини ишлаб чиқиш доирасида АОКА "Perceptions of Uzbekistan through the eyes of foreigners" — «Ўзбекистон хорижликлар нигоҳида» лойиҳасини амалга оширишни бошлади.

🔹Лойиҳа доирасида биз Ўзбекистонда узоқ вақтдан буён яшаётган хорижий меҳмонларни таклиф этиб, улар Ўзбекистонни қандай кўришлари, яшаш учун яратилган шароитлар ҳамда улар келажакда мамлакатда кўришни истаётган ўзгаришлар ҳақида суҳбатлашамиз.

Бизнинг биринчи меҳмонимиз фаол ҳаёт тарзи тарғиботчиси, велосипедчи, 50дан ортиқ давлатларда бўлган Ражеш Наир (Rajesh Nair) бўлди. У юртимизда 2019 йилнинг ноябридан буён яшамоқда.

📌 Интервьюдан лавҳалар:

📎 «Ўзбекистонда жуда кўп меҳрибон ва меҳмондўст одамларни учратдим. Ўзимни қадрли меҳмондек ҳис этдим, бу ажойиб мамлакат маданиятидан баҳра олдим. Мен ўзимни худди уйимдагидек ҳис этяпман. Менга бу ерда яшаш ёқади».

📎 «Ўзбекистон мен кўрган энг хавфсиз мамлакатлардан бири».

📎 «Ўзбекистон халқи ўзи ва ўз юртидан фахрланса арзийди».

📎 «Мамлакатингиз фаол туризмни ривожлантириш учун катта потенциалга эга».

🌐 Instagram: @babavelo

〰️〰️〰️〰️〰️

❗️Интервьюнинг тўлиқ матни бу ерда 👉 www.aoka.uz

@aoka_uz
#vahimasizkarantin
#карантинбезпаники

📹 АОКА ҳузуридаги штабда коронавирус билан боғлиқ саволлар юзасидан Санитария-эпидемиология назорати давлат инспекцияси бош инспектори Нурмат Отабеков иштирокида ўтказилган брифинг видеоси

@aoka_uz
#vahimasizkarantin
#карантинбезпаники

📹 АОКА ҳузуридаги штабда Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева иштирокида ўтказилган брифинг видеоси

📌 Мавзу: «Саховат ва кўмак» жамғармасига келиб тушган маблағлар ва уларнинг мақсадли сарфланиши

@aoka_uz
#vahimasizkarantin
#карантинбезпаники

❓«Сардоба» талофатларини бартараф этиш учун неча пул сарфланди?

❓Бу маблағлар нималарга харжланди?

📹 Шу каби муҳим масалалар юзасидан Қурилиш вазирлиги бошқарма бошлиғи Жалол Арашов иштирокида АОКА штабида бўлиб ўтган брифинг видеоси

@aoka_uz
#vahimasizkarantin
#карантинбезпаники

АОКА ҳузуридаги штабда Санитария-эпидемиологик осойишталик агентлиги директорининг биринчи ўринбосари Ботир Қурбонов иштирокида брифинг ўтказилди.

Унда муҳим савол ва мурожаатлар юзасидан жавоб қайтарилди:

〰️〰️〰️〰️〰️

❓Хостеллар фаолиятига қачондан рухсат берилади ва қанақа санитария талаблари қўйилади?

❗️«COVID-19 пандемияси даврида чеклаш тадбирларини қўлланиши шароитида давлат органлари ва бошқа ташкилотлар, шунингдек тадбиркорлик субъектларининг фаолиятини ташкил қилиш тўғрисидаги вақтинчалик санитария қоида ва меъёрлари»да меҳмонхоналар учун ишлаб чиқилган талаблар хостеллар учун ҳам амал қилади.

〰️〰️〰️〰️〰️

❓15 июнь санасидан бошлаб бир неча чет давлатларига чиқишга рухсат берилди. Четга чиқиш учун коронавирусга тест топшириш керакми?

🔎 Хорижий давлатларга сафарга чиқишдан аввал ўша мамлакатда коронавирус инфекциясига нисбатан олиб бораётган сиёсат ва эпидемияга қарши чора-тадбирлар билан танишиш зарур.

🧾 Агар бораётган давлатда ушбу талаб мавжуд бўлса, лаборатория таҳлилидан ўтиб, тегишли маълумотномани олишлари керак бўлади.

〰️〰️〰️〰️〰️

❓15 июнь санасидан бошлаб Япония, Жанубий Корея, Хитой Халқ Республикаси ва Исроил давлатларидан (охирги 14 кун ушбу мамлакатларда бўлиб турган) кириб келган шахслар КАРАНТИН НАЗОРАТИГА ОЛИНМАЙДИ деган хабар берилди. Лекин ОАВларда Хитой худудида вазият яна огирлашгани тўғрисида айтилмокда. Шу тўғрисида батафсил тўхталиб ўтсангиз?

❗️Юқоридаги мамлакатларда сўнгги ҳафталарда эпидемиологик барқарорлик таъминланаётгани учунгина «яшил ҳудуд» деб белгиланди, агар эпидемиологик вазият оғирлашиши кузатилса, қўшимча қарорлар қабул қилиниши мумкин.

〰️〰️〰️〰️〰️

❓Нега жамоат овқатланиш муассасаларига рухсат берилди-ю, тўйхоналарга эса йўқ? Ресторанларга ҳам бир кунда юзлаб ода мкириши мумкинку?

✔️ Тўйларни ихчам ҳолда ва фақат яқин қариндошлари даврасида уй ховлисида 30 кишидан ошмаган ҳолда ўтказиш юзасидан Республика махсус комиссиясининг тегишли қарори қабул қилинган.

❗️Тўйхоналарда фуқароларнинг бир вақтда йиғилиши касалликка чалиниш эҳтимолини оширади.

⚡️Ошхоналарга фақатгина қатьий санитария қоидаларига риоя қилган ҳолда, тегишли талабларни бажариш шарти билан рухсат берилган.

@aoka_uz
#vahimasizkarantin
#карантинбезпаники

АОКА штабида Вазирлар Маҳкамаси ҳузуридаги Таълим сифатини назорат қилиш инспекцияси ахборот хизмати раҳбари Феруза Мадраҳимова иштирокида брифинг бўлиб ўтди.

Унда муҳим савол ва мурожаатлар юзасидан жавоб қайтарилди:

〰️〰️〰️〰️〰️

❓«Яшил» ҳудудларда ўқув марказлари фаолиятига рухсат берилди, буни «сариқ» ҳудудларда ҳам ташкил этса бўладими?

🔹Ҳозирда олий таълим муассасаларига қабул жараёнлари бошланаётгани ва абитуриентларга қулайлик яратиш мақсадида “сариқ” ҳудудларда ҳам санитария-гигиена қоидаларига қатъий риоя қилган ҳолда ўқув марказлари фаолиятини ташкил этиш бўйича Таълим сифатини назорат қилиш давлат инспекцияси томонидан Республика махсус комиссиясига таклиф киритилган.

💻 Комиссиянинг “сариқ” ҳудудлардаги ўқув марказларида таълим жараёнларини давом эттириш бўйича тегишли қарори қабул қилингандан сўнг, буни ташкил этиш мумкин бўлади. Ҳозирги пайтда “сариқ” ва “қизил” ҳудудлардаги ўқув марказларларида масофавий таълим ташкил этишни тавсия қиламиз.

〰️〰️〰️〰️〰️

❓Мен диплом нострификация қилиш учун ҳужжатларимини топширган эдим, карантин сабабли имтиҳон қолдирилди, имтиҳон кунлари қачон бўлиши аниқландими?

🔹Хорижий давлатларда таълим олганлик тўғрисидаги ҳужжатларни тан олиш учун тестларнинг дастлабки босқичини синов тариқасида пойтахтимизга яқин ҳудудларда ўтказиш белгиланди. Унга кўра, тест ўтказиладиган кунлар жорий йилнинг 18 июнь куни, яъни эртага бошланади. Имтиҳон Таълим сифатини назорат қилиш давлат инспекцияси биносида бўлиб ўтади.

📌 Имтиҳонда “Ҳуқуқшунослик”, “Соғлиқни сақлаш ва ижтимоий таъминот”, “Иқтисодиёт”, “Қишлоқ хўжалиги, муҳандислик, ишлов бериш ва қурилиш” ҳамда “Ўқитувчилар тайёрлаш ва педагогик фанлар” соҳалари бўйича синов тестлари ўтказилади.

📝 Инспекция томонидан имтиҳонда иштирок этувчилар рўйхати шакллантирилди. Ушбу рўйхатга пойтахтимиз Тошкент шаҳри, Тошкент ва Сирдарё вилоятининг эпидемиологик жиҳатдан барқарор ҳудудларида истиқомат қилувчи талабгорлар киритилган. Бошқа талабгорлар учун синовлар қачон ва қай тартибда ташкил этилиши бўйича қўшимча ахборот берилади. Синовлар карантин қоидаларига қатъий амал қилган ҳолда ўтказилади.

🚫 Хорижий давлатларда таълим олганлик тўғрисидаги ҳужжатларни тан олиш учун белгиланган синов тестларига ўз вақтида келмаган, синов тестида иштирок этувчилар рўйхатида мавжуд бўлмаган талабгорлар ҳамда тиббий ниқоби бўлмаганларга синовларга киришга рухсат этилмайди.

✅ Шунингдек, фуқаролардан келиб тушаётган аризалар асосида кейинги босқичларда эпидемиологик вазият барқарорлашаётган ҳудудларда ҳудуднинг ўзига борган ҳолда тестларни ташкил этиш режалаштирилмоқда.

〰️〰️〰️〰️〰️

❓Барча ҳудудларда автомактаблар фаолияти тикландими? Пандемия шароитида уларга фаолияти олиб бориш учун қандай шартлар қўйилди?

🔹2020 йил 1 июндан бошлаб “яшил” ва “сариқ” ҳудудларда автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолиятига рухсат берилган.

🚗 Бунда, назарий машғулотлар масофадан туриб онлайн ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим.

🔕 Автомототранспорт воситалари ҳайдовчиларини тайёрлаш ва қайта тайёрлаш билан шуғулланувчиларга масофадан туриб ўқитиш имконияти бўлган ташкилотларгина иш бошлаши лозимлиги тушунтирилди. Республика махсус комиссиясининг қарори билан белгиланган талабларга амал қилмаган ташкилотларга маъмурий жавобгарликдан ташқари лицензияси бекор қилишгача бўлган чоралар қўлланилиши мумкинлиги тушунтирилди.

@aoka_uz
#vahimasizkarantin
#карантинбезпаники

🔖 Педагог кадрлар аттестациясининг малака синовлари қачон ўтказилади?

🔖 Миллий ғоя фани номи ўзгардими?

🔖 Хусусий мактаб очиш учун карантин даврида лицензия олиш мумкинми?

📹 АОКА ҳузуридаги штабда Таълим сифатини назорат қилиш давлат инспекцияси ахборот хизмати раҳбари Феруза Мадраҳимова иштирокида ўтказилган брифингда шу каби муҳим масалалар юзасидан жавоб қайтарилди

@aoka_uz
#vahimasizkarantin
#карантинбезпаники

❗️«Сардоба» офатидан зарар кўрган ҳудудларда олиб борилаётган ишлар

АОКА ҳузуридаги штабда Фавқулодда вазиятлар вазирлиги ахборот хизмати ходими Самандар Ҳикматуллаев иштирокида ўтказилган брифингда мавзу юзасидан маълумот берилди:

〰️〰️〰️〰️

☎️ Бугунги кунга қадар 12-05 қисқа рақамлари орқали 8142 та мурожаат келиб тушди, шундан 8027 таси (99,9%) ижобий ҳал этилди, қолган 115 таси тегишли ташкилотларга юборилган, ижроси назоратга олинган.

🔎 Шунингдек, 8255 та камчиликдан 5875 таси жойида бартараф этилган.

📢 Янгидан қурилаётган 547 та уй-жой ўрганиб чиқилиб, 1571 та тавсия берилди.

💦 Қозоғистонда офат оқибатларини бартараф этиш учун 130 дан ортиқ шахсий таркиб, 42 та техника жалб этилган.

🌱 Мактаарал тумани Жанажул округидаги 2 902 гектар майдонга 87 060 кг чигит экилди. 585 гектар пахта майдонларида эса култивация ишлари олиб борилди.

@aoka_uz
#vahimasizkarantin
#карантинбезпаники

📹 АОКА ҳузуридаги штабда Жисмоний тарбия ва спорт вазирлиги ахборот хизмати раҳбари Отабек Эшмаматов иштирокида бўлиб ўтган брифинг видеоси

@aoka_uz
#vahimasizkarantin
#карантинбезпаники

🚪 Ёпиқ эшиклар ортида нима бор

Сиз ҳам шу ҳолга тушишни истамасангиз, ўзингизни ҳимоя қилинг!

〰️〰️ 18+ 〰️〰️

🚪 Что за закрытыми дверями

Если вы не хотите оказаться в такой же ситуации, защитите себя!

@koronavirusinfouz
#vahimasizkarantin
#карантинбезпаники