✔️ Ўзбекистоннинг Орхус конвенциясига қўшилиши ҳақидаги қонун лойиҳаси қабул қилинди

Олий Мажлис Қонунчилик палатасининг навбатдаги мажлисида “Атроф-муҳит билан боғлиқ бўлган масалалар бўйича қарорлар қабул қилиш жараёнида жамоатчиликнинг ахборот олиш имконияти, иштироки ва одил судловга эришиш имконияти тўғрисидаги конвенцияга (Орхус, 1998 йил 25 июнь) Ўзбекистон Республикасининг қўшилиши ҳақида”ги қонун лойиҳаси биринчи ўқишда концептуал жиҳатдан кўриб чиқилди ва қабул қилинди.

Орхус конвенциясига қўшилиш давлатимизнинг демократик ривожланиши ва экологик хавфсизликка бўлган саъй-ҳаракатларини янги босқичга олиб чиқишга хизмат қилиш билан бирга, мамлакатимизнинг халқаро майдондаги позициясини янада мустаҳкамлайди.

📌 Батафсил

ttps://t.iss.one/hudud_inform

✅ Ҳокимлар Бўстонлиқ туманидаги туристик мажмуалар билан таништирилди

Туман ва шаҳар секторлари раҳбарлари Тошкент вилоятининг Бўстонлиқ туманидаги туристик лойиҳалар билан яқиндан танишишди. Уларга Экология вазири Азиз Абдуҳакимов ва Туризм қўмитаси раиси Умид Шадиев ҳамкорлик қилишди.

Таъкидлаш жоизки, 10 декабрь куни Ўзбекистон Республикаси Президенти ҳузуридаги Давлат бошқаруви академиясида ижро ҳокимияти органлари раҳбар кадрлари, туман (шаҳар) секторлари раҳбарлари учун ўқув-амалий семинар бошланган бўлиб, тадбир давлат раҳбарининг 2024 йил 18-20 ноябрь кунлари Олий Мажлис Сенати ва Қонунчилик палатасида сўзлаган нутқларида, шунингдек, 2025 йил “Атроф-муҳитни асраш ва яшил иқтисодиёт йили” деб эълон қилиниши муносабати билан раҳбарлар олдида турган вазифаларни чуқур ўрганишга йўналтирилган.

Бўстонлиқда туризмни ривожлантиришга доир ўтган амалий семинар машғулотида А.Абдуҳакимов ва У.Шадиев экотуризмни ривожлантириш ҳамда замонавий дам олиш масканларини ташкил этишга оид маълумотлар билан ўртоқлашиб, семинар иштирокчиларига туман туризм инфратузилмасини ривожлантириш, янги туристик маҳсулотларини ишга тушириш ва замонавий дам олиш масканларини ташкил этиш бўйича амалга оширилаётган лойиҳалар билан яқиндан таништиришди.

Ҳокимлар тумандаги “Угам Ривер”, “Чорвоқ дарвозаси” туристик мажмуалари, “Чиноркент” дор йўли ҳамда “Капсула” уйларда бўлиб, ўзларини қизиқтирган барча саволларга жавоб олишди.

https://t.iss.one/hudud_inform