📢 27 апрель, чоршанба куни АОКАда ўтказилиши режалаштирилган тадбирлар:

〰️〰️〰️
📍Брифинг

● Мавзу: "Тўловга қобилиятсизлик тўғрисида"ги қонуннинг мазмун-моҳияти
● Вақти: 10:00
● Иштирок этади: Жамшид Тоҳиров, Давлат активларини бошқариш агентлиги департаменти бошлиғи

〰️〰️〰️
📍Брифинг

● Мавзу: Ҳоким ёрдамчилари фаолияти натижаларини кенг жамоатчиликка етказиш ва очиқликни таъминлаш хусусида
● Вақти: 12:00
● Иштирок этади: Мухтор Шоназаров, Маҳаллабай ишлаш ва тадбиркорликни ривожлантириш агентлиги директорининг биринчи ўринбосари

〰️〰️〰️
📍Матбуот анжумани

● Мавзу: “Инсон қадрини улуғлаш ва фаол маҳалла йили”да амалга оширилаётган ишлар
● Вақти: 14:00
● Иштирок этади: Инновацион ривожланиш вазири ва мутасаддилар

〰️〰️〰️
📍Матбуот анжумани

● Мавзу: Маданий мерос агентлиги фаолияти таҳлили, тизимдаги ўзгаришлар, Давлат дастури ижроси
● Вақти: 16:00
● Иштирок этади: Агентлик директори ва мутасаддилар

🎤 Саволларни @Rasmiy_aloqabot га жўнатинг. ОАВ ходимлари таклиф этилади.

https://t.iss.one/aoka_uz

#Бухоро_вилояти

Ботир Зарипов: Жорий йилда Бухорода умумий қиймати 500 млрд сўмлик 42 та туристик лойиҳа амалга оширилиши белгиланган.

https://t.iss.one/hudud_inform

❗️ Бугун кутилаётган кучли ёмғирлар ёғиши ҳисобига Фарғона водийси вилоятларининг тоғолди ва тоғли ҳудудларида ҳамда Қирғизистон билан чегарадош ҳудудларда сел-сув тошқин ҳодисалари юзага келиши мумкин.

Тоғолди ва тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралмоқда.

https://t.iss.one/hudud_inform

Қоракўлчилик маҳсулотлари етиштирувчилар учун солиқ ва божхона имтиёзлари узайтирилди

“Республикада гўшт, жун ва сут йўналишидаги майда шохли молларни кўпайтириш ва тармоқ озуқа базасини мустаҳкамлашга қаратилган қўшимча чора-тадбирлар тўғрисида”ги Президент қарори (ПҚ–224-сон, 26.04.2022 й.) қабул қилинди

Қарорга мувофиқ, Қоракўлчилик тармоғини ривожлантириш бўйича кредит беришнинг қуйидаги тартиби белгиланди:

🔹кредитлар Марказий банкнинг асосий ставкасига 4 фоизлик банк маржасини қўшиш орқали ҳисобланадиган ставка бўйича ажратилади;

🔹кредитлар қуйидаги шартларда берилади:

➖тадбиркорларга хориждан гўшт, жун ва сут йўналишидаги қўй ва эчкилар харид қилиш учун – 5 йил муддатгача, шу жумладан 3 йиллик имтиёзли давр билан;

➖тадбиркорларга уларнинг озуқа цехлари (гранулятор)ни, гўшт, жун ва сут маҳсулотларини қайта ишлашни ташкил этиш бўйича лойиҳаларини молиялаштириш учун – 10 йил муддатгача, шу жумладан 3 йиллик имтиёзли давр билан;

➖хўжалик юритувчи субъектларга яйловларда чорва молларининг сувга бўлган эҳтиёжини қондириш учун сув чиқариш (қудуқлар бурғилаш ёки мукаммал таъмирлаш) ва сув иншоотига ресурс тежамкор ускуналар ўрнатиш учун – 5 йил муддатгача, шу жумладан 3 йиллик имтиёзли давр билан.

Қарорга кўра, ипак қурти уруғи, тут кўчатлари ва пилла етиштириш, пиллани қайта ишлаш ва тайёр маҳсулотлар ишлаб чиқариш ҳамда қоракўлчилик билан шуғулланаётган субъектлар, қоракўлчилик маҳсулотларини қайта ишлаш корхоналари ва қоракўлчилик маҳсулотлари ишлаб чиқарувчилар учун кўзда тутилган солиқ ва божхона тўловлари бўйича имтиёзлар 2023 йил 1 январдан 2026 йил 1 январга қадар узайтирилди.

https://t.iss.one/hudud_inform

📊Инфографика: 2022 йил март ойида Ўзбекистоннинг МДҲ давлатлари билан савдоси

📌Республика ташқи савдо айланмасининг учдан бир қисми ёки30,%и МДҲ давлатларига тўғри келади.

✔️МДҲ мамлакатлари билан ташқи савдо айланмаси 2022 йил январь-март ҳолатига кўра 3,9 млрд.долларни ташкил этди.

▫️экспорт – 1 210,6 млн.доллар
▫️импорт – 2 738,0 млн.доллар

✔️МДҲ мамлакатлари билан ташқи савдо айланмасининг энг юқори ҳажмлари Россия Федерацияси, Қозоғистон ҳамда Қирғиз Республикаси давлатлари билан қайд этилди.

https://t.iss.one/hudud_inform

🚘 Янги таҳрирдаги Йўл ҳаракати қоидаларига киритилган айрим янги йўл белгилари бўйича изоҳ

📗 Янги таҳрирдаги Йўл ҳаракати қоидалари 2022 йил 1 майдан бошлаб амалга киритилади.

https://t.iss.one/hudud_inform

Қашқадарёда ипак қуртини боқиш бошланди

Маълумки, ҳар йили апрель, май, июнь ойларида юртимизда ипак(пилла) уруғини олиб келиш, пилла қурти боқиш ҳамда тайёр маҳсулотларни пиллачилик корхоналарига етказиб бериш борасида кенг кўламли ишлар олиб борилади. Айни пайтда вилоятимизда ҳам бу борада жадал ишлар амалга оширилмоқда.

Жорий йил воҳамиз 40172 қути ипак қуртини парваришлаб, 2290 тонна (1544 тонна фермерлар ва 746 тонна касаначилар) пилла етиштиришни режалаштирган.

Ҳозирда ипак қуртини тарқатиш билан бирга пилла боқувчиларга 12,1 млрд. сўм аванс маблағлари тарқатилди.

Қувонарлиси, пиллачилик соҳасида йил давомида 93465 нафар, шундан, 11791 нафар доимий ва 81674 нафар мавсумий иш ўрни яратилади.

https://t.iss.one/hudud_inform

Бироздан сўнг Президент Шавкат Мирзиёев ҳузурида аграр соҳада таълимни янада ривожлантириш масалалари ҳамда қишлоқ хўжалиги йўналишидаги лойиҳаларнинг бориши юзасидан йиғилиш бошланади.

https://t.iss.one/hudud_inform

Президент ҳузурида қишлоқ хўжалигида халқаро молия институтлари иштирокидаги лойиҳаларнинг бориши ҳамда таълим сифатини яхшилаш масалалари муҳокама қилинмоқда.

Сўнгги беш йилда соҳага 2,5 миллиард доллар хорижий ресурслар жалб қилинди. Шундан, 1,7 миллиард доллар ўзлаштирилиб, 4 мингга яқин лойиҳа амалга оширилди.

Бунинг ҳисобига 2,5 минг гектар замонавий иссиқхоналар, 11 минг гектар интенсив боғлар, 6 та кўчатчилик хўжалиги ва 350 минг тоннали музлаткичли омборхоналар ташкил этилди.

Бугунги кунда, соҳада 810 миллион доллар ўзлаштириладиган маблағ мавжуд.

Давлатимиз раҳбари ушбу маблағлар ҳисобига қилиниши лозим бўлган ишларни белгилаб берди.

Йиғилишда 2022 йилда Андижон, Жиззах, Наманган, Самарқанд, Фарғона ва Хоразм вилоятларида агрохизматлар марказлари ташкил этилиб, 100 дан ортиқ хизматлар йўлга қўйилиши лозимлиги кўрсатиб ўтилди. Шунингдек:

- қишлоқ хўжалигида маблағларни бошқариш ва мониторинг қилиш ахборот тизимини ишга тушириш;

- ерлар ва экинлар ҳисоби ҳамда мониторингини юритишни рақамлаштириш;

- 1 августга қадар 7 турдаги, 2023 йилда барча турдаги субсидия тўлашни электрон тизимга ўтказиш;

- сув баланси ва сарфи ҳисобини юритиш ҳамда ерларни тўғри суғориш ишларини масофавий мониторинг қилиш ахборот тизимини 1 декабргача Фарғона ва Самарқандда, 2023 йилда барча ҳудудларда жорий қилишга топшириқ берилди.

Президент янги Халқаро қишлоқ хўжалиги университети 2022-2023 ўқув йилидан ўз фаолиятини бошлаши зарурлигини қайд этди.

Биринчи ўқув йилида университетда 7 та мутахассислик бўйича 200 нафар талаба ўқитилади.

https://t.iss.one/hudud_inform

Йиғилишда аграр соҳа учун замонавий билимга эга ўрта бўғин мутахассисларини тайёрлаш масаласига алоҳида эътибор қаратилди.

Қишлоқ хўжалиги вазирлиги Аграр университет билан тизимдаги коллеж ва техникумларнинг ўзаро боғлиқлигини таъминлаши зарурлиги таъкидланди.

Бугунги кунда Жиззах, Тошкент ва Фарғонада 3 та қишлоқ хўжалиги техникумини модернизация қилиш бошланди.

“Лекин қолган 31 та техникум ва коллеж билан, 83 та касб-ҳунар мактаби билан қачон шуғулланамиз?”, дея савол қўйди Президент.

Қишлоқ хўжалиги ва олий таълим вазирларига икки ой муддатда техникумлар бўйича алоҳида дастур ишлаб чиқиш топширилди.

Бунда:

- аграр соҳадаги барча техникумлар Қишлоқ хўжалиги вазирлиги тизимига ўтказилади;

- кластер ва бошқа йирик қишлоқ хўжалиги корхоналари билан ҳамкорликда техникумлардаги ўқув дастурлар, методологияси, дарсликлар ва амалиёт тизими бутунлай қайта кўриб чиқилади;

- техникумлар янги ташкил этиладиган агрохизматлар марказлари билан узвий боғланади.

Йиғилиш якунида мутасаддилар ҳисобот берди.

https://t.iss.one/hudud_inform