▫️2021 йил 25 октябрь куни Буюк Британия ва Шимолий Ирландия Бирлашган Қироллиги ҳукуматининг расмий веб-сайтида халқаро савдо бўйича Давлат котибининг Ўзбекистон Республикасини Буюк Британиянинг Преференциялар бош тизимининг Кенгайтирилган схемаси (“GSP Enhanced framework”)га қўшиш тўғрисида қарор қабул қилингани ҳақидаги хабари чоп этилди.

Бу ҳақда Ўзбекистон Республикаси Инвестициялар ва ташқи савдо вазирлиги, Буюк Британиянинг Ўзбекистон Республикасидаги элчихонаси, маҳаллий ва хорижий оммавий ахборот воситалари вакиллари ҳамда блогерлар иштирокида пойтахтимизда ўтказилган матбуот анжуманида маълум қилинди.

https://t.iss.one/hudud_inform

Президент маҳалладаги мактаб билан танишувда: "Ўзимга кўп хулоса қилиб кетяпман"

Бу ҳақда Президент матбуот котиби хабар берди.

https://t.iss.one/hudud_inform

Ҳукумат қарори (708-сон, 22.11.2021 й.) билан Одам савдоси соҳасидаги жиноятлар тўғрисидаги маълумотларнинг ягона ахборот базасини юритиш тартиби тўғрисидаги низом тасдиқланди

➡️ Одам савдоси соҳасидаги жиноятлар тўғрисидаги маълумотларнинг ягона ахборот базаси Ички ишлар вазирлиги Тезкор-қидирув департаменти томонидан юритилади.

🔰 Базага қуйидаги маълумотлар киритилади:
➖ одам савдоси билан шуғулланувчи шахслар;
➖ одам савдосидан жабрланганлар, жабрланган деб тахмин қилинаётганлар – аёллар ва болалар ҳақидаги ахборот алоҳида ажратилган ҳолда, уларга кўрсатилган ёрдам натижалари;
➖ жиноят содир этиш усуллари ва бошқа ахборотлар.

📝 Маълумотлардан одам савдосига қарши курашишдаги ваколатли органлар фойдаланиши учун Тезкор-қидирув департаменти ва унинг ҳудудий бўлинмаларига ёзма ёки электрон шаклда сўровнома юборади.

⏳ Сўровнома тушганидан сўнг унинг натижаси бўйича беш кунда жавоб юборилади.

https://t.iss.one/hudud_inform

#Тошкент_шаҳар

🔹 22-27 ноябрь кунлари Инновацион ривожланиш вазирлигида Илмий-инновацион марказ ва инвестицион фондлар, технопарк ва бизнес инкубаторларнинг фаол иштирокида InnoWeek.Uz-2021 халқаро инновацион ғоялар ҳафталиги бўлиб ўтмоқда.

📹Видеолавҳа Тошкент шаҳар ҳокимлиги ахборот хизмати томонидан тақдим этилди.

https://t.iss.one/hudud_inform

"Уйларга кириб чиқайлик".
Президент Гулобод маҳалласида юриб, аҳоли хонадонлари билан танишди.

Бу ҳақда Президент матбуот котиби хабар берди.

https://t.iss.one/hudud_inform

#Сирдарё_вилояти

Вилоят ҳокими Гулистон туманидаги "Истироҳат боғи"нинг қурилиш ишлари билан танишди

Қарийб 1,10 гектар майдонда ландшафтли боғ, фавворалар, маданий-оммавий тадбирлар учун майдон ва саҳна, 300 ўринли амфитеатр, 10 дан ортиқ савдо ва хизмат кўрсатиш объектлари, болалар ўйингоҳи, аттракционлар ўрин олиши кўзда тутилганлиги тўғрисидаги маълумотни вилоят ҳокимлиги ахборот хизмати хабар берди.

https://t.iss.one/hudud_inform

Фуқароларни ижара ҳуқуқи асосида жойлаштириш учун уй-жойларни сотиб олишнинг янги парамертлари тасдиқланди

Президентнинг айрим ҳужжатларига ўзгартиришлар киритилди (ПФ–24-сон, 23.11.2021 й.)

Фармон билан 2021 йилда уй-жой шароитларини яхшилашга муҳтож бўлган фуқаролар, шу жумладан хотин-қизларни ижара ҳуқуқи асосида вақтинчалик жойлаштириш учун уй-жойларни сотиб олишнинг янги парамертлари тасдиқланди.

https://t.iss.one/hudud_inform

#Фарғона_вилояти

Вилоят ҳокими Хайрулло Бозоров бугун Кореянинг "Hanshin Engineering & Construction Co., Ltd" компаниясининг қурилиш ишлари бўйича директори Ли Кил Тайни қабул қилди.

Учрашувда "Hanshin Engineering & Construction" томонидан Қўқон шаҳрида Корея сифати ва технологияси асосида барпо этилиши режалаштирилаётган 5000 хонадонли К-Town турар-жой мажмуаси лойиҳасини амалга ошириш жараёнлари билан боғлиқ масалалар муҳокама қилинди, деб хабар берди вилоят ҳокимлиги ахборот хизмати.

https://t.iss.one/hudud_inform

#Хоразм_вилояти

Хоразм вилояти мактабгача таълим тизимида амалга оширилаётган ислоҳотлар рақамларда

Вилоят ҳокимлиги ахборот хизмати томонидан тақдим этилди.

https://t.iss.one/hudud_inform

📢 24 ноябрь, чоршанба куни ўтказилиши режалаштирилган тадбирлар:

〰️〰️〰️

🔰Брифинг

● Мавзу: Аҳолидан тушаётган мурожаатлар юзасидан савол-жавоблар
● Вақти: 12:00
● Иштирок этади: Севара Зокирова, Давлат хизматлари агентлиги ахборот хизмати раҳбари
〰️〰️〰️

🔰Брифинг

● Мавзу: Капитал қурилиш соҳасида “Коррупциясиз соҳа” лойиҳаси доирасида амалга оширилган ишлар юзасидан
● Вақти: 14:00
● Иштирок этади: Дурдона Очилова, Коррупцияга қарши курашиш агентлиги ахборот хизмати раҳбари
〰️〰️〰️

🔰Брифинг

● Мавзу: Соҳада рақамлаштириш жараёни. Йўловчилар ва тадбиркорларга яратилаётган шароитлар ҳақида
● Вақти: 15:00
● Иштирок этади: Умидулла Ибрагимов, "Ўзбекистон темир йўллари" АЖ бош бошқарма бошлиғи
〰️〰️〰️

🔰 Матбуот анжумани

Мавзу: БМТнинг иқлим ўзгариши бўйича Глазго саммитида Ўзбекистон делегацияси иштирокининг якуний муҳокамаси юзасидан
● Вақти: 16:00
● Иштирок этади: Гидрометеорология хизмати маркази мутасаддилари

〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

https://t.iss.one/aoka_uz

🗓«InnoWeek-2021» Халқаро инновацион ғоялар ҳафталиги доирасида 2021 йил 24 ноябрь куни «Сунъий интеллект — технологик ривожланиш асоси» мавзусида халқаро конференция ўтказилади.

✅Конференцияда республикамизда сунъий интеллект асосидаги дастурий маҳсулотларни ишлаб чиқиш ва жорий қилиш учун яратилган технологик шароитлар ҳамда сунъий интеллект соҳасида илмий-техник тадқиқотлар ва инновацион ишланмаларни қўллаб-қувватлаш, сунъий интеллект технологияларини соҳалардаги муаммоларнинг ечимига қаратилган масалалар муҳокама этилади, дейилади Инновацион ривожланиш вазирлиги ахборот хизмати хабарида.

📝Конференцияда иштирок этиш учун қуйидаги ҳавола орқали рўйхатдан ўтиш мумкин: https://forms.gle/Y1WPWbG2LzR572mV8

⚡️Конференцияни zoom платформаси орқали кузатишингиз мумкин: ID: 853 2469 3427 Code: 5047

https://t.iss.one/hudud_inform

Ўзбекистонда 2021 йил 23 ноябрь куни 206 кишида коронавирус аниқланиб, жами беморлар сони 191 956 нафарга етди.

https://t.iss.one/hudud_inform

#Қонунчиликдаги_янгиликлар

Оролбўйи минтақасидаги тадбиркорларга солиқ имтиёзлари берилади

Оролбўйи минтақасида тадбиркорликни жадал ривожлантиришга оид қўшимча чора-тадбирлар тўғрисидаги Президент Фармони (ПФ-25-сон, 23.11.2021 й.) қабул қилинди.

🔰 Фармонга мувофиқ, 2022 йил 1 январдан:

➖ 2031 йил 1 январгача Мўйноқдаги маҳаллий саноат, қишлоқ хўжалиги ва хизматлар соҳаларидаги тадбиркорлар учун:

➖ фойда ва даромад солиғи, айланмадан олинадиган ва ижтимоий солиқлар 1 фоиз;

➖ мол-мулк, ер ва сувдан фойдаланганлик учун солиқ 1 фоиз этиб белгиланди;

👉 2025 йил 1 январгача Хоразм вилоятининг Тупроққалъа, Янгиариқ, Янгибозор туманларида тадбиркорлар учун:

● фойда солиғи, юридик шахслардан олинадиган ер ва мол-мулк солиғи 50 фоизга камайтирилади;
● Ўзбекистонда ишлаб чиқарилмайдиган ўз эҳтиёжлари учун олиб кириладиган хомашё, материаллар божхона божидан озод қилинади;
● Хоразмда янги қурилаётган боғлар, токзорлар ва тутзорлар эгаллаган ерларга ер солиғи бўйича имтиёзли давр беш йил этиб белгиланди.

💰 Қорақалпоғистон учун Давлат бюджетидан таъминланадиган инвестиция лойиҳалари камида 50 миллиард сўм этиб белгиланди.

✅ Хоразмдаги паст ривожланаётган ва ишсизлик юқори бўлган 98 та маҳалла учун 2022–2026 йиллар давомида: ⬇️

👉 оилавий тадбиркорликни ривожлантириш дастурлари доирасида 250 млрд сўм кредит ажратилади;
👉 давлат бюджетидан инфратузилмани ривожлантириш учун 150 миллиард сўм маблағ ажратилади.

☑️ 2022 йил 1 январдан 2027 йил 1 январгача Оролбўйи минтақасидаги:

▪️кичик тадбиркорликларга корхона учун зарур асбоб-ускуналарни олиб келиш ваулар ишлаб чиқарган маҳсулотларни бошқа ҳудудларига етказиб бериш билан боғлиқ ташиш харажатларининг 50 фоизи қоплаб берилади;

▪️маҳаллий экспортчилар ишлаб чиқарган маҳсулотларни экспорт қилишда, уларнинг Каспий денгизигача ташиш билан боғлиқ транспорт харажатларини тўлиқ қоплаб берилади.

https://t.iss.one/hudud_inform

🔰 Вазирликларнинг ҳудудий бўлинмалари битта бинога жойлаштирилади

Давлат бошқаруви органлари ва ҳокимликлар самарадорлигини ошириш орқали аҳоли фаровонлигини таъминлаш ва “мобиль бошқарув аппарати”ни яратиш мақсадида 2022–2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш бўйича ташкилий чора-тадбирлар тўғрисидаги Президент Фармойиши қабул қилинди.

Фармойишга кўра, Янги Ўзбекистон маъмурий ислоҳотлари дастури лойиҳасига таклифлар ишлаб чиқилишида қуйидагилар устувор йўналиш ҳисобланади:

📌 давлат бошқаруви органларининг мақомини белгилаш;

📌 такрорланувчи вазифа ва функцияларини қисқартириш;

📌 раҳбар ўринбосарларининг йўналишлар кесимидаги жавобгарлик чегараларини аниқ белгилаш;

📌 вазирлик ва идоралар штат бирликларини мақбуллаштириш;

📌 бошқарув жараёнини автоматлаштириш, иш юритувини тўлиқ рақамлаштириш;

📌 “Очиқ идора” лойиҳасини амалга ошириш;

📌 давлат хизматларини тўлиқ рақамлаштириш ва фуқароларнинг сансалорлигига барҳам бериш;

📌 вазирлик ва идораларнинг айрим функцияларини нодавлат секторига ўтказиш;

📌 тегишли вазирлик ва идораларнинг ҳудудий бўлинмаларини битта маъмурий бинога жойлаштириш орқали аҳолига “Ягона дарча” тизими асосида хизмат кўрсатиш;

📌 кадрларни танлов асосида ва кенг рақобат муҳитида ишга қабул қилишни тўлиқ жорий қилиш;

📌 ўз устида ишламайдиган ва масъулияти бўлмаган кадрларга нисбатан “жамоавий таъсир”ни амалга ошириш;

📌 вазирлик ва идораларда ягона кадрлар рейтингини юритиш;

📌 давлат хизматчилари томонидан олинадиган кафолатланган бепул хизматлар ва воситалар пакетини ишлаб чиқиш;

📌 тендер ва танловларни очиқ ва шаффоф ҳолда ўтказиш тизимини такомиллаштириш;

📌 халқ депутатлари Кенгашларининг маҳаллалардаги мавжуд муаммоларни ҳал қилишдаги ролини ошириш;

📌 маҳаллий вакиллик органларида доимий асосда фаолият юритувчи депутатлар корпусини шакллантириш;

📌 ҳокимлар, уларнинг ўринбосарлари ва маслаҳатчиларининг ваколат чегарасини аниқ белгилаш.

https://t.iss.one/hudud_inform