📌 Дунёда ва мамлакатимизда коронавирус инфекцияси ва пневмония билан касалланиш кўрсаткичлари

📌 Вакцинация жараёнлари: жаҳондаги ва юртимиздаги статистик маълумотлар

📌 ZF-UZ-VAC2001вакцинациясини нега фақат 1-босқичда эмлаш билан чекланаётганлиги сабаблари

📌 Қолган вакциналар билан эмланиш босқчилари оралиғи ҳамда антатаначалар сақланиб қолиши тўғрисида илмий хулосалар
〰️〰️〰️〰️

АОКАда бўлиб ўтган брифингда Коронавирусга қарши курашиш штаби аъзоси Ботир Қурбонов вакцинация жараёнлари билан боғлиқ саволлар юзасидан маълумот тақдим этди.

Батафсил

Расмий хабарлар | Медиабанк

🔰 Ногиронлиги бўлган шахсларнинг автотранспорт воситалари учун ажратилган тўхтаб туриш жойларидан “Ногирон ҳайдовчи бошқараётган автомобиль” таниқлик белгиси ўрнатилган автотранспорт воситасини бошқараётган I ва II гуруҳ ногиронлиги бўлган шахслар – ногиронликни тасдиқловчи тиббий маълумотномаси ҳамда 16 ёшгача ногирон боласи бўлган ота-оналар (ёки уларнинг ўрнини босувчи шахслар) – 16 ёшгача ногирон бола учун тайинланган тегишли пенсия гувоҳномаси бўлганда фойдаланиши мумкин.

🚫 Ногиронлиги бўлган шахсларнинг автотранспорт воситалари учун ажратилган тўхтаб туриш жойларидан фойдаланганлик учун ҳақ олинмайди.

Каналга уланиш: 👇
@hudud_inform

«Вакцина одамларни чиплаш учун ўйлаб топилган экан». Вакцина атрофидаги фейкларни фош этамиз

Bugun.uz жараённи батафсил ўрганиб, бу гаплар қанчалик асосли эканини изоҳлаш мақсадида мақола тайёрлади

Батафсил — bugun.uz/71661

Каналга уланиш: 👇
@hudud_inform

❓Хорижда яшайдиган ёки айрим сабабларга кўра чет давлатда бўлиб турган Ўзбекистон фуқаролари Президентлик сайловида қандай иштирок этишлари мумкин?

❓Сиёсий тадбирда иштирок этиш учун хориждаги фуқаролардан нималар талаб этилади ?

📹Саволларга жавобни ушбу видео орқали билиб олишингиз мумкин.

МСК ахборот хизмати

@Rasmiy_xabarlar_Official

📎 «Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида»ги Президент Фармони ижроси бўйича Хоразм вилоятида амалга оширилган ишлар:

✍️ 2021 йил 1 август ҳолатига 2 817 та тадбиркордан мурожаатлар (3 248 та масалалар) келиб тушган бўлиб, шундан 910 таси Call-маркази, 127 таси виртуал қабулхонаси (business.gov.uz), 695 таси вилоят, шаҳарлар ва туманлар қабулхоналари, 1 085 таси сайёр қабуллар орқали қабул қилинган.

🖇 Ижро учун тақсимланган 3 248 та масалалардан 3 101 таси (95,5%) кўриб чиқилган, 147 таси (4,5%) вазирлик, идоралар ва ҳокимликлар томонидан кўриб чиқилмоқда.

📈 Мурожаатларни соҳалар кесимида таҳлил қиладиган бўлсак, уларнинг 1 486 таси (45,8%) кредит, 609 таси (18,8%) ер ажратиш, 119 таси (3,7%) газ, электр, сув таъминоти, 57 таси (1,8%) солиқ, 77 таси (2,4%) рухсатнома, лицензиялар олиш ва қолган 900 таси (27,7%) бошқа масалалардан иборат.

Каналга уланиш: 👇
@hudud_inform

🔰Тадбиркорлар ва фуқаролар мурожаатларига ечим изланди.

✍Бу ҳақда вилоят ҳокимлиги ахборот хизмати хабар берди.

Каналга уланиш: 👇
@hudud_inform

11 август куни ўтказилиши режалаштирилган тадбирлар:

〰️〰️〰️
🔰Матбуот анжумани

● Мавзу: “Етим болалар ва ота-она қарамоғидан маҳрум бўлган болаларни тарбиялашнинг тубдан янгиланган тизимини жорий этиш чора-тадбирлари тўғрисидаги” Президент қарорининг мазмун-моҳияти ва аҳамияти
● Вақти: 14:00
● Иштирок этади: Миллий гвардия мутасаддилари

〰️〰️〰️
🔰Брифинг

● Мавзу: Электротехника тармоғи корхоналарининг энг юқори ўсиш кўрсаткичларига эришиши, натижалар ва ютуқлар
● Вақти: 15:00
● Иштирок этади: Аброр Боев, "Ўзэлтехсаноат" уюшмаси раиси ўринбосари

〰️〰️〰️
🔰Брифинг

● Мавзу: Ўзбекистон Республикаси Президентининг тадбиркорлар билан бўлажак “Очиқ мулоқоти”га тайёргарлик кўриш доирасида тадбиркорларнинг мурожаатларини қабул қилиш ва таҳлил этиш бўйича ташкил этилган Штаб фаолияти
● Вақти: 16:00
● Иштирок этади: Гулшан Ботирова, Инвестициялар ва ташқи савдо вазирлиги ахборот хизмати раҳбари

〰️〰️〰️
📢 Тадбирлар режасида ўзгаришлар бўлса, қўшимча маълумот берилади.

✏️ Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

https://t.iss.one/aoka_uz

🔰 Уй-жойга муҳтож етим болалар ва ота-она қарамоғидан маҳрум бўлган болалар 18 ёшга тўлганда 1 хонали, вояга етган етим болалар ўртасида никоҳ тузилганда эса 2 хонали квартиралар бепул ажратилади

“Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида”ги Президент қарори қабул қилинди.

Қарорга кўра, 2021 йил 15 августдан:

🏠турар жойга эга бўлмаган ва турар жойга муҳтожлар сифатида ҳисобда турган етим болалар ва ота-она қарамоғидан маҳрум бўлган болаларга улар 18 ёшга тўлган йилда кўп квартирали уй-жойлардан майдони 25 квадрат метрдан кам бўлмаган 1 хонали, вояга етган етим болалар ўртасида никоҳ тузилган ҳолларда, 50 квадрат метрдан кам бўлмаган 2 хонали квартиралар ажратилади. Бунда, мазкур тоифага кирувчи ногиронлиги бўлган болаларга квартиралар кўп қаватли уйларнинг учинчи қаватигача ажратилади;

🏢 квартиралар ҳокимликлар томонидан кўчмас мулкнинг бирламчи бозоридаги шаҳар ва туманларда қурилган кўп квартирали уй-жойлардан харид қилинади;

📝 кўчмас мулк бирламчи бозорида мезонларга мос келадиган квартиралар мавжуд бўлмаганда, ҳудудий “Халқпарвар” комиссиялари хулосасига асосан квартиралар кўчмас мулкнинг иккиламчи бозоридан харид қилинади;

🖥 уй-жойлар билан таъминлаш “онлайн-навбат” тизими асосида амалга оширилади, бунда навбатга ўзгартириш киритилишига ҳамда навбатидан олдин кейинги навбатдаги болаларга уй-жой ажратилишига йўл қўйилмайди.

❕Етим болалар ва ота-она қарамоғидан маҳрум бўлган болаларга уй-жойлар мулкка эгалик қилиш ҳуқуқи асосида, бироқ улар 30 ёшга тўлгунча уй-жойни сотиш, ҳадя қилиш ёки гаровга қўйиш ёхуд ижарага бериш ҳамда уй-жойда ўзи ва оила аъзолари (эри ёки хотини, фарзандлари)дан ташқари бошқа фуқароларни доимий яшаш жойи бўйича рўйхатга олиш ҳуқуқисиз ажратилади.

☑️ Бунда, етим бола ёки ота-она қарамоғидан маҳрум бўлган боланинг асослантирилган мурожаати асосида маҳаллий ҳокимликлар томонидан уй-жойнинг умумий майдонини кенгайтириш ва тегишли талабларни сақлаб қолиш шарти билан сотишга рухсат берилади.

Каналга уланиш: 👇
@hudud_inform

2017-2020 йилларда Транспорт ва йўл хўжалиги соҳасида амалга амалга оширилган ишлар ва эришилrан натижалар

Иқтисодий тадқиқотлар ва ислоҳотлар маркази шарҳи:

2017 йил давомида жами 32,2 млн тонна халқаро юк ташилган бўлса, 2020 йилга келиб ушбу кўрсаткич 47,1 млн тоннани ташкил этди. Шундан экспорт юклар 4 йил ичида 183 фоизга, импорт юклар 197 фоизга ва транзит юклар 108 фоизга ўсган.

Автомобиль транспорти, темир йўллари, ҳаво йўллари ва электротранспортда йўловчи ташиш ҳажми 2019 йил якунида 6,03 млрд йўловчи, 2020 йил якунида эса 5,24 млрд йўловчига етди.

👉 Батафсил
〰️〰️〰️〰️

https://t.iss.one/Rasmiy_xabarlar_Official

✅ Ўзбекистон Республикаси Марказий сайлов комиссиясининг Telegram тармоғидаги расмий каналига аъзо бўлинг!

Бунда журналистларга ва жамоатчиликка Президент сайловига оид масалалар бўйича тезкор ахборот етказиш мақсадида ўтказилаётган матбуот анжуманлари, брифинглар, учрашувлар ва бошқа тадбирларнинг тафсилотлари ҳақида хабарлар жойлаб борилади.

Шунингдек, ушбу саҳифа орқали Президент сайловига тайёргарлик жараёни, сайловолди муҳити, мамлакатимизда эркин ва демократик сайлов ўтказилишини таъминлаш бўйича амалга оширилаётган ишлар, халқаро кузатувчилар ва нуфузли ташкилотлар экспертларининг фикр-мулоҳазалари билан танишиб боришингиз мумкин.

Аъзо бўлиш учун:
📲 https://t.iss.one/electionsuz

🔰 2024 йил 1 июлга қадар асосий фаолият тури паррандачилик бўлган тадбиркорлар учун асосий фаолият тури бўйича фойда солиғи (тижорат банкларида жойлаштирилган маблағлардан олинган фоизлардан ташқари), мол-мулк солиғи, ер солиғи ва сув ресурсларидан фойдаланганлик учун солиқ ставкаси 50 фоиз миқдорида қўлланилади.

Каналга уланиш: 👇
@hudud_inform

Андижон вилояти ҳокими Шуҳратбек Абдураҳмонов қисқа муддатли даволанишдан сўнг, соғлигини тиклаб, ўз иш фаолиятини бошлади.

Бу ҳақда ҳокимлик матбуот хизмати маълум қилди.

https://t.iss.one/hudud_inform

Таниқли немис нашри «Berliner Telegraph» Ўзбекистондаги президентлик сайлови жараёнларига бағишланган материал эълон қилди.

«23 июль куни Ўзбекистонда давлат президентилигига сайлов бўйича сайлов кампанияси бошланди.

Марказий сайлов комиссияси 2021 йил 24 октябрни Ўзбекистон Республикаси Президенти сайлови куни, деб белгилади.

МСК раиси Зайниддин Низомхўжаевнинг таъкидлашича, сайловлар умумэътироф этилган халқаро стандартлар, шунингдек, демократик тамойилларга жавоб берадиган янги миллий сайлов қонунчилиги асосида – очиқ ва ошкора ўтказилади.

2016 йилги Президентлик сайловларидан сўнг ўтган беш йил мобайнида мамлакат ва халқ ҳаётида сезиларли ўзгаришлар рўй берди. Нуфузли ташкилотлар экспертлари таъкидлаганидек, бу даврда ижтимоий-сиёсий ва иқтисодий соҳаларда муҳим ислоҳотлар амалга оширилди.

«Сайлов – 2021» биринчи марта Ўзбекистон Республикасининг Сайлов кодексига мувофиқ ўтказилади. Конституциявий нормалар ва халқаро стандартлар асосида давлат Президенти даврийлик тамойили ҳамда партиялараро рақобат шароитида сайланиши таъминланади.

Сайлов кампанияси даврида барча сиёсий партиялар ва уларнинг номзодлари учун тенг шароитлар яратилади. Президентлик сайловига тайёргарлик кўриш ҳамда уни ўтказиш ишлари, шу жумладан, овоз бериш жараёни ўз номзодларини илгари сурган сиёсий партиялар, фуқароларнинг ўзини ўзи бошқариш органлари, халқаро ташкилотлар ва хорижий ОАВ вакиллари томонидан кузатиб борилади.

Марказий сайлов комиссияси, шунингдек, барча даражадаги сайлов комиссиялари Президент сайловига тайёргарлик кўриш ҳамда уни ўтказиш борасидаги фаолиятини қонунчилик, мустақиллик, ҳалоллик, очиқлик, шаффофлик ва ошкоралик тамойиллари асосида ташкил этмоқда.

МСК Матбуот маркази ҳамда унинг ҳудудий бўлимлари замонавий ахборот-коммуникация техникалари билан тўлиқ таъминланади. Матбуот маркази Марказий сайлов комиссиясининг “Saylov – 2021” веб-портали ҳамда бошқа ахборот ресурсларини юритади», — дейилади нашр мақоласида.

https://t.iss.one/aoka_uz

#Самарқанд_вилояти

Чиқиндихоналар ва чиқинди билан боғлиқ муаммолар ҳамда умумий овқатланиш шохобчаларидаги антисанитария ҳолатлари муҳокама марказида бўлди.

📹 Видеоматериал вилоят ҳокимлиги ахборот хизмати томонидан тайёрланган.

Каналга уланиш: 👇
@hudud_inform

​​Тошкентда «Глобал ҳаракатларга ёшларни жалб қилиш» мавзусида бутунжаҳон конференцияси ўтказилади

2021 йилнинг 12-13 август кунлари Тошкент шаҳрида «Глобал ҳаракатларга ёшларни жалб қилиш» мавзусида ёшлар ҳуқуқлари бўйича бутунжаҳон конференцияси бўлиб ўтади.

Ушбу халқаро анжуманни ташкил этиш таклифи Президент Шавкат Мирзиёевнинг БМТ Инсон ҳуқуқлари бўйича кенгаши 46-сессиясидаги нутқида илгари сурилган эди. Анжуманда 30 дан ортиқ мамлакат ва халқаро ташкилотлардан 500 нафардан зиёд вакил қатнашиш истагини билдирди.

Конференция гибрид шаклда, яъни офлайн ва онлайн тарзда ўтказилади. Нуфузли форумнинг очилишида БМТнинг Инсон ҳуқуқлари бўйича олий комиссари Мишель Бачелет, БМТ Бош котибининг Ёшлар ишлари бўйича элчиси Жаятма Викраманаяке, Парламентлараро Иттифоқ Бош котиби Мартин Чунгонг, ЕХҲТ Бош котиби Хельга Мария Шмидт ва бошқа халқаро ташкилотларнинг раҳбарлари сўзга чиқиши кутилмоқда. Маърузалар ўзбек, инглиз, француз ва рус тилларида тақдим этилади.

Анжуман доирасида СOVID-19 пандемияси ёшларнинг заиф гуруҳларига таъсир ўтказаётган ҳозирги шароитда навқирон авлоднинг ўз мамлакатлари ривожланишидаги иштироки, ёшларнинг сифатли таълим олиш ва ишлаб чиқаришда банд бўлишга тааллуқли имкониятларини рағбатлантириш чора-тадбирлари, йигит-қизларнинг ўз ҳаёт тарзига таъсир ўтказадиган қарорларни қабул қилишда қатнашиши каби масалалар атрофлича кўриб чиқилади.

Конференцияда иштирокчилар ёшларнинг ҳуқуқларини ҳимоя қилиш ва қўллаб-қувватлаш учун мавжуд халқаро механизмларни такомиллаштириш истиқболларини муҳокама қиладилар. Бунда барча ёшлар ўз ҳуқуқларидан тўла-тўкис, ҳеч қандай камситишларсиз фойдаланишларини таъминлашга алоҳида эътибор қаратилади.

Конференция якунида Глобал ҳаракатларга ёшларни жалб қилиш бўйича декларация қабул қилиш режалаштирилган.

https://t.iss.one/aoka_uz

💉 Эмланиш шаръан жоиз — Фатво ҳайъати вакцина олишнинг ҳукмини эълон қилди

Вакцина олиш зарурати бир неча жиҳатлар билан таъкидланади.

▫️Биринчидан, динимиз кўрсатмаларига кўра, Аллоҳ таоло ҳар бир дарднинг шифосини ҳам берган.

▫️Иккинчидан, баъзи кишилар касал эмаслигини рўкач қилиб, вакцина олишга бепарво бўладилар, ваҳоланки шариатимизда беморликдан аввал ундан сақланишга буюрилган. Демак, бемор бўлмаган кимсалар ҳам касаллик тегишининг олдини олиши ва шунга сабаб бўладиган муолажаларни қилиши динимиз талабидир.

▫️Учинчидан, динимиздаги асосий қоидалардан бири — ўзига ҳам ўзгага ҳам зарар бермаслик. Демак, вакцинани олишимиз биринчи навбатда ўзимизнинг соғлигимиз, қолаверса, яқинларимизнинг соғлигини сақлашга сабаб бўлади.

▫️Тўртинчидан, ҳозирги кунда Ҳаж ва Умра зиёрати сафарини режалаштираётган кишилардан ҳам биринчи навбатда вакцина билан эмланган бўлиши талаб қилинмоқда. Қолаверса, дунёнинг ҳар қандай давлатига бормоқчи бўлган кишидан вакцина билан эмланганлик сўралмоқда.

Хулоса шуки, ҳозирги кунда давлатимиз томонидан фуқароларимизга етказиб берилаётган вакциналарни олишимизга динимиз рухсат беради. Эмланиш шаръан жоиз, чунки бу даволанишнинг бир кўринишидир.

https://t.iss.one/Rasmiy_xabarlar_Official