#ТАЙИНЛОВ

🔰 Ахмедов Искандар Саидахмад ўғли Навоий вилояти ҳокимининг матбуот котиби - ахборот сиёсати масалалари бўйича маслаҳатчиси этиб тайинланди

❇️ Ўзбекистон Республикаси Президентининг “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги қарорига мувофиқ ушбу лавозимга тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилди.

📌 Тайинловга қадар И.Ахмедов Ўзбекистон хоккей Федерацияси матбуот котиби лавозимида фаолият юритган.

Бу ҳақда Навоий вилояти ҳокимлиги ахборот хизмати хабар берди.

Каналга уланиш: 👇
@hudud_inform

Инвестициявий низоларни судларда ҳал қилишнинг янги тартиблари ҳақида

Бугун АОКАда Олий суд ахборот хизмати раҳбари Азиз Обидов иштирокида ўтказилган брифингдан:

〰️〰️〰️
⚖️ «2021 йил 12 январда қабул қилинган Қонунга асосан, тарафларнинг хоҳишига кўра, йирик инвестор ва рақобатга доир ишлар Олий суднинг инвестициявий низоларни ҳамда рақобатга оид ишларни кўриш бўйича судлов таркиби томонидан кўрилиши, қолган инвестициявий низолар инвесторларнинг хоҳишига кўра, Қорақалпоғистон Республикаси, вилоятлар ва Тошкент шаҳар суди томонидан биринчи инстанция суди сифатида кўрилиши белгиланди.

Шунингдек, Иқтисодий процессуал кодексига янги 30-1-модда киритилди. Мазкур инвестициявий низолар жумласига:

🔹инвестиция шартномаларини тузиш, ўзгартириш ва бекор қилиш билан боғлиқ низолар;
🔹инвестиция шартномаларини ҳақиқий эмас, деб топиш ҳақидаги низолар;
🔹инвестиция шартномасининг бажарилиши билан боғлиқ низолар;
🔹инвестиция шартномасидан келиб чиқадиган солиқ, божхона, ижтимоий, экологик ва бошқа мажбуриятларнинг инвестор томонидан бажарилиши билан боғлиқ низолар;
🔹инвестиция шартномаси бўйича инвесторга берилган мол-мулкни талаб қилиб олиш ёки бундай шартнома бўйича неустойка ундириш ва (ёки) зарарлар ўрнини қоплаш тўғрисидаги низолар киради.

✏️ Ушбу Кодекс 30-2-модда билан ҳам тўлдирилди. Мазкур янги модда юридик шахслар, шу жумладан, чет эл юридик шахслари, хўжалик бошқаруви органлари, якка тартибдаги тадбиркорлар ҳамда монополияга қарши органлар ўртасида товар ва молия бозорларида рақобат соҳасидаги муносабатлардан келиб чиқадиган низолар рақобатга оид ишлар жумласига кириши ҳақидаги нормалардан иборат».

Каналга уланиш: 👇
@hudud_inform

Ўзбекистон ва Қозоғистон Президентлари телефон орқали мулоқот қилдилар.
Суҳбатда кўп қиррали Ўзбекистон-Қозоғистон муносабатларини янада кенгайтириш, мамлакатларимиз ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди.
Халқаро ва минтақавий аҳамиятга молик масалалар юзасидан фикр алмашилди. Бўлажак икки ва кўп томонлама тадбирлар режаси кўриб чиқилди.
—
Президенты Узбекистана и Казахстана провели телефонный разговор.
В ходе беседы рассмотрены актуальные вопросы дальнейшего расширения узбекско-казахстанского многопланового сотрудничества, укрепления отношений дружбы, добрососедства и стратегического партнерства между двумя странами.
Состоялся также обмен мнениями по международной
и региональной повестке. Был рассмотрен график предстоящих двусторонних и многосторонних мероприятий.

#Mirziyoyev #muloqot #Qozogiston #hamkorlik

Prezident.uz|Facebook|Instagram|YouTube|Twitter

«Туркий тилли давлатлар адабиёти» 100 жилдлиги чоп этилади

Бу ҳақда Ёзувчилар уюшмасида Бадиий таржима ва халқаро алоқалар бўлимининг йиғилишида маълум қилинди.

Адабиётшунос, тилшунос, таржимонлар иштирокида ўтган муҳокамада АОКА тизимидаги «Ўзбекистон нашриёти» давлат унитар корхонаси директори Умид Ҳайитов 2021 йилда лойиҳанинг 25 та жилди нашрга тайёрланганини айтди.

Йиғилишда нашр учун энг муносиб асарларни танлаш, китоблар рўйхатига қўшимчалар киритиш, асарлар таржимаси учун таржимонлар белгилаш, бунинг учун аввало махсус ишчи гуруҳ тузиб, соҳа мутахассислари ва олимларни жалб этиш бўйича таклифлар ишлаб чиқилди.

https://t.iss.one/aoka_uz

#Қашқадарё_вилояти

🔰 Зойир Мирзаев: 15 доллар ўрнига 65 доллар топиш мумкин

❇️ Қашқадарё вилояти ҳокими Президентимиз ҳузурида вилоятда амалга ошириладиган инвестиция лойиҳаларини тақдимот қилди, деб хабар берди вилоят ҳокимлиги ахборот хизмати.

Каналга уланиш: 👇
@hudud_inform

Жисмоний тарбия ва спорт вазирлигининг «Сўғдиёна» – «Турон» учрашувига муносабати

✍️ Вазирлик ахборот хизмати хабарига кўра, Жиззахда бўлиб ўтган футбол бўйича Ўзбекистон суперлигасининг 2-тури доирасидаги «Сўғдиёна» – «Турон» учрашувидан кейин содир бўлган воқеалар жамоатчилик томонидан кенг муҳокама қилинмоқда.

Мазкур ҳолат Жисмоний тарбия ва спорт вазирлиги ҳамда Ўзбекистон футбол ассоциациясининг ҳам эътиборидан четда қолмади. Бугун Ҳакамлик қўмитаси «Сўғдиёна» – «Турон» учрашувини бошқариб борган бош ҳакам Виктор Серазитдиновнинг ўйин давомидаги ҳатти-ҳаракатларини атрофлича ўрганиб чиқди ва якуний қарорини эълон қилди. Унга кўра, «Сўғдиёна» – «Турон» учрашувида бош ҳакам қўпол хатоларга йўл қўйганлиги ҳамда ушбу хатолар ўйин натижасига таъсир ўтказганлиги сабабли В.Серазитдинов ҳакамлик фаолиятидан номуайян муддатга четлатилди.

Нафақат юртимизда, балки бутун дунёда миллионлар ўйини бўлмиш футболни янада оммалаштириш ва ривожлантириш борасида кенг кўламли ислоҳотлар амалга оширилмоқда. Хусусан, ҳакамларнинг савиясини ошириш учун кўплаб халқаро семинарлар ташкил этилмоқда. Шунингдек, футбол учрашувларининг адолатли ва шаффоф ўтишини таъминлаш мақсадида 2021 йилдан бошлаб ФИФА билан ҳамкорликда Ўзбекистон суперлигасида VAR (Video Assistent Referee) тизимидан фойдаланиш амалиётга жорий этилди. Бу эса футбол ўйинларида ҳакамлик савияси ва сифатининг ортишига хизмат қилади. Ҳозирча Суперлига доирасидаги барча ўйинларда VAR тизимини амалиётга жорий этишнинг имкони йўқ. Бироқ, Ўзбекистон футбол ассоциацияси босқичма-босқич Суперлига ва мамлакат кубоги учрашувлари, қолаверса Про-лига доирасидаги ўйинларга VAR тизимини максимал даражада кўпроқ жорий этиш чораларини кўрмоқда. Бундан кўзланган мақсад, учрашувларда адолатни таъминлаш ва ҳакамликда инсон омилининг минимумга келтириш.

Равшан Эрматов (Жисмоний тарбия ва спорт вазирининг биринчи ўринбосари) – Ўзим ҳам футбол ўйнаганман, ҳакамлик қилганман. «Сўғдиёна» – «Турон» учрашувидан кейин «Турон» клуби бош мураббийи Ислом Исмоиловнинг эҳтиросга берилиб билдирган фикрларини яхши тушуниб турибман. Футбол – бу жамоавий ўйин, унда бир мақсад йўлида бутун жамоа ҳаракат қилади, футболчилардан тортиб шифокору массажчи, клубнинг техник ходимигача. Албатта, ҳакамнинг билиб ёки билмасдан йўл қўйган хатоси туфайли бутун жамоанинг меҳнати йўққа чиқарилишини кескин қоралайман. Ўзбекистон футбол ассоциацияси ҳакамлар масаласига ҳар қачонгидан жиддий эътибор қаратган ҳолда ўйинлардаги ҳакамлик сифатини ошириш ҳамда адолатли ва шаффоф ўтишини таъминлаш чораларини кўрмоқда.

Кези келганда шуни ҳам таъкидлашим керак, футбол учрашувларидаги ҳар бир расмий шахс ҳох у футбол майдонида, ҳох ундан ташқарида бўлсин, ўзини масъулиятни ҳис қилган ҳолда ҳамда муносиб тутиб, этика қоидаларига риоя қилиши шарт.

Мақсадимиз – ўзбек футболининг мавқеини кўтариш, болалар футболини тизимли ривожлантириш ва мухлислар орзиқиб кутаётган жаҳон чемпионатига чиқиш орзусини руёбга чиқариш.

Каналга уланиш: 👇
@hudud_inform

🔰 Фуқаролик ишлари бўйича Мирзо Улуғбек туманлараро суди раиси Шерзод Ражабовнинг судга шикоят қилишнинг шакллари

📹 Видео лавҳа Олий суд ахборот хизмати томонидан тақдим этилди.

Каналга уланиш: 👇
@hudud_inform

🔰 Адлия вазирлиги ахборот хизмати раҳбари Севара Ўринбоева иштирокида брифинг

📌 Савол. Ҳозирги кунда ижтимоий тармоқларда коронавирус бўйича касалланиш ҳолатлари кўпайиб бораётганлиги ҳақида ёзишмоқда. Кўпчилик жамоат жойларида тиббий ниқобларсиз юрганлигига ҳам гувоҳи бўляпмиз. Қонунчиликда шундай ҳолатлар бўйича жавобгарлик чоралари ҳам борми? Бу ҳали кучдан қолмадими?

Манба:

Каналга уланиш: 👇
@hudud_inform

❓Карантин даврида юқумли касалликлар тарқалиши ҳақида ёлғон маълумот тарқатганлик учун қонунчиликда қандай жавобгарлик бор?

АОКАда Адлия вазирлиги ахборот хизмати раҳбари Севара Ўринбоева иштирокида ўтказилган брифингдан:

〰️〰️〰️
«Жиноят кодексининг 244 прим 5-моддасига кўра, карантинли ва инсон учун хавфли бўлган бошқа юқумли касалликларнинг пайдо бўлиши ҳамда тарқалиши шароитида карантинли ва инсон учун хавфли бўлган бошқа юқумли касалликлар тарқалиши ҳақида ҳақиқатга тўғри келмайдиган маълумотларни тарқатиш —

⚠️ БҲМнинг 200 бараваригача (49 млн сўм) миқдорда жарима ёки 300 соатгача мажбурий жамоат ишлари ёхуд 2 йилгача ахлоқ тузатиш ишлари билан жазоланади.

Мазкур маълумотларни нашр қилиш ёки бошқача усулда кўпайтирилган матнда ёки оммавий ахборот воситалари, шунингдек Интернет бутунжаҳон ахборот тармоғи орқали тарқатиш —

📌 БҲМнинг 200 бараваридан 400 бараваригача (49 млн сўмдан 98 млн сўмчага) миқдорда жарима ёки 300 соатдан 360 соатгача мажбурий жамоат ишлари ёхуд 2 йилдан 3 йилгача ахлоқ тузатиш ишлари ёки 3 йилгача озодликни чеклаш ёки 3 йилгача озодликдан маҳрум қилиш билан жазоланади».

https://t.iss.one/aoka_uz

⚡️Тошкент шаҳар ҳокимлиги ўз тизимида йиғилишлар ва мажлислар ўтказишни вақтинчалик чеклади

Тошкент шаҳар ҳокимлиги ва унинг тизимидаги барча бошқарма ва ташкилотлар, туман ҳокимликларида йиғилиш ва мажлислар ташкил этиш ҳамда ўтказиш вақтинчалик тақиқланди.

Бу ҳақда Тошкент шаҳрида коронавирус инфекцияси янги штаммлари кенг тарқалишини олдини олиш бўйича Тошкент шаҳар штабининг йиғилишида маълум қилинди.

Зарур ҳолларда йиғилишлар онлайн тизимда ўтказилиши таъкидланди.

Шунингдек, олий таълим муассасалари ва уларнинг ётоқхоналарида карантин ва санитария-гигиена талабларига қатъий риоя этилишини таъминлаш бўйича кўрсатмалар берилди.

Каналга уланиш: 👇
@hudud_inform

⚡️«Лотин ёзувига асосланган ўзбек алифбосини жорий этиш тўғрисида»ги Қонунга ўзгартиришлар киритиш ҳақида»ги Қонун лойиҳаси эълон қилинди

Қонун лойиҳаси билан қуйидаги ҳавола орқали тўлиқ танишишингиз мумкин:

➥ Батафсил

Лойиҳа муҳокамасида фаол иштирок этинг!

https://t.iss.one/aoka_uz