📖 «Усмон мусҳафи» (Тошкент Қуръони) қадимий қўлёзмаcи реставрация қилинади

ЮНЕСКО томонидан «Жаҳон Хотираси» рўйхатига киритилган ушбу ноёб манба давлатимиз раҳбарининг топшириғига кўра консервация ва реставрация қилиниши режалаштирилган.

Бу ҳақида Президент ёрдамчиси Саида Мирзиёева маълум қилди ва ушбу эзгу ишга ўз ҳиссасини қўшадиган барчага миннатдорлик изҳор этди.

https://t.iss.one/hudud_inform

📍 Италия Ўзбекистон билан туризм ва логистика соҳасида ҳамкорликни кенгайтиришга қизиқиш билдирмоқда

Тошкент халқаро инвестиция форуми доирасида Президент ёрдамчиси Саида Мирзиёева Италиянинг «Arsenale Group» Бош директори Паоло Барлетта билан учрашув ўтказди.

«Умид қиламанки, таклиф этилаётган лойиҳаларнинг амалга оширилиши мамлакатимизга сайёҳларни янада кўпроқ жалб этиш ва Ўзбекистон салоҳиятини бутун дунёга танитиш имконини беради», – дейилади хабарда.

https://t.iss.one/hudud_inform

🔈 Сурхондарёда “Бойсун баҳори” халқаро фольклор фестивали ўтказилмоқда

Шу кунларда Сурхондарё вилоятининг Бойсун туманида “Бойсун баҳори” халқаро фольклор фестивали бўлиб ўтмоқда. Бу йил еттинчи бор ташкил этилаётган фестивалда ЮНЕСКО, ТУРКСОЙ, Европа иттифоқи сингари нуфузли халқаро ташкилотлар, Буюк Британия, Таиланд, Япония каби мамлакатлардан фахрий меҳмонлар иштирок этмоқда. 40 дан ортиқ давлатдан 150 га яқин иштирокчи ва фольклор, миллий халқ ўйинлари ва томоша санъати мухлислари ташриф буюрган.

Халқаро фестиваль бу йил янгича услубда ўтказилмоқда. Шу мақсадда Бибиширин маҳалласида замонавий туристик маскан қад ростлаб, беш қаватли, тўрт юлдузли муҳташам меҳмонхона, йирик саҳна, амфитеатр, вилоятлар қўрғонлари учун жой, этноспорт майдончалари ва бошқа инфратузилма иншоотлари қурилди. Қадимий ўтовлар ўрнатилиб, Термиз шаҳри, туманлар ва вилоят ташкилот, муассасаларининг қўрғонлари ташкил этилди. Сўлим осмонўпар тоғлар қўйнида пикник сайёҳлик зоналари барпо қилиниб, туристларга хавфсиз шароит, квадратцикл ва ҳаво шарларида мароқли саёҳат қилиш учун зарур қулайлик яратилди.

Фестивалнинг халқаро кўрик-танловида 15 та маҳаллий ва 16 та хорижлик жамоа ҳамда яккахон хонанда ўз санъатини намойиш этмоқда. Улар сафида Буюк Британия, Белгия, Эрон, Италия, Руминия Қозоғистон, Тожикистон каби мамлакатларнинг фольклор санъати усталари бор. Қатнашчилар ижро этаётган куй-қўшиқларни халқаро ҳакамлар ҳайъати фестиваль низоми мезонлари асосида баҳоламоқда.

Нуфузли танловда фахрли биринчи ўринни эгаллаган жамоа 3 минг 500, иккинчи ўрин соҳиблари 2 минг 500 ва учинчи ўринни қўлга киритган фольклор ҳамда миллий халқ ўйинлари ва томоша санъати усталари 1 минг 500 доллар миқдоридаги пул мукофоти ва эсдалик совғалар билан тақдирланади. Совриндорларга, шунингдек, махсус диплом, сертификат ва халқаро фестиваль статуэткаси топширилади. Фестиваль доирасида ўтказилаётган кураш мусобақаси мутлоқ ғолибига автомобиль соврини қўйилган.

Очиқ осмон остидаги санъат байрами 7 майга қадар давом этади.

https://t.iss.one/hudud_inform