ССВ: Коронавирусга қарши эмланган фуқаролар учун пул маблағи берилаётгани ҳақидаги хабарлар асоссиз

Бугун ижтимоий тармоқлар орқали юртимизда вакцина олган фуқаролар учун 750 минг сўм миқдорида пул маблағи берилаётгани ҳақида хабарлар тарқалмоқда.

Соғлиқни сақлаш вазирлиги мазкур ҳолат бўйича қуйидагиларни маълум қилади.

Сир эмас, коронавирус пандемияси даврида айрим ижтимоий тармоқ саҳифалари орқали турли асоссиз, ҳеч қандай ҳақиқатга тўғри келмайдиган ва расмий манбалар орқали тасдиқланмаган уйдирма маълумотларни тарқатиш ҳоллари тез-тез кузатилмоқда.

Бу эса, ўз навбатида, кенг жамоатчилик орасида турли тушунмовчиликларнинг юзага келишига, баъзи ҳолларда эса ортиқча саросималарга сабаб бўлмоқда. Жумладан, вакцина олган фуқаролар учун 750 минг сўм миқдорида пул маблағи берилаётгани ҳақидаги юқорида келтирилган ахборот ҳам ана шундай мақсадда тарқатилган бўлиб, ҳеч қандай расмий асосга эга эмас.

Шу боис вазирлик аҳолидан бу каби фейк хабарларга ишонмасликларини, вакцинация жараёнлари билан боғлиқ энг тўғри маълумотларни Соғлиқни сақлаш вазирлигининг расмий ssv.uz сайти ҳамда телеграмдаги https://t.iss.one/ssvuz, https://t.iss.one/ssvmatbuotkotibi саҳифалари орқали олишлари мумкинлигини эслатиб ўтади.

Унутманг, бу каби ёлғон хабарларни тарқатиш тегишли тартибда жавобгарликка сабаб бўлади.

https://t.iss.one/hudud_inform

Дин ишлари бўйича қўмита ахборот хизмати томонидан турли конфессия вакиллари иштирокида тайёрланган "Ўзбекистон - бағрикенг диёр" номли тарғибот ролиги.

https://t.iss.one/hudud_inform

«Олмалиқ шаҳрида эркаклар ва қизлар ўртасида жанжал» номли видео юзасидан

Ҳолат юзасидан Ўзбекистон Республикаси Жиноят Кодексининг 277-моддаси 2-қисми билан жиноят иши қўзғатилган. Ҳозирда Тергов ҳаракатлари олиб борилмоқда.

(Жиноят Кодекси 277-модда: Безорилик, яъни жамиятда юриш-туриш қоидаларини қасддан менсимаслик, уриш-дўппослаш, баданга енгил шикаст етказиш ёки ўзганинг мулкига шикаст етказиш ёхуд нобуд қилиш анча зарар етказиш)

https://t.iss.one/hudud_inform

Олий ва ўрта махсус таълим вазирлигининг маълумотига кўра, вазирликка 2022 йил январ ойи давомида жисмоний ва юридик шахслардан жами 910 та мурожаат келиб тушган бўлиб, уларнинг 27 таси оғзаки (3,0%), 223 таси ёзма (24,5%), 660 таси (72,5%) электрон мурожаатлардир.

https://t.iss.one/hudud_inform

🏗 Ўзбекистонда 2021 йилда 43,7 мингта корхона ва ташкилотлар қурилиш соҳасида фаолият юритган

🏢 Давлат статистика қўмитаси маълумотларига кўра, 2021 йилда Ўзбекистонда қурилиш соҳасида фаолият юритган корхона ва ташкилотлар сони 43,7 мингтани ташкил этиб, 2020 йилга нисбатан 6,7 мингтага ошган.

✅ 2021 йил давомида республикамизда фаолият юритган қурилиш ташкилотлари:
🔷 Бино ва иншоотлар қуриш – 24 минг 648 та
🔷 Фуқаролик объектларини қуриш – 4 минг 323 та
🔷 Ихтисослаштирилган қурилиш – 14 минг 724 та

✅ 2021 йилда фаолият юритган қурилиш ташкилотлари сони энг кўп бўлган ҳудудлар:
🟢 Тошкент шаҳри – 8 811 та
🔵 Тошкент вилояти – 3 851 та
🟣 Фарғона вилояти – 3 538 та

https://t.iss.one/hudud_inform

📢 16 февраль, чоршанба куни ўтказилиши режалаштирилган тадбирлар:

〰️〰️〰️
📍Брифинг

●Мавзу: Аҳоли ва тадбиркорларга замонавий метрологик хизмат кўрсатиш истиқболлари, эталонлар базасини ривожланиши иқтисодиётимиздаги ўрни
● Вақти: 14:00
● Иштирок этади: Лазизбек Саидорипов, Техник жиҳатдан тартибга солиш агентлиги ҳузуридаги Ўзбекистон миллий метрология институти директори

〰️〰️〰️
📍Матбуот анжумани

● Мавзу: Стратегик ривожланиш агентлиги фаолияти таҳлили ва I Тошкент Халқаро инвестиция форуми юзасидан
● Вақти: 16:00
● Иштирок этади: Стратегик ривожланиш агентлиги раҳбарияти

〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

https://t.iss.one/aoka_uz

2022 йил 15 февраль ҳолатига кўра, Ўзбекистонда коронавирус инфекцияси қайд этилганлар сони 234 359 (+296) нафарни ташкил этмоқда.

Касалликдан соғайганлар жами 220 466 (+1 310) нафарга етди ва соғайиш кўрсаткичи 94 фоизни ташкил этмоқда.

Шунингдек, 2 нафар коронавирусга чалинган бемор вафот этиб, касалликдан вафот этганлар сони 1 609 нафарни ташкил қилди. Қолаверса, кеча 52 нафар кишида пневмония аниқланди.

https://t.iss.one/hudud_inform

⚡️Халқаро пресс-клуб “Ҳаракатлар стратегиясидан – тараққиёт стратегияси сари” мавзуида ўзининг навбатдаги сессиясини ташкил этмоқда.

🔹Давлат бошқаруви органларининг “Давлат – инсон учун” тамойили асосида ҳудудий масалаларни ҳал қилишдаги масъулияти қанақа бўлади?

🔸Янги стратегик йўналишларни режалаштиришга қаратилган замонавий тизимнинг фаолияти бўйича аниқ механизм борми?

❇️ Шу каби саволларга жавобларни бугунги жонли сессиямиз доирасида олишингиз мумкин.

🎥 Жонли эфирни сиз бугун, 16 февраль соат 11:15 да "Ўзбекистон 24" ва "УзРепорт" телеканаллари орқали тўғридан-тўғри томоша қилишингиз мумкин.

Ўтказиб юборманг!

https://t.iss.one/hudud_inform

Маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ёки номини ўзгартириш тартиби

Бугунги кунда Республикада 9 314 та фуқаролар йиғинлари фаолият кўртмоқда. Шундан 41 таси шаҳарча фуқаролар йиғини, 73 таси қишлоқ фуқаролар йиғини, 165 таси овул фуқаролар йиғини, 9 035 таси маҳалла фуқаролар йиғинларидир.
Бундан ташқари фуқаролар йиғинларини географик жойлашуви, аҳоли, оилалар ва хонадонлар сони бўйича ҳам таснифланади.
Жумладан, 1 936 таси шаҳарларда, 1 224 таси туман марказида, 4 975 таси туман марказигача 30 км бўлган масофада, 598 таси туман марказидан
30 км ва ундан олис масофада, тоғли ва чўл ҳудудида, 581 таси чегара (ёки анклав) ҳудудида жойлашган.
Маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш
ва уларнинг номини ўзгартириш Вазирлар Маҳкамасининг 2014 йил 4 мартдаги 48-сонли қарори билан тасдиқланган “Шаҳарлар, посёлкалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги низом” талаблари асосида амалга оширилади.
Маҳаллаларини бирлаштириш, бўлиш ва тугатиш фуқаролар йиғинларининг илтимосномаси асосида Халқ депутатлари маҳаллий кенгашлар томонидан амалга оширилади.
Маҳаллалар ҳудудларнинг тарихий хусусиятларини, қоидага кўра, камида 500 та оила яшайдиган аҳоли пунктларининг географик жойлашишини ҳисобга олган ҳолда ташкил этилади.
Маҳаллалар, истисно ҳолларда, 500 нафардан кам аҳоли, лекин камида 100 та оила яшайдиган бориш қийин бўлган ва тоғли туманларда ҳамда ҳарбий шаҳарчаларда ташкил этилиши мумкин.
Посёлка, қишлоқ ва овулнинг фуқаролар йиғини ҳудудида кўпи билан 1500 та оила истиқомат қилса, ушбу посёлкалар, қишлоқлар ва овулларда маҳаллалар тузилмайди.

https://t.iss.one/hudud_inform

📊Наманган вилоятига бюджетдан соҳаларга кўра ажратилган маблағлар миқдори, энг юқори харажатга эга ҳудудлар ва энг кам бюджет трансфери ажратилган ҳудудлар бўйича маълумот

▪️2022 йил учун прогноз қилинган вилоят маҳаллий бюджети даромадлари 3 268,9 млрд. сўм ва харажатлари 4 607,9 млрд. сўмни ташкил этади.

▪️Республика бюджетидан ажратиладиган тартибга солувчи бюджетлараро трансфертлар миқдори 1 704,7 млрд. сўмни ташкил этади.

▪️2022 йил учун прогноз кўрсаткичларига кўра, Наманган шаҳри (1 239 млрд. сўм), Тўрақўрғон (336 млрд. сўм), Поп (283 млрд. сўм), Уйчи (209 млрд. сўм), Чуст (195 млрд. сўм) туманлари даромади энг юқори бўлган ҳудудлар ҳисобланади.

▪️Жорий йил учун маҳаллий бюджет шаҳар ва туманлар кесимида таҳлил қилинганда, Наманган шаҳри (517 млрд. сўм), Чуст (259 млрд. сўм), Тўрақўрғон (236 млрд. сўм) ва Поп (233,9 млрд. сўм) туманлари энг юқори харажатларга эга ҳудудлар ҳисобланади.

https://t.iss.one/hudud_inform

Бироздан сўнг Президент Шавкат Мирзиёев раислигида озиқ-овқат хавфсизлигини таъминлашда муҳим ўрин тутган соҳа - чорвачилик тармоғини қўллаб-қувватлаш, соҳада илғор технологияларни кенг қўллаш орқали гўшт, сут ва тухум ишлаб чиқариш ҳажмини ошириш масалалари юзасидан видеоселектор йиғилиши бошланади.

https://t.iss.one/hudud_inform

Охирги вақтда ижтимоий тармоқларда баъзи мутаассиб шахслар, айрим ҳолларда эса диний соҳа вакиллари томонидан ҳам Ўзбекистоннинг дин соҳасидаги ягона давлат сиёсатини нотўғри тушуниш ва баҳолаш, янгиликларни ўз манфаатларига мослаб талқин қилиш, воқеликни бўрттириб кўрсатиш, инсонлар фикрида нохолис муносабатни шакллантиришга бўлган уринишлар кузатилмоқда.

Батафсил: https://bit.ly/3sJRW9Z

https://t.iss.one/hudud_inform

Президент раислигида видеоселектор йиғилиши бошланди.

“Биз “Инсон қадри учун” тамойили асосида келгуси беш йилда камбағалликни камида 2 бараварга қисқартиришни олдимизга мақсад қилиб қўйдик.

Пандемия давом этаётгани, иқлим ўзгариши, сув танқислиги каби омиллар дунё бўйлаб озиқ-овқат маҳсулотлари нархининг ўсишига сабаб бўлмоқда.

Аҳоли кундалик истеъмол харажатларининг 30 фоизини гўшт, сут ва тухум каби маҳсулотлар ташкил этади.

Шу боис, озиқ-овқат хавфсизлигини таъминлашнинг муҳим тармоғи – чорвачилик соҳасини қўллаб-қувватлаш, ресурс тежовчи технологияларни кенг қўллаш орқали гўшт, сут ва тухум ишлаб чиқариш ҳажмини ошириш ҳар кунгидан ҳам долзарб ва устувор аҳамият касб этмоқда”, деди давлатимиз раҳбари йиғилиш аввалида.

https://t.iss.one/hudud_inform

“Бугунги йиғилишни ўзим ҳар бир вилоят ва туман кўрсаткичларини чуқур таҳлил қилиб ўтказаётганимнинг яна бир муҳим сабаби – 2022 йилда чорвачиликда камида 300 минг, қўй-эчкичиликда 150 минг, пиллачиликда 1,2 миллион, жами 1 миллион 650 минг аҳоли бандлигини таъминлаш бўйича барча имконият ва захира мавжуд”, деди Президент.

Шу билан бирга, давлатимиз раҳбари вилоят ёки туманда гўшт, сут ва тухум маҳсулотларига талаб қанча, бу талабни қондириш учун 2022 йилда қандай тизимли ишлар қилиш керак, деган саволларга бирорта ҳудуд раҳбарида аниқ тасаввур йўқлигини танқид қилди.

Чорвачилик ва пиллачиликда бугунги вазифаларни бажариш ва айтиб ўтилган иш ўринларини яратишга шахсан вилоят ҳокимларининг ўзи масъул ва жавобгар бўлиши кўрсатиб ўтилди.

Туман ҳокимлари, аграр соҳа раҳбарлари учун чорвачилик, қўйчилик, эчкичилик, пилла ва жун саноати йўналишида ўқув семинари ташкил этиш зарурлиги қайд этилди.

https://t.iss.one/hudud_inform

Йиғилишда таъкидланганидек, 2019-2021 йилларда:

- чорвачилик бўйича 8 турдаги субсидия ва имтиёзли кредитлар ажратиш йўлга қўйилди;

- чорвачиликка 15 триллион сўмдан зиёд кредит маблағлари ажратилиб, 4,5 мингга яқин лойиҳа амалга оширилди;

- наслчилик хўжаликлари сони 3 бараварга кўпайиб, 1 минг 414 тага етди;

- чорва моллари сони 1,2 миллионга кўпайди.

Лекин, республика бўйича ҳар 2 кишига ўртача 1 та қорамол тўғри келса, бу кўрсаткич Наманган, Фарғонада 4 кишига 1 та, Тошкент вилояти ва Сурхондарёда 3 кишига 1 тани ташкил этмоқда.

Бухоро, Жиззах, Навоий, Наманган ва Сурхондарёда йирик чорвачилик хўжаликларининг сони қолган ҳудудларга нисбатан 1,5-2 баравар кам.

Чортоқ, Нарпай, Ургут, Олтинсой, Ўртачирчиқ ва Урганч туманларида аҳолини гўшт билан таъминлаш даражаси 40 фоизга етмасада, ушбу туман ҳокимлари 2022 йилда аниқ лойиҳаларни ишга туширишни режа қилмаган.

Шу сабабли, вилоят ҳокимларига бир ойда ўзгариш қилмаган туман ҳокимларини ишдан олиш бўйича таклиф киритиш топшириғи берилди.

https://t.iss.one/hudud_inform

Йиғилишда кооперация орқали чорвани кўпайтириш вазифаси қўйилди ва намунали тажрибалар кўрсатиб ўтилди:

- ҳоким ёрдамчиси ва фермер хўжалиги ҳамкорлигида аҳолига қорамол ҳамда қўй ва эчки тарқатилган, етиштирилган сут ва гўштни сотиб олиш йўлга қўйилган Миришкор тажрибаси;

- томорқа хизмати корхонаси аҳолига 2-3 тадан наслли қорамол тарқатган, ветеринария хизматларини бепул кўрсатаётган, гидропоника усулида озуқа етиштиришни йўлга қўйган Чуст ҳамда ер ресурслари чекланган шароитда хонадонларда 20 тагача зотли қорамол боқилаётган Балиқчи тажрибаси;

Бу тажрибаларни кенгайтириш учун хорижий кредитлар 10 йил муддатга 3 йил имтиёзли давр билан ажратилади, 14 фоиздан ошадиган қисмига компенсация ва кредитнинг 50 фоизига кафиллик, гидропоникада озуқа етиштириш ускуналарини харид қилиш харажатининг 20 фоизи қоплаб берилади.

Паррандачилик корхонаси аҳолига 50-100 бош хонаки парранда ва инкубатор тарқатган, мингтадан тухум сотиб олиш ва парранда кўпайтириш йўлга қўйилган Тахиатош тажрибаси алоҳида қайд этилди.

https://t.iss.one/hudud_inform

Ушбу тажрибалардан келиб чиқиб мутасаддиларга қуйидаги топшириқлар берилди:

- 15 мартга қадар ҳар бир туманда камида 5 тадан маҳаллада Миришкор тажрибасини йўлга қўйиш;

- 1 майга қадар томорқа хизмати корхоналари орқали Чуст ва Балиқчи тажрибаларини барча туманларда жорий этиш ва бунинг учун оилавий тадбиркорлик дастурлари доирасида 300 миллиард сўм ажратиш;

- 1 июнга қадар Тахиатош тажрибаси асосида ҳар бир вилоятда камида 2 тадан лойиҳани ишга тушириш;

- 1 сентябрга қадар ҳар бир вилоятда камида 2 мингтадан хонадонга наслли чорва молларини тарқатишни ташкил этиш.

Умуман, вилоят ҳокимлари юқоридаги 3 та тажриба асосида 2022 йилда жами 200 минг аҳоли бандлигини таъминлашга шахсан масъул бўлиши кўрсатиб ўтилди.

https://t.iss.one/hudud_inform

Қўй-эчкилар сонини кескин кўпайтириб, аҳолини жундан маҳсулот тўқиб, даромад топишга рағбатлантириш муҳимлиги таъкидланди.

Бу борада Ангрен, Косон, Ромитан ва Навбаҳордаги кооперация бўйича намунали тажрибалар кўрсатиб ўтилди ва уларни икки ой муддатда 60 та туманда йўлга қўйиш топшириғи берилди.

Йил якунига қадар наслли қўй кўпайтириш бўйича 133 та лойиҳани ишга тушириш вазифаси қўйилди. Бунда:

- жун ва сут йўналишида наслли қўй ва эчки харид қилиш учун 5 йилгача 3 йил имтиёзли давр билан;

- чорвачилик хўжаликлари томонидан аҳоли хонадонларидан жун ва сут маҳсулотларини сотиб олишга 12 ойгача 9 ой имтиёзли давр билан;

- ем озуқа, шунингдек сут, гўшт ва жунни қайта ишлаш цехларини ташкил этишга 10 йил муддатга 3 йил имтиёзли давр билан кредитлар ажратилади.

Аҳолига ушбу кредитлар ҳоким ёрдамчилари тавсияси асосида 50 миллион сўмгача гаров таъминотисиз ажратилади, кредит фоизининг ярмини қоплашга компенсация берилади.

https://t.iss.one/hudud_inform

Йиғилишда ўн кун муддатда кооперация асосида аҳолига 350 минг бош қўй ва эчкини тарқатиш ишларини бошлашга топшириқ берилди. Бунга 100 миллион доллар йўналтирилади.

Соҳа мутасаддиларига вилоят ва туман ҳокимлари билан бирга бир ҳафта муддатда 67 та йирик қўй ва эчкичилик хўжаликларини ташкил этиш ишларини бошлаш вазифаси қўйилди.

Вилоят ҳокимлари 2022 йилда қоракўлчилик, қўйчилик, эчкичилик ва жун саноатини ривожлантириш ҳисобига 150 минг аҳоли бандлигини таъминлаши шартлиги кўрсатиб ўтилди.

Йил якунига қадар 123 та йирик лойиҳани ишга тушириш, ҳар бир кластерда камида 500 бошли чорва комплекслари ташкил этилиш чоралари белгилаб олинди.

Бунда, 500 гектар майдонда озуқа экинларини алмашлаб экишни йўлга қўйган, 2021 йилда 1 минг бошга эга йирик чорвачилик комплексини ишга тушириб, 2022 йил якунига қадар 400 тонна гўшт ва 1,5 минг тонна сут ишлаб чиқаришни режалаштирган Гурландаги “Гурлан Барака текс” кластери намуна сифатида айтилди.

https://t.iss.one/hudud_inform