#Видеопост: Тошкент ёшлар форуми — пойтахтнинг келажак лидерлари билан мулоқот

🔷 Шу йилнинг 18-20 декабрь кунлари шов-шувли лойиҳалардан бири — “Тошкент ёшлар форуми – 2020”да Ҳукумат аъзолари билан ёшларнинг учрашуви ташкил қилиниб, ўзаро очиқ мулоқотга киришдилар.

Шунингдек, Ўзбекистондаги турли соҳа ва тармоқлар тараққиёти 10 йилдан кейин қандай бўлиши муҳокама этилиб, мавзуга доир тақдимотлар ўтказилди. Бугунги ҳаракатларнинг натижадорлиги, самарадорлиги масалалари кенгроқ муҳокама этилди. Соҳалар бўйича олдинда турган муаммолар ва уларга ечим топиш бўйича ёшлар билан фикр алмашиниб, таклифлар ўртага ташланди.

🔷 Форумнинг энг қизғин ва мунозараларга бой тадбирларидан бири бу — Тошкентнинг келажакдаги лидерлари билан очиқ мулоқот бўлди.

✅ Ушбу тадбир жараёнлари акс этган лавҳани эътиборингизга ҳавола этамиз!

#YangiUzbekiston #YangichaDunyoqarash

Каналга уланиш — @yangiuzbekiston_uz

#Хоразм_вилояти

✍️ Хоразм вилояти ИИБ Ахборот хизмати маълумотига кўра, 2020 йил 21 декабрь куни ижтимоий тармоқларда ички ишлар органларининг, шу жумладан Хоразм вилоятининг айрим шаҳар ва туманларидаги ИИБ Миграция ва фуқароликни расмийлаштириш бўлимлари олдида одатдагидан кўп сондаги фуқароларнинг йиғилганлиги ва улар навбатга туриш тартибига риоя қилмаётганликлари акс этган фото ва видео хабарлар тарқалди.

Мазкур хабарлар юзасидан қуйидагиларни маълум қилинади:

👨‍👩‍👧‍👦 2021 йилнинг 1 январь кунидан бошлаб Ўзбекистон Республикаси фуқаролари чет давлатга қатъий тартибда хорижга чиқиш паспорти билан чиқишлари мумкинлиги тўғрисида қабул қилинган қарор ўз навбатида хорижга чиқиш паспортини олиш истагида бўлган фуқаролар сони кескин ортишига сабаб бўлди.

❗️ Шу боис 2020 йил 21 декабрь душанба куни вилоятдаги барча Миграция ва фуқароликни расмийлаштириш бўлимлари олдида хорижга чиқиш паспортини расмийлаштириш мақсадида бўлган кўплаб фуқаролар тўпланган.

✖️ Фуқаролар ўзаро навбатга туриш ва карантин тартиб-қоидаларига зид равишда бир жойга тўпланганликлари боис, ҳудудий ички ишлар органлари томонидан тезда электрон навбатлар шакллантирилди ва фуқароларга белгиланган вақтда етиб келишлари тушунтирилиб, тарқатиб юборилди.

Каналга уланиш: 👇
@hudud_inform

✍️ Сўнгги пайтларда Ташқи меҳнат миграцияси агентлиги номидан меҳнат миграциясига тааллуқли хабарларни тарқатувчи турли ахборот каналларининг кўпайиб бораётгани муносабати билан агентлик ахборот хизмати қуйидагиларни маълум қилади.

❗️ Ташқи меҳнат миграцияси агентлигининг қуйидаги расмий ахборот каналлари мавжуд:

1. Расмий веб-сайт: https://www.migration.uz/
2. Меҳнат мигрантлари учун дастурий мажмуа: https://labormigration.uz/
3. Расмий Telegram-канал: https://t.iss.one/migratsiyaagentligi
4. Матбуот котиби телеграм канали: https://t.iss.one/migratsiyamatbuotkotibi
5. Facebookдаги саҳифа: https://www.facebook.com/migratsiya/
6. Youtubeдаги канал: https://www.youtube.com/channel/UCcML3ZArS2qqNLhBm79oiqw?view_as=subscriber

✔️ Бундан бошқа ахборот каналларининг Ташқи меҳнат миграцияси агентлигига алоқаси йўқ.

Каналга уланиш: 👇
@hudud_inform

Ўзбекистон ва Туркманистон Президентлари телефон орқали мулоқот қилдилар.
Туркманистон етакчиси давлатимиз раҳбарини мамлакатимиз МДҲга самарали раислик қилгани ва Ҳамдўстлик саммитини муваффақиятли ўтказгани билан самимий табриклади.
Икки мамлакат ўртасидаги дўстлик, яхши қўшничилик ва стратегик шериклик муносабатларида юксак даражага эришилгани катта мамнуният билан қайд этилди.
Халқаро ва минтақавий аҳамиятга молик долзарб масалалар юзасидан ҳам фикр алмашилди.
—
Состоялся телефонный разговор Президентов Узбекистана и Туркменистана.
Лидер Туркменистана искренне поздравил главу нашего государства с плодотворным председательством в СНГ и успешным проведением саммита.
С глубоким удовлетворением отмечен современный высокий уровень узбекско-туркменских отношений дружбы, добрососедства и стратегического партнёрства.
Состоялся обмен мнениями по актуальным вопросам международной и региональной повестки.

#Mirziyoyev #muloqot #Turkmaniston #hamkorlik

Prezident.uz|Facebook|Instagram|YouTube|Twitter

Қоронғу вақтда автомобиль чироғи орқали йўлда пиёданинг кўриниш масофаси қанча?

Ҳайдовчи йўлдан ўтаётган пиёдани кийган кийимига қараб турли масофада кўриши мумкин:

👉 қора рангли кийимда - 18 метр масофада;

👉 қизил рангли кийимда - 24 метр масофада;

👉 сариқ рангли кийимда - 37 метр масофада;

👉 оқ рангли кийимда - 55 метр масофада;

👉 агар пиёданинг кийимига нур қайтарувчи белгилар ёпиштирилган бўлса - 130 метр масофада;

👉 агар фуқаро нур қайтарувчи махсус камзулда бўлса - 150 метр масофада.

Шу сабабли мажбурий тўхтаган ёки бузулиб қолган транспорт воситасининг ҳайдовчиси қоронғу вақтда нур қайтарувчи махсус камзул кийган ҳолда созлаш ишларини олиб бориши зарурлиги белгиланган.

Каналга уланиш: 👇
@hudud_inform

⚡️ Тошкент вилояти аҳолиси диққатига!

🌨 Куз-қиш мавсумини беталофат ўтказиш учун штаб ташкил этилди

❄️ Об-ҳавонинг кескин ўзгариши туфайли коммунал соҳаларда кўплаб муаммолар юзага келиши мумкин. Шу муносабат билан куз-қиш мавсумини беталофат ўтказиш ҳамда вужудга келган муаммоларни ўз вақтида бартараф этиш мақсадида Тошкент вилояти ҳамда шаҳар ва туман ҳокимликларида узлуксиз навбатчилик штаби ташкил этилган.

✅ Ҳурматли фуқаролар, ўз мурожаатларингизни мутасадди раҳбарлардан ташкил топган штаб аъзоларига етказишингиз мумкин.

📌 Штабнинг асосий вазифаси – аҳолидан келиб тушадиган мурожаатларни тезкор (оператив) равишда бартараф этиш чораларини белгилаш ва амалга оширишдан иборат.

📞 Мурожаат учун телефонлар:

🏢 Тошкент вилояти ҳокимлиги марказий Штаби;
☎️ (71) 232-80-46 (24 соат), (71) 232-80-17 (соат 09:00 дан 18:00 гача)

Штаб раҳбари – Тошкент вилоти ҳокимининг капитал қурилиш ва коммуникациялар масалалари бўйича ўринбосари Шуҳрат Ҳакимов;
☎️ Тел: (97) 752-02-81

Штаб котиби – Тошкент вилоят Уй-жой коммунал хизмат кўрсатиш бошқармаси бошлиғи Гаппар Норматов;
📱 Тел: (90) 930-50-93

🔥 "Ҳудудгаз Тошкент" газ таъминоти филиали директори Алишер Райимов;
📱 Тел: (99) 835-57-05; (97) 157-27-04 (бош муҳандис)
☎️ Тел: (78) 150-31-30; (70) 202-95-04 (диспетчер)

⚡️ "Тошкент ҳудудий электр тармоқлари корхонаси" АЖ бош директори Нилуфар Батирова;
📱 Тел: (93) 505-66-06
☎️ Тел: (71) 232-80-46 (диспетчер)

🚰 "Тошкент сув таъминоти" МЧЖ директори Суҳроб Миржамолов;
📱 Тел: (97) 755-45-32
☎️ Тел: (71) 202-14-15, (95) 142-04-86 (диспетчер)

☀️ Вилоят "Иссиқлик манбаи" ИЧБ бошлиғи Қудрат Раҳимов;
📱 Тел: (97) 884-94-54; (94) 915-01-28 (бош муҳандис)
☎️ Тел: (70) 956-20-81 (диспетчер)

🏫 Вилоят Халқ таълими бошқармаси бошлиғи Абдукамол Мамадалиев;
📱 Тел: (90) 333-86-46
☎️ Тел: (71) 231-65-71 (диспетчер)

🏫 Вилоят Мактабгача таълими бошқармаси бошлиғи ўринбосари Ворисхон Акайдинов;
📱 (99) 845-33-99
☎️ Тел: (70) 202-10-11 (диспетчер)

🚑 Вилоят Соғлиқни сақлаш бошқармаси бошлиғи ўринбосари Ўткир Имомов;
📱 Тел: (99) 440-47-68
☎️ Тел: (71) 281-25-83; (71) 250-40-56 (диспетчер)

🚒 Вилоят Фавқулодда вазиятлар бошқармаси бўлими бошлиғи Мансур Тилаболдиев;
📱 Тел: (99) 364-70-06
☎️ Тел: (70) 763-10-01 (диспетчер); 10-52 (ишонч телефони)

🚓 Тошкент вилояти ИИББ йўл ҳаракати хавфсизлиги бошқармаси бошлиғининг ўринбосари, подполковник Сирожиддин Назирхонов;
📱 Тел: (98)124-44-94
☎️ Тел: (71)265-08-51

Каналга уланиш: 👇
@hudud_inform

Бош прокуратура расмий баёноти

Сўнгги вақтда ижтимоий тармоқларда Бухоро шаҳар прокурори Жасур Фозиловнинг видеомурожаатлари кенг муҳокама қилинди.

Ахборот хизмати маълумотига кўра, аввалроқ, Бош прокуратура томонидан Бухоро шаҳридаги тадбиркорнинг Бухоро шаҳар прокурори Ж.Фозиловнинг хатти-ҳаракатларидан норози бўлиб ёзган аризаси юзасидан хизмат текшируви ўтказилаётганлиги ҳақида расмий баёнот берилган.

Текширувнинг холисона ва адолатли ўтказилишини таъминлаш, иш ҳолатларига тўлиқ ойдинлик киритиш, ҳар қандай аралашув ва таъсирларнинг олдини олиш мақсадида Бухоро шаҳар прокурори Ж.Фозилов 2020 йил 2 декабрь куни хизмат вазифаларини бажаришдан вақтинча четлаштирилган эди.

Хизмат текшируви якунланганлиги муносабати билан Бош прокурорнинг буйруғига асосан Ж.Фозилов жорий йил 19 декабрдан хизмат вазифаларини бажаришга киришди.

Хизмат текширувида Ж.Фозилов ўз хизмат вазифаларини лозим даражада бажармасдан, масъулиятсизликка йўл қўйиб, ўзи раҳбарлик қилаётган прокуратура иш юритувида бўлган жиноят ишининг тергови устидан назоратни таъминламаганлиги, амалдаги қонунчилик билан муқобил текширувлар бекор қилинган бўлса-да, жиноят ишига алоқаси бўлмаган хўжалик юритувчи субъектлар мансабдор шахсларини терговга жалб қилиб, сўроқ қилиш орқали муқобил текшириш, шунингдек, асоссиз равишда тадбиркорни чақиртириш ва мажбурий келтириш ҳақида қўл остидаги терговчига топшириқ берганлиги аниқланди.

Шуларга кўра, Бош прокурорнинг 21.12.2020 йилдаги буйруғи билан Бухоро шаҳар прокурори Ж.Фозиловга “Ҳайфсан” интизомий жазоси қўлланилди.

Каналга уланиш: 👇
@hudud_inform

📹 Ўзбек футболида илк маротаба "VAR" тизимидан фойдаланилди.

✍️ Ушбу тарихий воқеани Ўзбекистон Футбол Ассоциацияси ахборот хизмати томонидан тайёрланаган лавҳада кўришингиз мумкин.

Каналга уланиш: 👇
@hudud_inform

✍️ Дин ишлари бўйича қўмита
Ахборот хизмати хабарига кўра, Саудия Арабистони Подшоҳлиги авиапарвозларни вақтинча тўхтатди

❗️Жорий йилнинг 20 декабрь куни Саудия Арабистони Ички ишлар, Соғлиқни сақлаш ҳамда Ҳаж ва умра вазирликлари ОАВ орқали расмий баёнот бериб, унда Буюк Британияда коронавируснинг янги мутацияси (SARS-CoV-2)нинг мамлакатда тарқалишини олдини олиш чора-тадбирлари юзасидан аҳолига тиббий гигиеник маслаҳатлар берди.

Шунингдек, Саудия Соғлиқни сақлаш вазирлигининг тавсияси асосида аҳоли соғлиғини ҳимоя қилиш ҳамда қироллик ҳудудида SARS-CoV-2нинг тарқалишининг олдини олиш мақсадида қуйидаги қатъий чора-тадбирлар белгиланди:

✅2020 йил 21 декабрь куни маҳаллий вақт билан соат 12:00дан бошлаб, ҳозирча 1 ҳафта муддатга (2021 йил 5 январга қадар чўзиш эҳтимоли билан) халқаро авиақатнов тўлиқ тўхтатилиб, қуруқликда қўшни давлатлар билан чегаралар, Қизил денгиз ҳамда Форс кўрфазидаги портлар орқали кириш-чиқиш пунктлари ёпилиши белгиланди.

✅ 2020 йил 21 декабрь кунидан бошлаб, Саудия Арабистонига кириш визаларини расмийлаштириш ва четдан зиёратчиларни қабул қилиш вақтинча тўхтатилади.

✅ Хорижда юрган ва қиролликка қайтаётган ҳар бир Саудия Арабистони фуқароси 14 кун муддатга стационар карантинга олиниб, қатъий тиббий кузатувга олинади.

✅Жойларда сўнгги 3 ой ичида Саудия Арабистонига кирган фуқаролар, чет элликлар ва резидентлар антитаналарга диагностика қилинади.

✅Шунингдек, жойларда банкетлар ва бошқа оммавий тадбирларни ўтказишга йўл қўйилмайди, айниқса аҳоли гавжум бўладиган ҳудудларда карантин қоидаларига риоя этилиши устидан назорат кучайтирилади, одамлар оммавий бўладиган объектлар (масжидлар, савдо мажмуалари, бозорлар ва ҳ.к.)да ижтимоий масофани сақлаш ва фуқароларни тиббий ниқобда бўлишларини таъминлаш талаб этилади.

‼️Саудия Соғлиқни сақлаш вазирлиги айни вақтда Европа Иттифоқининг айрим давлатлари билан янги SARS-CoV-2 штаммнинг тарқалишини ўрганиш чора-тадбирларини кўраётганлиги маълум қилди.

Каналга уланиш: 👇
@hudud_inform

⚡️Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича

Республика махсус комиссиясининг
БАЁНОТИ

Сўнгги кунларда айрим хорижий мамлакатларда, хусусан, Буюк Британия, Италия, Дания, Австрия, Австралия, Нидерландия ва Жанубий Африка Республикасида янги коронавирус инфекцияси аниқланиш ҳолатлари сони тубдан ошиб кетиб, эпидемиологик вазият кескин ёмонлашуви кузатилмоқда. Хусусан, жорий йил 20 декабрь ҳолатида Буюк Британияда кунлик касаллик ҳолати 36 мингга, Германияда 21 мингга яқин, Италияда 15 мингдан, Нидерландияда 13 мингдан, Жанубий Африка Республикасида 9 мингдан зиёдни ташкил этмоқда.

✈️ Ушбу мамлакатлардаги эпидемиологик вазиятни инобатга олган ҳолда аксарият Европа ва бошқа давлатлар томонидан эпидемиологик вазиятни мураккаблаштирмаслик мақсадида юқоридаги давлатлар билан халқаро авиаташувларни чеклаш бўйича қарорлар қабул қилинди.

Юқоридагиларни инобатга олиб, дунёдаги эпидемиологик вазиятнинг тезкор кескинлашуви шароитида мамлакатимиздаги эпидемиологик барқарорликни сақлаб қолиш, коронавирус инфекцияси тарқалишининг янги ўчоқлари пайдо бўлишига йўл қўймаслик мақсадида Республика махсус комиссиясининг қарори билан

❗️жорий йил 21 декабрь санасидан 2021 йил 10 январга қадар Буюк Британия, Италия, Германия, Дания, Австрия, Австралия, Нидерландия ва Жанубий Африка Республикаси давлатлари билан халқаро авиарейслар (кириш, чиқиш ва транзит рейслар орқали республикага кириш) тўхтатилади.

🚫 Шу билан бирга, Буюк Британия, Италия, Германия, Дания, Австрия, Австралия, Нидерландия ва Жанубий Африка Республикаси давлатлари фуқаролари, ушбу давлатларда доимий истиқомат қилувчи фуқаролиги бўлмаган шахслар ҳамда сўнгги
14 кун давомида мазкур давлатларда бўлган учинчи давлат фуқаролари юқоридаги чеклов амал қилган давр мобайнида Ўзбекистон Республикасига киритилмаслиги белгиланди.

🔰 Шунингдек, сўнгги 14 кун давомида Буюк Британия, Италия, Германия, Дания, Австрия, Австралия, Нидерландия ва Жанубий Африка Республикаси давлатларида бўлган ҳолда учинчи давлатлар орқали Ўзбекистонга кириб келаётган Ўзбекистон Республикасининг фуқаролари ва фуқаролиги бўлмаган шахслар 14 кун давомида вақтинчалик карантинда сақлаш мажмуасида ёки тегишли меҳмонхонада карантинга олиниши белгилаб қўйилди.

Мазкур жорий этилаётган чекловлар ушбу давлатлардаги эпидемиологик вазият барқарорлашгани сари босқичма-босқич бекор қилиб борилади.

⚠️ Шу муносабат билан, Республика махсус комиссияси жаҳондаги ушбу мураккаб вазиятни инобатга олган ҳолда фуқароларимиздан жамоат жойларида ниқоб тақиб юриш, ресторан, кафе ва бошқа умумий овқатланиш объектларида 30 кишидан ошмаган ҳолда тадбирларни ўтказиш, шунингдек, вазирлик, идоралар ва давлат улуши бўлган хўжалик бирлашмаларида турли хил корпоратив байрам тадбирлари ташкил этмаслик тўғрисидаги карантин чекловларига қатъий амал қилишни сўраб қолади.

Шу билан бирга Республика махсус комиссияси фуқароларимизнинг ўзи ва оила аъзоларининг соғлиғини асраб-авайлаш мақсадида кириб келаётган янги йилни оила даврасида кутиб олиш зарурлигини яна бир бор эслатиб ўтади.

@aoka_uz

Ўзбекистон Республикаси Маъмурий жавобгарлик тўғрисидаги Кодекснинг 131-моддасига кўра...

🚘🍺🙇🏻‍♂️ Ҳайдовчиларнинг транспорт воситаларини алкоголли ичимликдан, гиёҳванд модда таъсиридан ёки ўзгача тарзда маст ҳолда бошқариши — транспорт воситасини бошқариш ҳуқуқидан бир йилу олти ойдан уч йилгача муддатга маҳрум қилиб, базавий ҳисоблаш миқдорининг йигирма беш баравари миқдорида жарима солишга сабаб бўлади.

🚘🍻🙇🏻‍♂️ Худди шундай ҳуқуқбузарлик транспорт воситаларини бошқариш ҳуқуқи бўлмаган шахс томонидан содир этилган бўлса — базавий ҳисоблаш миқдорининг қирқ баравари миқдорида жарима солишга ёки ўн беш сутка муддатга маъмурий қамоққа олишга сабаб бўлади;

💁🏻‍♂️🚘🙇🏻‍♂️Алкоголли ичимликдан, гиёҳванд модда таъсиридан ёки ўзгача тарзда маст шахсга транспорт воситасини бошқаришни топшириш — транспорт воситасини бошқариш ҳуқуқидан икки йилдан уч йилгача муддатга маҳрум қилиб, базавий ҳисоблаш миқдорининг йигирма беш баравари миқдорида жарима солишга сабаб бўлади.

Каналга уланиш: 👇
@hudud_inform