🇺🇿🇷🇺 Қурилиш соҳасида ишлаш учун 187 нафар фуқаро Россияга жўнаб кетди

✍️ Бу ҳақда Ташқи меҳнат миграцияси агентлиги ахборот хизмати қуйидагиларни маълум қилди.

🤝 Келишувларга мувофиқ, Россиянинг Омск вилоятидаги қурилиш объектларида ишлаш учун 187 нафар юртдошимиз чартер рейс орқали жўнаб кетди.

💵 Фуқароларнинг транспорт, овқатланиш, ишлаш учун рухсат берувчи патент ва яшаш харажатлари, агарда ишчида касаллик аниқланса, унинг даволаниши иш берувчи компаниялар томонидан таъминланиши, шунингдек, уларнинг ойлик иш ҳақи ўртача 40-60 минг рублни ташкил этиши белгиланган.

😷 Юртдошларимиз 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.

Каналга уланиш: 👇
@hudud_inform

Ҳурматли фуқаролар!!! @Kobul_Beknazarovich мазкур телеграм-бот орқали Навоий вилояти ҳокимига ўзингизни қийнаётган муаммолар юзасидан тўғридан-тўғри мурожаат қилишингиз мумкин. Ушбу профил шахсан вилоят ҳокимининг назоратида.

Эслатма: Ҳурматли навоийликлар, мурожаатингизга қўшимча равишда тўлиқ исм шарифингиз, яшаш манзилингиз ва телефон рақамингизни қолдиришни унутманг!!!

Каналга уланиш: 👇
@hudud_inform

Шавкат Мирзиёев: Ўтган 10 ойда иккита соҳа бўйича 2 миллиард доллардан кўп импорт бўлган. Мана шу рақамнинг ўзи нима қилишимиз кераклигини кўрсатиб турибди
—
Шавкат Мирзиёев: За минувшие 10 месяцев по двум отраслям импортировано продукции на более чем 2 миллиарда долларов. Сама эта цифра показывает, в каком направлении нам следует работать

Prezident.uz|Facebook|Instagram|YouTube|Twitter

РАСМИЙ БАЁНОТ

👉 Батафсил

〰️〰️〰️〰️

ОФИЦИАЛЬНОЕ ЗАЯВЛЕНИЕ

👉 Подробно

@aoka_uz

🚧 “Қамчиқ” довонида транспорт воситаларининг ҳаракати вақтинчалик тўхтатилди

✍️ Бу ҳақда Фавқулодда вазиятлар вазирлиги ахборот хизмати хабар берди.

⚡️ Гидрометеоролигия хизмати марказининиг берган маълумотига кўра 2020 йил 28 ноябрь куни А-373 “Тошкент-Ўш” автомобил йўлида қор кўчкиси хавфи мавжуд бўлганлиги боис, “Қамчиқ” довони Фавқулодда вазиятлар вазирлиги ва Ички ишлар вазирлиги Йўл ҳаракати хавфсизлиги бош бошқармасининг куч ва воситалари томонидан автотранспорт воситаларининг ҳаракати вақтинчалик тўхтатилган.

✔️ Тошкент вилоятининг Оҳангарон ва Ангрен шаҳарлари ҳамда Наманган вилоятининг Поп туманида автотранспорт ҳайдовчилари ва йўловчиларни қабул қилиш бўйича барча зарур чора-тадбирлар амалга оширилмоқда.

“Қамчиқ” довонидан ўтишга улгурмаган автотранспорт ҳайдовчилари ва йўловчиларни Тошкент вилоятининг Оҳангарон ва Ангрен шаҳарлари ҳамда Наманган вилоятининг Поп туманидаги мавжуд умумовқатланиш шоҳобчаларида исиниш учун вақтинча жойлашиб туришингиз тавсия этилади.

❗️Eслатиб ўтамиз, қор кўчиши хавфи мавжуд.

📝 “Қамчиқ” довони бўйича қўшимча маълумотлар кун давомида бериб борилади.

Каналга уланиш: 👇
@hudud_inform

📝 Ҳукумат Санитария-эпидемиология хизматининг назорат фаолияти бўйича қарор қабул қилади

✔️ Вазирлар Маҳкамасининг “Санитария-эпидемиология хизматининг назорат фаолиятини такомиллаштириш тўғрисида”ги қарори лойиҳаси эълон қилинди.

Қуйидагилар:

👉 Тадбиркорлик субъектлари фаолиятининг санитария қоидалари, нормалари ва гигиена нормативларига мослиги бўйича “Санитария-эпидемиология осойишталик белгиси”ни бериш тўғрисидаги Низом;

👉 Юридик ва жисмоний шахслар томонидан санитария қоидалари, нормалари ва гигиена нормативларига риоя этилишини назорат қилишни амалга ошириш бўйича маъмурий регламент;

👉 Озиқ-овқат хомашёси ва истеъмол маҳсулотларини ишлаб чиқариш, ташиш, сақлаш ва сотиш фаолиятига боғлиқ хавф-хатарни барвақт аниқлаш бўйича жамоатчилик назоратини жорий қилиш тўғрисидаги Низом тасдиқланади.

Санитария-эпидемиологик осойишталик ва жамоат саломатлиги хизмати ҳамда Ахборот технологиялари ва коммуникацияларини ривожлантириш вазирлиги:

а) 2021 йил 1 апрелга қадар:

👉 ЯИДХПда ушбу қарор билан тасдиқланган Санитария-эпидемиология осойишталик белгисини беришнинг ҳар бир босқичида тадбиркорлик субъектлари мурожаатларининг кўриб чиқилишини кузатиб бориш тартибини жорий этишни;

👉 давлат хизматларини кўрсатиш учун зарур бўлган тўловлар, давлат хизматлари кўрсатилганлиги учун тўланган тўловлар ва йиғимлар Ягона биллинг тизими орқали амалга ошириш;

б) 2021 йил 1 майга қадар:

👉 озиқ-овқат хомашёси ва истеъмол маҳсулотларини ишлаб чиқариш, ташиш, сақлаш ва сотиш фаолиятига боғлиқ хавф-хатарни барвақт аниқлаш бўйича жамоатчилик назорати натижаси бўйича видеоёзувлар орқали қайд этилган санитария қоидалари, нормалари ва гигиеник нормативлари талаблари бузилганлиги бўйича ҳуқуқбузарлик ҳолатлари тўғрисидаги видеоёзувларни тўпловчи марказлаштирилган тизим ишга туширишни;

👉 марказлаштирилган тизимга келиб тушаётган видеоёзувлар бўйича тизимли мониторинг юритиш ва процессуал ҳаракатларни амалга ошириш учун ушбу тизимни Санитария-эпидемиологик осойишталик ва жамоат саломатлиги хизматининг “Маъмурий амалиёт” комплекс автоматлаштирилган ахборот тизимига интеграция қилишни таъминлайди.

📌 Чора-тадбирларни амалга ошириш билан боғлиқ харажатлар Санитария-эпидемиологик осойишталик ва жамоат саломатлиги хизматининг бюджетдан ташқари маблағлари, халқаро молия институтлари, хорижий ташкилотлар ҳамда донор мамлакатлар кредитлари ва грантлари, шунингдек, қонун ҳужжатларида тақиқланмаган бошқа манбалар ҳисобидан амалга оширилади.

Каналга уланиш: 👇
@hudud_inform

Ҳурматли фуқаролар!!! @surxondaryohokim телеграм-боти орқали Сурхондарё вилояти ҳокимига ўзингизни қийнаётган муаммолар юзасидан тўғридан-тўғри мурожаат қилишингиз мумкин. Ушбу профил шахсан вилоят ҳокимининг назоратида.

Эслатма: Ҳурматли сурхондарёликлар, мурожаатингизга қўшимча равишда тўлиқ исм шарифингиз, яшаш манзилингиз ва телефон рақамингизни қолдиришни унутманг!!!

Каналга уланиш: 👇
@hudud_inform

#Сирдарё_вилояти

🤝Америка Қўшма Штатларининг нуфузли компанияси ва Сирдарё вилояти ҳокимлиги ўртасида туризм соҳасини ривожлантириш ҳамда Америкалик сайёхларни вилоятга жалб қилиш бўйича келишиб олинди

✍️ Бу ҳақда Сирдарё вилояти Туризмни ривожлантириш давлат қўмитаси ҳудудий бошқармаси ахборот хизмати маълум қилди.

🇺🇿🇺🇸 Мазкур учрашувдан кўзланган мақсад, Сирдарё вилоятининг туризм салоҳиятини ривожлантириш, вилоятнинг диққатга сазовор жойларига ва маданий мерос обектларига Америкалик сайёҳлар орасида қизиқишни ошириш ва уларни вилоятга жалб қилиш.

✔️ "МИР корпорация"си 1986 йилда Сиетлда (Вашингтон штати) ташкил этилган бўлиб, Россия, Украина, Ўзбекистон ва Грузияда офисларига эга. Мунтазам равишда Американинг энг яхши сайёҳлик агентликларидан бири сифатида эътироф этилган, 2006 йилдан бери “National Geographic Traveller” журнали “МИР корпорацияси” томонидан уюштириладиган саёҳатлари "умр бўйи саёҳат" сифатида эътироф этилади.

Каналга уланиш: 👇
@hudud_inform

Бугун, 28 ноябрь куни режалаштирилган тадбирлар:

🔰 Брифинг

● Мавзу: "Ўзархив" агентлигига аҳолидан келган саволларга жавоблар
● Вақти: 12:00
● Жойи: АОКА мажлислар зали
● Иштирок этади: Анваржон Алиев, "Ўзархив" агентлиги ахборот хизмати раҳбари

〰️〰️〰️〰️

🔰 Брифинг

● Мавзу:Электр тармоғи бўйича аҳоли мурожаатига жавоблар
● Вақти: 13:00
● Жойи: АОКА мажлислар зали
● Иштирок этади: Улуғбек Ўринов, "Миллий электр тармоқлари" АЖ ахборот хизмати раҳбари

〰️〰️〰️〰️

🔰 Брифинг

● Мавзу: Аҳоли ва ҳудудларни фавқулодда вазиятлардан муҳофаза қилиш ойлиги тўғрисида
● Вақти: 14:00
● Жойи: АОКА мажлислар зали
● Иштирок этади: Зулфиқор Қиличов, Фавқулодда вазиятлар вазирлиги бошқарма бошлиғи

@aoka_uz

“HUDUDGAZTA'MINOT” АЖ: Бугунги кунда газ таъминоти билан боғлиқ ҳолат юзасидан олиб борилаётган ишлар ҳақида расмий маълумот

✍️ Видеоматериал “HUDUDGAZTA'MINOT” АЖ ахборот хизмати томонидан тайёрланди.

Каналга уланиш: 👇
@hudud_inform

🎅🏼🎄Ҳар йили узоқ кутиладиган Янги йил байрамига бир ой қолди, Тошкентда эса аллақачон байрам тантаналарини нишонлаш учун тайёргарлик ишлари бошлаб юборилган. Анъанавий манзилларда янги йил арчалари ўрнатилмоқда.

✨Пойтахтда байрамга тайёргарлик жараёни қандай бораётганини репортажимиз орқали томоша қилишингиз мумкин.

Каналга уланиш: 👇
@hudud_inform

#Тошкент_шаҳар

📸 Feel Tashkent фототанлови старт олди!

Фотосуратлар олинг, иштирок этинг ва ғолиб бўлинг – ўзингизнинг “Стрит-фото” услубидаги энг яхши фотоасарларингизни юборинг!

Ғолиблар қимматбаҳо совринлар билан тақдирланади:

1 ўрин – DELL (core i7) ноутбуки.
2 ўрин – Canon Mark ll фотоаппарати.
3 ўрин – iPhone SE 2020 смартфони.

Бу ҳақда Тошкент шаҳар ҳокимлиги ахборот хизмати маълум қилди.

Каналга уланиш: 👇
@hudud_inform

🤝 Жиззах давлат педагогика институти Портсмут университети билан ҳамкорликни йўлга қўйди

✍️ Бу ҳақда Олий ва ўрта махсус таълим вазирлиги ахборот хизмати маълум қилди.

Жиззах давлат педагогика институти ҳамда Буюк Британиянинг Портсмут университети ўртасида ҳамкорлик алоқаларини ўрнатиш, иккала ОТМ ўртасида ўзаро тажриба алмашиш бўйича меморандум имзолаш маросими ZOOM платформаси орқали онлайн тарзда бўлиб ўтди.

🇺🇿🇬🇧Унда Жиззах давлат педагогика институти ректори Шавкат Шарипов ва Буюк Британия Портсмут университети проректори Крис Чанг иштирок этди.

Меморандумда икки давлат ОТМлари ўртасида тўғридан-тўғри алоқаларни ўрнатиш ва ривожлантириш, ўқув материаллари алмашинуви, қўшма тадқиқот ишларини тарғиб қилиш ва томонларнинг иштирокида нашр этилган илмий журналларда мақолаларни нашр этиш каби йўналишлар икки томонлама ҳамкорликнинг асосий йўналишлари этиб белгиланди.

Шунингдек, ушбу меморандумдаги ЖизДПИ профессор-ўқитувчиларига Портсмут университети кутубхонаси, электрон ресурс марказидан фойдаланиш имкониятини яратиш, уларни Буюк Британияга малака ошириш курсларига жўнатиш, қолаверса, кредит-модул тизимида ўқув режалари ва дастурлари, магистратура ва қўшма таълим дастурларини муҳокама қилиш каби таклифлар муҳокама қилинди ва ҳар икки ОТМ вакиллари томонидан маъқуллангач, меморандум имзоланди.

Каналга уланиш: 👇
@hudud_inform

Бандлик ва меҳнат муносабатлари вазири ўринбосари Б.Х.Умурзаковнинг “Korean and migrations” хусусий бандлик агентлиги фирибгарлик фаолиятидан жабрланган фуқаролар билан учрашувидан олинган видеоролик юзасидан

“Korean and migrations” хусусий бандлик агентлигига 2019 йил 4 январь куни тегишли лицензия берилган. Хусусий бандлик агентлиги ўз фаолияти давомида жами 7 та хорижий иш берувчи билан келишувлар имзолаган ҳамда 2 317 нафар фуқаро билан 24,9 млрд. сўм миқдорида шартномалар имзолаган. Аммо, фуқаролар олдидаги шартномавий мажбуриятлари бажарилмаган. Жорий йилнинг 14 сентябрь куни ташкилотнинг 12 нафар масъулларига нисбатан Тошкент шаҳар Яккасарой туман суди томонидан ҳукм ўқилиб, жабрланувчиларга етказилган зарарларни қоплаб бериш кўрсатиб ўтилган. Дастлабки транш сифатида етказилган зарарнинг 38 фоизи фирибгарликдан жабрланган фуқароларнинг пластик карталарига Ўзбекистон Республикаси қонунчилигида белгиланган тартибда ўтказиб берилган.

Вазирлик ахборот хизмати маълумотига кўра, ушбу зарарни қоплаш тартиблари бўйича фуқароларнинг мурожаатлари Ўзбекистон Республикаси Вазирлар Маҳкамаси, Бандлик ва меҳнат муносабатлари вазирлиги раҳбарияти билан бўлиб ўтган бир неча учрашувлар давомида кўриб чиқилиб, уларга суд қарори билан белгиланган компенсация тўловларини тўлаш механизми тўғрисида батафсил тушунтиришлар берилган.

Ушбу видео шу йилнинг сентябрь ойи охирида бўлиб ўтган ана шундай учрашувлардан бирида суратга олинган. Бир неча соат давом этган учрашув да оғриқли масала муҳокама этилганлиги сабаб фирибгарликдан азият чекган учрашув қатнашчиларининг эмоционал ҳолатларини тушуниш мумкин.

Учрашув очиқ ҳавода, пойтахтимиз марказида, гавжум транспорт йўлларига яқин жойда ва овоз кучайтириш воситаларисиз бўлиб ўтганлигини инобатга олсак, билдирилган фикрлар барча йиғилганларга эшитиларли даражада етиб бориши учун баланд оҳангда гапиришга зарурат туғилганлиги табиий.

Афсуски, учрашувнинг айнан ушбу қисми ижтимоий тармоқда жойлаштирилди. Умуман олганда бутун учрашув барча саволлар учун очиқ ҳолда олиб борилган. Масаланинг ҳуқуқий жиҳатларига оид барча саволларга ушбу йиғилишда иштирок этган Aдлия, Ички ишлар вазирликлари, Олий суд ва Бош прокуратура ҳузуридаги МИБ масъул ходимлари томонидан ҳам жавоблар берилган. Шунга қарамай, Бандлик ва меҳнат муносабатлари вазирлиги Вазир ўринбосари Б.Х.Умурзоқовнинг айрим мурожаатчилар хатти-ҳаракатига нисбатан жавоблари оҳанги кўпчилик томонидан ҳурматсизлик, қўполлик ёки давлат хизматчисининг этика қоидаларини бузиш сифатида таъриф этилаётганлигидан афсусда эканлигини билдиради. Гарчанд мазкур жавобларнинг маъносида Ўзбекистон Республикаси қонунчилигига зид фикрлар айтилмаган, шунингдек, уларда юқорида келтириб ўтилган Яккасарой туман судининг қарорлари акс эттирилган бўлса-да, агар учрашув баъзи иштирокчиларининг шаъни ва қадр-қимматига таъсир этган бўлсак, улардан узр сўрашга тайёрмиз.

Фурсатдан фойдаланиб, “Хусусий бандлик агентликлари тўғрисида”ги Ўзбекистон Республикаси қонунига ўзгартиш ва қўшимчалар киритилиши муносабати билан жорий йилнинг 14 ноябридан хусусий бандлик агентликлари фаолиятида жиддий ўзгаришлар жорий этилганини эслатиб ўтмоқчимиз. Хусусан, эндиликда Ўзбекистон Республикасидан ташқарида иш қидираётган шахслардан хорижда ишга жойлаштириш бўйича хизматлар учун ҳақ олиш тақиқланди. Бу хизматлар учун ҳақ хорижий иш берувчи томонидан тўлаб берилади. Шундай қилиб, ватандошларимизнинг чет элда иш топиш истагини айрим виждонсиз шахслар томонидан суистеъмол қилиш эҳтимоли бартараф этилмоқда.

Хулоса ўрнида шуни қўшимча қилмоқчимизки, Бандлик ва меҳнат муносабатлари вазирлиги ҳар доим жамоатчилик билан мулоқот қилиш ва унинг ваколатига оид масалалар бўйича тўлиқ маълумот учун очиқдир. Aгар ушбу видеонинг муаллифлари ёки ОАВ вакиллари мурожаат қилса, Бандлик ва меҳнат муносабатлари вазирлиги мазкур ҳолат бўйича қўшимча тушунтириш бериш учун Б.Х.Умурзоқов билан шахсий учрашувга имконият яратиб беришга тайёрлигини маълум қилади.

Каналга уланиш: 👇
@hudud_inform

Давлатобод туманининг ҳудудий чегараси эълон қилинди

✍️ Бу ҳақда вилоят ҳокимлиги ахборот хизмати маълум қилди.

🏘 Наманган шаҳри таркибида янгидан ташкил этилган туман ҳудудида 25 та маҳалла фуқаролари йиғини, 33850 та хонадон, 421 та кўп қаватли уй, 3 та касб-ҳунар коллежи, 18 та умумтаълим мактаби, 24 та мактабгача таълим муассасаси, 5 та тиббиёт муассасаси, 1280 гектар қишлоқ хўжалиги ерлари, 698 та хизмат кўрсатиш объeкти, 429 та саноат корхонаси ҳамда 2 та маданий мерос объeкти мавжуд.

👨‍👩‍👧‍👦 Туман аҳолиси 149,6 минг нафарни ташкил этиб, Наманган шаҳар аҳолисининг 23,8 фоизини қамраб олади. Мазкур ҳудуд истиқболда замонавий кўп қаватли уйлар қурилиши ҳисобига урбанизация жараёни жадаллашишига, шунингдек, янги инфратузилма объeктлари барпо этилиши ва аҳолига хизмат кўрсатиш тизими янада ривожланишига хизмат қилиши кутилмоқда.

Каналга уланиш: 👇
@hudud_inform