Ўзбекистон Республикаси Давлат солиқ қўмитаси ҳузуридаги Кадастр агентлиги Ўзбекистон Республикаси Президентининг 2020 йил 7 сентябрдаги ПҚ–4819-сон “Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида”ги қарорининг 8-бандига асосан Агентлик тизимидаги лавозимларга номзодларни ишга қабул қилиш бўйича танлов эълон қилади.

Танлов Кадастр агентлиги тизимидаги қуйидаги ташкилотларга ишга қабул қилиш бўйича ўтказилади:

Кадастр агентлиги марказий аппаратига ўртача иш ҳақи – 5,0 млн сўмдан 7,0 млн сўмгача;

Кадастр агентлигининг 14 та ҳудудий бошқармаларига, ўртача иш ҳақи – 4,0 млн сўмдан 5,0 млн сўмгача;

Кадастр агентлигининг 203 та туман ва шаҳар бўлимларига ўртача иш ҳақи – 3,0 млн сўмдан 4,0 млн сўмгача;

Давлат кадастрлари палатасининг марказий аппаратига ўртача иш ҳақи – 5,0 млн сўмдан 6,0 млн сўмгача;

Давлат кадастрлари палатасининг 14 та ҳудудий бошқармаларига ўртача иш ҳақи – 4,0 млн сўмдан 5,0 млн сўмгача;

Давлат кадастрлари палатасининг 203 та туман ва шаҳар филиалларига ўртача иш ҳақи – 3,0 млн сўмдан 4,0 млн сўмгача;

Республика аэрогеодезия марказига ўртача иш ҳақи – 3,0 млн сўмдан 6,0 млн сўмгача.

Ушбу ташкилотларнинг асосий вазифалари, фаолият йўналишлари ва тузилмаси ҳақида қуйидаги ҳаволалар орқали танишиш мумкин: https://lex.uz/docs/4985355 (ПҚ-4819-сон қарор) ва https://lex.uz/docs/4985026 (ПФ-6061-сон Фармон).

Электрон почта: [email protected]

Телефон: 71-202-55-81; 71-202-55-65

почта орқали – Toshkent, 100097, Чилонзор Ц, Чўпонота кўчаси.

Каналга уланиш: 👇
@hudud_inform

#No_comment

Каналга уланиш: 👇
@hudud_inform

🇺🇿🇹🇯 Бугун Душанбе шаҳрида Ўзбекистон ва Тожикистон ташқи ишлар вазирлари Абдулазиз Комилов ва Сирожиддин Муҳриддин икки томонлама ҳамкорликнинг ҳозирги ҳолати ва истиқболлари тўғрисида сиёсий маслаҳатлашувлар ўтказди

ДУШАНБЕ 29 сентябрь.

🤝 Сиёсий маслаҳатлашувлар чоғида сиёсий, савдо-иқтисодий, инвестиция, сув-энергетика, транспорт-коммуникация ва бошқа соҳалардаги ҳамкорлик ҳамда БМТ, ЕХҲТ, ШҲТ, МДҲ, Ислом Ҳамкорлик Ташкилоти, Оролни қутқариш халқаро жамғармаси каби халқаро ташкилотлар доирасидаги алоқаларни янада фаоллаштириш масалалари муҳокама қилинди.

💵 Давлат раҳбарларининг қатъий сиёсий иродаси ва қўллаб-қувватлаши натижасида Ўзбекистон-Тожикистон муносабатларининг сўнгги йилларда сифат жиҳатдан янги даражага кўтарилгани ва барқарор ўсиш суръати олганлиги қайд этилди. Икки мамлакат ўртасидаги савдо айланмасининг мисли кўрилмаган даражада ортиши кузатилмоқда. 2019 йил якунларига кўра, мазкур кўрсатгич 500 миллион долларни ташкил этди.

📊 Коронавирус инфекцияси пандемияси билан боғлиқ чеклов чораларига қарамай жорий йил январь-июль ойларида ўзаро товар айрибошлаш ҳажмлари ўсиши 7,5% ни (255,4 млн. долларни) ташкил этгани таъкидланди.

🇺🇿🇹🇲🇹🇯🇵🇼🇰🇬 Музокаралар давомида Қирғизистонда ўтказилиши режалаштирилган Марказий Осиё давлатлари раҳбарларининг Учинчи Маслаҳатлашув учрашувига тайёргарликнинг бориши тўғрисида ҳам фикр алмашилди.

Каналга уланиш: 👇
@hudud_inform

❓Ҳеч ўйлаб кўрганмисиз, ҳаётимизда устозлар бўлмаса дунё қандай кўринишда бўларди?

🔸Эзгулик ва илм улашишни ўзига олий мақсад билган бу шарафли касб эгаларисиз ҳаётни тасаввур этиш, албатта қийин. Ёшлар ишлари агентлиги ахборот хизмати томонидан тайёрланган видеоролик айнан шу мавзуда.

Каналга уланиш: 👇
@hudud_inform

Фарғона вилояти ҳокими Хайрулло Бозаровнинг "Вилоятни ижтимоий-иқтисодий ривожлантириш дастурлари ижроси ва бошқа долзарб масалалар"га бағишланган кенгайтирилган видеоселектор йиғилишида қилган маърузаси юзасидан Т Е З И С Л А Р

· 2020-2021 йилларда вилоятда тадбиркорликни ривожлантириш ва қўллаб-қувватлаш қайси бир идорадан қатъий назар энг асосий вазифага айлантирилади.

· Вилоятда тадбиркорлар сонини кўпайтириш, ёрдам бериш, керак бўлса, оёққа тургунча ёрдамчи бўлишимиз керак. Бу ишларни мувофиқлаштириш учун вилоят ҳокимлиги тадбиркорлик гуруҳи, бизнес омбудсман, савдо-саноат палатаси ходимлари бирлаштирилади. Малакали, замонавий кадрлар билан тўлдирилади ва вилоят ҳокимлиги таркиби сифатида фаолият бошлайди ва Давлат активлари бошқармаси жойлашган бинода Тадбиркорлик уйи ташкил этилади.

· Саноат ва тармоқ кластерлари янада ривожлантирилади. Бунда корхоналараро кооперация алоқаларини кенгайтириш ва йирик корхоналар ўз атрофига кичик корхоналарни бирлаштириш натижасида тўлиқ ишлаб чиқариш цикли ташкил этилади.

· “Қўқон эркин иқтисодий зонаси” ва кичик саноат зоналари имкониятларидан кенгроқ фойдаланиш, 180 гектар бўш турган лойиҳаларни салоҳиятли хорижий, маҳаллий инвесторларга бериш орқали амалдаги 25 та кичик саноат зоналарини 76 тага етказилади. Яъни ҳар бир сектор ўзининг ҳудудида Кичик саноат зонасини ташкил этади.

· Қурилиш соҳасини ривожлантиришга устувор вазифа сифатида алоҳида эътибор қаратилади. Барча ҳудудларда коммуникацияни ҳисоб - китоб қилган ҳолда массивлар танлаб олинади, йўлдош шаҳарчаларга айлантириш лойиҳалари ишлаб чиқилиб, кўп қаватли уйлар сонини йилига 300 тага олиб чиқилади.

· Спортни оммалаштириш, аҳоли ўртасида соғлом турмуш тарзини жорий этиш мақсадида Ўзбекистондаги дарға футбол жамоаларидан бўлган “Нефтчи” жамоасининг аввалги мавқеи тикланади, жамоани “Қиргули” шаҳарчасидаги базаси замонавий ўқув йиғини базасига айлантирилади ҳамда клуб академияси ташкил этилади. “Истиқлол” футбол командасини қўллаб-қувватлаш, болалар ва ўсмирлар футбол мактабини очиш чоралари кўрилади, хорижий тренерлар олиб келинади.

Каналга уланиш: 👇
@hudud_inform

Андижон вилояти ҳокимлиги ахборот хизмати маълумотига кўра вилоят ҳокими Ш. Абдураҳмонов Балиқчи туманида бўлиб, туман ҳудудидаги “TETRATEX” МЧЖ ва “MAGNA SPORT” МЧЖ томонидан ташкил этилаётган саноат ҳудудида бўлди.

Вилоят рахбари “MAGNA SPORT” МЧЖ фаолиятини кўздан кечирди. Мазкур МЧЖ томонидан спорт маҳсулотларини ишлаб чиқариш ташкил этилган бўлиб 50 нафар фуқаролар иш ўрни билан таъминланган.

Шундан сўнг вилоят раҳбари Балиқчи тумани Ифтиҳор МФЙда бўлиб, ҳудудда “TETRATEX” МЧЖ томонидан ташкил этилаётган тўқимачилик комплексини кўрди. Ушбу лойиҳа ишга туширилиши натижасида 400 та янги иш ўринлари яратилиши кўзда тутилган.

Каналга уланиш: 👇
@hudud_inform

⚡️ Август ойида Ўзбекистонда қанча туғилиш қайд этилди?

🏢 Давлат статистика қўмитаси ахборот хизмати маълумотларига кўра, 2020 йилнинг 8 ойида республика бўйича 525 280 та тирик туғилиш ҳолатлари ФҲДЁ органларида қайд этилган. Бу кўрсаткич ўтган йилнинг мос даври билан солиштирилганда 18 912 тага кўп.

📌 Жорий йилнинг август ойида республика бўйича 83 925 та тирик туғилиш ҳолатлари қайд этилиб, республика бўйича энг кўп туғилиш Самарқанд вилоятида (9 585 та) кузатилди.

✅ Ўтган 8 ой мобайнида ФҲДЁ органларида қайд этилган тирик туғилишлар сони бўйича Самарқанд – 63 573 та, Фарғона – 58 774 та, Қашқадарё – 55 774 та ва 50 601 та билан Андижон вилоятлари юқори ўринни эгаллаган.

❗️Маълумот ўрнида, 1897 йилда Ўзбекистон Республикаси ҳудудида аҳоли сони 3,9 млн. кишини ташкил этган бўлиб, бу ҳозирги Самарқанд вилояти аҳолиси (3,9 млн. киши) сонига тенг дегани.

Каналга уланиш: 👇
@hudud_inform

Ўзбекистон фуқаролигига қабул қилишда давлат тили бўйича имтиҳондан ўтилади

Вазирлар Маҳкамасининг "Ўзбекистон Республикасининг фуқаролигига қабул қилишда давлат тилини билиш даражасини аниқлаш тартиби тўғрисидаги низомни тасдиқлаш ҳақида"ги қарори қабул қилинди.

Низомга мувофиқ, Ўзбекистон фуқаролигига қабул қилишда талабгорларнинг давлат тилини билиш даражасини аниқлаш Давлат тилида иш юритиш асосларини ўқитиш ва малака ошириш маркази (Марказ) ҳамда унинг ҳудудий бўлинмалари томонидан тўлов асосида амалга оширилади.

Давлат тили бўйича имтиҳон талабгорнинг доимий яшаш ёки вақтинча турар жойи бўйича Марказ ёки унинг ҳудудий бўлинмаларида ўтказилади.

Бунинг учун талабгор синов имтиҳонида қатнашиш учун ариза билан Марказ ёки унинг ҳудудий бўлинмаларига шахсан ўзи ёхуд электрон шаклда мурожаат этади.

Шунга кўра, синов имтиҳони ҳужжатлар тақдим этилганидан сўнг 1 ой муддатда тест, ёзма ёки оғзаки шаклларда ўтказилади.

Синов имтиҳони якунлари бўйича энг юқори баллнинг 50 фоизи (50 балл)дан кам балл олган талабгорлар синов имтиҳонидан ўтмаган ҳисобланади ҳамда синов имтиҳони ўтказилган кундан бошлаб камида 1 ойдан кейин қайта қатнашиш учун ариза билан мурожаат қилади (қайта тўловни амалга оширган ҳолда).

Синов имтиҳонларидан муваффақиятли ўтган талабгорларга давлат тилини билиш тўғрисидаги малака сертификати берилади ва у муддатсиз амал қилади.

Каналга уланиш: 👇
@hudud_inform

Янгиланаётган Ўзбекистон: Наманган шаҳридаги "Юксалиш" кичик саноат зонаси
—
Обновляющийся Узбекистан: малая промышленная зона "Юксалиш" в городе Намангане

Prezident.uz|Facebook|Instagram|YouTube|Twitter

#Тошкент_вилояти

Пахта терими бўйича мажбурий меҳнатга жалб қилиш ҳолатлари ўрганилмоқда

✍️ Бу ҳақда Тошкент вилояти ҳокимлиги ахборот хизмати қуйидагиларни маълум қилди.

📊 Тошкент вилоятининг 9 та тумани пахтачиликка ихтисослашган бўлиб, жорий йил жами 73 минг гектар майдонда пахта етиштирилган. Шундан қарийб 55,5 минг гектардан ортиқ майдондаги ҳосилни қўл меҳнати ёрдамида териб олиш режалаштирилган.

✔️ Хусусан, ўтган ҳафта давомида 7 та тумандаги 15 та фермер хўжалигининг пахта далалари кўздан кечирилиб, теримчилар билан суҳбат қилинди.

📌 Вилоятда шу кунга қадар 8 та ҳолатда ҳуқуқбузарлик аниқланди. Жумладан, айрим жойларда пахта терими пуллари ўз вақтида берилмаган. Шунингдек, санитария-гигиена талабларини бузиш ҳолатлари аниқланган жойларда тегишли тартибда чоралар кўрилди. Маълумотларга кўра, ҳозир вилоят бўйича 1 минг 494 та фермер хўжалиги ва 7 та пахтачилик кластери мавжуд. Жорий йил учун режалаштирилган ҳосил 230 минг тоннани ташкил этади.

Каналга уланиш: 👇
@hudud_inform

#Олий_таълим

Таълим экспорти: Ҳиндистонда Бухоро давлат тиббиёт институтининг филиали очилади.

Каналга уланиш: 👇
@hudud_inform

#Самарқанд_вилояти

Самарқанд тумани масъулларига туризм ўгай соҳами?

Видеолавҳа вилоят ҳокимлиги ахборот хизмати томонидан тайёрланди.

Каналга уланиш: 👇
@hudud_inform