#Жиззах_вилояти

Шароф Рашидов тумани ҳокимлиги ахборот хизмати ижтимоий тармоқларда тарқалган "Давлатимиз томонидан ажратилган паллар талон тарож килинмокда Жиззах вилояти Ш.Рашидов тумани Оқтош-ота МФЙда 350 минг сўмдан тарқатилди, сабаб нимага ҳамма жон куйдириб 1 миллиондан тарқатилади деябди бу ноинсофлар 650 минг кам берилмоқда" хабарларга қуйидагиларни маълум қилади

Ўзбекистон Республикаси Вазирлар Маҳкамасининг 2020 йил 29 июлдаги 346-Ф сонли Фармойишига мувофиқ Коронавирус пандемияси даврида аҳолининг ижтимоий ҳимояга муҳтож қатламини янада қўллаб-қувватлаш мақсадида 150 млрд. сўм пул маблағлари ажратилган эди. Мазкур пул маблағларининг 5 млрд. сўми Жиззах вилояти учун тақсимланди.
Мазкур маблағлар Қурбон ҳайити барами арафасида жойларда 4 сектор раҳбарлари томонидан вилоятдаги 14 мингдан ортиқ эҳтиёжманд оилаларнинг 10 293 тасига оилаларга тарқатилди.

Ш.Рашидов туманидаги Оқтош МФЙ 3 - сектор ИИБ га қарашли бўлиб, мазкур сектор ўз ҳудудидаги барча эҳтиёжманд оилаларни қамраб олиш учун ажратилган маблағни тенг тақсимлаган ва 390 минг сўмдан берилган.
Бунда асосан эҳтиёжманд оилалар гуруҳларга бўлинди. Унга кўра: ўта муҳтож, муҳтож ва вақтинча муҳтож оилалар. Сектор раҳбарлари моддий маблағларни тақсимлашда, оиланинг муҳтожлик даражаси ва оила аъзолар сонига ҳамда энг асосийси, бугунги пандемия шароитида иложи борича кўпроқ оилани қамраб олиш жиҳатларига эътибор бериб тақсимлашган. Ҳозирда вилоятда мавжуд 14 мингдан ортиқ эҳтиёжманд оилаларнинг моддий ёрдам олмаган қисми қайта рўйхат қилиб шакиллантирилмоқда.

Ижтимоий тармоқда тарқалган Жиззах вилояти Ш.Рашидов тумани, Оқтош-ота МФЙдаги эҳтиёжманд оилаларга ажратилган маблағлар Ички ишлар бошқармаси вакили, маҳалла раиси билан тўлов қайдномаси рўйхати асосида тарқатилди.

Бу ҳолат юзасидан хеч қандай қонунбузилишга йўл қўйилмаган. Ушбу фармойишнинг ижроси тегишли вилоят бошқарма ва ташкилотлари томонидан қатъий назоратга олинган.

Каналга уланиш: 👇
@hudud_inform

⚡️Коронавируснинг енгил шакли билан уйда даволанаётган ёки ўзида касаллик аломатларини сезаётган беморлар учун имконият:

📺 Online консультация — энг тажрибали амалиётчи шифокорларнинг онлайн телеқабули

🕙 Ҳар куни соат 10:00 дан бошлаб «Оилавий» телеканалида

Каналга уланиш:👇
@hudud_inform

Танзила Нарбаева: "Мен ОАВ ходимларига яна бир марта миннатдорлик билдирмоқчиман. Агар танқидлар бўлмаса, биз яхши ишламаган бўлардик. Танқидлар бор экан, бизнинг ишимизда сал-пал силжиш бўляпти. Шунинг учун улардан хафа бўлмасдан, танқидларини тўғри қабул қилиб, улар билан ҳамкорликда, яъни тизимли ишлашни илтимос қиламан".

Видеоматериал Олий Мажлис Сенати Ахборот хизмати томонидан тақдим этилди.

Каналга уланиш: 👇
@hudud_inform

#Сурхондарё_вилояти

Термиз шаҳар ҳокимлиги ахборот хизмати 2020 йилнинг 5 август куни ижтимоий тармоқлар орқали эълон қилинган “Эҳтиёжмандларга ажратилган ёрдам пули нега етиб бормаяпти?” сарлавҳали видеомурожаат юзасидан қуйидагиларни маълум қилади:

Аниқланишича, Термиз шаҳри, Гулистон маҳалласи, Мангузар массиви, 5-уйда яшовчи Абдуллаева Сабоҳат ҳамда Абдуллаева Шоҳиста жорий йилнинг 31 июль куни 1-сектор штабига келиб, республика бюджетидан ажратилган бир марталик моддий ёрдам пулидан уларга ҳам беришларини сўраган.

Сектор штаби масъул котиби бир марталик моддий ёрдам пули ажатиладиган эҳтиёжманд оилалар рўйхатида уларнинг номлари киритилмаганлиги сабабли, нақд пул кўринишидаги ушбу маблағлар уларга берилмаганлигини, аммо, Қурбон ҳайити муносабати билан шаҳар ҳокимлиги томонидан ажратилган гўшт ва бошқа озиқ-овқат маҳсулотларидан хайрия сифатида беришини маълум қилади. Аммо, мурожаатчилар ушбу хайрия маҳсулотларидан олишни рад этади.

Жорий йилнинг 30-31 июль кунлари Термиз шаҳридаги энг эҳтиёжманд ва ижтимоий ҳимояга муҳтож 1048 та хонадонга 783 миллион 567 минг сўм миқдорида бир марталик моддий ёрдам пули тарқатилади. Ушбу хонадонларда 4373 нафар фуқаро истиқомат қилади. Уларнинг барчаси маҳаллаларда шакллантирилган эҳтиёжманд, ёрдамга муҳтож оилаларнинг шаффоф рўйхати – “Темир дафтар”га киритилган хонадонлардир.

1 нафардан фарзанди билан битта хонадонда истиқомат қилувчи опа-сингиллар Абдуллаева Сабоҳат ҳамда Абдуллаева Шоҳиста эса ушбу “Темир дафтар”га киритилмаган. Қолаверса, улар шу пайтгача бирор марта ижтимоий ёрдам сўраб, маҳалла идораси ёки сектор штабига мурожаат ҳам қилмаган. Маҳалласида бир марталик моддий ёрдам тарқатилаётганини эшитиб, сектор штабига келганида эса пул маблағлари “Темир дафтар” асосида шакллантирилган рўйхат асосида эҳтиёжманд оилаларга тарқатиб бўлинган эди.

Термиз шаҳар ҳокимлиги Абдуллаева Сабоҳат ҳамда Абдуллаева Шоҳистанинг карантин шароитида вақтинча ишсиз қолганлигини инобатга олиб, “Саховат ва кўмак” умумхалқ ҳаракати доирасида ижтимоий қўллаб-қувватлаш чораларини кўради.

Каналга уланиш:👇
@hudud_inform

#Бухоро_вилояти

Бухорода ҳам карантин чекловлари босқичма-босқич юмшатилади

Эпидемиологик вазиятдан келиб чиққан ҳолда карантин талабларини босқичма-босқич юмшатиш мақсадида Бухоро вилоятида коронавирус инфекцияси кириб келиши ва тарқалишининг олдини олиш бўйича вилоят комиссиясининг йиғилиш баёни қабул қилинди.

Бу ҳақда вилоят ҳокимлиги ахборот хизмати маълум қилди.

Унга кўра, 10 август кунидан бошлаб, санитария-эпидемиологик осойишталик маркази шаҳар ва туманлар бўлимларининг хулосаси ҳамда сектор раҳбарлари билан келишилгандан сўнг ҳокимларнинг кафолат хатлари асосида Бухоро вилояти ҳудудидаги
🔹 Умумий овқатланиш шахобчалари (ресторан ва кафеларда банкетлар ҳамда бошқа оммавий тадбирларни ўтказишга йўл қўйилмайди);
🔹 меҳмонхоналар;
🔹 индивидуал шуғулланиш учун тренажёр заллар;
🔹 нодавлат таълим марказлари, тўгараклар (10 кишидан кўп бўлмаган гуруҳ ташкил этиб, машғулотлар вақтини олдиндан келишган ҳолда);
🔹 нодавлат мактабгача таълим ташкилотлари;
🔹 буюм, қурилиш моллари савдоси ва бошқа фаолият тури билан шуғулланадиган бозорлар;
🔹 сартарошхона ва гўзаллик салонлари фаолиятига рухсат берилади.
8-9 август (шанба ва якшанба) кунлари бутун сутка давомида вилоят миқёсида ҳаракатланиш, шунингдек, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилади. Бунда автомобиллар ҳаракатига фуқароларнинг иш жойига бориб-келиши, дори воситалари, озиқ-овқат ва биринчи галдаги маҳсулотларни харид қилиш учун рухсат этилади. Беморларни олиб кетаётган транспорт воситаларидан махсус рухсатнома сўралмайди.

Шу билан бирга, фуқароларга кечиктириб бўлмайдиган тез тиббий ёрдам кўрсатиш (ҳомиладорлик, туғруқ, тана жароҳати, ОИВ/ОИТС, онкологик ёрдам, нурланиш терапияси, гемодиализ ёрдамини кўрсатиш, тест ва қон топшириш, жарроҳлик амалиёти зарур бўлганда, инсон соғлиғига ва ҳаётига хавф туғдираётган бошқа ҳолатлар) билан боғлиқ ҳолларда тиббиёт муассасасига бораётган ва ундан қайтаётган шахсий автотранспорт воситалари ҳаракатланиши учун махсус рухсатномалар талаб этилмаслиги белгиланди ва шу муносабат билан мутасаддиларга мазкур ҳолатларда фуқароларнинг автотранспорт воситалари ҳаракатланишига тўсқинлик қилмаслик, зарур ҳолларда фуқароларни манзилига етказишда амалий ёрдам кўрсатиш юзасидан аниқ кўрсатма берилди.

Каналга уланиш: 👇
@hudud_inform

Ташқи меҳнат миграцияси агентлиги ахборот хизмати томонидан эртага, 9 август куни ташкил этиладиган чартер рейслар рўйхати тақдим этилмоқда

Тошкент-Москва-Наманган

❗️Парвозга консуллик муассасалари томонидан фуқаролар рўйхатга олинади ҳамда Uzbekistan Airways авиакомпаниясига тақдим этилади ва ушбу рўйхат асосида фуқаролар самолёт бортига киритилади.

▪️Рўйхатга биринчи навбатда бемор фуқаролар, ёш болали ва ҳомиладор аёллар ҳамда бекор қилинган доимий авиақатновларга чипта харид қилган фуқаролар қўйилади.

📮 Чипталарни фуқаролар парвоздан 4 соат олдин хорижий мамлакатларнинг халқаро аэропортларидаги Uzbekistan Airways авиакомпаниясининг кассаларидан олишлари мумкин бўлади.

😷 Ўзбекистонга кириб келаётган фуқаролар ўз хоҳишига кўра 14 кунлик карантин муддатини давлат томонидан бепул таъминланадиган карантин марказларида ёки пуллик меҳмонхонада ўтказиши мумкин.

Бугун Тошкент-Санкт-Петербург-Наманган чартер рейси амалга оширилади.

Каналга уланиш: 👇
@hudud_inform

📢 ЭЪЛОН!

Бугун, 8 август соат 17:00 да АОКА залида «Олий таълим муассасаларида 2020-2021 ўқув йилига тайёргарлик, кириш имтиҳонларининг ташкил этилиши билан боғлиқ масалалар» мавзусида матбуот анжумани бўлиб ўтади.

Иштирокчилар:

🔹Олий ва ўрта-махсус таълим вазирлиги
🔹Давлат тест маркази раҳбарияти ва масъул ходимлари.

❗️Агар ушбу масалалар бўйича ўзингизни қизиқтирган саволларингиз бўлса «Телеграм» тармоғи орқали @aokapress манзилига йўллашингиз мумкин.

📲 Матбуот анжумани @aoka_uz телеграм канали, «UzReport TV», «Ўзбекистон 24», «Маҳалла» телеканаллари, Youtube тармоғи орқали тўғридан-тўғри, онлайн ёритилади.

Каналга уланиш: 👇
@hudud_inform

“Туризм фидойиси” кўкрак нишонини бериш тартиби тасдиқланди

Бу ҳақда Туризмни ривожлантириш давлат қўмитаси ахборот хизмати маълум қилди.

Кўкрак нишони “Бутунжаҳон туризм куни” – 27 сентябрда Туризмни ривожлантириш давлат қўмитаси раиси ёки унинг номидан ва унинг топшириғига кўра бошқа масъул шахслар томонидан тантанали равишда топширилади. “Туризм фидойиси” кўкрак нишони билан тақдирланганлар рўйхати Қўмитанинг расмий ва соҳавий веб-сайтларида ҳамда бошқа оммавий ахборот воситаларида эълон қилинади. Кўкрак нишони билан тақдирланган шахслар базавий ҳисоблаш миқдорининг ўн баравари миқдорида бирйўла тўланадиган пул мукофоти олади. Бир шахс кўкрак нишони билан бир марта тақдирланади.

Каналга уланиш: 👇
@hudud_inform