#Бухоро_вилояти

Бухорода сайёҳлар учун мобиль илова концепцияси ишлаб чиқилди

Эндиликда Бухоро маданий мерос объектларини кўриш истагида бўлган сайёҳлар янги мобиль илова ёрдамида ҳеч қандай қийинчиликсиз манзилга етиб боришлари мумкин. Ўзбекистон Президентининг 2020 йил 28 апрелдаги “Рақамли иқтисодиёт ва электрон ҳукуматни кенг жорий этиш чора-тадбирлари тўғрисида”ги Қарорига кўра, иқтисодиётнинг кенг тармоқлари, шунингдек, ҳукумат фаолиятини босқичма-босқич рақамлаштириш бўйича Бухоро вилоятида қатор инновацион лойиҳалар ишлаб чиқилмоқда.

Жумладан, шу кунларда вилоятда маҳаллий ва чет эллик сайёҳлар учун инновацион мобиль илова тайёрланмоқда. Ҳозирда қадим ва ҳамиша навқирон Бухорога ташриф буюрувчи сайёҳлар талабларини инобатга олган ҳолда, бу мобиль илова лойиҳасини янада такомиллаштириш устида иш олиб борилмоқда.

Бу ҳақда Туризмни ривожлантириш давлат қўмитаси ахборот хизмати хабар берди.

Хусусан, вилоят маданий мерос бошқармаси ташаббуси билан айни кунда мавжуд маданий меърос объектлари: 287 археология ёдгорлиги, 31 мадраса, 105 масжид, 14 мақбара, 133 архитектура ансамбли, 15 карвонсарой, 4 тим ва тоқ, 18 диққатга сазовор меъморий обида, тарихий аҳамиятга эга 122 қадимий уй-жой, алоҳида меъморий ёдгорлик мажмуи туркумига кирган 83 иншоот, 17 монументал ёдгорлик ҳақидаги маълумотлар бир жойга жамланиб, мобиль илова концепцияси учун ягона ахборот тизими яратилди.

Каналга уланиш: 👇
@hudud_inform

2020 йилда Ўзбекистондан Россияга 620 минг киши кириб борган

Бу ҳақда Ташқи меҳнат миграцияси агентлиги ахборот хизмати маълум қилди.

Россия Федерацияси Федерал хавфсизлик хизматининг чегара хизмати маълумотларига кўра, 2020 йилнинг ўтган даврида Россияга 6 миллиондан ортиқ киши ташриф буюрган. Бу ўтган йилнинг шу даврига нисбатан 60 фоизга камдир. Жорий йилнинг иккинчи чорагида саёҳат мақсадида Россияга бирон бир чет эл фуқароси келмаган.

Россияга асосан қуйидаги мамлакатлардан фуқаролар кириб келган:

1. 🇺🇦 Украина - 1,7 миллион;
2. 🇰🇿 Қозоғистон - 885 минг;
3. 🇺🇿 Ўзбекистон - 620 минг;
4. 🇹🇯 Тожикистон - 373 минг;
5. 🇦🇿 Озарбайжон - 233 минг.

Шунингдек, Қирғизистон, Финляндия, Aрманистон, Aбхазия ва Хитой кучли ўнликка кирган.

Каналга уланиш: 👇
@hudud_inform

Сирдарё вилояти Янгиер шаҳар тез тиббий ёрдам ҳайдовчилари мурожаат йўллашди. Улар ажратилган тез тиббий ёрдам машина "чириб" кетгани, бир нечта ташкилотга мурожаат қилсада масала ижобий ҳал бўлмаётганини айтади” деб номланган видеомурожаат юзасидан расмий муносабат

Бугунги кунда Сирдарё вилоят соғлиқни сақлаш бошқармаси Автохўжалигида жами 144 дона автотранспорт воситаси мавжуд бўлиб, шундан 88 таси тез тиббий ёрдам автомашиналарини ташкил қилади. Буларнинг таркибида тўлиқ тиббий жиҳозлар билан жиҳозланган сўнгги русумдаги 3 та “Ниссан", 8 та “Хундай", 2 та "Тойота" жами 13 та реанимацион автомобиллар ҳам хизмат кўрсатмоқда.
Ўзбекистон Республикаси Президенти томонидан ўтказилган видеоселектор йиғилишида пандемия даврида аҳолининг тез тиббий ёрдамга бўлган мурожаатлари сонининг ошиб бораётганлиги сабабли, тез тиббий ёрдам автомашиналари чақириқларга улгурмаётганлиги, аҳолининг коронавирусга чалинган қисмига ўз вақтида тиббий хизмат кўрсатишини эътиборга олиб қўшимча тез тиббий ёрдам автомашиналари ажратилиш тўғрисида топшириқ берган эди. Ушбу топшириқдан келиб чиқиб, вилоят ҳокимлиги томонидан маҳаллий бюджет ҳисобидан 14 дона тез тиббий ёрдам автомашинаси харид қилинди. Шунингдек, хомийлик маблағлари хисобидан, қўшимча 3 дона тез тиббий ёрдам автомашиналари хайрия қилинган. Ҳозирги кунда ушбу тез тиббий ёрдам автомашиналари туман ва шаҳар тез тиббий ёрдам бўлимларида хизмат кўрсатиш учун юборилган.
Шу жумладан, Янгиер шаҳар тез тиббий ёрдам бўлимига 1 та янги “Дамас” русумли қўшимча тез тиббий ёрдам автомашинаси юборилган.
Ҳозирда, Янгиер шаҳрида 4 та тез тиббий ёрдам автомашиналари 43 700 аҳолига хизмат кўрсатмоқда.
Жорий йилнинг 5 август санасида ижтимоий тармоқларда тарқалган, Янгиер шаҳар тез тиббий ёрдам ҳайдовчилари томонидан йўлланган мурожаатда, тез тиббий ёрдам машинаси "чириб" кетгани, бир нечта ташкилотга мурожаат қилсада масала ижобий ҳал бўлмаётгалиги таъкидлаб ўтилган. Мурожаат юзасидан Янгиер шаҳар тез тиббий ёрдам бўлимига қарашли давлат рақамли 20 973 САА бўлган “Дамас” русумли, тез тиббий ёрдам автомашинаси ўрганилганда ҳақиқатдан ҳам ушбу автомашина 2006 йилда ишлаб чиқарилган бўлиб, Ўзбекистон Республикаси Президентининг 2017 йил 17 мартдаги ПҚ-2838-сонли қарорига асосан Янгиер шаҳар тиббиёт бирлашмасидан автохўжалик балансига олинганлиги аниқланди. Шунингдек, автомашина 2020 йил апрель ойида ИИБ Йўл ҳаракати хавфсизлиги бўлими томонидан йиллик мажбурий техник кўрикдан ўтказилган бўлиб, техник соз деб топилган.

Бундан ташқари автомашина таъмири учун жорий йилнинг апрель ойида 167000 сўмлик, май ойида 1565200 сўмлик эҳтиёт қисмлари юк хати асосида берилиб, таъмирланган.

Қолаверса, мурожаатда таъкидланган “ойлик олмаяпмиз, таъминлаш харажатларини ёнимиздан тўлаяпмиз...” деган важлар ўрганиш натижасида автомашина ҳайдовчилари фавқулодда таъмирлаш учун қилган харажатлари ҳисоб-китоб қилиниб, автохўжалик томонидан тўлиқ тўлаб берилган.

Каналга уланиш: 👇
@hudud_inform

#Андижон_вилояти

Шуҳратбек Абдураҳмонов аҳолига қилган мурожаатида карантин талабларига қатъий риоя қилишга ва ҳар ким ўз соғлигига бефарқ бўлмаслигини алоҳида таъкидлади

Бу ҳақда вилоят ҳокимлиги ахборот хизмати маълум қилди.

Ҳозирда 8515 нафар фуқаролар карантин ва тиббий кузатувда сақланмоқда. Карантин даврида вирусга чалинишда гумон қилинган фуқаролардан 112 мингдан ортиқ намуналар олиниб, текширувдан ўтказилди.
Вилоятда вирусга чалинган фуқаролар сони 1058 нафарни ташкил этиб, уларнинг 377 нафари четдан келган, карантин муассасасидаги фуқаролардир.

Бугунга қадар 978 нафар, яъни, 92 фоиз беморлар вирусдан буткул соғайди. 21 нафар беморлар вилоят юқумли касалликлар шифохонасида, 12 нафари Андижон шаҳар Марказий шифохонасида ва 45 нафари карантин муассасасида.

Жами 78 нафар бемордан 2 нафари “Дўстлик” чегара пости орқали Қирғизистон Республикасидан ўтган, карантин муассасасида бўлган. 76 нафари эса уй карантинида аниқланган.

Каналга уланиш: 👇
@hudud_inform

📌Бугун Соғлиқни сақлаш вазирининг ўринбосари Элмира Боситхонова Юқори Чирчиқ, Паркент, Бўстонлиқ, Тошкент, Қибрай туманлари ва Чирчиқ шаҳрида бўлди.

Бу ҳақда вилоят ҳокимлиги ахборот хизмати маълум қилди.

❇️Жойларда пандемия шароитида яшаш ва ишлашда маҳалла-соғлиқни сақлаш тизими ҳамкорлигини мустаҳкамлаш бўйича жорий вазият танқидий таҳлил қилинди, зарур кўрсатма ҳамда тавсиялар берилди.

Каналга уланиш: 👇
@hudud_inform

#Тошкент_шаҳри

📌 Тошкент шаҳрига қарашли Улуғбек шаҳарчаси Қибрай тумани маъмурий марказига айлантирилади.

📌 Тошкент шаҳрига Тошкент вилоятидан 10196 гектар ер майдони ўтказилади.

📌 Тошкент вилоятига пойтахтдан 1010 гектар ҳудуд ўтказилади.

Қурилиш вазири Ботир Зокиров туманлар ҳудудлари чегараларидаги ўзгаришлар ҳақида маълумот берди.

Бу ҳақда вазирлик ахборот хизмати маълум қилди.

Каналга уланиш: 👇
@hudud_inform

#Андижон_вилояти

РАСМИЙ МУНОСАБАТ

2020 йил 5 август куни ижтимоий тармоқларда тарқалган “Андижон шаҳридаги “Янги ҳаёт” маҳалла фуқаролар йиғинида Президентимиз ажратган моддий ёрдам маблағлари адолатли тарқатилмаябди” деб номланган мурожаат юзасидан Андижон шаҳар ҳокимлиги Ахборот хизмати томонидан ўрганиш ишлари олиб борилди.

Андижон шаҳридаги “Янги ҳаёт” МФЙда яшовчи фуқаро Улуғбек Жўрабоевнинг мурожаатига асосан, белгиланган тартиб асосида 3 ой олдин кам таъминланган эҳтиёжманд оилалар рўйхатига олинган. Жорий йилнинг 5 август куни ўз ихтиёри билан иш фаолиятини бошлангани сабабли кам таъминланган оилалар рўйхатидан чиқиш мақсадида “Янги ҳаёт” МФЙга ариза ёзгани борган вақтида айрим фуқароларнинг эътирозига сабаб бўлиб ижтимоий тармоқларга чиқариб юборгани маълум бўлди.

Каналга уланиш: 👇
@hudud_inform

#Тошкент_шаҳри

Яккасарой тумани ҳокимлиги томонидан туманда мавжуд оилавий поликлиникалардаги 14 та мобил гуруҳларни махсус сумкалар ва 31 турдаги дори-дармонлар билан таъминлаш ишлари амалга оширилмоқда.

Бу ҳақда туман ҳокимлиги ахборот хизмати маълум қилди.

Каналга уланиш: 👇
@hudud_inform

#Хоразм_вилояти

Ижтимоий тармоқларда “Мактаб директорларидан битирувчиларни ишга жойлаштириш талаб қилинмоқда. Бу тўғрими?”сарлавҳаси остида берилган матнга РАДДИЯ

Хоразм вилояти халқ таълими бошқармаси ахборот хизмати қуйидагиларни маълум қилади:

Гурлан туманида “Директорлар” телеграм гуруҳига 2020 йил 25 июль куни ёзилган хабарда мактаб битирувчиларидан 2019 йил октябрь ойида олинган сўровномада қайд қилинган маълумотларнинг бугунги кунда ҳаётда қай даражада ўз тасдиғини топганлигини билиш мақсадида мактаб директорларидан ўз битирувчиларининг олий таълим муассасаларига ҳужжат топширмасдан ишлаш истагини билдирган ёшларнинг бугунги кунда ишга жойлашган, жойлашмаганлигига аниқлик киритиш мақсадида маълумот сўралган. Директорлардан мактаб битирувчиларини ишга жойлаштириб қўйиш бўйича ҳеч қандай топшириқ берилмаганлиги аниқланди.
Шу ўринда Ўзбекистон Республикаси Президенти Ш.М.Мирзиёевнинг 2020 йил 14 июль куни “Ёшлар ва хотин қизлар бандлигини ошириш, уларни даромад манбаи билан таъминлаш масалалари” бўйича ўтказган видеоселектор йиғилишида кўтарилган масалаларга тўхталиб ўтишни ўринли деб ҳисоблаймиз. Ушбу видеоселекторда кўтарилган масалалар юзасидан 2020 йилнинг 15 июль куни Халқ таълими вазирининг биринчи ўринбосари Усмон Шарифхўжаев АОКА брифингида “энди мактаб директорлари фаолияти 3 та мезон асосида баҳоланади” сарлавҳаси остида чиқиш қилиб, унда Халқ таълими вазирлиги ҳузурида “Касбга тайёрлаш ва сертификатлаш”марказини ташкил этиш ва 11-синф битирувчиларига эгаллаган касбий кўникмалари бўйича халқаро даражада тан олинадиган сертификатлар бериш режалаштирилганлигини таъкидлади. Мактаб директорлари ва ўқитувчиларнинг ўз битирувчилари келажагига жиддийроқ ёндашиши борасидаги рағбатлантириш механизмини йўлга қўйиш вазифаси белгиланган. Унга мувофиқ, директорларнинг фаолиятига бундан буён – айнан битирувчиларнинг ҳаётда ўз ўрнини топганлик даражасига қараб баҳо берилади. Ҳозирда вазирлик томонидан тегишли мезонлар устида ишланмоқда.

Хусусан :

1)Битирувчиларнинг олий ўқув юртларига киришдаги натижалари;

2)Ўқишга қамраб олинмаган битирувчиларнинг меҳнат бозорида муносиб ўрин эгаллаганлари;

3)Директорларнинг ўз жамоасидаги ўқитувчиларнинг касбий ривожланишига бераётган эътибори каби мезонлар ўрин эгаллайди.
Ушбу мезонлар бўйича ижобий натижа кўрсатган мактаб директорларини ва жамоа аъзоларини рағбатлантириш механизми жорий қилинади,- деб кўрсатиб ўтилган.

Юқоридагилардан келиб чиқиб, Гурлан тумани ҳокими М.Ачилов тумандаги умумтаълим мактаблари битирувчилари билан ZOOM дастури ёрдамида ўтказган видеоучрашувида олий ўқув юртларига кириш учун ҳужжат топширган ўқувчиларнинг тайёргарлик ишлари билан қизиқиб, савол-жавоблар ўтказди. Олий таълимга ҳужжат топширмаган ёшларнинг мустақил ҳаётда ўзларининг муносиб ўринларини топиб олишларида қўлдан келгунча ўз ёрдамларини аямаслигини айтиб ўтди.

Гурлан тумани хокимияти томонидан мактаб битирувчиларини ишга жойлаштириш бўйича ҳеч қандай оғзаки ёки ёзма кўрсатма берилмаган.
Аминмизки, бу мурожаат мактаб директорлари томонидан қилинмаган. Чунки, зиёлилар ҳар доим янгиликлар, ислоҳотларнинг олдинги сафида бўлиб келган ва шундай бўлиб қолади деб ишонамиз.

Каналга уланиш: 👇
@hudud_inform

⚡️Термиз шаҳар ҳокимлиги ходимларининг 70 фоизидан ортиғи коронавирусга чалиндими? Ҳокимлик муносабат билдирди

Ижтимоий тармоқларда Термиз шаҳар ҳокимлиги ходимларининг 70 фоизидан ортиғида коронавирус инфекцияси аниқлангани мазмунидаги хабар тарқалди. Ҳокимлик Матбуот хизмати бу хабарларга муносабат билдирди.

“Бугун инсоният жиддий синов билан юзлашган бир пайтда коронавирус инфекциясини юқтиришдан ҳеч ким истисно эмас. Бу касалликдан ҳеч ким кафолатли ҳимояланмаган.

Термиз шаҳар ҳокимлиги биносига кираверишда ҳароратни ўлчаш сканерлари, дезинфекция воситалари қўйилган. Ҳозирда фақатгина зарур бўлган ходимларгина бевосита ишга жалб этилган. Мутахассисларнинг бир қисми қонунчиликда белгиланган тартибда меҳнат таътилига чиқарилган, айримларининг эсамасофадан туриб (онлайн) ишлаши ташкил этилган.

Термиз шаҳар ҳокимлигида ишловчи жами 3 нафар ходимда (70 фоизидан ортиғида эмас!) коронавирус инфекцияси аниқланган бўлиб, уларда касаллик симптомсиз кечаётгани учун уй шароитида даволанишмоқда. Инфекция аниқланган ходимлар уй шароитида, масофадан ишлаётган ҳамкасбларимиздир.

Ушбуни инобатга олиб, жамиятдаги барча жараёнларга бефарқ бўлмаган фуқароларимиздан COVID-19 пандемияси ва карантин тадбирлари фонида ижтимоий тармоқлар орқали тарқатилаётган ушбу мазмундаги ёлғон ахборотларга ишонмасликларини сўраймиз.

Ижтимоий тармоқлардаги гуруҳ администраторлари ҳамда шахсий аккаунт эгаларига эса аҳоли орасида турли миш-мишлар пайдо бўлишига олиб келадиган бундай ёлғон маълумотларни тарқатиш қонун олдида жавобгарликни келтириб чиқаришини эслатиб ўтамиз”, дейилади хабарда.

Каналга уланиш: 👇
@hudud_inform

⚡️Шаҳрисабз туман юқумли касалликлар шифохонасидаги муаммо бартараф этилди

«Шаҳрисабз шаҳар юқумли шифохонасида аҳвол қандай?» сарлавҳали танқидий хабар юзасидан Қашқадарё вилояти соғлиқни сақлаш бошқармаси ахборот хизмати қуйидагиларни маълум қилди:

👉 Хабарда Шаҳрисабз шаҳар юқумли касалликлар шифохонасида коронавирус билан оғриган беморларга дори-дармон берилмаётганлиги қайд этилиб, мазкур шифохонанинг мутахассислар билан таъминланганлиги қай даражада эканлиги ҳақида маълумот сўралган.

🦠 Шифохонага 6 августга қадар жами 133 бемор қабул қилинган. Айни пайтда 71 нафар бемор мавжуд, Беморларнинг 57 нафари даволаниб, соғайиб чиққан. 3 нафари вилоят юқумли касалликлар шифохонасига ўтказилган.

🩺 Соғлиқни сақлаш вазирлигининг тегишли тавсиявий қўлланмасига асосан мазкур муассасада 11 июлдан 25 июлгача беморларни даволаш учун 6 кишидан иборат гуруҳ (икки нафар врач, икки нафар ҳамшира, бир нафар орастабон, бир нафар ошпаз) хизмат қилди. 25 июлдан 8 августгача 12 кишидан иборат гуруҳ (шундан уч нафари врач, тўрт нафари ҳамшира, бир нафари лаборант, бир нафари хўжалик бекаси, икки нафари орастабон, бир нафари ошпаз) хизмат қилмоқда.

✅ Молиялаштиришда кечикиш бўлгани сабабли шифохонада дори-дармон таъминотида узилишлар юзага келган. Вилоят санитария-эпидемиологик осойишталик маркази билан тузилган тегишли шартномага асосан 2020 йил 5 август куни тегишли маблағлар ажратилиб, Шаҳрисабз туман юқумли касалликлар шифохонаси дори-дармон билан тўлиқ таъминланган.

Каналга уланиш:👇
@hudud_inform