#Йўл_ҳаракати_хавфсизлиги

Жиззах. 2020 йил 2 июль куни соат 15:00 ларда Ғаллаорол тумани Оқтом МФЙ ҳудудидан ўтган 4Р-40 “Ғаллаорол-Ўсмат” йўлининг 40 км.да 35 ёшли Б.Р. “Nexia” русумли автомашинани Ғаллаорол йўналиши бўйича бошқариб бораётиб, автомобиль бошқарувини йўқотиб қарама-қарши йўналишда ҳаракатланиб келаётган 37 ёшли О.Х.нинг бошқарувидаги “Damas” русумли автомашина билан тўқнашиб йўл транспорт ҳодисасини содир этган.

Бу ҳақда Ички ишлар вазирлиги ҳузуридаги Тергов департаменти ахборот хизмати хабар берди.

“Damas” русумли автомашина йўловчилари 42 ёшли Э.С., ва 47 ёшли Ш.Э.лар тан жароҳати олиб, ҳодиса жойида вафот этган.
“Nexia” русумли автомашина ҳайдовчиси Б.Р., йўловчиси 28 ёшли Ф.А. ва 15 ёшли Б.Н.лар Ғаллаорол туман тиббиёт бирлашмасининг жонлантириш бўлимига ётқизилган.

Мазкур ҳолат юзасидан Ғаллаорол тумани ИИБ ҳузуридаги Тергов бўлинмаси томонидан жиноят иши қўзғатилиб, дастлабки тергов ҳаракатлари олиб борилмоқда.

Каналга уланиш: 👇
@hudud_inform

#Қорақалпоғистон_Республикаси

Амударё тумани Давлат хизматлари маркази бугунги кунда

Туман ҳокимлиги ахборот хизматининг маълумотига кўра, мазкур марказ томонидан 2020 йилнинг биринчи ярмида янги рўйхат ва қайта рўйхатда ўтказиш бўйича жами кўрсатилган давлат хизматлари сони 25 минг 608 тани, ундан ташқари кўрсатилган жами хизматлар сони 24 минг 991 тани ташкил қилади. Шунингдек, шу даврга қадар жами 538 нафар жисмоний ва юридик шахслар давлат рўйхатидан ўтказилган бўлиб, шундан биттаси хорижий корхона, 129 таси юридик шахслар, 408 нафари якка тартибдаги тадбиркорлар ҳисобланади.

Қолаверса, жорий йилнинг шу даври ҳолатига кўра, туман Давлат хизматлари мазкази томонидан 79 та жисмоний ва юридик шахслар қайта рўйхатдан ўтказилган бўлиб, шундан 33 таси юридик шахслар ҳамда 46 нафари якка тартибдаги тадбиркорлардир.

Сайёр тартибда кўрсатилган давлат хизматлари сони 1 минг 127 та бўлиб, шу тартибда давлат рўйхатидан ўтказилган тадбиркорлик субъектлари сони 31 тани ташкил қилди.

Каналга уланиш: 👇
@hudud_inform

⚡️Тошкент вилояти ҳокимлигида Ўзбекистон Республикаси Миллий гвардияси, Маҳалла ва оилани қўллаб-қувватлаш вазирлиги, ИИВ ҳамкорлигида маҳаллаларда жиноятчиликнинг олдини олиш бўйича амалга оширилган ишлар муҳокама қилинди.

🧑🏻‍💻Тошкент вилояти ҳокимлиги ахборот хизматининг хабарига кўра, видеоселектор кўринишида ўтказилган йиғилишда Миллий гвардия, Маҳалла ва оилани қўллаб-қувватлаш бошқармаси ва ИИБнинг шаҳар-туман бўлимлари мутасаддилари иштирок этишди.

📌Унда жорий йилнинг 20 апрелида Ички ишлар вазирлиги ва Миллий гвардия томонидан имзоланган «Криминоген вазият оғир маҳаллаларда жиноятларни жиловлашнинг янги тизимини жорий этиш тўғрисида»ги қўшма қарорининг Тошкент вилоятидаги ижроси танқидий таҳлил қилинди.

Каналга уланиш: 👇
@hudud_inform

Намангандаги Султон Увайс Қароний зиёратгоҳида сақланаётган Қуръони каримнинг қўлёзма нусхаси ҳажм жиҳатдан Ўзбекистон мусулмонлари идорасидаги Қуръони Усмонийдан кейин иккинчи ўринда туради, деб ёзмоқда Наманган вилояти ҳокимлиги телеграм канали.

Қайд этилишича, мазкур қўлёзманинг бўйи 74, эни 51, қалинлиги 12 сантиметрни, оғирлиги 21,5 килограммни ташкил этади.

Ҳазрати Мавлоно Хожа Лутфуллоҳ Чустий хонақоҳига тегишли эканлиги билдирилган китоб ҳижрий 1291 (мелодий 1874) йилда кўчириб тугатилган.

Каналга уланиш: 👇
@hudud_inform