Эртага, 20 июнь куни ташкил этиладиган чартер рейслар

Тошкент — Қозон — Тошкент

❗️Парвозга консуллик муассасалари томонидан фуқаролар рўйхатга олинади ҳамда Uzbekistan Airways авиакомпаниясига тақдим этилади ва ушбу рўйхат асосида фуқаролар самолёт бортига киритилади.

▪️Рўйхатга биринчи навбатда бемор фуқаролар, ёш болали ва ҳомиладор аёллар ҳамда кекса ёшдаги фуқаролар, шунингдек бекор қилинган доимий авиақатновларга чипта харид қилган фуқаролар қўйилади.

📮 Чипталарни фуқаролар парвоздан 4 соат олдин хорижий мамлакатларнинг халқаро аэропортларидаги Uzbekistan Airways авиакомпаниясининг кассаларидан олишлари мумкин бўлади.

😷 Ўзбекистонга қайтган барча фуқаролар 14 кундан кам бўлмаган муддатга карантин марказига жойлаштирилади.

Бугун
Тошкент — Истанбул — Тошкент,
Тошкент — Москва — Тошкент,
Тошкент — Истанбул — Тошкент чартер рейслари амалга оширилади.

Каналга уланиш: 👇
@hudud_inform

«Ўзбекистонда 300 мингга яқин эҳтиёжманд хонадон мавжуд» — Танзила Нарбаева

Ўзбекистондаги 7 миллиондан ортиқ хонадоннинг 300 мингга яқини (4,1 фоизи) эҳтиёжманд ҳисобланади. Ушбу хонадонларнинг рўйхатлари маҳаллий кенгашларнинг қарорлари билан тасдиқланган. Тадбиркорлик фаолиятини кенг тарзда қўллаб-қувватланиши натижасида 500 мингдан зиёд тадбиркорлик субъекти ва 8 миллиондан ортиқ фуқарога қарийб 30 триллион сўмлик имтиёз ва преференциялар берилган.

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

#Сенат_йиғилишидан

Сенаторлар бешинчи ялпи мажлисда “Ов қилиш ва овчилик хўжалиги тўғрисида”ги Ўзбекистон Республикаси Қонунини кўриб чиқди.

- Қайд этилганидек, бугунги кунда ов қилиш ва овчилик хўжалиги соҳасидаги муносабатлар ҳуқуқий жиҳатдан 10 дан ортиқ қонуности ҳужжати билан тартибга солинади.

- Соҳадаги давлат сиёсатининг асосий йўналишлари, ёввойи ҳайвонлар ҳолати устидан давлат мониторингини олиб боришнинг самарали тизими мавжуд эмаслиги ҳамда овчилар ва овчилик хўжаликларининг ҳуқуқ ва мажбуриятлари қонун ҳужжатларида аниқ белгиланмаганлиги овланадиган ҳайвон ресурсларининг ҳолатини аниқлашга тўсқинлик қилмоқда. Бу эса жониворлар популяцияси давлат мониторинги тизимининг ривожланишига, мамлакатимизда овланадиган ҳайвон турларининг сони ва овланиш ҳажмларини, уларнинг репродуктив ҳолатини ўрганишга халал бермоқда.

- Мамлакатимизда ов туризми имкониятларидан тўлиқ фойдаланиш, хусусан, хорижий сайёҳларни овчилик соҳасига жалб этиш орқали давлат бюджетига валюта тушумларини ошириш, ов ҳайвонларини етиштириш, тиклаш ва кўпайтириш орқали эса сарфланадиган харажатларни молиялаштириш имконияти юзага келади.

- Қонуннинг қабул қилиниши овчилик ресурсларидан оқилона фойдаланиш орқали атроф-муҳитни муҳофаза қилиш учун қулай шарт-шароитлар яратилишига хизмат қилади. Шунингдек, ёввойи ҳайвонлар ҳисобини юритиш, уларни кўпайтириш ва тутиш нормаларини тартибга солиш устидан давлат назоратини кучайтиришга, ов туризмининг ривожлантирилиши ҳамда ов хўжаликлари ҳолатининг яхшиланишида муҳим аҳамият касб этади. Мазкур Қонунни маъқуллаш тўғрисида қарор қабул қилинди.

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

#Сенат_йиғилишидан

Йўллардаги тартиб-интизомга фақатгина қоидабузарликни қайд этиб, жарима ундириш билан эришиб бўлмайди

- Сўнгги икки йилда тез ёрдам машиналарининг ўз вақтида етиб келмаслиги оқибатида 48 мингдан ортиқ ўлим ҳолати юз берган. Охирги уч йилда ҳайдовчилар томонидан махсус автотранспорт воситаларига йўл бермаслик билан боғлиқ 700 дан зиёд ҳолат аниқланган. Аслида ҳар қандай ҳолатда ҳам уларга йўл бериш керак.

- Яъни ўтказиб юбораман деб қоида бузса ҳам жарима тўлайди, қоида бузмай деб уларга йўл бермаса ҳам жарима тўлайди. Бу каби ҳолатларга чек қўйиш учун ҳам “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун жуда муҳим.

- Йўллардаги тартиб-интизомга фақатгина қоидабузарликни қайд этиб, жарима ундириш билан эришиб бўлмайди. Бугун Қонун чиқса, эртадан бошлаб ҳайдовчиларни жазога тортиш керакмас.

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

#Сенат_йиғилишидан

“Тарбия биз учун ё ҳаёт – ё мамот, ё нажот – ё ҳалокат, ё саодат – ё фалокат масаласидир”

Сенат Раиси ота-оналарга мурожаат қилди:

- Қўпол эшитилгани билан аслида теран аҳлоқий маънога эга бўлган “Эти сизники, суяги бизники”, деган гапларга, афсуски, эскилик сарқити сифатида қаралмоқда. Мактабларда эркак ўқитувчиларнинг камайиб кетгани ҳам катта муаммо, аслида.

- Фарзандининг арзимаган шикояти учун мактабга югуриб келиб ўқитувчига “ташланиш”дан кўпчилик ота-оналар уялмай қўйди. Бу эса жамиятда ўқитувчи мақомининг обрўсизланишига олиб келмоқда.

- Ҳурматли ота-оналарга мурожаат қилмоқчиман: фарзандим ҳаётда ўз ўрнини топишда қийналмасин, мустақил фикрли, мулоҳазали инсон бўлиб вояга етсин десангиз болангиз қалбида ўқитувчига эҳтиром ҳиссини тарбияланг ва ўзингиз ҳам устозларни эъзозланг.

- Ўқитувчи ўқувчи ёки унинг ота-онаси томонидан оёқости қилинадиган одам эмас, балки зиё тарқатувчи инсон, керак бўлса ҳаммадан бир поғона юқори турувчи шахсдир. Албатта, қонунда жавобгарлик белгилаб қўйиш билан бу каби муаммолар ўз-ўзидан ҳал бўлиб қолмайди. Бу ижтимоий онг даражасига етиши, умуммиллий ҳаракатга айланиши керак.

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

#Сенат_йиғилишидан

Сенаторлар қайси қонунуларни маъқуллашди ва рад этишди?

✅ Маъқуллашди:

1️⃣ “Инновацион фаолият тўғрисида”;

2️⃣ “Энергиядан оқилона фойдаланиш тўғрисида”;

3️⃣ “Ов қилиш ва овчилик хўжалиги тўғрисида”;

4️⃣ “Геодезия ва картография фаолияти тўғрисида”;

5️⃣ “Ўзбекистон Республикасининг Жиноят-ижроия кодексига маҳкумларнинг ҳуқуқлари ва қонуний манфаатлари ишончли ҳимоя қилинишини таъминлашга қаратилган ўзгартиш ва қўшимчалар киритиш тўғрисида”;

6️⃣ “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”;

7️⃣ “Шанхай ҳамкорлик ташкилотига аъзо давлатлар ўртасида ҳамкорликдаги ҳарбий ўқувларни ўтказиш тўғрисидаги Битимга қўшимчалар киритиш ҳақидаги Баённомани ратификация қилиш тўғрисида”;

8️⃣ “Ўзбекистон Республикасининг Бўғувчи, заҳарли ёки бошқа шу каби газлар ва бактериологик воситаларнинг урушда қўлланилишини тақиқлаш тўғрисидаги Протоколга қўшилиши ҳақида”;

❌Рад этишди:

1️⃣ “Фуқароларнинг жамоат тартибини сақлашда иштирок этиши тўғрисида”

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

#Ташқи_меҳнат_миграцияси

Қозоғистонда ишлаш истагидаги фуқаролар диққатига!

Туркистон вилоятида қурилиш соҳасининг йирик қурилиш объектида ишлаш учун 970 дан ортиқ бўш иш ўринларига фуқаролар таклиф этилади:

- буёқчилик (молярщик);
- бетон қуйиш (бетонщик);
- кафель терувчи (кафельщик);
- дурадгорлик (плотник);
- монтаж (монтажник);
- гипсокартон (сборщик гипсокартона);
- монолит (монолитщик);
- ғишт териш (каменьщик);
- сувоқчилик (штукатурщик);
- тунукачи (кровельщик);
- қишлоқ хўжалиги ишлари.

Қозоғистонда ишлаш истагидаги фуқаролардан Ташқи меҳнат миграцияси агентлигига мурожаат қилишлари сўралади:

👉 Хорижда иш изловчи сифатида рўйхатдан ўтиш

☎️ Мурожаат учун: (71) 202-33-55

ТММАнинг минтақавий филиаллари телефон рақамлари:

 Қорақалпоғистон Республикаси 61 222-53-32 / 61 222-53-34

 Андижон вилояти 97 441-28-73

 Бухоро вилояти 65 226-56-92 / 65 226-56-99 / 99 708-49-98

 Жиззах вилояти 72 226-91-97 / 72 226-91-87

 Қашқадарё вилояти 75 224-05-25 / 97 311-70-20 / 97 770-04-92

 Навоий вилояти 79 224-11-60

 Наманган вилояти 69 227-94-64 / 69 227-97-27

 Самарқанд вилояти 66 233-24-00 / 66 233-53-00

 Сирдарё вилояти 67 225-55-59

 Сурхондарё вилояти 76 223-01-22

 Тошкент вилояти 71 250-18-90

 Фарғона вилояти 73 244-40-01 / 73 244-40-05

 Хоразм вилояти 62 224-12-35 / 97 518-12-35

 Тошкент шаҳри 71 202-33-55 (ички рақам 39) / 97 429-84-20

Манба: Ташқи меҳнат миграцияси агентлиги ахборот хизмати

Каналга уланиш: 👇
@hudud_inform

#Сенат_йиғилишидан

Самарқанд вилояти ҳокими Э. Турдимовнинг ҳудудларни ривожлантириш ҳамда халқ депутатлари маҳаллий Кенгашлари фаолияти ҳақидаги ҳисоботи эшитилди

- Ўзбекистон Республикаси Президентининг Самарқанд вилоятига 6 маротаба амалга оширган ташрифи давомида берилган топшириқлар ижроси доирасида 450 дан ортиқ лойиҳалар тасдиқланиб, уларнинг ижроси таъминланмоқда.

- Вилоятда 2019 йилда ялпи ҳудудий маҳсулот ҳажми 37 трлн. 594 млрд. сўмни ташкил этган. Режадаги 40 мингта ўрнига 45 мингта янги иш ўрни яратилган, вилоятда бугунги кунда қарийб 48 мингта кичик бизнес субъекти фаолият олиб бормоқда.

- Маълумки, Самарқанд – жаҳон туризм марказларидан бири. Ҳудудда бу борада амалга оширилган салмоқли ишлар натижасида 2019 йилда вилоятга 560 минг нафардан зиёд хорижий сайёҳлар ташриф буюриб, ушбу кўрсаткич 2018 йилга нисбатан 1,6 баробар ўсишига эришилган.

- Аҳолига сифатли тиббий хизмат кўрсатиш мақсадида соғлиқни сақлаш муассасалари 10,3 млрд. сўмлик замонавий тиббий асбоб-ускуналар билан таъминланган, тез тиббий ёрдам автомашиналари сони 115 тадан 260 тага етказилган. Сўнгги уч йилда вилоятда хусусий тиббиёт муассасалари сони 37 тадан 376 тага етган, яъни 10 баробар ортган.

- Вилоятга бириктирилган Хитой, Туркия, Греция, Испания давлатларидаги элчихоналар томонидан таклиф этилган қиймати 1 трлн. 540 млрд. сўмлик 10 та лойиҳанинг амалга ошириш муддати кечикмоқда. Қиймати 2 трлн. 385 млрд. сўмлик 16 та лойиҳа бўйича ишлар бошланмаган.

- Умумтаълим мактабларини спорт анжомлари билан мунтазам таъминлаш тизими йўлга қўйилмагани боис вилоятдаги аксар мактабларга охирги марта 2016-2017 йилларда спорт жиҳозлари етказиб берилган. Яна бир жиҳат, ҳудуддаги мактабларда фаолият олиб бораётган 2 минг 164 нафар психологнинг 1 минг 340 нафари, яъни 62 фоизи ихтисосликка эга эмас.

Манба: Ўзбекистон Республикаси Олий Мажлиси Сенати ахборот хизмати

Каналга уланиш: 👇
@hudud_inform

“ММФИ” миллий тадқиқот ядро университети” федерал давлат автоном ОТМнинг Тошкент филиалига қабул квотаси таcдиқланди

Вазирлар Маҳкамасининг 2020 йил 19 июнда “2020/2021 ўқув йили учун “ММФИ” миллий тадқиқот ядро университети” федерал давлат автоном олий таълим муассасасининг Тошкент шаҳридаги филиалига ўқишга қабул қилиш тўғрисида”ги 393-сон қарори қабул қилинди.

Қарор билан ушбу таълим муассасасига 2020/2021 ўқув йили учун бакалаврларни тайёрлаш бўйича давлат гранти асосида 4 та таълим йўналиши бўйича жами 100 та ўрин миқдорида қабул квотаси белгиланди.

✅ Унга кўра:

👉 Ядро энергетикаси ва иссиқлик физикаси – 25 та;
👉 Ядро физикаси ва технологиялари – 25 та;
👉 Иссиқлик энергетикаси ва иссиқлик техникаси – 25 та;
👉 Электроэнергетика ва электротехника – 25та.

Маълумот учун, ушбу ОТМга 2020 йил 2 июлга қадар онлайн режимида ҳужжатлар қабул қилинади. Жорий йилнинг 15 июлигача математика, физика ва рус тили фанларидан имтиҳон ўтказилади.

Имтиҳон натижалари 15 июль куни эълон қилинади. Энг юқори балларни тўплаган 100 нафар абитуриент тўлиқ давлат гранти асосида ўқишга кириш имкониятига эга бўлади.

Манба: Олий ва ўрта махсус таълим вазирлиги ахборот хизмати

Каналга уланиш: 👇
@hudud_inform

Коронавирусдан соғайган аксарият беморларда ўпка функцияси тўлиқ тикланмайди

🔎 Covid-19 келтириб чиқарган пневмонияни бошдан кечирган 70 беморнинг 66 нафарига тегишли компьютер томографияси таҳлилларида ўпка шикастланиши кўринган.

🌀Ушбу шикастланишлар альвеоладаги қон томирлари тиқилиб қолишидан тортиб ўпка тўқималарида чандиқлар юзага келишигача бўлган. Чандиқлар ёки тўқима қалинлашиши — ўпка фибрози деб аталади ва нафас қисилишига олиб келади. Ҳозирда ушбу жараённи тўхтатиш ёки орқага қайтаришнинг имкони йўқ.

🦠 Баъзи беморларда ўпка функцияси тўлиқ тикланмайди. Ривожланувчи фиброз ҳоллари ҳам мавжуд ва улар жуда хавфли бўлиб, эртами-кечми ўлимга олиб келади.

Каналга уланиш: 👇
@hudud_inform

#ИИВ_Академияси

ИИВ Академиясини 600 нафардан зиёд курсант муваффақиятли тамомлади

Манба: ИИВ Академияси ахборот хизмати

Каналга уланиш: 👇
@hudud_inform