❗️Ижтимоий тармоқ саҳифаларида «Тошкент шаҳридаги 209-мактабда ёнғин чиқди» сарлавҳаси билан видео хабарлар тарқалганди.

Тошкент шаҳар мактабгача ва мактаб таълими бошқармаси ахборот хизмати ҳолат бўйича қуйидагиларни маълум қилади.

Кеча, 15 май куни соат 14:37 да Мирзо Улуғбек туманидаги 209-сонли умумтаълим мактаби биносининг иккинчи қаватидаги электр энергияси узатиш тармоғида қисқа туташув оқибатида ёнғин содир бўлган.

Воқеадан хабар топган мактабнинг хўжалик ишлари бўйича директор ўринбосари зудлик билан «1050» қутқарув хизматига қўнғироқ қилган. Ёнғинга қарши кураш ва ўт ўчириш бўлинмаси ходимлари 3 дақиқада тезкорлик билан воқеа жойига етиб келишган. Ўз вақтида қилинган мурожаат натижасида соат 14:45 ларда ёнғин бартараф қилинган.

Ҳеч ким жабрланмаган ва мактаб талафот кўрмаган. Ўқув жараёнининг иккинчи навбатида дарс машғулотлари давом эттирилганлигини билдирамиз.

https://t.iss.one/hudud_inform

#Самарқанд_вилояти

🎞 Самарқанд вилоятида Coca-Cola заводи ишга тушди

📹 Видеолавҳа Самарқанд вилояти ҳокимлиги ахборот хизмати томонидан тақдим этилди.

https://t.iss.one/hudud_inform

🔰 Қонунчиликка кўра, 2025 йил 1 январгача айрим товарларни, жумладан, қуйидагиларни Ўзбекистонга олиб киришда божхона божининг ноль ставкаси қўлланилади:

▫️йогурт;
▫️пахта, ивиган сут ёки қаймоқ, қатиқ;
▫️пишлоқ ва твороглар;
▫️янги ёки қуритилган хурмо (финик), анжир, ананас, авокадо, гуава, манго ва мангостин ёки гарсиния;
▫️янги олма, нок ва беҳи;
▫️буғдой ёки жавдардан ташқари ғалла донидан ун;
▫️какао таркибли шоколад ва бошқа тайёр озиқ-овқат маҳсулотлари.

https://t.iss.one/hudud_inform

Бугун Президент Шавкат Мирзиёев Тошкент шаҳрида Ўзбекистон халқ артисти Ботир Зокиров ҳайкалининг очилиш маросимида иштирок этади, маданият ва санъат соҳасидаги янги маскан ва лойиҳалар билан танишади.

https://t.iss.one/hudud_inform

#Тошкент_шаҳар

Тошкент шаҳар ҳокимлиги пойтахтнинг қатор чорраҳалари ва кўчаларини таъмирлаш ва реконструкция қилиш бўйича кенг кўламли ишлар бошланишини маълум қилди.

Ишларнинг асосий қисми жорий йилнинг май ойидан сентябригача – мактаблар ва олий ўқув юртларида таътил кунларида амалга оширилади.

Ишлар асосан тунги вақтда бажарилади. Пойтахтдаги пиёдалар ва ҳайдовчилар бу ишларнинг оғирлигини ҳис қилмасликлари учун барча имкониятлар ишга солинади.

Иш биринчи марта кенг кўламда, янги қоплама (ШМА) турларидан фойдаланган ҳолда амалга оширилади. Шу билан бирга, ер ости коммуникациялари ҳам текширилади.

"Иш жараёнида ҳайдовчилар учун ҳам, пиёдалар учун ҳам ноқулайликлар туғилиши муқаррар. Биз олдиндан узр сўраймиз ва вазиятни тушунишингизни сўраймиз, чунки бу қисқа муддатли қийинчиликлар узоқ муддатли қулайлик учун хизмат қилади", дейилади хабарда.

https://t.iss.one/hudud_inform

Айни вақтларда Яшнобод тумани, Жарқўрғон кўчасида йўл ётиқ чизиқларини чизиш ишлари олиб борилмоқда.

Ҳайдовчи ва пиёдалардан тартибга солувчиларнинг ишораларига амал қилишларини сўраймиз.

https://t.iss.one/hudud_inform

🔰Қонунчиликка кўра, педагогларнинг соғлиқни сақлашга доир ҳуқуқлари давлат томонидан кафолатланади.

✔️ Давлат мактабгача, умумий ўрта ва ўрта махсус таълим ташкилотларининг ҳамда бошқа ташкилотларнинг бевосита болаларга таълим ва тарбия бериш билан банд бўлган педагоглари давлат соғлиқни сақлаш муассасаларида мажбурий тиббий кўрикдан бепул ўтказилади.

🏢 Давлат соғлиқни сақлаш муассасаларида давлат таълим ташкилотларининг педагогларини мажбурий бепул тиббий кўрикдан ўтказиш Давлат бюджети маблағлари ҳисобидан амалга оширилади.

https://t.iss.one/hudud_inform

Истамов Махмуд Шухратович
Олий Мажлис Қонунчилик палатаси девони раҳбари этиб тайинланди.

Тайинловга қадар у Бухоро вилояти прокурори лавозимида ишлаган.

https://t.iss.one/hudud_inform

76300 та юк автотранспорти текширувдан ўтказилди

2024 йил 5 апрелдан 5 майга қадар Республикамизнинг барча ҳудудларида “Биз автомобиль йўллари тармоғининг соз ҳолатда сақланиши тарафдоримиз” шиори остида назорат ойлиги тадбирлари давомида Транспорт назорати инспекцияси, Йўл ҳаракати хавфсизлиги бошқармаси ва Автомобиль йўллари қўмитаси ҳамкорлигида 750 та қўшма рейд тадбирлари ўтказилиб, 76300 та юк автотранспорти текширувдан ўтказилди.

755 та автотранспорт воситалари ҳайдовчиларига маъмурий баённома расмилаштирилиб шулардан, вақтинчалик сақлаб туриш учун 268 та транспорт воситаси жарима майдонига жойлаштирилган.

https://t.iss.one/hudud_inform

❗️3 дона Макаров ва 1 дона ТТ пистолети ҳамда ўқ-дорилар ноқонуний муомаладан олинди

Давлат хавфсизлик хизматининг Тошкент шаҳар бўйича бошқармаси ходимлари томонидан ички ишлар органлари билан ҳамкорликда жиноятчиликка қарши курашиш борасида пойтахт ҳудудида олиб борилган тезкор тадбирлар давомида, Бухоро шаҳрида туғилган бир нечта шахсларнинг ноқонуний ҳаракатларига чек қўйилди.

Терговга қадар текширув давомида, уларнинг доимий яшаш манзилларида жанговар қурол ва ўқ-дорилар борлиги аниқланди.

Жумладан, 1973 й.т. шахснинг Бухоро шаҳридаги яшаш хонадони кўздан кечирилганда, уйнинг том қисмига яшириб қўйилган 3 дона Макаров пистолети ва 21 дона патрони, 1 дона ТТ пистолети ва 5 дона патрони ҳамда 1 дона товушни пасайтирувчи қурилма (глушитель) процессуал тартибда расмийлаштириб олинди.

Аниқланишича, мазкур шахс жиноий шериклари билан биргаликда, ушбу қуролларни ва ўқ-дориларни муқаддам Россия Федерациясидан контрабанда йўли билан олиб келишган.

Судга оид баллистик экспертиза хулосасига кўра, қуроллар ва ўқ-дорилар жанговар ҳолатда бўлиб, фойдаланишга яроқли ҳисобланади.
Бундан ташқари, улардан бирининг хонадонидан қирқма ҳолатига келтирилган ва тегишли ҳужжатлари бўлмаган 2 дона ов милтиғи ҳамда 6 дона ўқ-дори тегишли тартибда олинди.

Ҳозирда Жиноят Кодексининг 246 ва 248-моддалари билан жиноят иши қўзғатилиб, тергов ҳаракатлари олиб борилмоқда.

https://t.iss.one/hudud_inform

✅ Қонунчиликка кўра, давлат илмий ташкилотларида илмий фаолият юритувчи шахсларга 48 иш кунидан иборат йиллик ҳақ тўланадиган ҳамда моддий ёрдамни кўзда тутадиган меҳнат таътили берилиши белгиланган.

https://t.iss.one/hudud_inform

Сенатнинг эллик иккинчи ялпи мажлисида бир қатор НҲХ қабул қилинди:

➖ Солиқ кодексининг 227-1-моддасига асосан фискал тартиб-қоидаларга оид ҳуқуқбузарликлар учун қўлланиладиган молиявий жарима миқдори 100 фоизидан 2 фоизигача қисқартирилмоқда;

➖ эндиликда давлат ёрдами берилишига тааллуқли норматив-ҳуқуқий ҳужжатлар лойиҳалари Рақобат қўмитаси билан мажбурий тартибда келишилади;

➖ спорт соҳасидаги коррупциявий қилмишлар учун жазо муқаррарлиги таъминланади;

➖ пневматик ва шунга ўхшаш бошқа қуролларни ўз ихтиёри билан топширган шахслар жавобгарликдан озод этилади;

➖ маҳкумларнинг омбудсманга, болалар омбудсманига ҳамда инсоннинг ҳуқуқ ва эркинликларини ҳимоя қилувчи халқаро ташкилотларга мурожаат қилишга бўлган ҳуқуқлари мустаҳкамланмоқда. Оғир ва ўта оғир жиноятлар содир этганлиги учун озодликдан маҳрум этиш жойларида сақланаётганларнинг сайловларда ҳамда референдумда иштирок этишга бўлган ҳуқуқи кафолатланмоқда.

https://t.iss.one/hudud_inform