💻Бугун онлайн фирибгарлар корхоналар Рамазон ойида турли совринли танловлар эълон қилаётганини билдириб, уларнинг пулларини ўзлаштиришга ҳаракат қилмоқда.

Масалан, танловлар, совринли ўйинлар ҳақидаги маълумотларни сохта сайт ҳаволасини бириктириб тарқатмоқда. Фирибгарлар томонидан қайд этилган амалларни бажарган фойдаланувчи банк картасидаги пуллардан маҳрум бўлади.

‼️Фирибгарларнинг алдовига тушиб қолмаслик учун яна бир бор фуқароларни огоҳликка чақириб қоламиз!

https://t.iss.one/hudud_inform

#Самарқанд_вилояти

🎞 Олам нурга тўлсин сен билан, Наврўз!

📹 Видеолавҳа Самарқанд вилояти ҳокимлиги ахборот хизмати томонидан тақдим этилди.

https://t.iss.one/hudud_inform

“Халқаро шартномани тасдиқлаш тўғрисида”ги Президент Қарори (ПҚ-135-сон, 19.03.2024 й.) қабул қилинди

🔰Қарорга кўра, Ўзбекистон ва Венгрия Ҳукумати ўртасида ҳаво қатнови тўғрисидаги битим тасдиқланди.

🗓 Битим 2023 йил 19 август куни Будапешт шаҳрида имзоланган.

🏢 Транспорт вазирлиги ушбу халқаро шартномани амалга ошириш учун масъул бўлган ваколатли орган этиб белгиланди.

⚠️ Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин белгиланган тартибда унинг қоидалари амалга оширилиши устидан назоратни таъминлайди.

https://t.iss.one/hudud_inform

❓ Тутун ёки олов, табиат унсурлари алоқа-сигнал воситаси бўлган замондан сунъий интеллект давригача коммуникация қайси босқичлардан ўтиб келди?

❓ Қулай ва фойдали ◀️ хавфсизлик масалалари: коммуникация тараққиёти кўпроқ нима берди?

👆Инфографикадаги РАНГЛАР, ДАВРЛАР ВА РИВОЖЛАНИШ БОСҚИЧЛАРИ ёрдамида юқоридаги саволларга жавоб топасиз.

https://t.iss.one/hudud_inform

❓Матбуот котиби ким ва унинг функциялари нималардан иборат?

❓Ташкилот раҳбари ёки матбуот котиби: қайси бири ташкилотнинг ижобий имиджини кўпроқ таъминлайди?

❓Матбуот котиби иши журналистдан фарқ қиладими?
〰️〰️〰️〰️

⚡️ Медиасаводхонлик лойиҳаси доирасидаги видеороликда ушбу саволларга тўлиқ тавсиф берилган.

https://t.iss.one/hudud_inform

Жиззахда Наврўз умумхалқ байрами нишонланди

Жиззах шаҳрининг «Ўрда» экологик боғида  «Олам нурга тўлсин сен билан, Наврўз!» шиори остида янгиланиш, меҳр-мурувват, тинчлик ва эзгулик рамзи бўлмиш - Наврўз сайли бўлиб ўтди.

Унда бутун Жиззах вилояти, туманлардан аҳоли вакиллари иштирок этиб, миллий анъаналарга асосланган турли тадбирлар ташкиллаштирилди.

Жумладан, боғнинг Амфитеатрида байрамнинг асосий қисми ўтказилди. Унда вилоят ташкилот ва идора раҳбарлари, фахрийлар, ёшлар ҳамда бошқа жамоатчилик фаоллари иштирок этишди.

Жиззах вилояти ҳокими Эргаш Салиев сўзга чиқиб, ҳудуднинг бугунги ижтимоий-иқтисодий аҳволи ҳақида маълумот берди ҳамда вилоятимиз аҳолисини Наврўз айёми билан самимий муборакбод этди.   

Шунингдек, байрамда маҳаллий ва пойтахтдан ташриф буюрган хушовоз хонандалар ижро қилган куй-қўшиқлар томошабинларга ўзгача кайфият улашди.

Видеолавҳа Жиззах вилояти ҳокимлиги ахборот хизмати томонидан тақдим этилди.

https://t.iss.one/hudud_inform

🚫Қонунчиликка кўра, ҳомиладорлиги ёки фарзанди борлиги билан боғлиқ сабабларга кўра ишга қабул қилишни рад этиш ёки меҳнатга ҳақ тўлаш миқдорини камайтириш тақиқланади.

🔍 Бунда, аёлни ҳомиладорлиги ёки шахсни ёш болани парвариш қилаётганлигини била туриб, уни ишга олишдан ғайриқонуний равишда бош тортиш ёки ишдан бўшатиш, қуйидаги жазо чораларидан бири қўлланилишига сабаб бўлади:

➖БҲМнинг 25 бараваригача миқдорда (8 млн 500 минг сўмгача) жарима;
➖3 йилгача муайян ҳуқуқдан маҳрум қилиш;
➖3 йилгача ахлоқ тузатиш ишлари билан жазоланади.

https://t.iss.one/hudud_inform

Ўзбекистон МДҲ давлатлари ичида энг бахтли давлат бўлди

БМТнинг Халқаро бахт куни муносабати билан эълон қилинган йиллик ҳисоботида Ўзбекистон МДҲ давлатлари орасида энг бахтли мамлакат сифатида эътироф этилди ва World Happiness Report рейтингида 47-ўринни эгаллади. Ўтган йили мамлакатимиз 54-ўринда эди.

Ўтган йили ушбу минтақада етакчилик қилган Қозоғистон иккинчи ўринни эгаллади (49-ўрин), ундан кейинги позицияларда Россия (72), Қирғизистон (75) ва Тожикистон (88) қайд этилган.

Финляндия, Дания ва Исландия дунёдаги энг бахтли давлатлар рўйхатида, Афғонистон эса энг бахтсиз давлат бўлиб қолмоқда.

https://t.iss.one/hudud_inform

Президент Шавкат Мирзиёев Россиянинг Москва вилоятидаги "Крокус Сити Холл" концерт залида содир бўлган фожиа оқибатида ўнлаб бегуноҳ инсонлар қурбон бўлгани ва жиддий жароҳат олгани муносабати билан президент Владимир Путинга таъзия йўллади.

Мактубда Ўзбекистон тинч аҳолига қарши қаратилган бу террорчилик ҳаракатини қатъий қоралаши билдирилган.

Давлатимиз раҳбари вафот этганларнинг яқинларига бардамлик, барча жароҳат олганлар тез фурсатда соғайиб кетишини тилади.

https://t.iss.one/hudud_inform

“Крокус”даги теракт натижасида жабрланган Ўзбекистон Республикаси фуқаролари ҳақида маълумот келиб тушмаган.

Зарур ҳолларда Ўзбекистоннинг Москвадаги элчихонаси консуллик бўлимининг колл-марказига мурожаат қилиш сўралади: +7 499 238-36-20; +7-499 230-00-76.

Электрон почта манзили: [email protected]

https://t.iss.one/hudud_inform