«Ҳудудий электр тармоқлари» AЖ пойтахтимизнинг айрим ҳудудларида рeконструкция ва модернизация ишлари сабаб электр таъминоти вақтинча тўхтатилганлигини маълум қилди.

Хусусан:
📍ЯШНОБОД туманининг: «Арғин» ҳамда «Баҳор» МФЙларининг айрим ҳудудларида соат 17:00 гача;

📍ЮНУСОБОД туманининг: Марказ 6-даҳаси, «Регистон» ва «Қўшчинор» МФЙларининг айрим ҳудудларида соат 15:00 гача;

📍ЧИЛОНЗОР туманининг: «Дилхуш» ҳамда «Қатортол» МФЙларининг айрим ҳудудларида соат 17:00 гача электр таъминоти тўхтатилди.

https://t.iss.one/hudud_inform

Ижтимоий тармоқларда Ғиждувон туманидаги 53-ДМТТ тарбияланувчиларига нисбатан қўпол муносабатда бўлинганлиги ҳақидаги видеолавҳа тарқалган эди.

Мазкур видеолавҳага Бухоро вилояти мактабгача ва мактаб таълими бошқармаси муносабат билдирди.

Мазкур ҳолат жорий йилнинг февраль ойида содир этилганлиги, таълим ташкилотининг собиқ директори кузатув камералари орқали бу ҳолатни аниқлаган бўлсада, тарбиячиларга нисбатан жазо чораларини кўрмаганлиги аниқланган.

Ўрганишлар хулосасига кўра, қўполликка йўл қўйган 2 нафар тарбиячига нисбатан белгиланган тартибда “Ҳайфсан” интизомий жазо чораси белгиланди.

https://t.iss.one/hudud_inform

❗️Жисмоний шахсларнинг мол-мулк солиғи ва ер солиғига ҳисобланган пеня суммалари ҳисобдан чиқарилади

"Фаол ишбилармонлик муҳитини шакллантиришни янада рағбатлантириш, солиқ мажбуриятини бажаришда аҳоли томонидан ортиқча харажатларга йўл қўймаслик ҳамда қўшимча иш ўринларини яратишга доир чора-тадбирлар тўғрисида"ги Президент қарори (ПҚ–192-сон, 14.06.2023 й.) қабул қилинди

🔰 Қарорга кўра, 2023 йил 1 июнь ҳолатига қуйидагилар ҳисобдан чиқарилади:

🔹 жисмоний шахслардан олинадиган мол-мулк солиғи ва ер солиғи (нотурар кўчмас мулк объектлари бундан мустасно) бўйича муддатида тўланмаган қарзига ҳисобланган пеня суммалари;

🔹охирги 6 ой мобайнида молия-хўжалик фаолиятини амалга оширмаётган ЯТТларнинг қатъий белгиланган миқдорлардаги жисмоний шахслардан олинадиган даромад солиғи ва ижтимоий солиқдан вужудга келган қарзи, ҳамда уларга ҳисобланган пеня ва жарималар суммаси;

🔹хўжалик юритувчи субъектларнинг ташқи савдо операциялари бўйича муддати ўтган дебитор қарздорлиги учун қўлланилган жарималар суммаси.

Ушбу солиқ қарзи, пеня ва жарималарни ундириш билан боғлиқ суд ва ижро ишлари тугатилади.

🗓 2024 йил 1 июнгача ер участкаларидан ҳужжатларсиз фойдаланаётган жисмоний шахсларга ер солиғининг 3 карра оширилган ставкасида солиқ ҳисоблаш тартиби тўхтатилади.

▶️ Фермер хўжаликларига 2023 йил 1 июнь ҳолатига шаклланган сув солиғидан қарзини 12 ой мобайнида тенг улушларда фоизсиз бўлиб-бўлиб тўлашга рухсат этилди.

✅ 2023 йил 1 июлдан 2024 йил 1 июлгача иссиқхонага ихтисослашган ер майдони 25 сотихдан кўп бўлган тадбиркорлар томонидан ишчиларининг меҳнатга ҳақ тўлаш тарзидаги даромадлари бўйича тўланган жисмоний шахслардан олинадиган даромад солиғини қуйидаги шартларга бир вақтнинг ўзида риоя қилинганда тадбиркорларга қайтариб бериш тартиби жорий этилади:

➖ҳар бир 5 сотих ер майдони учун ойига камида 1 нафар ишчининг бандлигини таъминлаш;

➖ҳар бир ишчи учун ойига меҳнатга ҳақ тўлаш тарзидаги даромадни меҳнатга ҳақ тўлашнинг энг кам миқдорининг 1 бараваридан кам бўлмаган (980 минг сўм) миқдорда белгилаш;

➖иссиқхонага ихтисослашган тадбиркорлик субъектлари томонидан иссиқхона фаолияти бўйича олган даромадлари жорий ҳисобот (солиқ) даври якунлари бўйича жами даромаднинг камида 60 фоизини ташкил этиши.

https://t.iss.one/hudud_inform

☀️🏢Бугунги кунда турли соҳа ва тармоқларга тегишли бино ҳамда иншоотлар қатори аҳоли хонадонларига ҳам қуёш панеллари ўрнатилмоқда. Бу жараён пойтахтимиздаги олий таълим муассасаларида қандай кетаётганлиги Божхона органлари томонидан ўрганилди.

Батафсил ушбу лавҳада.

https://t.iss.one/hudud_inform

ФВВ Лабзак кўчасидаги ёнғин ҳақида маълумот берди

Бугун, 17 июнь куни соат 02:25да Шайхонтоҳур тумани “Шайхонтоҳур” МФЙ, Лабзак кўчасида жойлашган янги қурилаётган бинода ёнғин юзага келди.

4 та ёнғин қутқарув экипажи жалб этилиб, ёнғин соат 03:25да батамом ўчирилган. Ёнғиндан бинонинг 250 кв.м. майдони сақлаб қолинган.

Бирламчи маълумотларга кўра, ёнғиннинг тахминий сабаби электр симларидаги қисқа туташув, ёнғиндан жабрланган йўқ.

https://t.iss.one/hudud_inform

❗️Эндиликда барча шахсий томорқа эгалари иш стажи ҳисоблаш учун ихтиёрий солиқ тўлаши мумкин

Президент томонидан имзоланган Қонун (ЎРҚ–847-сон, 16.06.2023 й.) билан айрим қонун ҳужжатларига норасмий бандликни қисқартиришга қаратилган ўзгартишлар ва қўшимча киритилди

✅ Солиқ кодексига киритилган ўзгартиш ва қўшимчага кўра, шахсий томорқасида банд бўлган ёки мазкур майдонда, иссиқхона, паррандачилик, қуёнчилик, асаларичилик, балиқчилик, боғдорчилик, лимончилик, гулчилик билан шуғулланаётган томорқа ер эгалари ёки уларнинг оила аъзолари ернинг майдони ёки ҳайвон ва парранда сонидан қатъи назар ўзларига меҳнат стажини ҳисоблаши учун ихтиёрий равишда ижтимоий солиқ тўлаши мумкин.

Илгари ер 0,04 гектар, қорамол ёки 50 бош парранда бўлса ижтимоий солиқ тўлашга рухсат берилган.

➡️ Шу сабабли “Томорқа хўжалиги тўғрисида”ги Қонундан ер участкаси ва ҳайвонлар сонига қўйилган талаблар чиқариб ташланди.

https://t.iss.one/hudud_inform

✅ Сайлаш ва сайланиш ҳуқуқи

Ўзбекистон Республикаси Конституциясининг 128-моддасига кўра: «Ўзбекистон Республикасининг фуқаролари давлат ҳокимияти вакиллик органларига сайлаш ва сайланиш ҳуқуқига эгадирлар. Ҳар бир сайловчи бир овозга эга. Овоз бериш ҳуқуқи, ўз хоҳиш-иродасини билдириш тенглиги ва эркинлиги қонун билан кафолатланади».

https://t.iss.one/hudud_inform

Қабул квоталари тасдиқланди

Ўзбекистон Республикаси Президентининг тегишли фармойиши билан 2023/2024-ўқув йили учун давлат олий таълим муассасаларига ўқишга қабул қилишнинг давлат буюртмаси (гранти) параметрлари тасдиқланди. Унга кўра:

🔹 бакалавр кундузги таълим шаклига – 34 860 нафар;
🔸 магистрлар тайёрлаш бўйича – 8 923 нафар грант ўринлари ажратилди.

Шунга кўра, давлат олий таълим муассасаларига ўқишга қабул қилиш жараёнларини мувофиқлаштириш бўйича давлат комиссияси томонидан:

🔹 умумий давлат гранти асосидаги қабул параметрлари доирасида мақсадли қабул квоталари туман (шаҳар) кесимида;
🔸 ҳамда таълим тиллари бўйича тақсимоти 20 июнга қадар тасдиқланиб, эълон қилинади.

Шунингдек, давлат ОТМларига тўлов-контракт асосидаги квоталар эса:

✔️тизимида ОТМлар бўлган вазирлик ва идоралар томонидан Иқтисодиёт ва молия вазирлиги ҳамда Олий таълим фан ва инновациялар вазирлиги билан келишган ҳолда;

✔️молиявий мустақиллик берилган давлат ОТМлари Кузатув кенгашлари томонидан 20 июнга қадар тасдиқланади.

https://t.iss.one/hudud_inform

🗳 Марказий сайлов комиссияси томонидан оммавий ахборот воситалари вакиллари учун сайлов жараёнларини ёритишнинг ўзига хос жиҳатлари ва замонавий ёндашувлар юзасидан семинар-тренинг бўлиб ўтди

https://t.iss.one/hudud_inform

✅ Аёлга туғруққача 70 календарь кун ҳамда туғруқдан кейин 56 календарь кун ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг
75 фоизидан кам бўлмаган миқдорда нафақа тўланади.

➡️ Туғиш қийин кечган ёхуд икки ёки ундан ортиқ бола туғилган тақдирда 70 календарь кун туғиш таътили берилади.

https://t.iss.one/hudud_inform

Ижтимоий тармоқларда гўёки Ўзбекистонда Телеграм мессенжеридан фойдаланишни чеклаш масаласи кўриб чиқилаётганига оид хабарлар тарқатилмоқда. Мазкур хабарлар ҳақиқатга мос келмайди.

‼️ Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд👆

https://t.iss.one/hudud_inform

Президент Шавкат Мирзиёев расмий ташриф билан Теҳронга келди

https://t.iss.one/hudud_inform

❗️12 ёшгача болаларнинг ота-оналар назоратисиз чўмилиши тақиқланади

🚫 Сувда аҳолининг оммавий дам олиш жойларида дам олаётган фуқароларга қуйидагилар тақиқланади:

🔹 тақиқловчи белгилар ва “Хавфли!”, “Чўмилиш тақиқланади!”, “Шўнғиш (сувга сакраш) тақиқланади!” сўзлари ёзилган жойларда чўмилиш ва сувга сакраш;
🔹 тўсиш белгиларидан ўтиб сузиш;
🔹 моторли, елканли кемаларга, эшкакли кемаларга ва бошқа кичик ўлчамли кемалар яқинига сузиб бориш;
🔹 техник ва огоҳлантириш белгиларидан ва буйтўсиқларидан бошқа мақсадларда фойдаланиш;
🔹 сакраш учун мосланмаган иншоотлардан ҳамда чуқурлиги ва тубининг ҳолати номаълум бўлган жойларда сувга сакраш;
🔹 алкоголли маҳсулотларни истеъмол қилиш ва маст ҳолатда чўмилиш;
🔹 сувда шўнғиш ва чўмилувчиларни ушлаб олиш билан боғлиқ ўйинларни ташкил этиш;
🔹 ёлғон тревога сигнали бериш;
🔹 вояга етмаганларни назоратсиз қолдириш;
🔹 сузиш учун автомобиль камералари, тахтачалар ва шу кабилардан фойдаланиш;
🔹 пляжлар акваторияларида моторли, елканли, эшкакли қайиқлардан, эшкакли ва моторли кичик ўлчамли кемалардан, сув велосипедларидан фойдаланиш;
🔹 кучуклар ва бошқа ҳайвонларни ўзи билан олиб келиш, чўмилтириш, сайр қилдириш;
🔹 сув ҳавзаларини ифлос қилиш, қирғоқда ахлатларни қолдириш;
🔹 12 ёшгача бўлган болаларнинг ота-оналар назоратисиз якка тартибда чўмилиши;
🔹 шиша буюмлар ёки бошқа хавфли буюмларни қолдириш ёки пляж материалига кўмиш;
🔹 овқат тайёрлаш ва иситиш учун оловдан фойдаланиш;
🔹 товуш баландлиги 90 дБдан ортиқ бўлган кучли овоз чиқариш қурилмаларидан фойдаланиш;
🔹 қонунга зид бошқа хатти-ҳаракатларни содир этиш.

https://t.iss.one/hudud_inform

✅ Сиёсий партия нима?

https://t.iss.one/hudud_inform

ФВВ Учкўприк туманида содир бўлган ёнғин тўғрисида маълумот берди

Бугун, 19 июнь куни соат 12:42 да Фарғона вилояти Учкўприк туманида қурилиши тугалланмаган калава ип ва рангли ип ишлаб чиқариш цехида ёнғин содир бўлган.

4 та ёнғин-қутқарув экипажи воқеа жойига етиб борган ва соат 13:02 да ёнғин ўчирилган.

Ёнғин натижасида цех биносининг 150 кв.м майдонида том қисми, оператор ва қаровул хонасининг ички қисми зарарланган. Ёнғиндан бинонинг 2000 кв.м майдони сақлаб қолинган.

Ҳодиса оқибатида тан жароҳати олган ва ҳалок бўлганлар йўқ.

Ёнғин сабаби ва зарар миқдори аниқланмоқда.

https://t.iss.one/hudud_inform

#Диққаттанлов!

👉Ўзбекистон Республикаси Маданият ва туризм вазирлиги ҳузуридаги миллатлараро муносабатлар ва хорижий мамлакатлар билан дўстлик алоқалари қўмитаси ҳамкор ташкилотлар билан биргаликда "Дўстлик" видеороликлар танловини эълон қилади.

👉Танлов ғолиблари 2023 йил 29 июль "Халқлар дўстлиги куни" муносабати билан ўтказиладиган "Дўстлик фестивали" байрам тадбирида тақдирланади.

https://t.iss.one/hudud_inform