Энергетика вазирлиги пойтахтнинг айрим ҳудудларида кузатилаётган электр таъминотидаги узилишлар юзасидан муносабат билдирди.

Тошкент шаҳрининг Сергели туманидаги 10 кВ кучланишли электр узатиш тармоғида носозлик юзага келган.

Бунинг натижасида тумандаги Юқори Дархон, Янги Сирғали, Наврўз ва Чароғон маҳаллаларининг айрим ҳудудларида электр таъминотида қисқа муддатли узилиш кузатилмоқда.

Ҳозирги вақтда туман электр таъминоти корхонаси томонидан носозликни бартараф этиш чоралари кўрилмоқда.

Таъмирлаш ишлари қисқа фурсатларда якунланади ва ҳудуднинг электр таъминоти қайта тикланади.

https://t.iss.one/hudud_inform

Тошкент шаҳрининг айрим ҳудудларида электр таъминоти вақтинча тўхтатилгани маълум қилинди.

Истеъмолчиларга сифатли ва барқарор электр энергиясини етказиб берилишини таъминлаш, электр тармоқларида содир бўлиши мумкин бўлган авария ҳолатларининг олдини олиш мақсадида бугун қуйидаги манзилларда электр таъминоти вақтинча тўхтатилди:

Миробод туманининг Моштабиб, Нукус, Саид Барака, Амир Темур ва Туркистон кўчаларида соат 10:00 дан 17:00 гача;

Яшнобод туманининг Чашма, Илғор шоҳ, Оҳанграбо, “Миришкор” МФЙнинг Дархон, Илғор шоҳ кўчалари ҳудудида соат 10:00 дан 17:00 гача;

Юнусобод туманининг Уста Ширин, Акмал Пўлат ва Миртемир кўчалари ҳудудида соат 09:00 дан 17:00 гача.

https://t.iss.one/hudud_inform

Тошкент вилоятида бетон устунга боши тиқилиб қолган ўсмирга ёрдам кўрсатилди.
Тошкент вилояти ФВБга 14 ёшли бола Олмалиқ шаҳар Тўмарис кўчаси бўйлаб велосипедда ҳаракатланиб кетаётган вақтда бошқарувни йўқотиб, ушбу кўчанинг йўл четига ўрнатилган бетон электр таянчига урилгани ва таянчдаги тешикка боши кириб қолганлиги ҳамда унга амалий ёрдам кераклиги тўғрисида хабар тушган.

Зудлик билан айтилган манзилга ФВВ қутқарувчилари етиб бориб, махсус асбоб-анжомлар ёрдамида болага амалий ёрдам кўрсатилган ва тез-тиббий ёрдам ходимларига топширилган. Айни пайтда боланинг аҳволи яхши.

https://t.iss.one/hudud_inform

Бош прокуратура Мирзо Улуғбек туманида вояга етмаган қизга нисбатан уятсиз-бузуқ ҳаракатлар қилган шахсга нисбатан жиноят иши қўзғатилганини маълум қилди.
Унга Жиноят кодексининг 119-моддаси (Жинсий эҳтиёжни зўрлик ишлатиб ғайритабиий усулда қондириш) билан жиноят иши қўзғатилди. Гумон қилинувчига қамоқ эҳтиёт чораси қўлланилди.

https://t.iss.one/hudud_inform

Хитойда кучли жазирама туфайли электр тармоқлари ишдан чиққан

Bloomberg нашри Хитойда кузатилаётган жазирама туфайли кўплаб уй ҳайвонларининг нобуд бўлаётгани, электр тармоқларининг зўриқиб ишлаши натижасида бу йилги ёз фасли ҳам озиқ-овқат маҳсулотлари таъминотида узилиш бўлиши ҳақида хабар берди.

▪️Хитойда жазирама ёз бу йил одатдагидан кўра эрта келди. Хусусан, Шанхайда май ойида кузатилган энг юқори ҳарорат бўйича 150 йиллик рекорд янгиланди.

▪️Айрим ҳудудларда гидроэнергетика қувватлари етишмаслиги сабабли ишлаб чиқариш корхоналари фаолияти чекланмоқда. Вилоятларда, шу жумладан, Гуандундаги иссиқ об-ҳаво баъзи табиий ва суюлтирилган газ импортчиларини бозорда захира излашга мажбур қилган.

https://t.iss.one/hudud_inform

Экология вазирининг ўринбосарлари тайинланди

Обиджон Қудратов экология, атроф-муҳитни муҳофаза қилиш ва иқлим ўзгариши вазирининг биринчи ўринбосари лавозимига тайинланди. Бунга қадар у табиат ресурслари вазирининг биринчи ўринбосари эди.

Жусипбек Казбеков экология, атроф-муҳитни муҳофаза қилиш ва иқлим ўзгариши вазирининг ўринбосари лавозимига тайинланди. Бунга қадар у табиат ресурслари вазирининг ўринбосари эди.

Нарзулло Обломурадов бошқа ишга ўтиши муносабати билан табиат ресурслари вазирининг ўринбосари лавозимидан озод этилди.

https://t.iss.one/hudud_inform

#Ижтимоий_ролик

⚡️ Қоидалар — инсон хавфсизлиги учун хизмат қилади

https://t.iss.one/hudud_inform

Тошкент туманида кадастр ҳужжатларини расмийлаштириб беришни ваъда қилган фирибгар ушланди

Бош прокуратура ҳузуридаги Департаментнинг Тошкент туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда фуқаро Б.Н. фуқаро Х.И.нинг 2 та уй-жойи кадастр ҳужжатларини танишлари орқали расмийлаштириб бериши эвазига 700 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

https://t.iss.one/hudud_inform

📝 Меҳнат шартномаси иш берувчи ва ходим томонидан имзоланган кундан эътиборан кучга киради.

❕Ходим меҳнат шартномасида белгиланган санадан эътиборан меҳнат вазифаларини бажаришга киришиши шарт.

⚠️ Меҳнат шартномасида иш бошланадиган кун белгиланмаган бўлса, ходим шартнома кучга кирган кундан кейинги иш кунида ишга киришиши керак.

https://t.iss.one/hudud_inform

ДХХ: Ёт ғояларни тарғиб қилган шахсга нисбатан суд ҳукми ўқилди

🟢 Батафсил

https://t.iss.one/hudud_inform

⚡️Ўзбек сўми ҳали алмашмайди

Марказий банк ижтимоий тармоқларда тарқалаётган пул бирлигининг деноминация қилиниши, яъни 1:10 000 нисбатда янги пул белгиларига алмаштирилиши ҳамда эски ва янги пул белгилари 2025 йилгача параллел равишда муомалада бўлиши тўғрисидаги хабарлар борасида қуйидагиларни маълум қилади.

Ушбу хабарлар ҳеч қандай асосга эга эмас, бугунги кунда пул бирлигини деноминация қилиш масаласи Ўзбекистон Республикаси Ҳукумати ва Марказий банки томонидан кўзда тутилмаган, яъни пулларнинг ноллари қисқартирилмайди. Содда қилиб айтганда ҳали пул алмашмайди.

https://t.iss.one/hudud_inform

🖊 Президентнинг "Аҳолини ҳунармандчиликка жалб қилиш ва ҳунармандчилик фаолиятини ривожлантириш учун қулай шарт-шароитлар яратиш чора-тадбирлари тўғрисида"ги фармони қабул қилинди. Ҳужжатга кўра:

➖ 2023 йил 1 июндан 2025 йил 1 январга қадар "Халқ амалий санъати усталарининг миллий каталоги" ва "Туризм соҳасида фаолият юритаётган ҳунармандлар реестри"га киритилган ҳунармандлар учун:

🔹 календарь йил давомида ҳунармандчилик маҳсулотларини (ишлар, хизматлар) реализация қилишдан тушган тушумнинг 100 миллион сўмдан ошган, бироқ 1 миллиард сўмдан кўп бўлмаган миқдори бўйича айланмадан олинадиган солиқ ставкаси 50 фоизга камайтирилади;

🔹 товар белгиларини миллий рўйхатдан ўтказиш бепул амалга оширилади.

➖ 2023 йил 1 июлдан бошлаб ҳунармандчилик маҳсулотларини экспорт қилишда халқаро почта ва курьерлик жўнатмалари сифатида жўнатиш харажатларининг 50 фоизи, бироқ маҳсулот экспорт қийматининг (жўнатиш харажатларисиз) 50 фоизидан ортиқ бўлмаган қисми Экспортни рағбатлантириш агентлиги томонидан қоплаб берилади.

➖ 2023 йил 1 июлдан бошлаб давлат мулки бўлган моддий маданий мероснинг кўчмас мулк объектларини ҳунармандчилик фаолияти билан шуғулланиш, шу жумладан ҳунармандчилик маҳсулотларини реализация қилиш учун фақат Миллий каталог ва Реестрга киритилган ҳунармандларга электрон онлайн-аукцион орқали ижарага бериш тартиби жорий этилади.

https://t.iss.one/hudud_inform

📣“Янги Ўзбекистоннинг янги истеъдодлари!” республика телетанлови эълон қилинди

Қўшиқчилик санъатида истеъдодли ижодкорларни кашф этиш ҳамда рағбатлантириб боришга қаратилган танлов икки босқичда ўтказилади.

Биринчи ҳудудий саралаш босқичи жорий йилнинг 14-17-июн кунлари, якуний босқич 20-21-июн кунлари Тошкент шаҳрида бўлиб ўтади.

Телетанловда иштирок этиш истагини билдирган номзодлар ҳужжатларни жорий йилнинг 13-июнига қадар ҳудудий маданият ва туризм бошқармаларига топшириши мумкин!

https://t.iss.one/hudud_inform