Шавкат Мирзиёев Режеп Таййип Эрдоғанга ҳамдардлик йўллади

Туркиянинг жануби-шарқий қисмидаги вилоятларда юз берган кучли зилзила оқибатида кўплаб одам қурбон бўлгани ва жиддий жароҳат олгани, катта талафотлар кўрилгани муносабати билан Ўзбекистон Президенти Шавкат Мирзиёев Туркия Президенти Режеп Таййип Эрдоғанга ҳамдардлик йўллади.

Қардош Туркия етакчиси ва халқига чуқур таъзия изҳор этиб, давлатимиз раҳбари вафот этганларнинг оила аъзолари ва яқинларига ҳамдардлик билдирди, жабрланганлар тез фурсатда соғайиб кетишини тилади.

https://t.iss.one/hudud_inform

❗️Одоб-ахлоқ қоидаларига кўра, давлат хизматчилари хизмат гувоҳномаларини сақлаш ва фойдаланиш тартибига қатъий риоя этиш, улардан хизматга алоқадор бўлмаган ҳолатларда фойдаланмаслик, шу жумладан, ваколатли шахсларга хизмат гувоҳномасини кўрсатиб, мавқеини суиистеъмол қилмасликка мажбур.

https://t.iss.one/hudud_inform

МУРОЖААТГА МУНОСАБАТ

Андижон вилояти Балиқчи тумани тиббиёт муассасасида тиббиёт ходимларининг ўзаро суҳбатларининг видео ва аудиоёзувлари тарқалди, ушбу лавҳаларда деонтология қоидаларига зид равишда бўлим мудири ўзи раҳбарлик қилаётган ходимларига қўпол муомалада бўлганлиги акс этган.

Ҳолат бўйича хизмат текшируви ўтказилмоқда, аудио-видео ёзувдаги видеолавҳалар 2 йил аввал содир бўлганлиги аён бўлди, янги аудиоёзувлардаги суҳбат жараёнлари ўрганилди.

Хизмат текшируви таҳлиллари ҳуқуқни муҳофаза қилиш органларига тақдим этилади, шунингдек ходимнинг ўз ҳамкасбларига қўпол муомаласи касаба уюшмаси қўмитаси, шунингдек тиббий ҳайъат кенгашида кўриб чиқилиб, белгиланган чоралар кўрилади.

Андижон вилояти соғлиқни сақлаш бошқармаси

https://t.iss.one/hudud_inform

Қардош Туркия давлатига инсонпарварлик ёрдами юборилмоқда — ФВВ

Турияга 60 нафар ФВВ қутқарувчилари ҳамда 3 та махсус авария-қутқарув техникаси жўнаб кетади.

Туркиянинг жануби-шарқий қисмидаги вилоятларда 6 февраль куни Туркия вақти билан соат 04:17 да 7,8 магнитудали зилзила содир бўлди. Юз берган кучли зилзила оқибатида кўплаб одамлар қурбон бўлган, жиддий жароҳатлар олган ва катта талафотлар кўрган.

Ўзбекистон Президенти Шавкат Мирзиёев Туркия Президенти Режеп Таййип Эрдоғанга ҳамдардлик йўллади. Қардош Туркия етакчиси ва халқига чуқур таъзия изҳор этиб, давлатимиз раҳбари вафот этганларнинг оила аъзолари ва яқинларига ҳамдардлик билдирди, жабрланганлар тез фурсатда соғайиб кетишини тилади.

Шунингдек, Давлатимиз раҳбари топшириғига асосан қардош Туркия давлатига инсонпарварлик ёрдами ва зилзила оқибатларини бартараф этиш мақсадида, 60 нафар ФВВ қутқарувчилари ҳамда 3 та махсус авария-қутқарув техникаси юборилмоқда.

https://t.iss.one/hudud_inform

Айни пайтда Президент Шавкат Мирзиёев ҳузурида энергия таъминоти соҳасидаги назоратнинг вертикал тизимини жорий этиш, жумладан, электр энергияси ва табиий газни етказиб бериш ва тармоқларга уланишда ҳуқуқбузарликларга қарши курашни кучайтириш ва тартиб-интизомни таъминлаш юзасидан йиғилиш ўтказилмоқда.

https://t.iss.one/hudud_inform

❗️ Бугунги кунда Ўзбекистон ва унга чегарадош ҳудудларда магнитудаси М≥5 бўлган зилзилалар даракчилари аниқланмаган ҳамда кучли зилзилалар содир бўлиш эҳтимоли мавжуд эмас — ФВВ

https://t.iss.one/hudud_inform

Ўзбекистонлик ФВВ қутқарувчилари Туркияга зилзила оқибатларини бартараф қилиш учун жўнаб кетишга тайёргарлик кўришмоқда.

https://t.iss.one/hudud_inform

Ўзбекистон Республикаси ва Туркманистон ўртасида дипломатик муносабатлар ўрнатилганининг 30 йиллиги муносабати билан Ўзбекистон Республикаси Президенти Шавкат Мирзиёев Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовга табрик йўллади.

https://t.iss.one/hudud_inform

📢 7 февраль, сешанба куни АОКАда ўтказилиши режалаштирилган брифинглар:

〰️〰️〰️
📌 Мавзу: Ветеринария ва чорвачилик соҳасида 2022 йилда амалга оширилган ишлар таҳлили
● Вақти: 12:00
● Иштирок этади: Алишер Сафаров, Ветеринария ва чорвачиликни ривожлантириш қўмитаси бошқарма бошлиғи

〰️〰️〰️
📌 Мавзу: Имом Бухорий халқаро илмий-тадқиқот марказининг 2022 йилдаги фаолияти якунлари
● Вақти: 16:00
● Иштирок этади: Шерзод Маматов, Марказ ахборот хизмати раҳбари

https://t.iss.one/hudud_inform

Зилзила вақтида нима қилиш керак?

Видео-йўриқномани кўринг ҳамда яқинларингизга улашинг!

https://t.iss.one/hudud_inform

❗️ Президентнинг “2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид давлат дастури тўғрисида”ги Фармони ва Давлат дастури лойиҳаси жамоатчилик муҳокамасига қўйилди. Ҳужжатга кўра:

➖ 2023/2024 ўқув йилидан бошлаб республиканинг барча вилоятлари ва Тошкент шаҳрида бошланғич синф ўқувчиларини бепул овқат билан таъминлаш йўлга қўйилади;

➖ 2023 йил 1 апрелдан бошлаб 27 та профессионал таълим муассасалари ўқитувчиларининг ойлик маошлари 20 фоизга оширилиб, ўртача 3 млн сўмга тенг бўлади;

➖ 2023 йил 1 июндан бошлаб республиканинг барча аҳоли пунктларида транспорт воситалари ҳаракатланишининг энг юқори тезлиги соатига 70 километрдан 60 километргача туширилади;

➖ тадбиркорлик субъектларининг ҳуқуқий ҳимоясини янада кучайтириш ва жавобгарлигини либераллаштириш мақсадида 2023 йил 1 мартдан бошлаб тадбиркорлик субъектларига нисбатан янги турдаги жавобгарлик ва жазо чораларини жорий этишга бир йиллик мораторий ўрнатилади;

➖ 2023 йилда 53 та “Янги Ўзбекистон” массивлари ва 161 та бошқа массивларда, жумладан, хусусий пудрат ташкилотлари томонидан янги уй-жойлар қуришнинг йиллик ҳажмлари 2 баробарга оширилиб, 90 мингга етказилади;

➖ 26 минг нафар фуқарога бозор тамойилларига асосланган ипотека кредитлари, шунингдек, 11 минг нафар фуқароларга бошланғич бадал ва фоиз тўловларининг бир қисмини қоплашга субсидиялар ажратиш учун Давлат бюджетидан етарли маблағлар йўналтирилади;

➖ 2023 йилда жамоатчилик фикри асосида шакллантириладиган лойиҳаларни молиялаштириш учун Давлат бюджетидан 8 трлн сўм, шундан “Обод қишлоқ” ва “Обод маҳалла” дастурлари учун 4 трлн сўм йўналтирилади;

➖ 2023 йил 1 июлдан бошлаб, “Маҳалла бюджети” тизимини барча туманлар ва шаҳарларда жорий этиш орқали маҳаллаларга ўз муаммосини мустақил ҳал этиш ҳамда ижтимоий лойиҳаларни амалга ошириш учун 800 млрд сўмгача маблағ йўналтирилади;

➖ қуввати 20 кВт ва ундан паст бўлган қуёш, шамол ва биогаз электр станцияларини паст (0,23-0,4 кВ) кучланишли электр тармоқларига улаш учун техник шарт олиш талаб этилмаслиги белгиланмоқда;

➖ 2023 йил 1 сентябрдан бошлаб бюджет ташкилотларига қуёш панели ва иссиқ сув коллекторини ўрнатиш мажбурияти юклатилади ҳамда 2026 йилга қадар уларнинг бинолари энергия истеъмолининг 60 фоизи “яшил энергия”га босқичма-босқич ўтказилади.

Жамоатчилик муҳокамаси 17 февралгача давом этади, сиз ҳам унда ўз таклифларингиз билан фаол иштирок этинг: https://2023.strategy.uz/

https://t.iss.one/hudud_inform

Ўзбекистон Ташқи ишлар вазирлиги ахбороти

2023 йил 7 февраль (Тошкент вақти билан) соат 10:00 ҳолатига кўра, зилзила оқибатида Малатя провинсиясида бир нафар Ўзбекистон фуқароси ҳалок бўлганини афсус ва чуқур қайғу билан қайд этамиз.

Ўзбекистон Ташқи ишлар вазирлиги марҳуманинг оила аъзолари ва яқинларига ўз ҳамдардлигини билдиради.

Бундан ташқари, тўрт нафар ҳамюртимиз бедарак йўқолган. Уларни топиш бўйича тезкор қидирув-қутқарув ишлари амалга оширилмоқда.

Ҳозирда зилзила оқибатида зарар кўрган фуқароларимизга тегишли ёрдам кўрсатиш ва уларнинг мурожаатларини кўриб чиқиш мақсадида Ўзбекистоннинг Анқара шаҳридаги Элчихонаси қошида 24 соат фаолият юритадиган штаб ташкил этилган бўлиб, унга қуйидаги рақам орқали мурожаат қилишлари мумкин: +90-538-035-85-34.

https://t.iss.one/hudud_inform

↖️Орол денгизининг қуриган тубида ўрмонлаштиришнинг янги мавсуми бошланди

https://t.iss.one/hudud_inform

Туркияга етиб борган Ўзбекистон ФВВ бўлинмалари томонидан 8 февраль соат 08.00 ҳолатига кўра вайроналар остидан 9 киши (5 нафар эркак ва 4 нафар аёл) тирик ҳолда қутқарилган ҳамда 12 кишининг жасади олиб чиқилди.

https://t.iss.one/hudud_inform