Самарқандда Бутунжаҳон туризм ташкилоти Бош Ассамблеянинг 25-сессияси ўтказилади

2023 йилнинг 1-чорагида Самарқанд шаҳрида “Aviation & Logistics Forum” II халқаро авиация форуми ўтказилади.

“Самарқанд вилоятининг туризм ва транспорт салоҳиятидан самарали фойдаланиш, вилоятни “Самарқанд – Янги Ўзбекистоннинг туризм дарвозаси” концепцияси асосида ривожлантириш бўйича қўшимча чора-тадбирлар тўғрисида”ги Президент қарори (ПҚ–455-сон, 24.12.2022 й.) қабул қилинди

Қарорга мувофиқ, “Самарқанд – Янги Ўзбекистоннинг туризм дарвозаси” тарғибот кампанияси йўлга қўйилади.

2026 йил 1 январгача тадбиркорлар:

▫️4 юлдузли ва ундан юқори тоифагали меҳмонхона учун зарур товарларни олиб кирганда божхона божини тўлашдан;

▫️Самарқанд туристик марказида қурилиш учун “вақтинча олиб кириш” божхона режимига олиб кириладиган ускуналар учун даврий божхона тўловларини тўлашдан озод этилади.

2023 йилнинг 1-чорагида Самарқанд шаҳрида “Aviation & Logistics Forum” II халқаро авиация форуми ўтказилади.

Самарқанд туристик маркази ҳудудида чет эллик шахслар учун бож олинмайдиган савдо дўконлари ташкил этилади.

2023 йил 1 сентябргача шаҳарлараро ва халқаро автобус қатновлари ахборот технологиялари орқали йўлга қўйилади. Мазкур тизимда:

чипталарни “Uzbus” платформасида харид қилиш тартиби;
автобусларга GPS қурилмаларини ўрнатиш ҳамда мониторинг қилиш бўйича ягона платформа яратилади.

2023 йил 1 февралгача Аэропортда туризм ахборот маркази ташкил қилинади.

Маълумот учун, БМТнинг Бутунжаҳон туризм ташкилоти Бош Ассамблеянинг навбатдаги 25-сессиясини Самарқанд шаҳрида ўтказиш белгиланган.

https://t.iss.one/hudud_inform

Адвокатура фаолияти рақамлаштирилади

“Адвокатура фаолиятига замонавий ахборот-коммуникация технологияларини кенг жорий этиш чора-тадбирлари тўғрисида”ги Президент қарори (ПҚ–263, 30.05.2022 й) қабул қилинди

🔰 Қарорга кўра, 2023 йил 1 январдан:

▫️адвокатлик фаолияти учун лицензия бериш, малака имтиҳонини топшириш тартиби сақланган ҳолда, “Лицензия” ахборот тизими орқали;

▫️адвокатлик тузилмаларини давлат рўйхатидан ўтказиш, қайта рўйхатдан ўтказиш ва тугатиш ЯИДХП орқали амалга оширилади;

▫️адвокатликни бошлашда малака имтиҳонини топшириш, лицензия олиш ва адвокатлик бюросини давлат рўйхатидан ўтказиш бўйича композит хизмат кўрсатиш имконияти яратилади.

✅ 2023 йил 1 январдан фуқароларга юридик ёрдам кўрсатиш жараёнларини рақамлаштириш, адвокатура соҳасини судлар ва ҳуқуқни муҳофаза қилувчи органлар ҳамда бошқа давлат органлари фаолияти билан интеграция қилишни назарда тутувчи “Юридик ёрдам” ахборот тизими ишга туширилади.

🔰 Мазкур ахборот тизими доирасида:

➖адвокатлар электрон реестри ва адвокатларнинг шахсий электрон кабинети шакллантирилади;
➖адвокатнинг шахсий электрон кабинети орқали жисмоний ва юридик шахслар билан онлайн мулоқот қилиш, электрон рақамли имзодан фойдаланган ҳолда ишонч билдирувчи шахс хоҳишига асосан масофадан туриб юридик ёрдам кўрсатиш тўғрисида онлайн битимлар (шартномалар) тузиш ва онлайн юридик ёрдам кўрсатиш имконияти яратилади;
➖адвокатура, судлар, ҳуқуқни муҳофаза қилувчи органлар ва бошқа давлат органлари ўртасида электрон ҳужжатлар алмашинуви йўлга қўйилади;
➖терговга қадар текширувни амалга оширувчи органнинг мансабдор шахси, суриштирувчи, терговчи, прокурор ёки суд томонидан терговга қадар текширув, суриштирув, тергов ҳаракатлари ёки суд мажлиси ўтказилиш вақти ва жойи тўғрисида адвокатга электрон хабар бериш имконияти яратилади;
➖адвокат сўровини электрон юбориш ва адвокат сўрови асосида юридик ёрдам кўрсатиш учун зарур бўлган ҳужжатларни электрон шаклда тақдим этиш амалиёти йўлга қўйилади;
➖адвокатнинг ўз аризасига кўра адвокатлик мақомини тўхтатиб туриш электрон тарзда адвокат томонидан хабарнома бериш шаклида амалга оширилади.

https://t.iss.one/hudud_informt

💵Қалбаки купюраларнинг муомалага киритилганлиги аниқланди

Фуқаро М.Д. “Хўжасоат” МФЙ ҳудудида 2 бош қўй хариди учун фуқаро А.Х.га 4 дона 100 АҚШ долларлик қалбаки купюраларни бериб кетган.

Бош прокуратура ҳузуридаги Департаментнинг Самарқанд шаҳар бўлими томонидан ўтказилган терговга қадар текширувда, фуқаро М.Д. (муқаддам судланган) “Хўжасоат” МФЙ ҳудудида 2 бош қўй хариди учун фуқаро А.Х.га 4 дона 100 АҚШ долларлик қалбаки купюраларни бериб кетганлиги аниқланган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

Ҳурматли фуқаролар, қалбакилигини билмагани ҳолда қалбаки валюта қимматликларини олиб, уни кейинчалик ўтказган шахснинг қилмиши ҳам жиноий жавобгарликни келтириб чиқаради.

Шу боис, ўзаро ҳисоб-китобларни Ўзбекистон Республикаси ҳудудида қонуний тўлов воситаси ҳисобланган миллий валютада амалга ошириш орқали ўзингизни ноқонуний ҳаракатлардан асраган бўласиз.

https://t.iss.one/hudud_inform

2023 йил 1 январдан бошлаб тугатилаётган республика давлат бошқаруви органлари рўйхати.

▫️Уларнинг вазифа ва функциялари тегишли вазирлик ва идораларга ўтказилади.

https://t.iss.one/hudud_inform

❗️14 та туманда ҳуқуқий эксперимент тариқасида “Маҳалла бюджети” тизими жорий этилади

“Маҳалла бюджети” тизимини жорий этиш орқали маҳаллаларнинг молиявий имкониятини янада кенгайтириш бўйича қўшимча чора-тадбирлар тўғрисида”ги Президент қарори (ПҚ–458-сон, 26.12.2022 й.) қабул қилинди

🔰Қарорга кўра, 2023 йил 1 январдан қуйидаги жадвалда кўрсатилган ва солиқларни ундириш кўрсаткичи паст бўлган туманларда “Маҳалла бюджети” тизими ҳуқуқий эксперимент тариқасида жорий этилади.

📝 Мазкур туманларда мол-мулк ва ер солиғи (нотурар жойлар бўйича мол-мулк ва ер солиғи бундан мустасно) бўйича ундирилган маблағларнинг 10 фоизи ҳисобот ойидан кейинги ойнинг 10-санасигача туман бюджетлари орқали тегишли Жамғармаларга йўналтирилади.

🗓2023 йил 1 мартгача мол-мулк ва ер солиғи бўйича ҳисобланган, тўланган маблағлар ва солиқ қарздорликлари тўғрисидаги маълумотлардан маҳаллалар реал вақт режимида фойдаланиши имконияти яратилади.

☑️ “Маҳалла бюджети” тизими асосида шакллантирилган маблағлар “Фуқароларнинг ўзини ўзи бошқариш органлари тўғрисида”ги Қонунда назарда тутилган фуқаролар йиғини кенгаши томонидан бошқарилади.

https://t.iss.one/hudud_inform

⚡️⚡️Олий Мажлис Сенатининг 36-ялпи мажлисида «2023 йил учун Ўзбекистон Республикасининг Давлат бюджети тўғрисида»ги қонун маъқулланди.

https://t.iss.one/hudud_inform

Йил сарҳисоби: Қатор халқаро рейтингларда Ўзбекистон ўз ўрнини яхшилади

https://t.iss.one/hudud_inform

Наманганлик журналист ва блогерлар ёрдамида шакллантирган рўйхат асосида вилоят ҳокими Шавкатжон Абдураззоқов томонидан 400 дан ортиқ хонадонларга озиқ-овқат маҳсулотлари ва кийимлар тарқатилди.

https://t.iss.one/hudud_inform

ДХХ томонидан “Док-1 Макс” дори воситаси билан боғлиқ ҳолат юзасидан жиноят иши қўзғатилди
 
Сўнгги вақтларда республикамизда ўткир респиратор касалликларга чалинган болаларда “Док-1 Макс” сиропини ичиш натижасида ўлим ҳолати кузатилганлиги кенг жамоатчиликни хавотирга солди.
Ҳиндистон давлатининг “Marion Biotech Pvt. Ltd” компаниясига тегишли мазкур дори воситаcи мамлакатимизга “Quramax Medical” МЧЖ томонидан импорт қилиниб, савдога чиқарилган.

Таъкидлаш лозимки, препарат уй шароитида болаларга шифокор рецептисиз, ота-оналар томонидан мустақил ёки дорихона сотувчиларининг тавсияси билан шамоллашга қарши восита сифатида нотўғри қўлланилган.

Соғлиқни сақлаш вазирлигининг лаборатор ўрганишларига кўра, “Док-1 Макс” сиропининг таркибида мавжуд бўлган “этиленгликоль” моддаси бемор саломатлигида жиддий салбий ўзгаришларни келтириб чиқаради.

Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази хулосасига кўра, “Док-1 Макс” сиропи меъёрий ҳужжатда белгиланган талабларга жавоб бермайди.

Ҳозирда ҳолат юзасидан Давлат хавфсизлик хизматининг Тергов бошқармаси томонидан “Quramax medical” МЧЖ ҳамда “Дори воситаларини стандартлаштириш илмий маркази” МЧЖ мансабдор шахсларига нисбатан Жиноят Кодексининг 186-3 моддаси 4-қисми “а” банди билан жиноят иши қўзғатилиб, гумонланувчи шахслар ДХХ Тергов ҳибсхонасига жойлаштирилди.

https://t.iss.one/hudud_inform

Соғлиқни сақлаш вазири Б.Мусаев видеомурожаат орқали Док-1 Макс дори воситасини ичиш натижасида дунёда кўз юмган 18 нафар боланинг ота-оналари ва яқинларига ҳамдардлик билдирди.

Шу билан бирга, мазкур ишга алоқадор бўлган ва хатоликка йўл қўйган барча айбдорлар жавобгарликка тортилиши ҳамда ҳеч ким билан муроса қилинмаслигини маълум қилди.

https://t.iss.one/hudud_inform

Сирдарё вилояти ҳудудидан ўтган, 1976 йилда фойдаланишга топширилган М-34 “Тошкент-Душанбе” автомобиль йўлининг 82-километрида жойлашган йўл ўтказгич таъмирталаб ҳолатга келганлиги боис, транспорт ҳаракати қисман чекланди (Термиз-Тошкент йўналишида ҳаракати давом этмоқда).

Ҳолат вилоят ҳокими вазифасини бажарувчи Акмалжон Махмудалиев ва тегишли масъуллар томонидан атрофлича ўрганилди. Бугуннинг ўзида йўл ўтказгичда қурилиш-монтаж ишлари бошланди.

Шу сабабли ҳаракат хавфсизлигини таъминлаш мақсадида Тошкент шаҳридан қўшни вилоятларга ўтиш Сирдарё туманидаги айланма йўл (Халқаро аҳамиятдаги М-39 “Тошкент — Термиз” автомобиль йўлининг 873-882 километри ҳамда давлат аҳамиятидаги 4Р-29 “М-34 автойўли — М-39 автойўли — Қозоғистон Республикаси чегараси” автомобиль йўлининг 0-7 километрдаги қисми) орқали амалга оширилмоқда.

Барча йўналишларда ЙПХ постлари ташкил қилиниб, ҳаракат хавфсизлиги тўлиқ таъминланган.

https://t.iss.one/hudud_inform

⚡️⚡️⚡️Корея ОКМК учун 12 млн доллар грант ажратади

25 декабрь куни Корея Миллий Ассамблеяси томонидан Олмалиқ кон-металлургия комбинатига 15 млрд вон(12 млн АҚШ доллари атрофида) миқдоридаги грант ажратилиши бўйича қарор қабул қилинди.

Мазкур грант маблағлари доирасида Нодир металлар ва қаттиқ қотишмалар ишлаб чиқариш бирлашмасининг Ўзбек-Корейс илмий техник маркази қошида саноат тажриба цехи ташкил этилади.

Ушбу цехга замонавий лаборатория жиҳозлари ҳамда технологик ускуналари олиб келинади. У ерда илмий ишланмаларни тижоратлаштириш дастурга асосланган ҳолда ишлаб чиқаришни модернизациялаш, янги технологияларни жалб қилиш бўйича тадқиқот ишлари олиб борилади.

https://t.iss.one/hudud_inform

Водий вилоятларининг газ таъминотини яхшилаш учун янги магистрал газ қувури қурилмоқда

Магистрал газ узатиш тизимини модернизация қилиш ва самарадорлигини ошириш дастури доирасида 95 километр узунликдаги янги “Янгиер-Оҳангарон” магистрал газ қувури қурилмоқда.

Бугунги кунда обект қурилиши учун 47 километрдан ортиқ қувур олиб келинди ва 6 километр қисми монтаж қилинди. Янги магистрал газ қувури 2023-йилнинг учинчи чорагида ишга туширилиши режалаштирилган.

Мазкур газ қувури ишга тушгач, водий вилоятларининг газ таъминоти янада яхшиланишига эришилади.

https://t.iss.one/hudud_inform

Байрам кунлари истеъмолчилар электр ва газ бўйича қарздорлик учун тармоқдан узиб қўйилмайди — Энергетика вазирлиги

Қайд этилишича, нефт-газ ва кўмирни қазиб чиқариш, электр энергияси ҳамда нефт маҳсулотларини ишлаб чиқариш ва етказиб бериш бўйича корхоналарда махсус штаблар ташкил этилган.

Электр энергиясини ишлаб чиқарувчи иссиқлик электр стансиялар ва марказлар барқарор ишлашини таъминлаш учун кунига ўртача 47-48 млн куб метр табиий газ етказиб берилади. Шунингдек, стансиялар учун 70 минг тонна мазут ва 230 минг тонна кўмир ёқилғиси захираси яратилган. Ҳудудлардаги барча кўмир омборларига кўмир маҳсулотини узлуксиз етказиб берилиши таъминланади.

Байрам кунлари истеъмолчиларга кунига ўртача 155 млн куб метр табиий газ, 2 минг тонна суюлтирилган газ, 5 000 тонна автобензин, 5 000 тонна кўмир ҳамда 235 млн кВт-соат электр энергияси етказиб берилиши режалаштирилган.

Энергетика вазирлигининг қўшимча қилишича, байрам кунлари истеъмолчилар электр энергияси ва табиий газ бўйича юзага келган қарздорлик учун тармоқдан узиб қўйилмайди.

https://t.iss.one/hudud_inform

«Мен бугун 590 минг нафар устоз-муаллимлар, мураббийларга мурожаат қилмоқчиман. Бугунги ёшларимизнинг талаби жуда катта.

Оддийгина телефонни катта авлод тушунмайди. Аммо уни кузатган болаларимиз биз катталарга савол бериб қийин вазиятга солиб қўйишяпти. Дунё воқеаларига оид масалаларга қизиқишяпти.

Фарзандларимизни алдаб бўлмайди. Бугун информацион технологияларни синфхонага кирган ўқитувчига нисбатан ўқувчилар кўпроқ билишади, десак тўғри бўлади», — деди Президент.

https://t.iss.one/hudud_inform

Улуғбек Ботирович Азизов Ўзбекистон давлат жаҳон тиллари университети ректори лавозимидан;

Нусратулло Ражабович Баракаев Бухоро муҳандислик-технология институти ректори лавозимидан озод этилди.

https://t.iss.one/hudud_inform

❗️Ҳинд ҳукумати Док-1 Макс дорисини ишлаб чиқарган компанияга қарши иш очди

Суриштирув Уттар-Прадеш штатидаги наркотикларни лицензиялаш ва назорат қилиш бошқармаси томонидан олиб бориляпти.

Улар Ўзбекистон ҳукуматидан ҳам вафот этган болалар ҳақида ҳисобот сўраган.

https://t.iss.one/hudud_inform