❗️Коронавирус: кеча юртимизнинг 4 та ҳудудида 19 нафар кишида касаллик аниқланди

🔴 2022 йил 23 август куни рўйхатга олинган беморларнинг:
📌2 нафари Қорақалпоғистон Республикасида,
📌1 нафари Сурхондарё вилоятида,
📌2 нафари Тошкент вилоятида,
📌14 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида қайд этилди.

Коронавирусдан ҳимояланишнинг энг тўғри ва самарали йўли унга қарши эмланишдир. Шундай экан, барча юртдошларимизни ўз вақтида ва тўлиқ дозаларда вакцина олишга чақирамиз.

Соғлиқни сақлаш вазирлиги Матбуот хизмати.

https://t.iss.one/hudud_inform

Мол-мулкка тақиқ қўйилганлиги тўғрисидаги электрон маълумотлар банки жорий этилади

Ҳукумат қарори (468-сон, 22.08.2022 й.) билан Бошқа шахсга ўтказиш тақиқлаб ёки хатлаб қўйилган мол-мулклар электрон маълумотлар банкини шакллантириш, юритиш ва ундан фойдаланиш тўғрисидаги низом тасдиқланди

✅ Қарорга кўра, 2022 йил 1 октябрдан “Нотариус” автоматлаштирилган ахборот тизимида мол-мулкни бошқа шахсга ўтказиш тақиқлаб (хатлаб) қўйилганлиги, шунингдек тақиқлаб (хатлаб) қўйиш бекор қилинганлиги тўғрисидаги электрон маълумотлар банки жорий этилади.

🔰Маълумотларни электрон маълумотлар банкига киритишда:

▫️жисмоний шахснинг шахсига оид ва автомототранспорт воситаларига оид маълумотлар – Ички ишлар вазирлиги;
▫️юридик шахсга оид маълумотлар – Адлия вазирлиги;
▫️кўчмас мулкка оид маълумотлар – Давлат солиқ қўмитаси ҳузуридаги Кадастр агентлиги;
▫️қишлоқ хўжалиги, мелиорация ва йўл-қурилиш техникаларига оид маълумотлар – Вазирлар Маҳкамаси ҳузуридаги Агросаноат мажмуи устидан назорат қилиш инспекцияси;
▫️аттракционлар ва кўтариш иншоотлари (минора кранлари)га оид маълумотлар – Саноат хавфсизлиги давлат қўмитаси;
▫️кемаларга оид маълумотлар – Транспорт вазирлиги;
▫️кичик ҳажмли кемаларга оид маълумотлар – Фавқулодда вазиятлар вазирлиги Кичик ҳажмли кемалар инспекциясининг электрон ахборот тизимлари орқали реал вақт режимида амалга оширилади.

🔘 Электрон маълумотлар банки давлат тилида шакллантирилади ва юритилади.

📝 Нотариус электрон маълумотлар банки орқали мол-мулкни бошқа шахсга ўтказишни тақиқлаб қўйиши ва тақиқни бекор қилиши мумкин.

❕Мол-мулкни бошқа шахсга ўтказишни тақиқлаб ёки хатлаб қўйиш, шунингдек, уни бекор қилишда тўлов ундирилмайди.

⏩ Мурожаатга асосан электрон маълумотлар банкида мавжуд маълумотлар нотариус ва (ёки) нотариал архив мудири томонидан тўғридан-тўғри ёки ЯИДХП (my.gov.uz) орқали ёхуд E-notarius.uz ахборот портали орқали тақдим этилади.

https://t.iss.one/hudud_inform

Ўзбекистон Республикаси Президенти Шавкат Мирзиёевнинг Самарқанд шаҳрида “Буюк ипак йўли” халқаро туризм марказининг очилишига бағишланган тантанали маросимдаги нутқи

https://t.iss.one/hudud_inform

1-4 синф ўқитувчилари, мактаблар, барча тур ва номдаги мактаб-интернатларнинг ўқитувчи-логопедлари ўқитувчи-дефектологлари, гимназиялар, лицейларнинг ўқитувчилари, логопедлик хоналари мудирларининг ҳафталик иш соати 18 соатдан ошмаслиги керак.

https://t.iss.one/hudud_inform

🔰 Ер участкасини давлат ва жамоат эҳтиёжлари учун ажратиш ҳақидаги қарорда қуйидаги масалалар акс эттирилган бўлиши керак:

🔹 объектни қуриш шартлари;

🔹 берилаётган ер участкасининг умумий майдони, ер турлари (мавжуд бўлган тақдирда), ер эгалари, мулкдорлар, фойдаланувчилар ва ижарачилар бўйича;

🔹 ер участкасининг эгалари, мулкдорлари, фойдаланувчилари ва ижарачиларига қопланиши керак бўлган зарарлар (мавжуд бўлган тақдирда) миқдорлари ва уларни қоплаш муддатлари;

🔹 ер участкасини рекультивация қилиш зарурати, ер участкасини олиб қўйилган эгалари, мулкдорлари, фойдаланувчилари ва ижарачиларига қайтариш шартлари (мавжуд бўлган тақдирда);

🔹 тупроқнинг унумдор қатламини олиб ташлаш зарурати (мавжуд бўлган тақдирда);

🔹 сув муҳофазаси, экологик, ёнғинга қарши, санитария шартлари ва талаблари (зарурат бўлганда).

https://t.iss.one/hudud_inform

📢 25 август, пайшанба куни Қорақалпоғистон Республикаси, Хоразм, Бухоро, Навоий ва Самарқанд вилоятларида ўтказилиши режалаштирилган тадбирлар:

Қорақалпоғистон Республикаси

📍Брифинг

● Мавзу: Қишлоқ хўжалиги соҳасининг аҳоли бандлигини таъминлаш ҳамда туман иқтисодиётига қўшаётган ҳиссаси тўғрисида
● Вақти: 15:00
● Иштирок этади: И.Маткаримов, Амударё тумани ҳокимининг қишлоқ ва сув хўжалиги масалалари бўйича ўринбосари
● Тадбир жойи: Қорақалпоғистон телерадиокомпанияси биноси

️〰️〰️
Хоразм вилояти

📍Матбуот анжумани

● Мавзу: Мактабларнинг янги ўқув йилига тайёргарлиги ҳолати тўғрисида
● Вақти: 15:00
● Иштирок этади: Малика Аҳмедова, Хоразм вилояти Халқ таълими бошқармаси ахборот хизмати раҳбари
● Тадбир жойи: Хоразм вилояти Халқ таълими бошқармаси биноси

️〰️〰️
Бухоро вилояти

📍 Брифинг

● Мавзу: Ёшлар ишлари агентлиги Когон тумани бўлими томонидан ўтган давр мобайнида амалга ошрилаётган ишлар ва келгусидаги режалар тўғрисида
● Вақти: 16:00
● Иштирок этади: Сардор Очилов, Ёшлар ишлари агентлиги Когон тумани бўлими бошлиғи
● Тадбир жойи: Когон тумани ҳокимлиги биноси

️〰️〰️
Навоий вилояти

📍Матбуот анжумани

● Мавзу: “Аёллар дафтари”га киритилган хотин-қизлар билан ишлаш бўйича қилинаётган ишлар ҳамда фуқаролардан келиб тушаётган мурожаатлар таҳлили тўғрисида
● Вақти: 10:00
● Иштирок этади: М.Мамадиярова, Навоий вилояти ҳокимининг ўринбосари
● Тадбир жойи: Навоий вилояти ҳокимлиги биноси

〰️〰️
Самарқанд вилояти

📍Очиқ мулоқот

● Мавзу: Яшил макон умуммиллий ҳаракати доирасида Булунғур туманида амалга оширилган ишлар тўғрисида
● Вақти: 15:00
● Иштирок этади: Алишер Элмуратов, Булунғур тумани ҳокими ўринбосари
● Тадбир жойи: Булунғур тумани ҳокимлиги биноси

https://t.iss.one/hudud_inform

❗️ АВТОМОБИЛЬ ХАВФСИЗЛИГИ УЧУН МУҲИМ

Қуйидаги омиллар транспортга ўрнатилган газ баллонларининг хавфсиз ва ишончли ишлашини белгилаб берувчи асосий мезонлар ҳисобланади:

Фойдаланиш муддати. Ишлаб чиқарувчилар томонида газ баллонларнинг фойдаланиш муддати 15 йил, деб белгиланган. Аммо, уни сақлаш ва эксплуатация шароитининг оғирлигига қараб бу муддат камайиши мумкин.

Даврийлик цикли. Бу кўрсаткич газ баллонга бир йилда неча марта газ қуйиш кераклигини англатади. Бу кўрсаткич ишлаб чиқарувчилар томонидан йилига мингта деб белгиланган. Аммо, бундан кўпроқ газ қуйиш баллоннинг “умрини қисқартиради”.

Босим. Газ баллондаги босим 20 мегапаскалдан ошиб кетмаслиги керак. Афсуски, кўпчилик ҳайдовчилар узоқроқ йўл босиш мақсадида кўпроқ босим остида газ қуйишга ҳаракат қилишади. Бунинг оқибати эса аянчли якун топиши мумкин.

Техник кўрик. Газ баллонлар ҳар йили камида бир маротаба юқори босим остида синовдан ўтказилиши керак. Афсуски, кўпчилик ҳайдовчилар бундан қочишади. Вақт ўтиши билан баллон маҳкамланган конструкциялардаги ҳимоя резиналари шикастланади, баллонда деформация бошланади ва охир-оқибат газ баллон портлайди.

Сифат. 2018 йил февраль ойидан буён Ўзбекистонда мустаҳкамлиги етарли даражада эмаслиги туфайли СПГ-2 турдаги (капрон) газ баллони фойдаланишдан чиқарилган. Аммо, ҳозир ҳам бундай баллонлардан фойдаланиш ҳолатлари тез-тез учраб туради. Энг хатарлиси, айрим ҳолатларда баллон юзасидаги композит қопламани олиб ташлаб, худди пўлат баллондек кўрсатиш ҳолатлари аниқланмоқда. Бу эса жуда хатарли.

Тўғри ўрнатиш. Газ баллонлар фақат тегишли лицензияга эга мутахассислар томонидангина ўрнатилиши лозим. Шунингдек, газ ускуналарининг стандарт хавфсизлик клапанлари бўлиши керак. Арзон ва қўлбола хавфсизлик клапанлари тезда ишдан чиқади ва зарур ҳолларда ишламай қолади. Оқибати эса ҳаммага маълум.

https://t.iss.one/hudud_inform

📢 25 август, пайшанба куни Қашқадарё, Сурхондарё, Жиззах ва Сирдарё вилоятларида ўтказилиши режалаштирилган тадбирлар:

Қашқадарё вилояти

📍Очиқ мулоқот

● Мавзу: Барпо этилаётган янги ишлаб чиқариш объектлари ва уларнинг аҳоли бандлигини таъминлашдаги аҳамияти тўғрисида
● Вақти: 18:00
● Иштирок этади: Акрам Сулаймонов, Шаҳрисабз шаҳар ҳокими
● Тадбир жойи: Қашқадарё вилояти телерадиокомпанияси биноси

️〰️〰️
Сурхондарё вилояти

📍Брифинг

● Мавзу: “Аёллар дафтари”га киритилган фуқароларнинг муаммолари, уларнинг ечимлари ва қўллаб-қувватланиши борасидаги ишлар тўғрисида
● Вақти: 10:00
● Иштирок этади: Матлюба Мустанова, Жарқўрғон тумани ҳокимининг ўринбосари
● Тадбир жойи: Жарқўрғон тумани ҳокимлиги биноси

️〰️〰️
Жиззах вилояти

📍Медиа-тур

● Мавзу: Ёшларни тадбиркорлик ва ишбилармонликка қизиқтириш ҳамда уларга бундай фаолиятни йўлга қўйишнинг амалий жиҳатларини ўргатиш мақсадида жойлардаги ишлаб чиқариш ва хизмат кўрсатиш ташкилотларига бизнес саёҳатлар ташкил қилиш ҳамда Ёшлар ишлари агентлиги Жиззах вилоят бошқармаси фаолияти тўғрисида
● Вақти: 14:00
● Иштирок этади: Отабек Мусурмонов, Ёшлар ишлари агентлиги Жиззах вилояти бошқармаси бошлиғи
● Тадбир жойи: Жиззах Ёшлар инновацион маркази биноси

️〰️〰️
Сирдарё вилояти

📍Пресс-тур

● Мавзу: Сайхунобод туманида жойлашган “Оқолтиндонмаҳсулотлари ” АЖда Ғаллачилик тармоғида амалга оширилган тизимли ислоҳотлар тўғрисида
● Вақти: 10:00
● Иштирок этади: Раимқул Анарбаев, Вазирлар Маҳкамаси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат инспекцияси Сирдарё вилояти ҳудудий бошқармаси бошлиғи
● Тадбир жойи: “Оқолтиндонмаҳсулотлари” АЖ биноси

https://t.iss.one/hudud_inform