Санкт-Петербург: Эрмитажнинг дурдона асарлари

Санкт-Петербургдаги Сарой майдонида Эрмитажнинг асосий музей мажмуаси жойлашган бўлиб, у бир-бирига боғланган 6 та бинони ўз ичига олади. Эрмитаж – дунёдаги иккинчи йирик санъат музейи. Бу ерда 3 миллиондан ортиқ экспонатлар: расм, графика, ҳайкал, археологик ёдгорликлар ва амалий санъат буюмлари сақланади.

Агар сиз Эрмитажда биринчи марта бўлиб турган бўлсангиз, сизга Қишки саройда Тахт ва Рицарлар залига ташриф буюришни, Романовлар сулоласи портретлари галереясига эътибор беришни, Да Винчи ва Пикассо асарлари жойлашган алоҳида зални айланиб чиқишингизни маслаҳат берамиз.

Бир ташриф буюришда барча 365 зални кўриб чиқишнинг имкони йўқ, лекин Санкт-Петербургга саёҳатга бориб ва Эрмитажга ташриф буюрмаслик бу ҳудди Парижга бориб Эйфел минорасини кўрмаслик билан баробар.

5 майдан бошлаб Санкт-Петербургга Ўзбекистоннинг 6 та шаҳридан: Тошкент, Самарқанд, Фарғона, Бухоро, Урганч ва Термиздан саёҳат қилиш имкони мавжуд бўлади.

https://t.iss.one/hudud_inform

Ўзбекистон Республикаси Гидрометеорология хизмати маркази томонидан берилган маълумотга кўра жорий йилнинг 18-20 апрель кунлари Ўзбекистон ҳудудига Туркманистон орқали Эрондан нам ҳаво, сўнгра Волга бўйи ҳудудларидан нисбатан салқин ҳаво массаси кириб келади.

Шу сабабдан республикамизнинг айрим ҳудудларида ёмғир ёғади, момақалдироқ бўлиб, айрим жойларда дўл ёғиши ва шамол тезлиги 17-22 м/с гача кучайиши баъзи жойларда чанг-тўзон бўлиши кузатилади. Ҳаво ҳарорати кундузи 18-23 даражагача пасаяди.

Шу ўринда Фавқулодда вазиятлар вазирлиги аҳолидан эҳтиёткорлик чораларини кўришни сўрайди. Шунингдек, кучли шамол вақтида автомобилларни дарахтлар остида қолдирмасликни тавсия этади.

https://t.iss.one/hudud_inform

Ижтимоий тармоқлар, хорижий веб-ресурслар, Telegram мессенжери каналлари ва гуруҳларида гўёки Термиз шаҳри атрофида Ўзбекистон ҳарбийлари Афғонистон ҳудудидан ракеталар билан ўққа тутилгани тўғрисида асоссиз хабарлар тарқалмоқда. Мазкур хабарлар ёлғон ва ҳақиқатга мос келмайди.

‼️ Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд👆

https://t.iss.one/hudud_inform

РАСМИЙ БАЁНОТ

2022 йил 18 апрель куни жиноят ишлари бўйича Шайхонтоҳур туман судида К. Раббимов (1977 йилда Самарқанд вилоятида туғилган) ва Ш. Самандаров (1997 йилда Навоий вилоятида туғилган) га нисбатан маъмурий ҳуқуқбузарлик тўғрисидаги иш кўриб чиқилди.

Аниқланишича, 2022 йил 17 апрель куни К. Раббимов ва Ш. Самандаров Тошкент савдо маркази (Шайхонтоҳур тумани) олдидаги жамоат жойида шовқин қилиб туришган вақтда шу ерда хизмат олиб бораётган ички ишлар органлари ходимлари келиб, уларнинг шахсини аниқлаш мақсадида ИИБ биносига таклиф қилишганда, уларга қаршилик кўрсатиб, ички ишлар органлари ходимларининг қонуний талабларини бажармасдан, уларни омма олдида ҳақорат қилишган.

Ҳуқуқбузарлар К. Раббимов ва Ш. Самандаровнинг ҳаракатлари ишда мавжуд тўпланган далиллар, жабрланувчи З. Турсуновнинг аризаси, гувоҳларнинг тушунтириш хатлари ва бошқа ҳужжатлар билан ўз тасдиғини топган.

Суднинг қарорига кўра:

К. Раббимов Маъмурий жавобгарлик тўғрисидаги кодекснинг 183-моддаси (майда безорилик), 194-моддаси (ички ишлар органлари ходимининг қонуний талабларини бажармаслик) 1-қисми ва 195-моддаси (ички ишлар органлари ходимларининг ўз хизмат бурчларини бажаришларига қаршилик кўрсатиш) да назарда тутилган маъмурий ҳуқуқбузарликларни содир этган деб топилиб, унга Маъмурий жавобгарлик тўғрисидаги кодекснинг 34-моддаси (бир неча ҳуқуқбузарликни содир этганлик учун маъмурий жазо қўлланиш) га асосан узил-кесил 15 сутка маъмурий қамоқ жазоси тайинланди.

Ш. Самандаров Маъмурий жавобгарлик тўғрисидаги кодекснинг 194-моддаси 1-қисмида назарда тутилган ҳуқуқбузарликни содир этган деб топилиб, унга базавий ҳисоблаш миқдорининг бир баравари миқдорида жарима жазоси тайинланди.

Ушбу қарор устидан К. Раббимов томонидан келтирилган апелляция шикояти Тошкент шаҳар судининг жиноят ишлари бўйича судлов ҳайъати апелляция инстанциясида кўриб чиқилиб, 2022 йил 18 апрелдаги жиноят ишлари бўйича Шайхонтоҳур туман судининг К. Раббимовга нисбатан чиқарилган қарори ўзгартирилди.

Тошкент шаҳар судининг жиноят ишлари бўйича судлов ҳайъати апелляция инстанциясининг 2022 йил 18 апрелдаги қарори билан К. Раббимовга узил-кесил базавий ҳисоблаш миқдорининг 2 баравари миқдорида жарима жазоси тайинланиб, апелляция шикояти қаноатлантирилди.

Қарорнинг қолган қисми ўзгаришсиз қолдирилди.

https://t.iss.one/hudud_inform

👼 Ўзбекистонда йил бошидан 203,7 минг туғилиш қайд этилган

🏢 Давлат статистика қўмитаси маълумотларига кўра, 2022 йилнинг 1 апрель ҳолатига республикамизда 203,7 минг туғилиш қайд этилган.

✅ Ўтган йилнинг мос даври билан солиштирилганда 13,4 % га ошган.

📊Ўзбекистонда 2021 йилда қайд этилган туғилишлар сони 1991 йилда қайд этилган туғилишлар билан солиштирилганда 25,1 % га ошган.

https://t.iss.one/hudud_inform

Кучли шамол вақтида хавфсизлик чоралари

- яшаш жойларида эшик-деразалар, чордоқ ва ҳаво айланиш тизимларини маҳкам беркитиш;
- электр ва газ воситаларини ўчириш;
- кўчаларда дарахт ва электр устунлари тагида турмаслик;
- кўп қаватли бинолар балконларида, дераза токчалари ҳамда ташқаридаги буюмларни имкон қадар хавфсиз жойларга олиб қўйиш ёки мустаҳкамлигини текшириш;
- шамол кучайганда, мустаҳкам қурилган бинолар, ер ости ўтиш йўллари ва бошқа яшириниш мумкин бўлган жойларда муҳофазаланиш;
- очиқ майдонда юрган ҳолларда пастликлар, чуқурликлар ва барча хавфсиз ерларга ётган ҳолда ҳимояланиш;
- бузилган биноларга кириш, хавфли устунлар, реклама устунлари ва дарахтлар ортига яшириниш тақиқланади;
- кучли шамолдан сўнг электр ва газ жиҳозларидан улар текширилгандан кейин фойдаланиш талаб этилади.

Шу ўринда Фавқулодда вазиятлар вазирлиги автомобилларни дарахтлар остида қолдирмасликни тавсия этади.

https://t.iss.one/hudud_inform