“Ўзтрансгаз” АЖ тизимидаги Компрессор станцияларининг фаолияти тўхтаб қолганлиги ва уларни қайта ишга туширилиши бўйича маълумот

Умумтизимда юзага келган носозликлар сабабли мамлакатимиздаги мавжуд газ қазиб олиш конлари ва уни қайта ишлаш заводларида технологик жараёнларнинг бузилиш ҳолатлари кузатилмоқда. Бу эса, ўз навбатида газ ишлаб чиқариш ҳажмининг камайишига олиб келмоқда.

Бир вақтнинг ўзида “Ўзтрансгаз” АЖ тизимидаги Компрессор станцияларининг агрегатлари фаолияти тўхтатилди. Жумладан 25 январь куни Ғаллаорол КСдаги 12 та газ ҳайдаш агрегати(ГҲА) иш фаолиятини тўхтатди.

Юзага келган фавқулодда ҳолатни тезкор равишда бартараф қилиш мақсадида “Ўзтрансгаз” АЖда Республика штаби назоратида бўлган фавқулотда гуруҳ ташкил қилинди ва авария-таъмир бригадалари сафарбар этилди. Республика штаби билан координация қилган ҳолда, биринчи навбатда иссиқлик электр станцияларини ишга имкон қадар тез туширишда амалий ёрдам бериш ва газ транспорт тизимини фаолиятини тиклаш-гуруҳнинг асосий вазифаси этиб белгиланди.

Натижада, 25-26 январь кунлари авария ҳолатида тўхтаб қолган 6 та компрессор станциясидан 5 таси тўлиқ бўлмаган ҳолатда ишга туширилди.

Жорий йил 26 январь соат 18.00да магистрал газ қувурлари тармоғига узатилаётган табиий газ миқдори соатига 4 839 минг куб метрни ташкил этди.

Жумладан, газ қазиб олувчи ташкилотлардан соатига 3 261 минг куб метр, (25 январь соат 10.00 да 5 490 минг куб метр газ олинган) табиий газ импорти соатига – 710 минг куб метр (25 январь 10.00га кўра, 620 минг куб метр) газни ер остида сақлаш иншоотларидан соатига – 868 минг куб метр (25 январь 10.00 ҳолатига кўра 870 минг куб метр) табиий газ олиш йўлга қўйилди.

Мутахассислар тақдим этган ҳисоботларига кўра, газ қазиб чиқарувчи корхоналарининг электростанцияларни зарур даражадаги газ ҳажми билан таъминлаши ва газ қувурлари тизими орқали зарур иш босимини тиклаш ишларини амалга ошириш учун камида 2 кун талаб этилади. Ҳозирда жойларда компрессор станцияларини тўлиқ ишга тушириш бўйича ишлар давом этмоқда.

“Ўзтрансгаз” АЖ Матбуот хизмати

▶️@minenergy_uz
▶️@prminenergy

Бугун, 27 январь куни эрталаб соат 9:00 дан бошлаб шаҳарлараро йўналишлар бўйлаб, шунингдек, аксарият ҳудудларда газ қуйиш шохобчалари ишлай бошлайди.

Айни дамда Тошкент, Фарғона, Андижон ва Наманган вилоятлари бундан мустасно бўлиб, ушбу ҳудудларда газ таъминотининг иш режимини тиклаш ишлари олиб борилмоқда.

Эртага эрталабдан бошлаб республикамиздаги барча газ қуйиш шохобчалари иш фаолиятини тиклаш режалаштирилмоқда.

https://t.iss.one/hudud_inform

197 миллион сўмдан зиёд сифатсиз қурилиш-монтаж ишлари бўйича буюртмачиларга талабнома киритилган

АОКАда бўлиб ўтган брифингда «Ўзйўлинспекцияси» ахборот хизмати раҳбари Комилжон Шамсиддинов юридик ва жисмоний шахсларнинг мурожаатлари таҳлили юзасидан маълумот берди.

📨 Йўл-қурилиш ишлари сифатини назорат қилиш инспекциясига 2021 йил якуни бўйича Жисмоний ва юридик шахслар томонидан жами 377 та мурожаат келиб тушган.

📊 Ҳудудлар миқёсида кўриб чиқадиган бўлсак, Тошкент шаҳри, Тошкент ва Наманган вилоятларидан келган мурожаатлар салмоғи ошган.

📝 4 та ҳолат бўйича 197 млн 325 минг сўм миқдорида сифатсиз бажарилган қурилиш-монтаж ишларини ҳисоботдан чиқариш бўйича буюртмачиларга талабнома киритилди.

📌 Сифатсиз йўл қурилаётгани ва асфальт ётқизилган йўлларнинг қисқа муддатда (яъни 1 йил ичида) бузилиб кетганига гувоҳ бўлсангиз, “Ўзйўлинспекция” ишонч телефони рақами – (71) 268-93-21 ва расмий сайт dyi.uz орқали йўллашингиз мумкин.

▫️Батафсил

https://t.iss.one/hudud_inform

📢 28 январь, жума куни ўтказилиши режалаштирилган тадбирлар:

〰️〰️〰️
📍Брифинг

●Мавзу: Реклама соҳасида ноҳалол рақобат ва нотўғри рекламанинг олдини олиш бўйича амалга оширилган ишлар
● Вақти: 12:00
● Иштирок этади: Моҳрухсор Тоғаева, Истеъмолчилар ҳуқуқларини ҳимоя қилиш агентлиги ахборот хизмати раҳбари

〰️〰️〰️
📍Брифинг

● Мавзу: Жамиятда хотин-қизларнинг ҳуқуқий маданиятини юксалтириш масалалари
● Вақти: 14:00
● Иштирок этади: Хуршида Сайдивалиева, «Маҳалла ва оила» илмий-тадқиқот институти бошқарма бошлиги

〰️〰️〰️
📍Брифинг

● Мавзу: «Ўзагроинспекция»нинг 2021 йилдаги фаолияти таҳлили
● Вақти: 15:00
● Иштирок этади: Холида Шодиева, Инспекция ахборот хизмати раҳбари

〰️〰️〰️
📍Матбуот анжумани

● Мавзу: Судларнинг одил судловни амалга оширишдаги фаолияти (2021 йил) ҳамда мамлакатимизда адолат ва қонун устуворлигини таъминлашга оид устувор вазифалар
● Вақти: 16:00
● Иштирок этади: Олий суд раиси ўринбосарлари

〰️〰️〰️
✏️ Саволларни @Rasmiy_aloqabot га жўнатишингиз мумкин. ОАВ ходимлари таклиф этилади.

https://t.iss.one/aoka_uz

💰“Соғлом турмуш тарзи” платформаси учун 100 миллиард сўм ажратилади

“Юрак-қон томир касалликларининг олдини олиш ва даволаш сифатини ошириш чора-тадбирлари тўғрисида”ги Президент қарорига биноан, 2022 йилда:

⏱“Соғлом турмуш тарзи” платформасидан фойдаланувчиларни рағбатлантириш, уларнинг сонини янада ошириш ҳамда бу борада олиб борилаётган ишлар кўламини янада кенгайтириш мақсадида Давлат бюджетидан 100 миллиард сўм ажратилади.

🛡Туман ва шаҳар тиббиёт бирлашмалари лабораторияларини эҳтиёжга қараб коагулометр ускунаси ва зарур реактивлар билан таъминлаш ҳамда “Тўғри овқатланиш ва соғлом турмуш тарзи” хоналарини ташкил этиш учун ҳар бир туман (шаҳар) бюджетларидан 350 миллион сўмгача маблағ ажратиш кўзда тутилади.

🔋Туман ва шаҳар тиббиёт бирлашмаларида 4 турдаги кардиология ускуналари мавжудлиги юзасидан хатлов ўтказиш ҳамда зарур бўлган жиҳозларнинг хариди учун республика бюджетидан Соғлиқни сақлаш вазирлигига марказлашган тартибда ажратиладиган маблағлар ҳисобидан 60 миллиард сўмгача бўлган миқдорда маблағ ажратилади.

Манба

https://t.iss.one/hudud_inform