#Zakovat #Prezident_maktablari

✅ "XIVA PREZIDENT MAKTABI" JAMOASI - "ZAKOVAT" SOVRINDORI!

Kecha "Zakovat" intellektual o'yinining betakror final bahsi bo‘lib o‘tdi. Unda Xorazm viloyatining "Xiva Prezident maktabi" jamoasi g‘alaba qozonganidan g‘oyatda faxrlandik.

Finalda Davlatimiz rahbari Shavkat Mirziyoyev ham ishtirok etib, jamoatchilik oldida «Zakovat» g'oliblarini mukofotlash to‘g‘risidagi farmonga imzo chekkanlari esa zakovatli yoshlar uchun tarixiy kun bo'ldi, deyish mumkin.

Taqdirlanganlar orasida Prezident maktabi pedagoglarining ham borligi biz uchun quvonarli.
Xiva shahridagi Prezident maktabining informatika fani o‘qituvchisi, jamoa sardori Matkarimov Azamat ham Prezident Farmoniga ko'ra "Shuhrat" medali bilan taqdirlandi.

"Zakovat" ishtirokchilari va g‘oliblarini yuksak e'tirof bilan tabriklaymiz va ularga yana-da ulkan zafarlar tilaymiz!

Hilola Umarova,
Prezident ta'lim muassasalari agentligi direktori

#Zakovat

✅ Bugun Agentligimiz tizimidagi maktablar o’rtasida “Zakovat” intellektual o’yinining respublika bosqichi bo’lib o’tdi.

Unda maktablarimizdan 26 ta terma jamoa ishtirok etib, 4 tur doirasida o’z bilimlarini sinovdan o’tkazishdi.

❗️”Zakovat" o'yinlari asoschisi Abdurasul Abdullayev o’quvchilarimizning savollarga javob berishdagi tezkorliklari, murakkab savollarga ham oson javob topishlarini alohida e’tirof etdi.

Musobaqa yakuniga ko'ra:

🥇1-o'rinni - Namangan shahridagi Prezident maktabi,
🥈2-o'rinni - Abdulla Oripov nomidagi ijod maktabi,
🥉3-o'rinni - Samarqand shahridagi Prezident maktabi jamoasi qo’lga kiritdi.

Sovrindor jamoalarning har bir a’zosi diplom va noutbuklar bilan taqdirlanishdi. Shuningdek, g’olib jamoalarga “Zakovat” stipendiyasi ham berilishi ko'zda tutilgan.

O’yin qizg’in bahslarga boy holda o’tdi. Har bir tur natijalari hayajon bilan qarshi olindi. Shuningdek, o'yin doirasida appelyatsiya jarayonlari ham bo’lib o’tdi.

Aytish mumkinki, bunday o’yinlar yoshlarimizning intellektual salohiyatini oshirish va bo’sh vaqtlarini samarali tashkil etishda alohida ahamiyatga ega.

O’quvchilarimizga bundan keyingi faoliyatlari hamda o’qishlarida ham omad tilayman.

Zafar hamisha yor bo’lsin, aziz yoshlar!