Hasankhoja Muhammad Sodiq

Talabalarga taklif va iltimos

Telegram | Instagram | YouTube | TikTok

👍36❤4👎3😢3🔥2

6.75K views04:50

RIZQ.
Hasan Basriy rohimahulloh aytadi:
“Rizqimni mendan o‘zga hech kim olmasligini bilganimdan so‘ng xotirjam bo‘ldim!”.
Imom Shofi'iy rohimahulloh aytadi:
“Kim agar rizq kuch bilan keladi deb o‘ylasa bilsinki, chumchuq burgut bor joyda hech narsa yeya olmas edi”.
Shayx Sha'roviy rohimahulloh aytadi:
“Seniki bo‘lgan narsa zaif bo‘lsangda senga keladi. Seniki bo‘lmagan narsaga kuchli bo‘lsangda erisha olmaysan!”.
Biz rizqning ma'nosini tor olganmiz. Uni faqat molda deb o‘ylaymiz. Bu xatodir va rizq mazmuniga yuzaki qarashdir. Ko‘p rizqlar borki, biz ularni rizq sanamaymiz. Chunki biz faqatgina cho‘ntakka kirgan narsani rizq deb o‘ylab qolganmiz. Go‘yoki boshqa narsa rizq emas.
Olamda qalbi tosh xotinlar ko‘p. Ammo seni uyda kutib o‘tiradigan mehribon umr yo‘ldoshing rizqingdir.
Dunyoda qalbi qattiq erkaklar ko‘p. Agar seni himoya qiladigan suyukli ering bo‘lsa bu sening rizqingdir.
Ota-onasiga oq farzandlar tiqilib yotibdi. Agar sening solih farzandlaring bo‘lsa bu sening rizqingdir.
Buzuq qizlar ko‘p olamda. Agar seni jannatga olib kiradigan soliha qizing bo‘lsa bu sening rizqingdir.
Qancha-qancha ko‘zlar uxlay olmaydi. Agar sen kechasi yaxshi uxlayotgan bo‘lsang bu sening rizqingdir.
Atrofing to‘la bemor. Agar sen sog‘ va salomat bo‘lsang bu sening rizqing.
Dunyoda oyog‘i kesilganlar ko‘p. Sening oyog‘ing butun bo‘lsa bu sening rizqing.
Atrofingda ko‘rlar ko‘p. Sening ko‘zlaring ochiq bo‘lsa bu sening rizqingdir.
Sening mehribon onang bor. Qancha-qancha bolalarning onasi yo‘q. Bu sening rizqingdir.
Yetimlar dunyoni to‘ldirib turganida sening otang bor. Bu sening rizqingdir.
Sen musulmonsan. Atrofingda besh milliard inson do‘zaxga tushmoqda. Bu sening rizqingdir.
Yer yuzidagi ko‘p ayollar do‘zaxga kirmoqda. Sen esa Robbingga itoat qilmoqdasan. Bu sening rizqingdir.
Sayyoraning ko‘p joylarida kishilar ochlikdan o‘lmoqda. Sening esa yeyishga bir necha xil taoming bor. Bu sening rizqingdir.
Qancha-qancha ayollar ko‘chalarda tunashayapti. Sening esa tunaydigan uying bor. Singlim, bu sening rizqingdir.
Atrofingda birodarlaring bor. Olamda esa yolg‘iz insonlar qancha! Bu sening rizqingdir.
Farzandlaringni ko‘ksingga bosayapsan. Qancha-qancha onalar guldek farzandlarini qabrga qo‘yishgan. Bu sening rizqingdir.
Bashariyatning yarmi o‘qishni bilmaydi. Sen esa o‘qishni bilasan. Bu sening rizqingdir.
Senda ovqat pishirishni o‘rgatadigan kitobing bor. Qancha –qancha ayollar ovqat qilishga masalliq topa olishmaydi. Bu sening rizqingdir.
Farzanding maktabga borganida qaytmasligidan xavotir olib qo‘lingni qalbing ustiga qo‘yishing rizqdir.
Qancha-qancha bemorlar ovqat yeyishdan mahrum bo‘lishganda sening ishtaha bilan ovqat yeyishing rizqdir.
Qancha-qancha ayollar bolalariga nonushta topib bera olishmayotgan paytda sen ertalab qahva ichib o‘tirishing rizqdir.
Olamda ko‘p rizqlar borki, ularning qiymatini mol bilan o‘lchab bo‘lmaydi. Alloh senga taqsim qilib bergan rizqqa rozi bo‘l, ana shunda eng boy inson bo‘lasan.
Boshqalar qo‘lidagi narsalarga boqma , saodatli bo‘lasan!

👍97❤27😢10🔥6🤩4

10K views11:50