Bir yildan oshiq vaqt davomida "Osmondagi bolalar" loyihasi Najot Ta'lim tomonidan qo'llab-quvvatlab kelindi, unga ketadigan barcha xarajatlar markaz tomonidan qoplandi. Buning o'ziga yarasha sabablari bor, masalan, ko'rsatuvga reklama olinmadi, hech kim pul bilan bu ko'rsatuvga chiqmadi, har qanday bu boradagi takliflar ham rad etildi. Lekin baribir loyihaga qo'llb-quvvatlov kerak edi.

Yaqinda "Subyektiv" loyihasi Payme orqali "donate" imkonini qo'shganini ko'rib shu orqali loyihani rivojlanitirish haqida o'yladik.

Bugundan Payme va Click orqali Osmondagi bolalar loyihasini qo'llab-quvvatlash ishga tushdi. Endi istalgan kishi loyihani shu orqali qo'llab-quvvatlasa bo'ladi.

Loyiha o'sha-o'sha prinsiplarda sodiq qoladi, kontent barcha uchun bepul va sifatli bo'ladi, hech kim bu loyihaga mablag' evaziga chiqmaydi. O'ylaymanki, biz loyiha orqali yangi qahramonlarni kashf etishda davom etamiz.🙂