Manimcha…

Kechagi buyuk g‘alaba ortidan, bir tadbirkor akamiz darvozabonga uch xonali, to‘liq sharoitli uy sovg‘a qilgani, yana bir restoran tarmog‘i egasi esa jamoa a’zolari uchun umrboqiy bepul xizmat yo‘lga qo‘ygani haqida eshitdik.

Avvalo, bu kabi sahovatli ishlari uchun u zotlarga samimiy tashakkur aytamiz. Alloh niyatlariga yarasha baraka bersin. Bu saxiylik, albatta, kechagi g‘alabaning berayotgan ijobiy tuyg‘ulari bilan chambarchas bog‘liq.

Ehtimol, biz ham u darajadagi tadbirkor bo‘lsak, shunga o‘xshash hadyalarni bajarar edik. Lekin voqelikka sal sovuqroq, hushyorroq nazar tashlansa, boshqa — yanada foydaliroq, ta’sirliroq yo‘l ham ko‘zga tashlanadi.

Axir, ehsonning mohiyati shundaki — u insonni “ekonom”dan “komfort”ga olib chiqmog‘i lozim. “Komfort”dagini esa “komfort+” darajaga ko‘tarish emas.

Masalan:
• Ko‘p yillardan beri 3-4 aka-uka bilan bir uyda yashayotgan, turmush qurishga sharoiti yo‘q yigitga yordam ko‘rsatish.
• Otasiz qolib, ko‘chada qiyinchilikda yashayotgan yetim bolaga boshpana ulashish.
• Umrini ilmga bag‘ishlab, haligacha ijarada kun kechirayotgan halol ustozni quvontirish.

Bu — yanada manfaatli, mantiqli va yurakka yaqin bo‘lgan ishdir.

Xuddi shuningdek, bir kunlik bepul ovqatni yeb, tunlari och yotayotgan kishiga muntazam taom yetkazib berish ham ana shu mezonga yaqin bo‘lur edi.

Albatta, tadbirkor akalarimiz bu kabi savobli ishlarni yashirin holatda allaqachon qilayotgan bo‘lishlari ham mumkin. Ammo shuni unutmaslik kerakki, muhtoj inson turib, imkonli kishiga ehson qilish — gohida “ikki to‘g‘ri ish orasida to‘g‘rirog‘ini tanlay olmaslik” bo‘lib chiqadi.

Bu gapimdan noto‘g‘ri ma’no chiqmasin. Na hasad, na e’tiroz — faqat bir iltimos: ehson qilganda haqiqiy muhtojni izlab topish, yaxshilikni to‘g‘ri yo‘l bilan manziliga yetkazish ham katta ilm, katta tafakkur va yurak ishidir.

Ertaga shogirdlarimiz ichidan ham sahiy, himmatli insonlar chiqadi, inshaAlloh. Ana shunda ular savobni eng haqligacha yetkazish mas’uliyatini unutmasin degan niyat bilan yozdim.

Spoiler…)

Hamid Sodiq ustoz bilan 2,5 soat suhbatlashdik.
Katta mavzular emas — Ustoz o‘z farzandlariga qanday ota?
(Ularni eshitib, biroz jim bo‘lib qoldik.)

Farzand bilan gaplashishdagi sabr, tarbiyadagi nozik chiziqlar…

Kitoblardan o‘rganilmaydigan, faqat yashab bildiriladigan uslublar.

Ta’lim, sport, siyosat haqida ham — ochiqchasiga.

Suhbat tugadi, lekin ichimda savollar hali ham ko’p…

Aniqrog’i:

Eng yaxshi ustoz o‘zini “keraksiz” qilib qo‘ymaydi. U shogirdni erkin qo‘yadi, ammo har doim ko‘z uzmaydi. Ustozni orqada ko‘rish — yo‘lni o‘zing bilishing emas, yo‘ldan adashmaslikka yordamdir.

O‘zbekiston ilk bor Jahon chempionatiga yo‘llanma oldi. Ortidan esa darrov Argentina bilan o‘rtoqlik o‘yini bo‘yicha xabarlar tarqala boshladi.

Bu voqelik ikki narsani isbotlaydi:

1. Minimal yutuq — maksimal eshiklarni ochadi.
Sen maydonga chiqqaningda, kimdir seni ko‘radi. E’tibor, imkoniyat, aloqalar – barchasi harakatga keladi. Orzuindagilar bilan uchrashishing osonlashadi. Yo’l ochiladi. E’tiborga tushasan. Networking ishga tushadi. Qolgan Ishlaring karrasiga tezlashib ketadi.

2. Bunday uchrashuvlarga iltimos bilan emas, sha’n bilan borasan.
Sen eshik taqillatib kiradigan emas, taklif etiladigan odam bo‘lasan. Bu – o‘zingni tayyorlab, munosib bo‘lganingda paydo bo‘ladigan sharafli yo‘ldir.

Xulosa: Shogird tayyor bo‘lsa — ustoz topiladi.
Va dunyo seni ko‘radi.

Shundaylardan biri

Karimamiz..)

Sinov

Erkak kishi ayolining hastaligida sinovdan o‘tadi.

Ayol erining kambag‘alligidagi sinovdan o‘tadi.

Do‘st og‘ir kunlarda sinovdan o‘tadi.

Farzandlar esa ota-onasining qariligida sinovdan o‘tadi.

Aka-ukalar meros taqsimotida sinovdan o‘tadi.

Qarindoshlar g‘ariblikda sinovdan o‘tadi.

Haqiqiy muhabbat manfaat tugaganda sinovdan o‘tadi.

Sabr esa vaqt bilan sinovdan o‘tadi.

Yaxshi niyat amal bilan sinovdan o‘tadi.

Tavba vasvasa bilan sinovdan o‘tadi.

Ilm esa amal bilan sinovdan o‘tadi.

Ishonch sir bilan sinovdan o‘tadi.

Tarbiyachi esa o‘z farzandining xulqi bilan sinovdan o‘tadi.

Iymon esa vasvasali zamonda sobit turish bilan sinovdan o‘tadi.

Xodim esa — lavozim bo‘shaganida va foydasi qolmaganda qanday ketishi bilan sinovdan o‘tadi.
Kimdir duo bilan ketadi, kimdir dushmanlik bilan. Bu esa uning asl qadrini ko‘rsatadi.

Mo‘min kishi esa balolar ila sinovdan o‘tadi!!!

Muammo — ishni qayta boshlashda emas.
Muammo — qayerdan va qanday darajada boshlashda.

Kimdir yillar davomida ustoz edi.
Ilm berdi, jamoa bo‘ldi, hurmat qozondi.
Ketdi.

(Agar ishingizni diyonatan xatolik yuzasidan o’zgartimagan bo’lsangiz)

Ammo ketgach, o‘zi yaratgan darajani olib ketmadi.
Qaytib, nol nuqtadan boshladi.

Bu orqaga ketish.

Kirakash bo‘lish — ayb emas.
Ustozlikdan so‘ng kirakashlikda qolib ketish — muammo.

Yiqilish - muammo emas. Hammada bo'ladi. Yiqilgandan keyin, haydovchilikdan boshqasiga yaramaslik – katta muammo.

Tajriba zaxira bo‘lishi kerak edi.
Daraja — cho‘qqi bo‘lib qolishi kerak edi.
Lekin hammasi yerga teng bo‘ldi.

Xulosa:
Qayta boshlash kerak bo‘lsa — boshlang,
Lekin o‘zingizni yo‘qotgan holda emas.

Shunday bo’lsa, pul sizni sotib olgan,
sevmagan kasbingizda ishlagansiz, shunchaki vaqt o‘tkazgansiz.

Erkin fikr, erkin ta’lim - Amerika kuchining ildizimi?

Bugungi kunda yoshlar ilm olish uchun emas, testdan o‘tish uchun, ball olish uchun o‘qishmoqda. Har yili minglab bitiruvchilar oliygohlardan diplom olib chiqadi. Ammo ularning nechtasi fikrlay oladi? Nechtasi mustaqil qaror qilishga tayyor?

Kelajakda erkin jamiyat qurmoqchimizmi? Unda erkin fikrga asoslangan ta’limdan boshlaylik.

Farid Zakariya Amerika ta’limini chuqur tahlil qilib, uni sir-asrorlarini aniq faktlar bilan bo’lishadi. Amerika yoshlari nega bunchalik novator? Amerika global yetakchiligi sababi nimada edi?

“Erkin ta’lim himoyasida” kitobi — bu jamiyatga tayyor ishchi emas, tayyor inson yetkazib beradigan tizim. Bu ta’lim - fikr yuritishni, tanqidiy qarashni, haqiqatni izlashni o‘rgatadi.

“Erkin ta’lim himoyasida” kitobini “Mutolaa” ilovasida tinglashingiz yoki o’qishingiz mumkin.

Hoziroq kitobni marketdan -30% chegirma narxi bilan (30-iyungacha) xarid qiling:

🎧 Audio kitob: 30.000 so‘m / 21.000 so‘m
📚 Elektron kitob: 20.000 so‘m / 14.000 so‘m

• Havola: ustiga bosing

Taklifnoma bilan qabul qiladigan ta'lim markazi haqida eshitganmisiz?

Ta’limdagi eng katta xavotirimiz — sifatning pasayishi, o‘quvchining ilmga majburan emas, o‘z istagi bilan intilmasligidir. Shuning uchun ham ta’limda yangicha qarash va yondashuvlar zarur.

Shunday yondashuvlardan biriga Najot Ta’lim qo'l uribdi ya'ni majburan o‘qiyotgan, qiziqishi bo'lmagan o‘quvchilarni saralash va sifatni yanada yaxshilash maqsadida qabul tizimini tubdan o‘zgartirdi.

Endi Najot Ta'lim kurslariga yozilish uchun maxsus taklifnoma talab qilinadi. Taklifnoma bitiruvchida bo'ladi, u kimga berish-bermaslikni suhbat orqali hal qiladi, taklifnomani markazga olib kelib, kurslarga yozilish mumkin.

8500 dan ortiq bitiruvchi va ularning 85%-95%i kasbli qilgan Najot Ta'lim 25-iyun kungi taqdimotda markaz sun'iy intellektga integratsiya bo'lganini va bir qator yangi kurslarni e'lon qildi.

Kecha Sodiq school maktabimiz o‘zining uchinchi bitiruvchilarini katta hayot sari kuzatdi.
Yana bir avlod — ilm, orzu va mas’uliyat bilan yo‘lga chiqdi.

Bitiruv kechamizda qalbdan chiqqan tilaklar va ogoh so‘zlar yangradi.

Sahifamizdagilar uchun ham foydali bo‘ladi, degan umidda ulashib qo’yamiz.

Bismillah.

Aziz va qadrli bitiruvchilar!

Bugun maktabimiz devoriga sizlarning suratlaringiz joylashtiriladi. Oldingizda shu maktabdan o‘tgan juda ko‘plab bitiruvchilarning suratlari kabi, sizniki ham maktabimiz tarixining bir parchasi bo‘lib qoladi. Ammo shu suratlar orasida shundaylari ham borki, ko‘zimiz ularga tushganda hatto ismlarini eslashga qiynalamiz. Ba’zilarini esa gap ohangidan tortib, yurish-turishigacha go‘yo hozir ham ko‘z oldimizda jonlanadi. Xuddi ular yonimizda turgandek tuyuladi.

Endi men sizlardan bir narsani chin yurakdan so‘rayman:

Suratlaringizni faqat maktab devorida emas, odamlarning qalbida qoldiring!

Bu qanday amalga oshishi mumkinligini esa ustozlaringizning ko‘p bora ta’kidlagan nasihatlari orqali eslatmoqchiman:

Ishingizni doimo “Bismillah” bilan boshlang va “hamd” bilan yakunlang.
Zero, biz ana shu ikki muborak so‘z orasida ekansiz, omonlikda yashaysiz.

Foydadan ko‘ra foydali bo‘lishni afzal ko‘ring.

Hozirda ko‘pchilikning asosiy savoli:
“Men bu narsadan qanday foyda ko‘raman?”
Ammo siz, azizlar, bu savolni boshqacharoq shaklda bering:
“Men bu yerga qanday foyda olib kela olaman?”

Shu yerda kichik bir misolni keltirib o‘tishni istayman:
Bir o‘quvchimiz darslardan keyin maktabimizda yosh o‘quvchilarga bepul ko‘ngilli mashg‘ulotlar o‘tkazishni boshladi. O‘sha kundan boshlab uning hurmati ham yoshlarning qalbida oshdi, o‘ziga bo‘lgan ishonchi ham ortdi. Beg‘araz qo‘shayotgan qiymati uchun bizning ham mehrimiz yuksaldi.

M unutmasligingiz kerakki, foydali inson bo‘lish uchun albatta katta mol-dunyo yoki alohida imkoniyat kerak emas.
Ba’zan oddiygina bir tabassum, samimiy bir so‘z yoki chin qalbdan uzatilgan bir yordam qo‘li insonlarning yuragida abadiy iz qoldirishga yetadi.

Foyda keltirish – bu ko‘z-ko‘z qilish emas.
Bu – qalbingizdagi samimiyat va insonlarga bo‘lgan muhabbatingizdan kelib chiqadi. Riyo orqali uni habata qilmang.

Maktabimizda shunday ustozlar bor, ularning o‘quvchilarga ko‘rsatgan kichik bir mehribonligi ham yillar o‘tsa-da, hanuz o‘quvchilarimiz xotirasida saqlanib qolmoqda.

Bugun, mana shu zalda sizlar tanlangan insonlarsiz.
Ammo sizga aytamanki: kelajakda tanlangan bo‘lish bilan kifoyalanmay, tanlovchi bo‘linglar.

Yaqindagina ikki taniqli universitet eng yaxshi bitiruvchilarimizdan birini talashib qoldi. Ana shunda bitiruvchimiz uchun tanlash imkoniyati tug‘ildi. Endi tanlash qarori unda. Haqiqatan, tanlangan bo‘lish go‘zaldir, ammo tanlovchi bo‘lish yanada go‘zaldir.

Pul – hamma narsa emas.
Ammo moliyaviy savodsizlik insonni o‘z nafsiga qul qilib qo‘yadi.

Daromad va savobni hech qachon bir-biriga qarama-qarshi qo‘ymang.
Balki har ikkalasini chiroyli muvozanatda tutishni o‘rganing.

Qadriyatlaringizni sotmang.

Foyda katta bo‘lsa ham, rad qilish qiyin bo’lsada qadriyatingizga zid ishni tanlamang. Targ’ibida qatnashmang. Bir bloger akamiz yiliga yarim million dollarlik qimor o’yinlar reklamasi taklifiga rad javobini berganlari kabi.

Qiymat qo’shmaydigan sohalarni tanlamang.

Hayotingiz davomida hali juda ko‘p marralarni zabt etasiz.
Ammo bir muhim qoidani hech qachon unutmang:
Hayotning mohiyati nimagadir erishishda emas – o‘sha narsaga qanday erishganingiz va unga loyiq bo‘lishingizdadir.

Boylik, maqom, mansab – bu vosita. Ular siz uchun yaxshi ham bo‘lishi mumkin, yomon ham.

Barchasi siz qanday yo‘l bilan ularga erishganingizga bog‘liq.

– Hamma yaxshi juft istaydi. Ammo eng to‘g‘ri yo‘l – avval o‘sha ne’matga loyiq inson bo‘lishdir.

Do‘stingiz sizdan yaxshi natija qilayotgani uchun natijangizni yaxshilamang,
kimdir sizni maqtashi uchun ham ortiqcha harakat qilmang.

Soxta maqtovlarga aldanib o‘zingizni yo‘qotib qo‘ymang.


Biz ideal bo‘lishga buyurilmaganmiz.
Biz tavba qilishga buyurilganmiz.

Bu: “xato qilaveraver” degani emas.

Bu – xato qilgach saboq olib, tavba bilan yangidan boshlash degani.

Ba’zan hech nima qilgingiz kelmaydi.
Ba’zida oldingizdagi muammolar yechimsizdek ko‘rinadi.

Ammo bunday paytda shuni unutmang:
Tugunlar – siz yechim uchlarini topishingiz uchun mavjud.

Qadrli bitiruvchilar, sodiq bo‘ling!

Hayot sizga qanday imkoniyatlar bersa ham,
ustozlaringizga, ilmga, yurtingizga, o‘zingizga, orzuingizga, Yaratganga sodiq qoling.
Sodiqlik – halollikning egizagidir.
Sodiqlik – umid so‘nayotgan paytda ham harakatda davom etishdir.

Orangizdan kelajakda ko‘plab imkon egalari chiqadi.
Shunda, iltimos, qobiliyatli bolalarning ta’limiga homiy bo‘ling!

– Ularga maktabga kirishga yordam bering.
– Imtihonga tayyorlovga yo‘l oching.
– Bir bolaning orzusiga ko‘prik bo‘ling.

Chunki siz bugun yurgan yo‘l – kim uchundir orzu. Har narsani zakoti bo’lganidek, bu ham ilmingizni zakotidir.

Ey erkaklar jamoasi, qizlaringizning ta’limiga befarq bo‘lmang.
Ularning orqasida tog‘ bo‘ling. Ko‘prik bo‘ling.

Ey ayollar jamoasi, ilmga g‘ayratingizni aslo to‘xtatmang.
Siz madrasasiz. Siz qulasangiz – jamiyat qulaydi.

Yo‘lingiz ravon bo‘lsin, aziz bitiruvchilar!

Sizni eslashsin – yaxshi inson sifatida, foyda bergan inson sifatida.

Turib, o‘z tarixingizni o‘zingiz yozing.

O‘zingizning tarixingizni o‘zingiz yozing.
Shunda bir kun orqaga qarab:
“Shukrki, bu yo‘lni tanlaganman,” deb aytasiz.

Va Hamd bilan so‘zlaringizni yakunlash nasib qilsin.

🎙 Sodiq Podcast taqdim etadi!
2-mavsum, 1-son: Sodiq School’dan — Harvardgacha yo‘l

💡 Jasurbek Umarov — oddiy oilada ulg‘aygan, ammo katta orzulari bilan Harvardgacha yo‘l olgan o‘quvchimiz.

U bilan hayotdagi stereotiplarni qanday sindirgani, shaxsiy muvaffaqiyatining sirlarini, kasb tanlashdagi muhim jihatlar hamda kelajakdagi karyerasi va jamiyatdagi roli haqida suhbatlashamiz.

Bu podkast — o‘ziga ishonmayotganlar, imkoniyat yo‘q deb o‘ylayotganlar va hali yo‘lning boshida turganlar uchun.

💬 Jasurbek: “Agar men uddalasam — demak, siz ham uddalaysiz.”

To’liq video

#lifehack
Tadbirkor tanishlaringizni ishidagi muammolarini bilishni eng zo’r usuli - kattaroq summada qarz so’rab ko’ring…

SHAXSIY YORDAMCHI – SHOGIRD KERAK.

Ishni “0”dan boshlaymiz. Lekin cheksiz o‘sish imkoniyati bor. Men nima bilsam, unga o‘rgataman. Yurt ichidagi va xalqaro doiradagi tanishlarim orqali networking imkoniyati ochiladi. Tajriba, malaka va ko‘nikma orttiradi.

Kim kerak?
Men bilan birga yuradigan, ishlaydigan, o‘rganadigan, rivojlanadigan "soldat" izlayapman.
Yonimda bo‘ladi. Ishni ko‘radi. O‘rganadi.
Asta-sekin mas’uliyatli topshiriqlarni oladi.
Tayyor bo‘lgach – rahbarlik lavozimiga o‘tadi.

Talablar:
1. O‘z ustida ishlaydigan, doimiy o‘sishga ochiq
2. Tanqidni ko‘tara oladigan, maslahatdan qochmaydigan
3. Og‘ir paytda qochmaydigan, “qiyin”dan qo‘rqmaydigan
4. Ingliz tilini kamida B2 darajada biladigan
5. Word, Excel, Google Drive, ijtimoiy tarmoqlar va kompyuter bilan yaxshi chiqisha oladigan
6. Raqam, tizim, vaqt va samaradorlikka e’tiborli

Ish vaqti – moslashuvchan (vaziyatga bog'liq) . Ammo to'liq vaqt ajratishi kerak. Part time kerak emas.

Nima beriladi?
1. Har kuni yonimda tajriba
2. Real muammolar, real mas’uliyatlar
3. Tanishuvlar, suhbatlar, networking
4. Turli sohalardagi bilimlar: menejment, ta’lim, kontent, marketing, loyiha boshqaruvi
5. Yaxshi o‘sishga qarab – ish haqi va lavozim

Kimlar murojaat qilsin?
Yaqin 3-5 yilda o‘zini lider sifatida tasavvur qilayotganlar
Vazifaga emas, maqsadga sodiq bo‘la oladiganlar
Qattiq mehnatga tayyorlar
Samimiy va sodiqlar.

Ushbu formani to'ldiring.

Endi seriali post chiqarishni boshlayman.

Mavzu: juda ko’p so’raladigan
Kasb tanlash, institut tanlash, yo’nalish tanlash haqida bo’ladi…

Ko’plab tadqiqotlar va faktlar asosida xulosalar qilib boramiz…

Tanishlaringizga ham ulashib boring…

“Major tier list”“ni ko’rib turibsiz. Sohalarni qiyinchilik darajasi deb tarjima qilsak ham bo’ladi.
Tabiiyki, eng qiyin sohalar muhandislik, bo’lib ham Aerospace engineering.
Eng osonlari esa ijtimoiy fanlarga oidlaridir.

Endi sizda savol paydo bo’ladi:
“Qaysi yo‘nalish eng foydali, qaysi birini tanlay?”

Avvalo bu iqtidorga, ehtiyoj va ihlosga bog’liq. Bu haqida alohida post qilinadi.

Endi yuqoridagi grafikni biroz tahlil qilsak:

🔴 1/6 – S TIER

Daraja: Strategik, chuqur, zarur
Nega?
– Katta intellektual kuch talab qiladi
– Bozor va jamiyatda yuqori talab
– Axloqiy va ijtimoiy foydasi aniq

Mutaxassisliklar:
– Elektr muhandisligi
– Fizika
– Matematika
– Kimyo muhandisligi
– Kompyuter fanlari
– Tibbiyot (shifokorlik)
– Ta’lim (ustozlik, tarbiya)
– Islom ilmlari (fiqh, tafsir, aqida – chuqur darajada)

🟠 2/6 – A TIER

Daraja: Kuchli, barqaror, istiqbolli
Nega?
– Ishga kirish imkoniyati kuchli
– Ilm-fan va iqtisodda rol o‘ynaydi
– Jamiyatda faol ishtirok etadi

Mutaxassisliklar:
– Biologiya
– Statistika
– Qurilish va arxitektura
– Iqtisodiyot
– Moliya (etika bilan)
– Dasturlash, sun’iy intellekt
– Arab, ingliz tillari (chuqur o‘rganilsa)
– Amaliy psixologiya

🟡 3/6 – B TIER

Daraja: Muvozanatli, foydali
Nega?
– O‘rtacha darajadagi foyda
– Tarbiya, ong va tafakkurga ta’sir qiladi

Mutaxassisliklar:
– Ekologiya / atrof-muhit ilmlari
– Tarix
– Siyosatshunoslik
– San’at (tarbiyaviy maqsadda)
– Musiqa (ma’noli ishlatilsa)
– Geologiya
– O‘qituvchilik (ustozlik)
– Falsafa

🟢 4/6 – C TIER

Daraja: Cheklangan, lekin ba’zan zarur
Nega?
– Ish bozori tor
– Foydasi yo‘q emas, lekin qisqa muddatli yoki maxsus vaziyatlarda

Mutaxassisliklar:
– Jurnalistika
– Sotsiologiya
– Arxeologiya
– Antropologiya
– Tilshunoslik (sayoz yondashuv bilan)
– Kommunikatsiya
– Zoologiya

⚫️ 5/6 – F TIER

Daraja: Kam ehtiyojli yoki zararli
Nega?
– Ishga joylashish imkoniyati past
– Yuzaki, manipulyativ yo‘nalishlar
– Jamiyatga foydadan ko‘ra ko‘proq shubha

Mutaxassisliklar:
– Yuzaki biznes (marketing, sotuvda halollik yo‘q)
– “Studies” degan yo‘nalishlar (sayoz asosda)
– Faqat sahna san’ati (faqat ko‘ngilocharlik)
– Psixologiya (faqat test va kontent bilan)
– G‘arbcha “gender/media” yo‘nalishlari (noaniq g‘oyalarga asoslangan)

🧭 6/6 – XULOSA

Savol: Qaysi yo‘nalish meni ummatga, oilamga, va jamiyatga foydali qiladi?

Faqat pul izlama.

Jamiyatga ta’sir qiladigan sohaga xizmat qil.

Halollik, ma’rifat va xizmat tamoyillarini tanla.

O‘zingga beriladigan eng muhim savol:

“Bu soha orqali kimlarga xizmat qilaman va jamoyayga qanday qiymat qo’shaman ?”