Ilhomlantiring

So’ngi bir yarim oyda matematikadan 3-darajali guruhga maktabda dars o’tdim.

Ilk darsdan xis qildimki, bolalarda ishtioyq ancha pastlashib ketgan ekan. Buni davomat 52%, uy vazifalarni topshirish esa 37% ekanligidan tushunib olsa bo’lardi. Juda achinarli holat.

Bolalar bilan kelishib oldik. 2-darsdan davomat 95%ga, uy vazifalari esa 86% ga ko’tarildi.

10 ta mavzuni yaxshi o’zlashtirdik. Darsdan ortgan vaqtimizga jamoaviy IQ o’yin o’ynadik, xatto bitta darsda bolalar bilan volleybol o’ynadik ham.

Bolalar darsga ancha kirishib ketganligidan, avvalgi oylarda bajarilmagan uy vazifalarini ham topshirishni boshlashdi. Xayron qoldim

Eng quvonarlisi, bugun maktabimiz sifat nazorati bo’limi tomonidan may oyi uchun stipentiantlar taqdim etilganida, uchbu guruhdan naq 5 kishi bor ekanligini ko’rib, ochig’i juda xursand bo’ldim.

Dars davomida g’ayritabiiy hech narsa qilmagan, doimgiday qanday dars o’tsam shunday o’tgan edim.

Yagona qilgan ishim bolalarni ilhomlantirib, har bir harakatlarini rag’batlantirishni xohlagan edim. Sababini qilaver, natijani Alloh beradi degani shu bo’lsa kerak.

Xursandchiligimni sizlarga ham ulashib qo’ydim.

19-iyun, 2024
SS, Tosheknt

Kaizen metodi

Biznesda Kaizen metodi mavjud. Unga ko’ra isrofgarchilikni bartaraf etishga, mahsuldorlikni oshirishga va tashkilotning maqsadli faoliyati va jarayonlarida doimiy yaxshilanishga erishishga qaratilgan.

U quyidagi prinsip aspsida yuritiladi:

Rejala → Bajar → Tekshir→ Ijro et.

Bu Shewhart sikli, Deming sikli yoki PDCA (plan–do–check–act) sifatida ham tanilgan.

Buni o’z biznesida qo’llay olgan tadbirkorlar yuqori samaradorlikka erishishgan.
Do’stimiz Begzod aka ham Safia do’konlarini kengayishda Kaizenni o’rni beqiyos ekanligini tasdiqlagan edilar.

Shuni kunlik jarayonimizga qo’llash uchun kichik life hack:

Ishga (o’qishga) borib kelishda telefon o’ynash (ko’rish) o’rniga
- audio kitob tinglash
- podkast eshitish
- kunlik takrorlarni qilib ketish

Bazan bilgan haqiqatlaringizdan ko’ra bilmagan haqiqatlaringiz voqelikga yaqinroq va muhimroq bo’ladi.

Bunday vaziyatda fitna bo’lmasligi uchun eng yaxshi yechim sukut hisoblanadi.

Bugun ikki do’stimiz: Jahongir Pulatov va MuhammadAli Eshonqulov e’tirof qilinganidan juda xursand bo’ldim. Alloh qilaoytgan ishlarini muborak qilsin.

Qaniydi…

Imom Buxoriy “Tarixi sag’iyr” kitobida Zayd ibn Aslam r.a. dan rivoyat qilgan:

Umar ibn Xattob bir to’p kishilar bilan o’tirganda, hamrohlariga qarab
“Orzu qilinglar dedilar”
Bir kishi, men bir uy to’la dirhamlarim bo’lishini xohlar edim, agar bo’lsa ularni Alloh yo’lida ehson qilar edim dedi.

Halifa aytdi, “Yana orzu qilinglar”
Yana bir kishi aytdi, men mana shu uy to’la oltinlarim bo’lishini va ularni Allohni yo’lida infoq qilishni xohlar edim dedi.

Halifa aytdi, “Yana orzu qilinglar”
Yana bir kishi aytdi, men mana shu uy to’la javharlarim bo’lishini vaularni Allohni yo’lida infoq qilishni xohlar edim dedi.

Halifa, yana orzu qilinlar dedi
Odamlar “Bundan boshqa orzularimiz yo’q” deyishdi.

Shunda Halifa aytdi, ammo men Mana shu uy to’la Abu Ubayda ibn Jarroh, Muoz ibn Jabal va Huzayfa ibn Yamon r.anhum kabi odamlar bo’lishini va ularni Allohni taoti uchun omil qilishni orzu qilardim dedi.
 
Men ham shunday degan bo’lar edim, qaniydi shu maktab to’la shu kabi bitiruvchilar bo’lsa, ramziy ma’noda maktabning eng ishonchli, eng ilmli va sirlarimiz sohibi kabi bo’lsa deb yana orzu qilaman.

Buni boshqa bitiruvchilarga ayta olmasam kerak…

Betayinlar hammanglarni sog’inaman.
Sizlarni buyuk yolg’oninglar bo’lmish “kelib turamiz” degan vadalaringa, garchi o’zimni aldasam ham, ammo yosh bolalardek ishonib yashayman.

Sababi sizlarni rostan ham kutaman, shuni unutmanglar.

Hurmat bilan “eng tartibli ustoz”laring…
 

EY XOIN!

Ibn Moja rohimahullohning “Sunan”ida keladi:
“Habashiston muhojirlari Makkaga qaytib kelgach, Rasululloh sallollohu alayhi va sallam ulardan so‘radilar:
-Habashiston zaminida bo‘lib o‘tgan qiziq narsalar haqida gapirib beringlar!

Sahobalardan biri dedi:
-Bir kuni gaplashib o‘tirgan edik. Oldimizdan bir rohiba kampir boshida ko‘za bilan o‘tib qoldi. Shunda o‘sha yerlik yigitlardan biri uning orqasidan kelib yelkasidan itarib yubordi. Kampir yiqilib ko‘za sinib ketdi. So‘ngra o‘rnidan turib yigitga qarab dedi:
-Ey xoin! Alloh taolo Kursisini qo‘ysa, avvalgilar va oxirigilarni jamlasa, qo‘l va oyoqlar qilmishidan so‘zlasa ana shunda bu qilmishing oqibatini ko‘rasan!

Shunda buni eshitgan Nabiy sallollohu alayhi va sallam dedilar:
-To‘g‘ri aytibdi, to‘g‘ri aytibdi. Zaifiga kuchlilaridan haqqini olib bermaydigan xalq qanday aziz bo‘lsin?!”.

Allohga hamdlar bo‘lsinki, oldinda qiyomat bor. U kun dahshatli bo‘ladi. Quyosh boshimizga yaqinlashtiriladi. U kunda shunaqa hodisalar bo‘ladiki, dahshatda yosh bolaning sochlari oqaradi. Alloh taolo otamiz Odam alayhis salomga: “Farzandlaringdan do‘zaxiylarini ajrat!”, deydi. O‘shanda har mingta odamdan bittasi jannatga, qolgani esa do‘zaxga ketadi.

Ammo o‘sha kun bo‘lmaganida hayotimiz yanada mashaqqatliroq bo‘lar edi. Bu mashaqqatli yo‘llardan o‘tishga mazlumlarning mana shu kunga bo‘lgan iymonlari dalda bo‘ladi!
“ Ey xoin!”.

O‘zingiz munosib bo‘lmagan mansabni pul bilan , qing‘ir yo‘llar bilan egallab olar ekansiz, siz xoinsiz. Hikoyangiz hali tugagani yo‘q. Qolgani oxiratda davom etadi!

Birovlarning molini nohaqdan o‘zlashtirayotganlar, aka-ukalarining merosdagi ulushini o‘zlashtirib olayotganlar, siz xoinsiz. Siz ishni shu yerda tugadi deb o‘ylayapsiz. Hali pardalar ko‘tariladigan kun keladi. Yeru-osmonlar Jabbori huzurida hali tik turasiz!

Pokiza ayollarga tuhmatlar qilganlar, pokiza qizlarimizning obro‘sini to‘kkanlar, siz xoinsiz. Siz “yetim jang”dagina g‘olib bo‘ldingiz. Hali urush tugagani yo‘q. Qolgani oxiratda davom etadi!

Xotiniga zulm qilganlar, ularning kunini qorong‘u qilganlar, siz xoinsiz. O‘ylamang, mazlum xotiningiz oxiratda sizga rahm qilib o‘tirmaydi. U yerda adolat qoim. Birovning haqqi birovda qolib ketmaydi!

Havoi-nafsini o‘ylab, ko‘ngil xushlash uchun “sevgi” nomi bilan boshqalarni aldab yurganlar, siz xoinsiz. U kunda mezon o‘rnatiladi. Ana o‘shanda qalbning nechog‘li tosh bosishini, Allohning nazdida qalbning o‘rnini qanaqaligini tomosha qilasiz!

Xodimlariga quldek muomala qiladigan, bir luqma beradigan taomi uchun ularni xorlaydigan, yuzlarining suvini to‘kilishiga sabab bo‘ladigan boshliqlar, siz xoinsiz. Erta qiyomatda jazoning o‘z jinsidan bo‘lishini hali tomosha qilasiz!

Ey pora oladigan sudyalar, mijozni aldaydigan muhandislar, puli yo‘q bemorlarni shifoxona eshigidan haydaydigan shifokorlar, ijara pulini vaqtida to‘lay olmagani uchun uysizlarni chiqarib haydaydigan boychalar, sehr va chaqimchilik bilan o‘zgalar uyini buzadigan ifloslar, qaynona va qaynotasiga zulm qiladiganlar, aka-ukalar orasini buzadigan kelinlar sizlar xoinsizlar.

Qiyomat aniq.
Habashistonlik kampirning “Ey xoin!”, degan gapini unutmanglar!

Balki endi nolishni bas qilarsiz…

🎉 Bitiruv marosimi eng hayajonli daqiqalardan biri. Shu hayajon ichidagi bitiruvchilarimizga qiziqarli savollar bilan yuzlandik

😃 “Chet elda o‘qish yoki BMW M5” shunday qiziq savollarga javoblar qiziq bo‘lsa videoni tomosha qiling

Ma’lumot olish uchun quyidagi raqam orqali bog'laning:
☎️ 788888080

Ro‘yxatdan o‘tish uchun: sodiq.school

Afsus
Avvallari dunyoga chiqqan olimlarimiz mashhur edi, hozir esa shkafdan chiqqanlari…

P.s. kim edik, kim bo’ldik…

Ey dunyo ununtma, ortingdaman…

Daraxt xayron edi bir xolga xasta,
Uni turfa yo‘lda ishlatdi usta.
Bir uchi beshikka atalgan bo‘lsa,
Bir uchi tobutga bo‘lgan edi dasta.

P.s. Rasmni siz qanday nomlardingiz. Eng ma’quliga kitob hadya qilaman…

Hozir ko’z oldingizdan nimalar o’tgan bo’lsa, ana shular siz uchun maktab davringizdir….

P.s: post 30+ larga tegishli…)

SS podcast 4-son

Mavzu: Ta’limda zakovat

👇👇👇
To’liq video

#tavsiya

Bir necha davlatga (USA, UK, Qatar, Malasia, UAE, Sweden, Turkey) shogirdlarim bilan safarga chiqqanmiz.

Odatda amal qiladigan ishlarim. Sizga ham foydali bo'ladi degan umiddaman.

1. Safarga chiqishdan avval quyidagilarni eslataman:

a) boriladigan manzilni yaxshi o’rganishni, masalan iqlimi, tarihi va chiroyli joylarini;
(Time management ga foydali)

b) Safarda kerakli bo’lgan ilovalarni o’rnatib olishni, masalan, citymapper, trainline, uber, sygic travel, iplanner… kabi;
(Birovni yordamisiz ham yo'lini topib keta oladi)

c) Shahar xaritalarini ko’chirib olib, offline tizimiga ham moslab qo’yishni;
(Shunda internetsiz ham ishlayveradi)

d) Ortiqcha yuk olmaslikni; (2-3 kunga bitta kiyimni moslash yetarli, 10 kunlik safarga 3-4 xil kiyim)

e) Taroq, joynamoz, telefon quvvatlagich uchini davlat standartiga mosini olishni, quloq tozalagich, powerbank, muhim dorilar va tapochka kabi muhim narsalarni olishni
(Odatda bularni olishga ko'pchilik ahamiyat bermaydi)

f) naqd pul emas, visa kartada ko’proq pul olish.
(Harajatlar tarihi saqlanadi, bu esa boshqa davlatlarga visa olishni osonlashtiradi. Yo'qotib qo'yish ehtimoli kam. Ko'p joylar naqd pul olmaydi. Konvertatsiya qilish shart emas)

g) parvoz va kutish vaqti uchun kitob yoki birorta foydali videoni saqlab qo'yishni
(Vaqtdan unumli foydalanish)

h) UzAirPlus ni o'rnatib olishni
(Parvoz ballari yig'ilib boradi)

1/3 (Davomi bor)

Farosat ko'rinmaydi, ammo yo'qligi bilinar ekan, xuddi oqibat kabi...

#tavsiya

Safar davomidagi tavsiyalar:

Airportdan tushganingizda ilk qiladigan ishingiz internetga ulanish. Buni uch bosqichda amalga oshirasiz

1-bosqich
Airport bepul Wi-Fi ga ulanish. (Ko'pincha shundoq wi-fi tugamsini bosib ulanishni o'zi yetarli emas. Ism, e-mail kabi ma'lumotlarni kiritish kerak bo'ladi. Qo'rqmasdan to'ldiravering)

Ulanganingizdan so'ng quyidagi ishlarni oson bajarasiz:
a) uydagilarga yetib kelganingiz haqida xabar berish yoki ularga bog'lanish
(Ularni xotirjam qilasiz)

b) O'sha vaqtdagi valyuta kursini bilub olasiz.
(Airportdagi banklar taklif qilayotgan kursda qancha farq borligini aniqlab olasiz)

c) Namoz vaqtlarini aniqlab olasiz.
(Qancha vaqtingiz borligini aniqlaysiz)

d) mehmonxonaga qancha vaqtda yetib olishingizni aniqlab olasiz
(Ado qilishga ulgurasizmi yo'qmi, shunga yordam beradi)

2-bosqich
Bojxonadan o'tib yuklaringizni olganingizdan so'ng ilk qiladigan ishingiz SIM karta olish. Bunda quyidagilarga e'tibor bering:
a) faqat internet paket oling.
(Odatda mahalliy yoki xalqaro qo'ng'iroqlarni qo'shilgan paketlar qimmat bo'ladi)

b) O'zbekistonda odatda ishlatadigan meyoringizdan 2 baravar ko'proq paket tanlang. Sababi tabiiy, ko'p ishingiz internet orqali bitadi. Rasm va videolar jo'natasiz. Sizga qimmatdek ko'rinishi mumkin. Lekin buni tabiiy qabul qiling.
(20+ GB 50-100$ turadi. Sizga ko'p harajatlarni tejab beradi)

c) internetdan boshqa mahalliy kompaniya paketlarini ham tekshirib eng maqulini oling.
(Odatda katta farqlar bo'ladi)

3-bisqich
Mexmonxona wi-fi ga ulanib oling.
(Telefondagi internetni tejab qolasiz)

Yoki O'zbekistondagi sim kartangizga "Rouming" xizmatini yoqib qo'yish orqali ham bu ishni hal qilishingiz mumkin. Faqat internet paketlar rouming xizmati uchun biroz qimmatroq.
(5 GB internet 400 ming edi adashmasam)

davomi bor...