Shuni odatga aylantira olsak yaxshi bo’lar edi…

JAMIYAT

Agar ovqat yetkazib berish xizmati tez yordamdan avval kelsa, demak bu jamiyatga havas qilib bo’lmaydi…

Agar maktab va kasalxonalar ta’mir bo’lishi uchun ko’chada ovozlar yig’ilsayu, hokimlar lyuks mashinalarni birgina qaror bilan sotib ololsa, bu jamiyatga havas qilib bo’lmaydi…

Yuzdan ortiq kitoblar yozgan, asosiy vazifasi “uyg’otish” deb bilgan insonni hayotiga bag’ishlangan filmdan ko’ra, birorta kitob o’qimagan insonni uzun videosi ko’p ko’rilsa, demak bu jamiyatga havas qilib bo’lmaydi…

Ta’limga mas’ul bo’lganlar ta’limda xolis xizmat qilayotganlarni o’zi jazolab tursa, demak bu jamiyatga havas qilib bo’lmaydi…

Ayollari mardikor bozorda, taksichilikda, erkaklari esa o’zga yurtda qora ishlar qilib yursa, demak bu jamiyatga havas qilib bo’lmaydi…

Ajdodlari otning egari bo’lganlarni avlodlari hozirda taqa bo’lsa, demak bu jamiyatga havas qilib bo’lmaydi…

Haqni gapirganlar jarimalar to’lab, millatni qadri, nomusi va urf odatiga tupurib ifloslarcha gapirayotgan atlaschi “erkak”lar jazolanmasa, demak bu jamiyatga havas qilib bo’lmaydi…

Aql egalaridan ko’ra jasadi kuchli bo’lganlar ko’proq qadrlansa, mukofotlansa, demak bu jamiyatga havas qilib bo’lmaydi…

Farzandlari tarbiyasi uchun ko’rsatgan matonatlaridan ko’ra, jihozlarini va to‘y xarajatlarini gapirib yuradigan ayollar bo’lsa, demak bu jamiyatga havas qilib bo’lmaydi…

Bu postni yozayotgan insonga ham…

Авваллари “лайк” босишга унча эътибор бермасдим. Энди имкон қадар маъқул келган пост, видео ва расмларга “лайк” босяпман ёки изоҳ ёзяпман. Чунки биз шундай ҳолатда турибмизки, бир-биримизни ҳар тарафлама қўллаб-қувватлашга, бирлашишга муҳтожмиз. Ҳозир талашиб-тортишадиган, беҳуда ихтилоф қўзғайдиган, бемаъни маълумотлар билан чалғийдиган вақт эмас. Миллат тақдири ҳал бўлиши мумкин масалалар атрофида ҳамжиҳат бўлишимиз, доим сергак ҳолда жаҳолатга, қабоҳатга, бузуқликка қарши бирга курашишимиз, юртни ёғийга бериб қўймаслигимиз керак... Киши билмас маънавий жанг кетмоқда. Майдон бўш қолмасин. Ғофил бўлишга ҳеч биримизнинг ҳаққимиз йўқ. Бу йўлда ҳар ким, ҳар бир соҳа вакиши ўз имконидан келиб чиқиб иш тутади, миллат учун, келажак авлод салоҳияти учун борини беришга интилади. Аллоҳ таоло бу йўлда барчамизга куч-қувват, ақл-идрок, фаҳм-фаросат ато этсин.

🔗 Ушбу маълумот сизга маъқул келган бўлса, уни яқинларингизга ҳам улашинг: https://t.iss.one/ziyovuddinrahimkitoblari

Ramazon, seni so’ginaman albatta, ammo aytishga uyalaman. Seni qadringcha hurmatingni qila olmadim. Loyiq bo’lganingcha amal qila olmadim. Baribir o’rning bo’lak.

Ramazon Hayiti, qalb sen olib kelgan sakinatni negadir avvalgidek xis qila olmadim. Sababini bilsang kerak. O’zing ularga nusrat barakangni ber.

Ayyomingiz muborak bo’lsin.

"Agar qabristonda yotganlardan: "Biror orzuyingiz bormi?", deya so‘ralganida ular ikkilanmay Ramazonni hech yo‘qsa bir kunini so‘ragan bo‘lar edilar!".

Ibnul Javziy rohimahulloh

Ko’p podkastlarda qatnashganman, ammo bunisida boshqacha bir mazza qilib suhbat qurdik. Balki mavzu matematikaga oid bo’lganidir. Ammo hamma ko’rishi kerak bo’lgan mavzular ko’tarilgan. Tavsiya qilaman.

To’liq videoni ko’rish

Maktabimizda bolalarni ko’proq mohiyatni tushunishlariga, mantig’iga yetib borishlariga undaymiz. Har qanday odob doirasida ijod qilishlariga yo’naltiramiz. Ba’zan o’zim ham hayron qolaman, shu bizni o’quchilarmi deb. Siz ham ba’zilaridan bahra bo’ling deb sizga ulashmoqdaman.
Bu faqat rasmlari, yozgan fikrlarini keyinroq ulashaman…

Allohim bugun juda katta musibatdan o’zi saqlab qoldi. Alhamdulillah.
Farzandimni haqqiga duoda bo’lishingizni so’rab qolardim…

Xushyorlik

Maryamxon qizim bog’chaga boradi, uyda ukamni qizlari bilan birga o’ynaydi. Bolalik qilib so’ramasdan narsa olgan bo’lsa, bee’tibor qoldirmaylik degan maqsadda sumkasini onasi bilan birga tekshirdik.
Tabiiyki shubhamiz to’g’ri bo’lib chiqdi.
Qizimni chaqirdik, o’zidan o’yinchoqlar kimniki ekanligini so’radik. Opamniki deb javob berdi.

Boshqalardan so’ramasdan narsasini olish yaxshi emasligini, bu ishni boshqa qilmasligini, qayta qilsa undan hafa bo’lishimizni aytdim. Xo’p dedi. Keyin peshonasidan o’pib chiqib ketdim.

Kechasi onasi bilan suhbat davom etibdi. Noto’g’ri ish qilibmiz. Mendan hafa bo’libdi. Sababi o’yinchoqlarni opasini o’zi unga bergan ekan, uni ham chaqirib so’ramabmiz.

Shu gapni eshitdimu, biroz muzladim. 4 yashar qizim menga saboq berib qo’ymoqda. Men o’zimcha yaxshi ish qilaman deb kamchilikka yo’l qo’yibman.

Niyatni o’zi to’g’ri bo’lishi yetarli emas, uslub ham to’g’ri bo’lishi kerakligini qayta his qildim.

Mendan ko’ra qizim to’g’riroq ish qilganidan faxrlandim ochig’i

LIRIK ChЕKINISH.

KUYDIM

Men ishq elining nola-yu afg‘onida kuydim.
Ko‘ngil uyining otashi armonida kuydim.

Mehrin tilabon o‘tsa agar oshiqi zorlar,
Mehrimni berib men esa tovonida kuydim.

Mushkul edi yo‘l, ranj ila izhorig‘a yetdim,
Sizlar ko‘yida, men esa domonida kuydim.

Tashbehiga, holim budurur, o‘zga qiyos yo‘q,
Soch tolasiday choki giribonida kuydim.

Ishq ahli firog‘inda fig‘on etsa agar, men
Yonida yurib, yonida hijronida kuydim.

Dunyoyi azalning g‘azaliy matla’i buldur:
Boshlab hama ishni oni poyonida kuydim.

Ham mehnati, ham minnati, ham zahmati — borin
Jon jomig‘a jamlab, dag‘i ummonida kuydim.

Sirojiddin Sayyid
1988 yil.

Imkoniyatdan foydalaning

🔥 2023-yilda O’zbekistondagi "Eng yaxshi AyTi ta’lim markazi" nominatsiyasida g’olib bo’lgan «Najot Ta’lim» 18-may kuni katta yangilik e’lon qilish arafasida ekan. Bu qanday yangilik ekanligi juda qiziq.

👇 Ushbu yangilikni bilish va 50 ta sovg’alardan biriga ega chiqish imkoniyatini qo’lga kiritish uchun quyidagi havola orqali ro’yxatdan o’ting.

🔗 Ro’yxatdan o’tish: 18-may.uz

Imkoniyatlar har doim ham bo'lavermaydi!

Tanqidni qilishni yomon ko’raman, ammo ba’zi narsalar ushbu postni yozishga majbir qilmoqda. Aytishadiku, qorninga emas, qadringa yig’laysan deb.

2022-yilgi PISA natijalariga ko’ra, oxiridan 3-o’rinni egallagan ta’lim tizimimiz saviyasi haqida nafaqat o’zimiz, balki endi butun dunyo ham biladi.
86% o’quvchimiz “funksional savodsiz” deb berilgan xulosaga ko’ra, bizdagi ahvol fojiaviy, ammo ajablanarli emas.

Tasavvur qilyapsizmi, 9-sinf o’quvchilarimizni har 7 tadan 6 tasi savodsiz.

Tabiiy savol: kim/nima aybdor?

Bu savolga javob berishi kerak bo’lgan tashkilot, archani qanday bezatish kerakligi haqida emas, balki jiddiyroq ishlar bilan band bo’lishi kerak. Hech yo’qsa mutaxassislarni tavsiyasiga quloq solishi kerak.

Davlat maktablari binolarida ham mavjud bo’lmagan talablarni va standartlarni xususiy ta’limga majburiyat qilib qo’ymaslik kerak. Ularni o’ziga do’st va hamkor sifatida ko’rishi lozim.

NTM ning faoliyatiga, u yerda tahsil olayotgan o’quvchilar erishayotgan natijalar, bitiruvchilarni OTM larga kirish ko’rsatgichlari, xalqaro va mahalliy olimpiadalarda qo’lga kiritilayotgan yutuqlari orqali baho berilishi mantiqan to’g’ri ish bo’ladi.

Ulg’ayish

Kecha hayotimdagi eng muhim ishlardan birini qildim.

Onam bilan 5 soat vaqt o’tkazdim. Birga aylandik, bozorlik qildik, tushlik qildik.
Ko’p narsa haqida dildan suhbat qurdik. Yorqin xotiraga aylandi.

Ochig’i, o’zim juda mazza qildim. Balki bu, shu kungacha onam bilan birga o’tkazgan eng yaxshi damlarimdir, bilmadim.

Lekin bir narsani tushunib yetdim. Inson bu narsalarni anglashi uchun ulg’ayishi kerak, qadrlashi uchun esa yo’qotishi shart emas ekan.

Do’stim, tavsiya qilaman, sinab ko’ring. Afsuslanmayiz.
Faqat sharti, o’sha vaqtda boshqa hech narsaga chalg’imang: ishga, telefonga…

Najot Ta'limdan yana bir yangi loyiha — Robbit!

Robbit akademiyasi 8-15 yoshli bolalar uchun robototexnika va AyTi kurslarini o'rgatishga ixtisoslashgan.

Akademiyaning asosiy maqsadi bolalar uchun kelajakda zarur bo'ladigan kreativlik, ixtirochilik, tanqidiy-tahliliy fikrlash ko'nikmalarini yoshlik chog'idan shakllantirishdir.

Robbit akademiyasining afzalliklari:
• STEAM ta'lim metodikasiga asoslangan darslar;
• iqtidorli o'quvchilar xalqaro musobaqalarda bepul ishtirok etishi;
• maxsus tayyorlangan ustozlar dars berishi;
• bolalarda ilm-fanni o'rganishga bo'lgan qiziqishni oshiradi.

Akademiya haqida batafsil ma'lumotni ushbu video orqali bilib oling:

👉 VIDEONI TOMOSHA QILISH

📞 78-777-3-777

9-sinf o’quvchimizning onasi bizdan hafa bo’lib murojaat qilibdilar:

“qizim nega IELTS dan 6,5 olyapti, natijasi pastku…”

Na hafa bo’lishni bilaman, na xursand bo’lishni….

Shunchaki kulib qo’ydim…)

@maktabda_bir_kun

👆👆👆
Maktab faoliyatiga bog’liq yangi kanal ochdim…
Unda ustozlik paytimda duch kelayotgan voqealar va ta’limga oid yangi ko’nikmalarni ulashib boraman….

Qiziq bo’lsa qo’shilib oling

@maktabda_bir_kun

“G’azzoliy”

Bugun darsga bir o’quvchim kech qolib keldi.

- Nega kech qolding?
- uhlab qoldim. Kech uhlagan edim.
- nechida uhlading?
- 03: 00 da
- ungacha nima ish qilding?
- kino ko’rdim.
- qanday kino?
- ujas kino.
- Asadbek, kech uhlashini sababi uhlolmay chiqqaningdanmi yoki qo’rqqaningdanmi deb hazillashib o’tirishga ruhsat berdim.

Vohli yotib erta turishda baraka bo’lishi haqida Imom G’azzoliydan it va qo’ylar haqida so’ralgan savolni ibrat qilib aytmoqchi bo’lib gapni boshladim.

Imom G’azzoliydan so’rashgandi….
O’zi Imom G’azzoliyni taniysizlarmi deb savol berdim?

Sukunat.
Yoki hayo qilib, yoki bilmasdan javob bermayapsizlarmi deb qayta so’radim.

Yana jimlik.
Keyin individual 2-3 o’quvchidan so’radim. Bilishmadi.

Kech kelgan o’quvchimdan so’radim. Bilmadi.
Sinash uchun undan boshqacha usulda so’radim.
- harbiy bo’lganmi yoki yozuvchi?
- harbiy.
- kim bilan jang qilgan, Amir Temur bilanmi yoki Napaleon?
- Amir Temur bilan.

Boshqasidan so’radim.
- yozuvchi bo’lgan
- qaysi asarni yozgan, Otellonimi yoki Gamlet?
- Gamletni.

Yana boshqasi:
- manimcha shoir bo’lgan, sababi ismi G’azzoliy ekan, g’azal yozgan bo’lsa kerak.

Shu joyda suhbatni to’xtatdim. Bolalarga boshqa savol berdim.
Manqurt degan so’z bor, ma’nosini bilasizlarmi?

Ha bilamiz deb ko’pchilik aytdi. Ta’rifini to’g’ri aytishdi.

- Bolajonlar, agar biz o’z tariximizni bilmasak, o’z tilimizni anglamasak, o’z ajdodlarimizni, qadriyatlarimizni, urf-odatlarimizni unutsakmanqurtga aylanamiz. Bunday yashagan inson hayvondan faqri qolmaydi. Unday qilmanglar. Man bugungi javoblaringdan hafa bo’ldim deb gapimni tugatdim. Bolalar hijolatdan jimib qolishdi.

Keyin 2-3 boladan kelajakda kim bo’lishini so’radim. Maqsadlarini aytishdi. Bu suhbat ham biroz davom etdi. Bu haqda keyinroq batafsil yozaman.

Qo’ng’iroq chalinib qoldi. Darsni tugatdim. Bolalar uyga vazifani so’rashdi. Bugungi savollarga javob topib kelish deb xonadan chiqib ketdim.

Har safar darsni chiroyli tabassum bilan tugatar edim. Bu safar unday qila olmadim.

5-iyun, 2024
10-3 guruh.
Sodiq school
Toshkent.

@maktabda_bir_kun