Hurmatli ota-onalar, qachon taʼlimga aralashishni bas qilasiz?

Bir xususiy maktabda ishlaydigan o‘qituvchining aytishicha, ularning dasturidan “Kitobxonlik” darsi olib tashlanibdi. 

Muammo nimada, bilasizmi? Ota-onalarda! Yaʼni aksar ota-onalar farzandi ko‘proq matematika va ingliz tili bilan shug‘ullanishini istaydi. Kitobxonlik soatiga ketadigan pul ular uchun ortiqcha xarajat, go‘yo. Shuning uchun ham maktab egalari mijozlarni jalb etish uchun “Kitobxonlik” kabi "uchinchi darajali" fanlarni dasturga kiritmaydi.

Ming afsus, hali ham ko‘plab odamlar kitob farzandiga nima berishini anglab yetmagan. Shu, mutaxassis bo‘lmagan odamlar taʼlimga aralashmasada!

Yana, afsuski, bizda baʼzi xususiy maktablar ota-ona (mijozning) raʼyiga qaraydi, sifatli taʼlimning talabiga emas... Aniqrog‘i, shunday qilishga majbur. Xullas, ota-onalar, farzandingiz nimani o‘qisa, qanday o‘qisa yaxshi bo‘lishini mutaxassislar biladi, siz bilmaysiz, xo‘pmi?!

P.S.
"Sodiq school" degan maktabni bilaman, kitobxonlik eng muhim fanlardan bir. Bu borada o‘z dasturiga ega. O‘quvchilari juda zo‘r natijalar qayd etyapti, masalan.

@bolalar_yozuvchisi

Yoshligimizda “Kelajakka qaytib” (Back to the Future) degan kinoni juda zavq bilan ko’rganman. Ushbu kinoda bir ajoyib jumla bor. Bolakay o’z kelajagidagi qariyadan: “Sen ahmoq nima qildingki, men qariganimda bu ahvolga tushdim” degan tanbeh eshitadi.

Endi postdagi rasmga e’tibor qiling.

Bu hozirgi men va keljakdagi qariya men (agar nasib qilsa)

Buni FaceApp dan o’zingiz uchun qilsangiz bo’ladi.

Nega buni joyladim?

Bir kun kelib biz ham shu holatga kelamiz. Shu qariya bo’lamiz.

Shunda bizda ushbu qariya uchun qilishimiz uchun kerak bo’lgan ba’zi tavsiyalar bor.

1. Sport bilan shug’ullaning, sog’lom ovqatlaning.
Bu qariya qolgan umrini kasalxonada emas, uyda o’tkazsin.

2. Ilm oling.
Odamlar bu qariya oldiga muammolariga yechim izlab kelishsin, duo olgani, suhbat qurgani kelishsin. Majburlikdan emas

3. Silai rahm qiling.
Bu qariya yolg’iz qolmasin. Farzandlari, nevaralari bag’rida sevimli uyida yashasin, qariyalar uyida emas.

4. Shaxsiy kutubxonangizni qiling.
Bu qariyani bo’sh qolgan vaqtini o’qilmagan kitoblar to’ldirsin, TV dagi bema’ni seriallar, ko’chada sheriklari bilan o’ynaladigan narda yoki shaxmat emas.

5. Shaxsiy jamg’armangizni yig’ing.
Nafaqaga qaram, kichik xonasida, yarim stavka qorovulchilikda emas, balki foydali oromgoh va sayohatlarda o’tsin

6. Farzandlar tarbiyasi va ilmiga e’tiborli bo’ling.
Bu qariya farzandlari ortidan to’n kiydirilishga, medal olishga, rahmat eshitishga borsin, xabar olish uchun qamoqxonaga emas. Endi dunyoni ne’matlari bu qariyaga rohat bermaydigan bir vaqtda, farzandlari ortidan keladigan rahmat va yutuqlar haqiqiy lazzatga aylanadi.

7. Juftingizga mehribon bo’ling.
Siz haqizda so’rasalar, yuzida tavassum paydo bo’lsin, afsus nigohlar emas.
Qon bosimingiz oshganida, yotog’ingizda uzoq qolib ketganizda, xatto o’z xojatingizga yaramay qolganizda ham sizga uning mehrli qo’llari yordamga kela olsin.

8. Gunohlardan tiyiling.
Qaltiramagan qo’llaringizni, ko’zingiz nurini, xassaga suyanmagan oyoqlaringizni, mustahkam xotiralaringizni bu qariyaga omonat qilib qoldiring. Bu qarilik yoqimli o’tsin.

9. Maqsadlaringizni buyuk qiling.
Nabiralaringizni “Yoshligizda nima ishlar qilgansiz” degan savoliga arzirli javobingiz bo’lsin, ularni oldida uyalib qolmang.

10. Shogirdlaringizga mas’uliyatli bo’ling.
Sizni yo’qotishga kun xuddi qalblaridan bir parcha uzulib tushganday xis qilishsin. Katta sahna va minbarlarda “Meni ustozim aytadilarki…” deb sizni fahr bilan yodga olishsin.

11. Yoshligingizni uvol qilmang.
O’smirlikdagi xatolaringiz uchun, o’sha tirranchadan juda hafasiz, xatto unga shapaloq tushirishga ham tayyorsiz. Bu xatoni yana takrorlash kerak emas. Qariya sizga yaxshi so’zlarini asrab qo’ysin, nafratini emas.

12. Intiho ga ko’rilgan bu taraddud, aslida ibtido uchun bo’lsin.
Boqiyga bog’langan boqiydir, foniyga bog’langan foniydir.

Buni o’zingizga qilgan eng yaxshi investitsiya deb biling. Bu qariyani (kelajakdagi siz) sizdan aqlli inson deb biling va tavsiyalariga amal qiling.

"Sodiq School"dagi kutubxona malikasini taniysizmi? 📚

Yangi o’quv yilida jamoamiz safiga qo’shilgan kutubxonachimiz ustoz Shahzoda Karimboyeva shu paytgacha bir nechta katta yutuqlarga erishgan. Ulardan quyidagilar:
1. Zulfiya nomidagi Davlat mukofoti 🎖️
2. 2019-yildagi “Kitobxon”loyihasi g’olibasi🎖️
3. IELTS dan 7.5 ball egasi
4. SAT sertifikatidan 1340 egasi
5. “El-yurt umidi” fondi finalisti
6. Ko’plab stipendiyalar g’olibasi
📹 Kutubxonachimizning shaxsiy yutuqlari, joriy o’quv yili uchun rejalari haqida videolavha orqali bilib olishingiz mumkin.

☎️ Bogʻlanish uchun: 788888080

Roʻyxatdan oʻtish uchun: s-school.uz

Shu qizni eslasam doim bir yarim yil oldingi ushbu video esimga tushadi.

Eng zo’r va fahrlanadigan shogirdlarimdan biri hisoblanadi.

Har doim shunday elda aziz va yuzing yorug’ bo’lib yur

Ikki haftalik AQSh ga bo’lgan sayohatimiz yakunlandi. Juda katta taassurotlar bilan qaytmagan bo’lsamda, ammo ba’zi bir xuloslarim bor. Vaqti kelganida yozib boraman.

Shu 14 kun mobaynida baykot e’lon qilingan brendlardan foydalanmaslikka harakat qildik. AQSh da bu sal jiddiyroq qiyin ish ekan. Sababi ularga alternativ varinatlarni o’zi yo’q.

Bo’lsa ham u ham boykot qilingan ro’yhatda turadi.

Ammo inson nafsiga qarshi iymoni bilan tura olsa, bu ishlarni ham eplash qiyin bo’lmas ekan. Ilojini topa olar ekan.

To’g’ri, bizni ozgina haridimiz ularga umuman sezilmaydi. Ammo, huddi chumoli kabi tarafimiz aniq bo’ladi.

Biz natijaga emas, balk sabablarga buyurilganmiz.

We said:
- No cola
- No Burger King
- No McDonalds
- No Booking.com
- No Airbnb
- No Kfc
- No Pizza Hut
- No Carrefour
- No Lays
- No Kayak
- No Kit Kat
- No Nestle
- No Waze

Hayotda ba’zi qarorlar bo’ladi-ki, unga aql rozi bo’ladi, ammo u qalbni jarohatlaydi.

Bu post mavzusi - “siz”

Ajoyib XXI asrda yashayapmiz.

Telefonlar simsiz
Avtomobillar kalitsiz
Pullar qog’ozsiz
Ovqatlar yog’siz
Kiyimlar yengsiz
Yoshlar maqsadsiz
Erkaklar ishsiz
Ayollar hayosiz
Xotinlar itoatsiz
Farzandlar odobsiz
Otalar mas’uliyatsiz
Onalar e’tiborsiz
Chaqaloqlar otasiz
Do’stlar oqibatsiz
Ustozlar ilmsiz
Shogirdlar quloqsiz
Aloqalar ma’nosiz
Tuyg’urlar yuraksiz
Munosbatlar mehrsiz
Va’dalar vafosiz
Gaplar amalsiz
Tillar suyaksiz
Filmlar uyatsiz
Odamzot vijdonsiz
Bir xalq esa suvsiz, elektrsiz, ovqatsiz, yordamsiz…

Ammo orzularimiz esa haligacha cheksiz…

Siz bizga keraksiz.
Biz sizga keraksiz.

Yoki bu ishlar islohi sizsiz,
yoki bu ishlar sababi sizsiz
yoki davom etamiz sizsiz

Siz ham davom ettirasizmi…
Eng zo’rlarini post qilamiz…
👇👇👇

Bu postga izoh

Student paytimda Angliya/Dubay ga ko’chib ketish uchun til o’rganganman (ingliz va nemis). Kelajagimni negadir boshqa davlatda ko’rardim. Lekin hayot tajribam va ilmim ortib shuni tushunib yetdimki,menga doimiy yashash uchun O’zbekiston eng zo’r mamlakat ekan. Sabablari esa:

Tarbiya.
Yevropa (yoki Amerika) ga ko'chib bording degani, farzanding dunyoqarashi uchun kurash ochildi degani. Ya'ni sen unga uyda nomahramlarga qarama deb o'rgatsang, maktabi, qo'shnilari o'g'il bola o'g'il bolani sevib qolishi normal holat, deb o'rgatadi. Tarbiyaga O’zbekistondagi tengdoshlaringdan ko’ra 4-5 barobar ko’proq e’tibor bermasang, muhit o’ziga rom qilib oladi. Bolangni sendan sovib ketayotganini ko'rganingda, topgan puling ko'zingga xazon barglari bo'lib ko'rinadi.

Shaxsiy rivojlanish.
Bizda 1-2ta chet tilini bilib, 2 yil o'z ustingda ishlasang, tengi yo'q kadr bo'lib ajralib qolasan (aholining 5%i bo'lishing aniq).Tadbirkor bo'lsang g'arb, Rossiya yoki Xitoydagi yangiliklarni o'zimizda qo'llab, biznesingni rivojlantirib ketaverasan. Qarabsanki hammadan oldindasan. Xuddi shu ishni Yaponiyada (yoki Malaysiyada) qila olishing uchun 10 barobar ko'p vaqt ketadi.

Odamlar
Tanish-bilish (reputatsiya) shunday narsaki, uning qadri yillar davomida uzluksiz aloqa tufayli mustahkamlanadi. Yashaydigan yurtingni almashtirding degani telefoningni eng muhim tarkibi, kontaktlaring bir tiyin bo'ldi degani. Boshidan yig'asan endi. Yig'ganlaring ham qadrdonlaring kabi samimiy bo'larmikan?

U yerda navbatdagi bir Immigrantsan xolos. Odamlar seni ko'rganda o'o'o' demaydi. 3-5 yil yashaysan. Hayot hamma yerda bir xilligini tushunib yetasan. Vataningni sog'inasan. U yerda erishganlaringdan kecholsang qaytib ham kelarsan. Ko'pchilik shunday ham qiladi o'zi.

Minuslar ham yetarli. Lekin men uchun yuqoridagi pluslar, ularni bosib ezib qo'yadi. Shuning uchun ham biror davlatga borish kerak bo'lsa immigrant sifatida emas, turist yoki student sifatida borish tarafdoriman.

Man bu zo’r yangilik…
👇👇👇

Airportdagi o’zgarishlar

Tan olib aytish kerak, so’nggi 7-8 yilda juda katta o’zgarish amalga oshirildi. To’g’ri , hali kamchiliklar bisyor, ammo bu o’zgarishlar ham ancha katta qulayliklarni olib kelgan. Buni 10 yil avval sayohat qilganlar tasdiqlaydi.
Ular quyidagilar:

1. Katta bayroq.
Turistlar airoportdan chiqishi bilan ko’zi tushadigan ilk katta obyekt. To’g’ri qabul qilingan qaror

2. 2-qavat uchun avtomobillarga ruhsat.
Avvallari avtoturargoh oldidan yuklarni ko’tarib piyoda chiqish kerak edi.

3. Chegara nazorati postlarini ko’paytirilganligi
Avvallar 2-3 ta post ishlar va tabiiyki navbat juda cho’zilib, 40-50 daqiqa ketar edi. Hozir uzog’i 5 daqiqada o’tib olish mumkin.

4. Yashil yo’lak
Deklaratsiya qilinmaydigan yuklaringizni nazoratsiz o’tkazish. Bu ham vaqt, ham asab isrofini tajaydi.

5. Kutib olish zali
Qor yoki yomg’irmi, sovuq yoki issiqmi, shamol yoki qorung’umi, farqi yo’q. tanishingizni faqat ko’chada kutishingiz shart edi. Hozir esa bu muammo qisman bo’lsa ham hal qilingan.

6. Kengaygan Duty free do’konlari.
Har holda xilma-xil mahsulotlar va ularning turlari ko’paygan.

7. Namozxona va tahoratxonalar.
Bir paytpar buni ko’rish uyoqda tursin, xatto yozish havfli edi. Hozir ayollar uchun alohida, erkaklar uchun alohida ushbu xonalqar mavjud. Respect.

8. Airport taxi xizmati.
Eshikni tagidan arzon narhda rasmiy taksi xizmati.

9. Yangi kengaytirilgan ko’prik.
Airportga yetib kelish imkoniyatini kengaytirdi, hamda vaqtni ozaytirdi.


Hal qilinishi kerak bo’lgan holatlar ham mavjud:

1. Yuklarni kutish vaqti
Olib kelingan yuklarni kutish vaqti juda uzoq. O’rtacha 40-60 daqiqa vaqt talab qiladi. Shuni qisqartirish kerak

2. Jamoat transporti
Airportga olib keladigan jamoat transportlari kam.

P.s. Yana nimalar qolib ketdi…?

SAT darslarni o’zi yetarlimi?

Ko’p o’quvchilarda uchraydigan muammolardan biri shuncha-ki SAT testidan tashqari GRANT yutish uchun kerak bo’ladigan muhim ko’nikmalarni yoddan chiqarishlari.

Siz nafaqat SAT dan yuqori ball, balki GRANT yutishingiz muhim.

Bu borada biz sizga nafaqat SAT dan saboq beramiz, balki sizni kelajak uchun ham tayyorlaymiz.

📞Ma’lumot uchun:

+998 90 819 22 22

@sodiq_academy

Yaqinda uzoq davom etgan safardan qaytdim.
Bir tanishim juda ko’p narsalar olib kelgandirsan deb so’rab qoldi. Men esa, bir chemadon bilan ketib ikki chamadon bilan qaytganimni aytdim. U tabiiyki nimalar olganimni so’radi. Javobim esa uni hayratlantirdi. Bir chemadon kitob, ya’ni 86 ta kitob, 23 ta mashhur gazeta, 8 ta jurnal va ularni tahminiy narhi 1680$ ni tashkil qiladi. Shuncha pulga Iphone 15 pro max olsa bo’ladiku deydi.
To’g’ri aytyapsan deb barchasiga kulib qo’ydim…)

P.s. maktabdagi o’quvchilar maza qiladigan bo’lishdi…

Bo’ydoqqa maslahat

Uchrashuvda quyidagilarga e’tiborli bo’l

• O’zini chiroyli ko’rsatishga harakat qilmaydigan bo’lsin (Qanday makiaj qilganidan aniqlab olish mumkin)

• Qomatini berkitadiganini qidir.
(Keng kiyinganidan aniqlab olish mumkin)

• Qaysidur institutni tugatgan bo’lishi shartmas, lekin ilmga qiziqadigan bo’lsin.
(Oxirgi o’qigan kitoblari ro’yhatidan aniqlab olish mumkin)

• serial, ashula va vaynlarga qiziqss, izlashda davom etaver. 
(Bo’sh paytida nima ish qilishini so’rab aniqlash mumkin)

• artist, qo’shiqchi va vaynchilarni yaxshi tanisa, tanlovingni almashtirish haqida o’ylab ko'r
(Kimlarni yoqtirishi, kumirlari haqida so’rab aniqlab olish mumkin)

• silai-rahmni yaxshi ko’radiganni tanlash kerak
(Ota-ona bilan turish va alohida turishni +/- lari haqida savol berib aniqlab olish mumkin)

• ertalab ishga emas, bomdodga uyg’ota oladiganini tanla
(Asr namozini vaqti nechchida o’qilayotgan edi deb bilib olish mumkin)

Va eng muhimi o’zingni to’g’irlab ol. Shu savollarni ba’zilari senga ham berilsa javobing qanday bo’ladi.

Bomdod payti pishillab uxlab yotadigan bola soliha qiz qidirishi aptekaga kirib kolbasa so’rashdek ish…
(Unutma 24:26)

P.s. bu dastlabki xulosalar uchun kerak. Keyingi bosqich xulosalar uchun alohida post yozarman. Hafsala qila olsam albatta…

- Qishni yaxshi ko’rasanmi?
- Yo’q!
- Nega?
- Yoshligimda etigim bo’lmagan…

Telefon
Ba’zi tavsiyalar

1. Telefon qildingiz. Ko’tarmadi. Darrov yana qaytib qilmang. Agar shoshilinch bo’lsa, nega qilganingiz haqida SMS yozing. Qayta qo’ng’iroqni 20-30 daqiqada amalga oshiring.

2. Ikkinchi liniyaga tushsangiz, darrov o’chiring. Ko’targuncha kutmang. Ikki kishi suhbatiga aralashuv hisoblanadi.

3. Vaqtga qarang. Telefon qilayotgan odamingiz shu vaqtda aynan bir ish bilan band bo’lishini bilsangiz, qilmang balki biroz kuting. Misol uchun, namoz vaqtida telefon qilmang.

4. Odatdagi telefon qilish diapazoni 07:00-22:00.

5. Telefonni ko’targanida, gapni cho’zib yubormang. Biroz salomlashing va nega qilganingiz haqida darrov ma’lumot bering.

6. Agar suhbat uzoq davom etishini bilsangiz, avval sherigingizni ogohlantiring, ya’ni, tahminan 10-15 daqiqa vaqtingiz bormi deb so’rang.

7. Suhbatni “Alo” dan ko’ra, “Assalomu alaykum” dan boshlagan ma’qul.

8. Javob berilmagan qo’ng’iroqlarga, albatta qaytib qiling. SMS ga ham

9. Agar antena uziladigan joyda bo’lsangiz, yoki telefoningiz quvvati oz bo’lsa, avvaldan ogohlantirib qo’ying “telefonim o’chib qolishi mumkin” deb

10. Telefon uzulib qolsa, telefon qilganni qaytib qilishini biroz kuting. Qilmasa, keyin siz qaytib qiling…

Rasmiy SAT va IELTS imtihonlari endi maktabimizda ⚡️

"Sodiq School" o’quvchilari uchun super qulaylik! IDP IELTS test markazi va AQSHning COLLEGE BOARD xalqaro tashkiloti bilan memorandum shartnomasidan keyin yana bir dadil qadam tashlandi: maktabimiz endi Toshkentdagi rasmiy SAT test topshiradigan muassasaga aylandi. 🤝

Endi o’quvchilarimiz SAT va IELTS imtihonlarini maktabimizda topshirish imkoniyatiga ega. Bu esa natijalar yanada yaxshilanishiga yordam beradi deb ishonamiz. 🚀

Sodiq School: biz ilmga sodiqmiz, biz sizga sodiqmiz!

☎️ Bogʻlanish uchun: 788888080

Oson va qiyin

Shogirdlarimga doim aytib kelaman, agar sen bir ish qilmoqchi bo’lsang, senda doim ikkita yo’l bo’ladi. Biri oson, ikkinchisi qiyin. Sen doim qiyinini tanla.

Matematika jihatdan ushbu vaziyatda malsimum 4 xil holat yuzaga kelishi mumkin. Har birini alohida ko’rib chiqamiz.

1. Oson yo’lni tanlading va u o’xshadi.

Bu holatda sen ko’p foyda ololmaysan. Sababi, oson bo’lgani uchun seni raqobatchilaring seni qiynab qo’yadi. Bozor qoidalariga ko’ra esa taklif ko’p bo’lgani uchun ham foyda kam bo’ladi.

2. Oson yo’lni tanlading va u o’xshamadi.

Bu ishdan ko’p tajriba ololmaysan. Arzon xulosalarga ega bo’lasan. Sendagi bu xulosalar boshqalarda ham bor. Bu omadsizlik seni kuchli qilib qo’ymaydi, balki sindirib duhingni olib qo’yadi. Shu oddiy ishni ham eplolmadim degan ichki qo’rquv tufayli ancha depressiyaga tushib qolasan.

3. Qiyin yo’lni tanlading va u o’xshamadi.

Ikkita katta narsaga ega bo’lasan: tajriba va dars. Senda ko’pchilikka qiziq bo’lgan ko’p savollarga aniq javoblaring bo’ladi. Sendagi bu raqamlarni, xattoki sotib olishga tayyor insonlar topiladi.

4. Qiyin yo’lni tanlading va o’xshadi.

Tabiiyki, eng omadli holat shu. Bu seni ham muvaffaqiyatli, ham boy, ham kamyob insonlardan biriga aylantiradi.

Hech e’tibor qilganmisan, sahnadagi inson ko’proq mehnat qilganmi, yoki unga qarsak chalayotgan insonmi?

Blog, shorts, podkast tomosha qilish osonmi, yoki uni tayyorlash?

Post o’qib uni tanqid qilish osonmi, yoki uni yozib like olish?

Bo’sh vaqtingda instagram, tik tok da reels ko’rish osonmi yoki kitob o’qish…

Bu prinsipni nafaqat kelajakda sen qilmoqchi yoki tanlamoqchi bo’lgan kasbga, balki quyidagilarga ham qo’llasa ham bo’ladi:
Til o’rganish, institut tanlash, munosib juftni qidirish, do’st va ustozga ergashish…

Agar nima demoqchi bo’ganimni tushunmagan bo’lsang, senda ikkita variant bor:
1-si: bu postni tushunguncha qayta o’qish;
2-si: boshqa birorta vayn ko’rish;

3 : 92