#бугун_биз

https://t.iss.one/haqiqatonline

Ҳокимият вакилининг сочини олаётган профессионал сартарош сўрабди:
- Нега шунча ишласаларингиз ҳам муаммолар тугамайди?
Киши озгина ўйланиб жавоб берибди:

- Тасаввур қилинг, соч олиш учун ишлатадиган ҳар бир инструментингизни қўлланилишини ёзма шаклда исботлашингиз ва тушунтиришингиз керак, ҳар бир одамнинг сочини олиш бўйича кунлик, ҳафталик, ойлик, чораклик, йиллик, 3 йиллик, 5 йиллик режалар ва истиқбол режаларингизни тузишингиз лозим. Сочни ювиш тартибини, шампунь ва бошқа соч учун косметик моддаларни изоҳлаб ёзма ҳисобот тайёрлашингиз керак.

Бу ишлардан ташқари Сизнинг статусингизни белгилаш “Бош ювиш ва сочга эътибор” каби мавзуларда маъруза қилиш ҳамда “Соч олдириш ахборот технологиялари шароитида тарихий урф” мавзусидаги семинар ва конференциялардаги чиқишларингизга мижозларингизнинг фикр-мулоҳазалари, тақризлари асосида белгиланади. Юқоридагиларнинг қарори асосида ўткир тиғли қайчидан фойдаланиш тақиқланади.

Ҳар ойда бир неча марта назоратга миссия келади. Ҳар бир мижоз билан “аввалги ва кейинги ҳолат” ҳақида сельфи қилиб, расм чиқариб, уни ҳисоботга қўшиб тикиб, комиссияга топширасиз ва бу ҳақиқат эканлигини оғзаки суҳбат ўзингиз ёки салон раҳбари билан бирга исботлаб беришингиз керак. Даврий равишда ҳар бир мижозингиз ва қўшниларингизнинг коммунал тўловларини тўлашаётганлиги ҳақида маълумотномаларини тўплаб, топшириб боришингиз керак. Яна баъзида мижозларингизнинг уйига бориб, уларнинг сочлари яхши ўсаётганлигини, муаммолари йўқлигини, ҳеч қандай психологик ёрдам керакмаслигини сўрашингиз керак. Ундан кейин ишдан бўш вақтингизда яна ...

- ТЎХТАНГ, ЕТАДИ!!! Сочни қачон оламан?!! - дебди...